影片
🍴今日又約左男友去咗尖沙咀行街，行到重慶大廈地庫見到都幾多野食，但前一晚我哋食得太飽，見到Treehouse個餐牌係啲健康輕食，我哋就坐低試左幾款素食。🍴我哋叫咗個Treehouse platter，入面有酸種捲餅、酸種薄餅脆片、孝天貝、炸鷹嘴豆波波、雜錦醃酸菜；沙律菜🥗有羽衣甘藍、羅馬生菜、香烤甜椒🫑等等，配烤蒜蓉鷹嘴豆泥同中東芝麻醬超夾，食落好爽，一啲都唔膩。🍴卷餅餅皮咬落煙煙韌韌，落咗啲天然香料調吓味，但唔係啲重口味嘅香料。我將餅皮同沙律菜捲埋，然後點醬嚟食。幾特別嘅係切成心型既孝天貝(Grilled tempeh）同炸鷹嘴豆波波，咬落好香脆。🍴我哋仲叫咗一個Regular Pine🌯，係用酸種發酵而成既捲餅，入面落咗啲中東香料、食材就有蕃茄、青瓜、混合橄欖、薄荷葉、沙律菜等等，又係咬落煙煙韌韌，fresh得黎都頂到下肚，最啱啲減肥人士。🍪最後仲試左夏威夷朱古力曲奇，雖然唔算平，但真係好好味，唔甜又低卡，超邪惡😋🍴想輕食得黎又飽肚，黎呢度又多個選擇👍🏼
繼續閱讀
黎之前完全唔知道重慶大廈隔離有呢個地方而裡面係有咁多各式各樣既餐廳係尖沙嘴返工既朋友可以發掘下呢度啦！今日揀呢間素食餐廳 🌱如果有睇開我啲食評會留意到呢排我係大魚大肉左啲 😄年紀都唔細啦🥹 係時候食清返少少呢度個menu用色清新，單係睇圖都feel到呢度既飲品食物都係健康指數爆標avocado...kale...tempeh...sourdough...kombucha呢啲健康食品鐵腳黎架我地兩個女仔叫左個banyan salad bowl、regular既pine sourdough flatbread、double chocolate walnut brownie同埋兩杯lemonade素食地方都唔係好多會serve tempeh（天貝）呢度有我係幾surprise既 👍最鍾意佢salad裡面配搭既sourdough flatbread，好香麥味同埋配合佢自己獨門既spice配方，健康又唔會太寡呢個wrap入面既蔬菜好新鮮 💦啲青瓜好爽甜配搭薄荷葉原來咁夾 🥒咁唔少得要個甜品點綴下架啦呢個brownie好大件，仲要係好重手過種，食落係好dense既朱古力味 🍫walnut補腦，錦上添花～呢杯lemonade感覺上都係手工之作，唔太甜又有啲lemongrass既香味～
繼續閱讀
同素食朋友食飯，喺尖沙咀搵咗間素食餐廳，喺重慶大廈地庫原來有一個food court嘅地方之前都食過這間餐廳的其他分店treehouse有好多容易接受的素食我就要咗一個burger，朋友就要咗 一份 捲餅Tundra外貌好似一個真嘅漢堡跟餐叫咗個番薯條 + 沙律菜 覺得好特別番薯條甜甜的另外有覺得好環保， 沒有過多的餐具漢堡真係好似真肉， 感覺結實唔會散裏面蕃茄同埋生菜都好新鮮朋友要咗個捲餅跟湯同埋嘢飲湯覺得味道好像薯仔湯配有一些蔬菜， 沒有一般西餐的油膩捲餅裏面有好多蔬菜同埋有好多醬汁，所以食菜都唔會覺得好寡整體覺得 food court環境好乾淨食多些蔬菜素食令到自己 整個人都覺得好健康
繼續閱讀
📍樹屋 (尖沙咀)尖沙咀彌敦道36-44號重慶大廈heath慶方地庫S28號舖👉烤蘑菇紅菜頭漢堡💰118😋😋😋😋.8/5呢個漢堡真係好特別，紅菜頭同蘑菇嘅搭配，口感滑溜又有咬口。上面嘅香蒜奶油醬，味道濃郁，令整個漢堡更添風味。配搭新鮮嘅蕃茄生菜片，咬落去真係爽口，食完之後令人意猶未盡！👉combo厚切番薯條& 香茅薄荷檸檬特飲💰50😋😋😋😋.8/5厚切番薯條外脆內軟，香甜可口，真係一口接一口停唔落嚟。每條都炸得金黃香脆，仲可以沾上醬，味道更上一層樓！呢杯特飲清新又提神，香茅同薄荷嘅香味交融，檸檬嘅酸味更添清爽。飲落去好似行喺夏日陽光下，心情都變得好好，飲完都令人神清氣爽！👉BANYAN💰88😋😋😋😋.8/5呢個烤天貝真係好味，外脆內嫩，每一口都有豐富嘅香味。搭配嘅香炸茄子同印度岩巴醬，味道層次分明，食落去唔會膩。配上蕃茄片同椰菜，真係一個健康又滿足嘅選擇！👉combo是日餐湯& Ginger Lemongrass Tea💰50😋😋😋😋.8/5係 南瓜素湯，呢碗湯温帶有淡淡的南瓜香味，面頭仲有啲天貝係到😋😋Ginger Lemongrass Tea呢杯姜香香茅茶，味道清新，帶有一絲微辣，飲完之後感覺好舒服。香茅嘅香氣好撲鼻，仲有消暑解渴嘅效果，真係一杯好飲嘅健康飲品，適合任何時間享用！回頭: yesyesyes，雖然佢係素食餐廳，但係你食落感覺味道唔會好單調，而且勁有滿足感😋😋😋
繼續閱讀
有時候想清清腸胃，食素食係一個唔錯既選擇，最近就去左heath既【Treehouse】食左個lunch+下午茶，尖沙咀heath分店係food court形式。Tundra Burger：素漢堡扒用南瓜同穀物混合，口感紮實帶天然甜味，純素芝士融化後creamy感十足！醃辣椒微辣提味，加上新鮮生菜、番茄同紅洋葱，層次豐富得嚟又好清爽。 麵包烘得微脆，整體配搭平衡，完全唔覺係素食！Pine Sourdough Flatbread Wrap：Signature酸種薄餅煙韌有麥香，包住素食乳酪、番茄、青瓜、橄欖同薄荷，味道酸酸甜甜超清新！橄欖鹹香同薄荷涼爽感意外地夾，夏天食真係透心涼～Carrot and Ginger Soup：甘筍天然甜味突出，薑味溫和唔嗆喉，打成幼滑濃湯好暖胃。純素版本但依然creamy，飲完成個人都好舒服～Macadamia Chocolate Chip Cookie： 外脆內軟，夏威夷果仁香脆，加上椰子蓉、香味濃郁、朱古力粒微苦、上面加左D海鹽，鹹味同甜味well balanced。Lemonade：Lemonade入面加左香茅同薄荷、非常清新解膩。
繼續閱讀
您可能會有興趣的...