影片
付款方式
其他資料
當面支付
以上資料只供參考, 請與餐廳確認詳情
平時帶小朋友上堂，一定經過駿業街，最近嗰度新開咗間檸檬冰室，啱晒我哋上堂後去醫肚！ 環境都寬敞，2點去到都坐滿咗8、9成，因為價錢合理、食物質素又高，連嘴刁嘅細妹都話想再encore。鮮茄菠蘿焗厚豬扒飯 真係無得輸，厚切豬扒肉質嫩滑、啖啖肉。炒底(飯)粒粒分明唔太乾身，仲有大大片菠蘿同蕃茄。 另外都有點 鮮菌芝士焗海鮮飯，份量都唔少，芝士味香濃。家姐話想食燒鵝髀(好識食呀)，好彩呢間檸檬冰室有燒味部，加咗$20 轉做鵝髀瀨粉，唔多肥膏，點埋酸梅醬一齊食太滋味。絶對係香港經典菜式之一，一定要試！ 細妹又想食雞髀薯角，即叫即炸又炸得香口，外脆內軟。經典黑牛 （朱古力雪糕加可樂）同 白雪公主 (雪呢拿雪糕加雪碧) 每杯都只係需要加$18，所以就咗俾小朋友開心吓，真係超大個杯，大滿足！
繼續閱讀
今日和同事去觀塘見客，之後經過中海日升中心，見到檸檬冰室開咗分店，餐廳裝潢都係同其他分店一樣，以檸檬黃色為主，環境光猛，座位舒適。豉椒肉片炒河：份量十足，炒得好有鑊氣，肉片很腍,豉椒味道濃郁,河粉滑身十分惹味,星洲炒米：材料有蝦仁、蛋、火腿、韭黃等十分豐富。爽口嘅米粉散發淡淡咖喱香，入口帶有少許辛辣味道，相當惹味！茄子斑腩煲：茄子色澤鮮豔而口感軟滑；魚塊外層酥脆內裡肉質細嫩，配合上爆香後的醬汁炒勻，香辣可口！鮮茄菠蘿焗烤豬扒意粉：豬扒肉質鮮嫩，搭配酸甜可口的番茄菠蘿，茄汁甜中帶酸，還加入洋葱和芝士，無論味道和口感也有豐富層次。檸檬雪碧：味道清新，啖啖都有檸檬青檸味。雪糕紅豆冰好大杯，紅豆份量十足，口感林甜，加埋雪糕口感更順滑，味道更甜美。
繼續閱讀
因為鋪租一事令到大家都好熟既檸檬冰室終於開業，今日黎開觀塘專登兜過黎試下佢。下午茶時間人流唔算好多，大概坐到6/7成左右。首先當然要試一試佢既波蘿油先，13蚊一個又唔算貴喎！ 新鮮出爐個包仲係暖既，正！酥皮香脆而個包係軟熟既，但略嫌塊牛油太薄，唔用手整開都見唔到。。。另外叫左個滑蛋叉燒飯，份量好足！估唔到下午茶都甘大份，滑蛋摭左一部分，厚切叉燒足足有六舊！肉質算幾好既，而滑蛋都炒得唔錯。可惜色水比較少，成碗飯好似無落汁甘，扣左少少分。整體黎講係幾好既，下次黎可以試下佢既午餐。
繼續閱讀
呢間檸檬冰室喺位於觀塘駿業里中海日升中心地下 ，前身喺紅茶冰室。兩間比較，我較喜歡而家檸檬冰室 ，店內光線充足 ，以黃色做主題 有一種煥然一新的感覺 ，自助斟水區亦很企理乾淨我叫咗招牌沙嗲牛肉即食麵 配牛乳炒滑蛋、檸檬餐包加凍檸檬茶沙嗲牛肉即食麵滿滿牛肉蓋過湯碗 ，沙嗲汁有淡淡花生香味濃而不咸 ，牛肉味好重嫩滑冇渣 ，牛乳炒滑蛋我轉咗太陽蛋，太陽蛋煎得恰到好處 ，晶瑩蛋白和半熟狀態蛋黃喺完美組合 ，早餐跟餐飽有別於其他冰室半片牛油麵包 ，檸檬餐飽果然係有淡淡清香檸檬香味，一口咬落去麵包超軟熟 ，好好味😋 早餐推介
繼續閱讀
新開呢間茶餐廳，今日lunch去咗試。服務態度好，食物比較健康，味道比較清淡。芝士焗牛丸意粉 $58牛丸彈牙爽口蕃茄意粉唔夠多汁，味道唔夠濃沙爹安格斯牛小排湯河$60加熱奶茶湯底好味，飲完都唔會覺得口喝牛肉片好食。
繼續閱讀