樂景快餐店 (已結業)

老字號「 樂景快餐店 」🥲已結業由1978年開業陪伴唔少港島人成長就連我呢隻西貢牛屎妹🐂都光顧過無數次數數手指🤌🏻 應該由2012年開始幫襯🥡2023年要結業真喺非常婉惜🥲🥲🥲舖面其貌不揚 🌀 一眼睇晒左邊 牆身貼上大大塊餐牌📜右邊 貼滿飲食男女/其他報紙雜誌介紹專欄📰✌🏻張充滿歲月痕跡摺枱走不羈風格開放式廚房 🤣廚房煮咩 🐻身上就咩味價錢相當平民實惠雖然忙不開交😵‍💫💨💨💨但仍充滿人情味 🫶🏻 氣氛毫無壓迫感包括中場休息擔住口煙🚬唏噓嘅店員👨🏻語氣都相當溫柔「 啊妹隨便坐 想食咩？ 」( 各位 ! 我差點戀愛了😂😂 )⁡🤎 招牌菜 💛除咗生炸雞髀雞翼 同 大量平價碟頭飯之外仲有我至愛🤎️港式地道🍔芝士漢堡蛋包🍔 $23-全人手製 🤜🏿手打牛肉漢堡扒🤛🏻 真材實料！肉質非常鬆軟 🤎 內裏加入碎牛、洋葱🧅牛味極為香濃內裏仍保留肉汁💦💦咬落有些少根😬每一口都喺滋味✨ ✨ ✨⁡漢堡包會預先擺喺鐵板上反覆輕輕煎過包邊 微微焦脆；包心 金黃色再煎漢堡扒🥩 & 雞蛋🍳 .. 最後連茄汁🥫+芝士🧀一齊組合師傅一連串動作爽快利落 過程令人目不暇給最後 外賣放入白底紅字紙袋🥡極具懷舊港式風味🇭🇰👋🏻👋🏻

喺灣仔開業45年嘅樂景快餐做埋今個禮拜就光榮結業，呢類快餐小店已經買少見少，一見個裝修就諗起以前“香港八幾”嘅銀禧小食店，懷舊滿滿，如果有興趣嘅話不妨來把握最後機會……😋🍔🍟🍗可能寫一篇食評已經太遲，因為已經係結咗業，不過唔緊要希望可以 批核留番個美好回憶……😥😥芝士蛋漢堡，生炸雞髀，茄汁豬扒意粉，黑椒牛扒飯，星洲炒米，乾炒牛河，豉椒排骨河，羅宋湯……大部分美食都唔過$50.....😋😋

Hong Kong used to have a lot of these greasy spoon places serving fast quick fries for takeaway. Things from noodles to hot dogs to burgers. All fast, made to order and piping hot. But over time, more and more of these places closed up. The latest one is  樂景快餐店 (English name:  Lucky Snack House). A tiny hole in the wall in Wanchai, this place has been in business for over 40 years. But as there is no one to take up the business (as is usual in Hong Kong), they are closing.We decided to grab one

The signature product is "Deep Fried Chicken Leg", the size was not particularly big but the skin was crispy and the meat was juicy. The set goes with a delicious wavy French Fries - so crunchy, and a simple hotdog. Another must-order is the "sausage and egg cheeseburger", handmade everyday is the beef patty, with milk bun and made-to-order sunny side up, cheese and ketchup. homey flavours. There's not much delicacy or bold flavours, but its that simplicity that tells you what Old Hong Kong tast

睇雜誌講樂景做埋今年就會結業...同事們就話點都要食下...辛苦同事大熱天時行去外賣自取...生炸雞脾真係冇得輸~!皮脆肉嫩~好juicy!!!芝士漢堡一個字形容~!掂!!!漢堡扒一食就知手工野...好濃牛肉味!!!講真...越來越少呢D有年資同有味道既小店...有機會就要再幫襯多D...

📍樂景快餐店 @ 灣仔ღ 炸雞脾配薯條配漢堡包 (加芝士&蛋) $53我會話呢間野有齊最邪惡嘅組合🥺呢個價有齊3樣嘢仲要係灣仔價 抵到爛 \(//∇//)\我表示自己去買外賣真係夠晒麻甩haha但係食完就覺得值啊！雞脾醃得剛剛好 而且炸完都唔會太過油膩～薯條係用粗身曲薯條🥰但稍嫌唔夠脆漢堡係港式經典口味 唔洗講一定要加埋太陽蛋😛最後我係一個人清晒全部 就真係有啲滯嘅(〃ω〃)間野係港式快餐feel 仲有好多平價碟頭飯 想試！回頭指數😼3/5（好麻甩但真係好heavy(*'▽'*)

好多年前重係灣仔翻工時已經成日幫襯，啲快餐平靚正，大件夾抵食，佢嘅懷舊漢堡包🍔都係好出名。但佢多年來令我念念不忘🤤就係佢嘅炸脾薯條$30雞髀🍗大大隻炸到外脆內嫩，咬開唔鞋之餘重要好有肉汁。而薯條🍟用波浪薯條，即叫即炸，脆卜卜，好香口！真係好好味，每次只要經過灣仔，都會行過去幫襯嫁🤤🤤由於鋪頭面積唔大，只有2張枱，我一般都係外賣去隔離食。推薦？🟡🟡🟡🟡🟡平靚正之選，舊香港嘅小店好價得支持

屈指一算都有好耐嘅日子無嚟過呢間快餐店，對上一次已經係起碼十年八載之前，今日再次過嚟，久別重逢，都係要食佢嘅隱秘手搓漢堡包人面依舊，隱秘嘅做法依舊，味道依舊，價錢依舊係經濟實惠，唯獨是歲月催人，舖內嘅陳設都比以前嘅殘舊不少，牆壁上除咗貼滿了雜誌介紹嘅美食，更添加咗一張「安心出行」嘅二維碼@@其實除咗漢堡包之外，都仲有好多其他炒粉麵飯，小食等等，價錢比一般茶餐廳要平，下次過嚟希望可以試吓佢嘅其他嘢！

位於小巷的一間懷舊小食，絕對值得香港人一次又一次的幫襯。看了食評一次有一次寫出經典的雞蛋芝士漢堡果然名不虛傳。每次都是即叫即做，手打牛肉加了洋蔥，雖然只是加了廠出的芝士，吃下去一啖又一啖的牛肉香味，非常彈口，漢堡包內有茄汁，雖然不是本人喜歡的這個漢堡，但係是非常獨有的香港人口味。整件事性價比十足，再加上夥計十分有禮貌，在短短等待外賣的時間也會和食客交談講笑，非常值得推介。當然不要和五星級酒店的比，這是香港十足的味道。

手打牛肉芝士漢堡+炸雞髀+波浪粗薯條+熱奶茶 $45呢間茶餐廳都有幾十年歷史喇，牆上貼滿咁多年嚟嘅訪問/報導，不過真係好少位，同埋油煙好勁，我諗多數人都係外賣。餐牌食物多到眼花撩亂，好似係一般茶餐廳嘅double咁。當中最吸引一定係呢個set，一次過滿足幾個（邪惡嘅）願望。我就係喺社交平台見到人哋啲食評，之後就同朋友嚟嘅~全部嘢食都係即叫即整，薯條脆，漢堡牛肉腍，望住街景嘆埋杯奶茶，呢一個茶餐，我會形容係屬於香港嘅味道。最鍾意就係幫襯舊區小店。  樂景快餐店地址：灣仔巴路士街17號地舖

“芝士蛋漢堡”($21)喺灣仔食個lunch閒閒地都六,七十蚊起跳,過百都係常見事😖其實想平食都有唔少選擇嘅😆好似呢間地道港式快餐店咁粉,麵,飯餐都有提供,大多數都係大約四十蚊😝同埋想講呢道嘅員工雖然都係已經上年紀嘅叔叔嬸嬸但做嘢超快手,嘢食由落單到送上枱唔駛5分鐘😆每次嚟都會食呢道個芝士蛋漢堡🍔漢堡包入面夾住荷包蛋🍳,手打牛肉🐮,芝士🧀同茄汁🍅隻蛋食落都仲有蛋汁😋牛肉食落肉味算香而且唔會煎到太乾☺最特別係入面仲加咗洋蔥食落好香口🤤味道雖然簡單但已經夠好味😝下次再嚟食嘅一定會試埋隻鹵水雞髀😆

經過灣仔，看看附近有什麼好吃的漢堡。看到有一間地道快餐店，就試一試芝士蛋漢堡吧！我看到這個價錢，以為是10年前的價錢， 21蚊芝士蛋漢堡，抵！即叫即做，去到時大概12:30 ，午餐時間，門前排了大概10人，我只點了一個芝士蛋漢堡，等了大概5分鐘就有了！店裏有兩張枱，大概可以坐四人吧，我們只吃漢堡所以沒有現場吃。是最喜歡的傳統漢堡麵包，香脆新鮮，漢堡不太像牛肉，但很好吃，但是流心的煎得很香很好吃整體來說10分抵食！

大食妹係一個好鍾意食地道野嘅人去到邊度都會嘗試食嗰個地方嘅經典菜式可惜近排冇得去旅行, 唯有喺香港四周圍覓食今次就帶大家嚟一間價廉物美嘅港式快餐店-樂景快餐店<芝士漢堡蛋包>嚟到食快餐嘅地方, 當然要試吓嗰度嘅漢堡包今次大食妹就嗌咗份經典嘅芝士漢堡蛋包值得一讚嘅係, 快餐店嘅出餐時間真係好快由嗌嘢食到出餐都只要3分鐘漢堡包裏面有荷包蛋、手打厚切牛肉同埋酸酸嘅茄汁漢堡牛肉嘅牛味十足, 而且比起美式快餐店嘅漢堡扒更加juicy<滷水雞髀餐>朋友就嗌咗份滷水雞髀餐雞髀好有肉地, 而且滷得好入味除咗雞髀外, 套餐仲包括一隻熱狗、炸薯條同飲品熱狗份量唔係好大, 裏面包住條廚師腸至於薯條就係即炸嘅彎曲粗薯條, 非常有香港風味

今日經過灣仔餓餓地， 唸著食小小野控頂著個肚先🤪之後見到附近哩間漢堡好似係神級老店， 於是我就把心一橫去試試，去到店面好細，得4個位，比部份既店員坐住左，因為多數黎既人都係叫外賣走既，所以佢地見到我陌生又無耐既樣，就即刻讓左位置比我😌坐隔離既老街坊叫左我去落左單先，咁我就去買左個芝士蛋漢堡$20加熱奶茶$8，好耐冇食過咁平既野食！心入邊不禁有感嘆，不愧係老店！拎左個漢堡緊係影左先食啦！.大家都好好奇點解我要用咁大篇幅講前題？因為我對食物大部份都係失望既感想，所以想同大家講講環境，免得全篇都係負評。.漢堡入邊既芝士凍冰冰，完全冇溶芝既效果，塊肉餅就充滿肥膏，肉味不足，本人懷疑佢係咪拎平時賣剩左既肉去打成肉餅......個醬冇野好講...只係普通蕃茄醬...塊包冇烘過...軟冧冧隻蛋係流心既....不過味道食落係大陸蛋...令我好驚係咪湖北蛋😭早知叫全熟熱奶茶好貼心咁幫我落左糖....但係太過甜了所以我飲吾唒

樂景快餐店是以平民港式漢堡店為主，主打漢堡扒更是全人手製，而漢堡包也會先烘過，令包更香脆。位置港鐵灣仔站 A3 出口, 步行約6分鐘相當方便。店內地方唔算大，只有3張枱可供堂食(約可坐8個人)，而且冷氣比較弱一點。以開放式廚房，所以油煙會比較大，但又正正呢個原因，看到他們的小炒是多麼的夠火喉(雄雄烈火)。店內使用方形小枱子，茄汁、醬油可以自行添加；另外地方較細其他位置都放置了一點雜物。樂景快餐店更有全日供應經典套餐(豬扒、牛扒、雞批等...)配上熱狗、薯條。亦有早餐、下午茶餐選擇。小炒亦很廣泛，你想到小炒基本上都可以找到。全日供應經典套餐(雞批、熱狗、薯條) - $40樂景仍用最傳統的坑紋薯條，一直都覺得呢款薯條較好吃，但已經越黎越小地方可以吃到了。熱狗包配沙律醬夾腸仔，看似平平無奇，實質麵包腸仔經過烤焗後變得香脆，即叫即做係唔同d。樂景的炸雞髀相當肥大，而且味道十足。雞脾炸得外皮香脆，內裡還保持著肉汁充沛，又不油膩。最後會撒上一點淮鹽，令味道更加特出。