榕記陳皮燒鵝 (得寶商場)

營業中

休息中

之前食過灣仔 陳皮燒鵝感覺就麻麻今次係九龍灣嘅 陳皮燒鵝唔知兩間係咪好似三哥同譚仔咁嘅關係呢？!🤷🏻‍♀️🥢原隻燒鵝脾飯 (轉瀨粉)$128 呢個價錢，相比乳豬雙拼，CP值唔夠高，鵝脾未係我心目中的size，應該可以再大隻D，皮下少少肥膏，皮脆口，過得去。瀨粉正常爽滑。🥢脆皮乳豬拼叉燒飯乳豬有驚喜，皮脆不算肥，可以成塊入口都不致罪惡感，叉燒幾淰，最主要以$75 嚟講，份量唔細，早知叫多份乳豬拼燒肉啦。#榕記陳皮燒鵝#燒鵝瀨#燒鵝脾#乳豬飯

美式大份早餐😻 雞扒全日早餐是一種常見的早餐選擇，通常包括炸雞扒、配菜和一份主食，茄汁豆，這道早餐給人的第一印象是豐盛和美味，但具質量和口感首先，炸雞扒是這道早餐的主角之一。一個好的炸雞扒應該具有酥脆的外殼和嫩滑的內部。外皮應該呈現金黃色，有著香脆的口感，而內部則應該保持多汁和味道豐富。如果炸雞扒過於油膩或口感乾燥，那麼它可能不符合高品質的標準應該它應該能夠提升整體的風味，而不是壓倒其他食材的味道，加埋杯完美餐茶，非常滋味早餐

榕記陳皮燒鵝 (九龍灣)九龍灣牛頭角道3號得寶商場地下A1-2號舖✿✿✿✿✿✿✿✿✿✿✿✿✿✿✿✿✿✿✿✿✿✿✿✿好耐冇幾日返娘家住幾日，就可以係附近食下早餐啦。😋😋😋😋😋😋😋😋B.招牌牛肉沙嗲公仔麵-飲熱奶茶 $36（配火腿炒滑蛋+Top One丹麥酥）C.雪菜肉絲米粉-飲熱奶茶 $36（配火腿炒滑蛋+Top One丹麥酥）😋😋😋😋😋😋😋😋總結🤓食物質素一般啦。冇乜特別之處。成間舖頭都好大浸油煙味好臭。需要改善。

📍九龍灣 榕記今日嚟到一間好出名嘅燒鵝鋪，不過我哋今日唔係嚟食燒鵝，而係食佢嘅早餐。，佢係位於德寶商場嘅外面，好容易就會見到。沙嗲牛肉麵套餐我同男朋友就叫咗兩個唔同嘅餐，我就叫咗沙嗲牛肉麵，而佢就叫咗五香肉丁公仔麵。兩個餐跟嘅嘢都係一樣嘅都係有炒蛋、多士仲有一塊火腿。佢嘅多士並唔係一般嘅多士，而係丹麥酥，所以非常特別，以呢個價錢嚟講非常之有驚喜。而沙嗲牛肉麵同埋五香肉丁麵嘅軟硬度啱啱好，唔會太淋都幾爽口，性價比非常好嘅早餐，值得推薦，住得近或者經過附近嘅人不妨可以嚟食吓。٩(˃̶͈̀௰˂̶͈́)و味道：🐱🐱🐱🐱環境：🐱🐱服務：🐱🐱CP值：🐱🐱🐱٩(˃̶͈̀௰˂̶͈́)و

味道只能说还可以的，服务很快，但是付款的时候用不了八达通，只能现金、微信，购买的双拼，没想到鸡比鹅味道哦还要好一些，哈哈哈，虽然是10点左右去的，但是店里还有人，服务的叔叔阿姨都很快能找到，店里的空间还是很大的，早上经过的时候就有很多人排队购买。店里风格整体亮亮堂堂，位置也很好找，店铺招牌很大。柠檬茶和热可可味道只能说是正常的，如果肚子非常非常饿，是可以来吃，分量还行，就是米饭有点点硬，两个人吃起来应该可以吃完。

A. 火腿絲通粉 HK$36.00 （配熱朱古力）配火腿炒滑蛋 + Top One 丹麥酥這些是我們週日返教會前必去的茶餐廳。沒甚麼特別，勝在水平穩定，價錢公道。The food in this restaurant is maintaining a formal & original Hong Kong style Tea-Restaurant. It's good to have a try and know such local taste of Hong Kong.

今次同同事嚟咗呢一間餐廳食晏，事緣我好想食燒鵝🤣呢度似茶餐廳佈局，話好舒服就講唔上，不過都唔算好迫，唯獨是個抽風做得比較差，油煙味幾勁～店員態度都一般般啦～我二話不說即刻叫咗一個燒鵝叉燒飯 ($60) ，呢度嘅叉燒可以揀肥叉同瘦叉，口味獨特嘅我選擇咗瘦叉，我覺得叉燒嘅質素都正正常常，雖然都切得有少少薄，但份量唔少，有7,8塊，而燒鵝我覺得佢整得唔錯，外皮略脆，肉質軟嫩🤤佢嘅汁亦帶有好香嘅陳皮味，滲哂入個飯度🤣午餐當然都會有埋嘢飲啦～整體嚟講我覺得食燒鵝都唔洗$70，食物算合格啦😆

天氣太熱，晚上煮飯要出一身汗，又唔知食咩好；近近地去淘大榕記食燒鵝。講下環境先，抽氣唔夠，廚房啲煙出哂黎四寶飯叉燒賣相靚，好好味雞太肥，燒肉個皮好脆乳豬燒鵝飯乳豬有啲騷味，個皮夠脆燒鵝方面，皮脆味道ok，但師傅刀功唔得，切到好碎跟飯有菜脯拌碟，菜脯幾好味。

29/01落街買野見呢間野試業咪入去食個下午茶試下囉…鏞記酒樓鏞記蘭亭閣VIP廳成日同客去食因為大家都系愛燒鵝之人今次就試下呢間榕記啦🤣😂入到去望左望餐牌發現定價都幾進取所以影底，唸住叫燒鵝瀨樓面話瀨買曬得返河/米粉就叫左河,樓面態度明顯系Hea做, 等左幾耐終於嚟今日成碟都系胸肉+翼最難食果舊肉隻鵝應該好老食落超柴咬到牙都軟🙈個汁堅系有小小陳皮味！之後13/02再比次機會距試多次樓面服務態度依舊都系無禮貌Hea做,點知今次既鵝食落肉質又系死柴😬跟嚟果碟好明顯系下欄野左搭左搭拼嚟😵呢間垃圾一定無下次！同區要食燒鵝/鴨我一定會行去大爺食好過😂

今日去樓下試下新開的店，見舖頭啲燒味幾靚，叫咗招牌燒鵝飯下午茶$42，味道可以燒鵝夠肥美，飯盒份量還好，但舊舊肥膏叫人點食？街坊生意，期望都做好招牌有回頭客，大家食得開心啫。

我阿爸今日去呢間嘢買燒鵝半隻，夠膽死鵝脾抽起咗！依間舖頭千祈唔好幫襯，非常唔老實，斬鵝果陣時將個鵝脾，抽離抽去又放上邊砧板又放落下邊砧板。原來係冇放入我個外賣盒

PS: 第一次俾負評人哋 幾難食嘅嘢都接受到 但係絕對接受唔到咁樣嘅服務態度以呢間嘢的食物水平絕對唔容許有咁樣嘅服務態度。服務態度已經唔係差咁簡單係趕客🤔特別係負責收銀嗰一位男員工 收銀俾錢完全唔會同你講一句嘢 同埋你反映問題嘅時候佢啲態度完全係垃圾服務態度咁樣自然可以相信內部嘅衛生環境係有咩回事？ 已經係有幾班朋友去食過 全部都話員工趕客所以先會喺度專登留言如果考慮想食呢間餐廳嘅朋友睇咗呢個留言之後你哋可以想像 有咁樣嘅服務態度餐廳內部衛生環境自然都存在着風險啦員工有咁樣嘅服務態度其實係咪老闆得罪咗佢哋？ 佢哋擺明係唔想有生意做咁款喎

今晚第一次試，新開張不久見人客不多盡管一試，帶有期待的燒鵝質素一般不重要，重要係晚上1930已經沒有叉燒和燒肉(但只得一半以下食客)， 最後叫了乳豬油雞和燻蹄， 份量實在是偏小的，乳豬切得很薄很小得4小片，燻蹄份量也很小，油雞則很普通沒有特別，感覺所有店員都無心戀戰， 沒工作的時侯寧可在水吧前吹水也不會主動招呼門外準備入座的客人，特別有個男店員之態度極之趕客(其他女店員尚算正常)，店主新開張期間請著呢個男夥計幫佢倒米😓😓

呢個舖位之前係十六座車仔麵喺淘大商場行返去牛頭角方向，見到德寶商場就到舖面好企理，唔似一般燒味店咁有啲歲月痕跡(都可能因為開咗幾個月)重點係佢哋嘅燒鵝真係好好好好正！我本身係唔中意食燒鵝嘅人，因為出面食到嘅燒鵝好多時都好柴皮，乾身，仲會有啲肉腥味但呢個陳皮燒鵝係：超級嫩滑，勁juicy，油分啱啱好，唔膩，仲有陣陳皮香，個皮又唔會韌(好多時都仲脆脆地)因為佢每日都keep住燒，一出就好快賣曬半隻一家四口食啱啱好！

得寶有三間賣燒味既店，呢間就比較大同埋感覺好似會好食同乾淨啲，每次行過都見幾多人幫襯，咁就叫老公買兩個燒味飯返屋企食，佢係包熱飲既。我叫老公買一個乳豬飯($65)，因為唔係到到有乳豬飯食。有九件乳豬，我其實好中意食乳豬，因為脆卜卜好香口，份量都還可以，肥瘦適中，正常發揮。跟飯有條菜同少量菜脯，飯煮得ok，起碼唔係佢樓上個間餐廳啲飯咁未煮熟，所以整體我覺得ok既。老公叫左燒鵝飯($53)呢間店既名有燒鵝兩字，明顯燒鵝係招牌啦，可能燒鵝貴，有一半分量係皮同骨，得三舊係有肉，感覺唔抵食。不過燒鵝鵝味係出既，但係佢唔算話燒好香，唔似其他燒味舖個啲有一種荔枝木燒嘅香味。整體而言都可以，味道正正常常，只係份量少左啲啲。見佢有金牌叉燒，下次可以試下，佢既燒味飯價錢算係正常，叉燒或雞飯外賣係$50有找，其他都係$50-70呢個range，包熱飲，中規中矩啦。.味道 ★ ★ ★ ☆ ☆環境 ★ ★ ★ ☆ ☆價錢 ★ ★ ★ ☆ ☆