櫻島麵包餅店 (已結業)

這兩年經常過來煙廠街, 通常在明華餅家買第二日早餐上星期第一次幫趁呢間餅店, 試到大家都讚不絕口的豆腐蛋糕口感很特別, 鬆軟度難得一見, 但味道普通, 只是一塊有些少豆腐味的蛋糕, 蛋味不重且偏甜, 有點滯另外試了超軟蛋糕, 蛋味適中但質感mama地…未去到超軟的地步. 重蛋味的還是喜歡明華的大蛋糕昨天買了綠茶卷, 小麥包, 芝士軟包綠茶卷看上去很好, 味道也很綠茶, 但口感很‘鞋’, 和豆腐蛋糕差天共地, 好似吹住狂風擺過夜小麥包一般, 偏硬同乾, 有熱飲送較易入口可能自己近來偏好硬既麥包, 而且呢個包size剛剛好, 今朝配合熱咖啡做早餐適合不過昨夜離開餅店才發現大大芝士軟包還是熱熱的. 和朋友仔急不及待一人一半即時食好好味! 軟淋淋的白麵包中間夾住半融的芝士. 芝士不多但剛好, 否則太滯麵包還是新鮮出爐的才好食, 普通的白麵包也很吸引

六月十八日(星期三)今日既早餐又o係尋日經過呢頭買左!好耐都未食過!好掛住呢!!原來!我地兩個都覺得隔左夜既豆腐蛋糕仲好食呀!!!好豆腐.......

之前被我喻為無敵的芝士酥,今天再來一個.外形不同了,因為芝士的排列亂了,可能烘過了火,所以顏色深了,一咬,酥比之前吃的沒那麼脆,芝士亦硬了點,但配上糖霜一起吃下,感覺立即交錯著,味覺神經振奮起來!希望下次可以有所進步,重執上一次的水準!

見大家對這裡的豆腐蛋糕如此推崇，今天特意去買了兩個有點失望呢只是普通一個有點過甜的蛋糕除了樣子有點像以外，它和豆腐有甚麼關係呢？不會再買了但該店的空氣充滿麵包香下次，或者應該試一試麵包吧！！

說的是我今天在櫻島中午時買的一個提子scone!!!有多美味呢?它雖是其貌不洋,夾起的時候有點想放它回去!之不過,見到它外層有勁多粒提子,ok...即管一試,用手一摸,是帶著微温的一咬...外層是烘得脆脆的,內裡是鬆而軟,不乾.濕度剛好.不會帶有苦澀味!吃完整個也不覺膩!非常好....強烈推介!!而價錢亦把你嚇一跳呢..只是$2.8...........哈哈哈哈!!!

五月十四日(星期三)去搵老公之前,買d野食慰勞下佢啦!o係呢度買左佢好中意食既豆腐蛋糕!不過去搵佢既途中比我宅偏左呀!><仍然都係咁好食!!呢度既野都幾有水準架!

有一日爸爸買左幾個葡撻返黎，望落去好吸引，可惜我趕住出門冇時間食返個。出完街返到屋企，見到葡撻仲係度，即刻食返個～雖然個撻係凍，但層酥皮仲有ｄ鬆脆，蛋幾ｃｒｅａｍｙ幾滑，不過就稍甜。最緊要係個撻唔係好油呢，肯得雞同尖沙咀間澳門茶餐廳賣既雖然好食，但略為油得滯，同埋好貴，７蚊個呀！呢度３蚊一個真係超超～～～～值！至於其他ｐｒｏｄｕｃｔｓ呢，我食過凍餅咋，平，但普通。下次試下ｄ包先

一月十三日(星期日)同老公仔食完板前行左陣之後....諗住去朗豪坊...點知佢STOP左我!話要食左呢度既豆腐蛋糕先!總之唔提佢啦!又食得多左野喇!今次食完豆腐蛋糕之外......唔洗講!真係正架!!^^同埋紫菜肉鬆卷...呢個個質愈感都好好食!D CREAM+肉鬆呢個配搭得好MATCH(好似我地咁)!!haha~~呢間d 麵包就未試過!下次再去試喇!再上黎report!

還暖的.上面的墨西哥唔會好膩,好甜,但係就無咩味.不過個包本身真係好鬆軟.

十二月廿七日,考試既大日子~考完最好的是能夠見到LGC!!!!!!!!!!!辛苦了佢咁山長水遠黎到個偏僻既地方!仲要比差人叔叔問~~仲送左coca cola figure....多謝您>3<佢仲帶左呢度既豆腐蛋糕黎~~不過我地番到去先食~好味,但辛苦了親愛的!

十二月廿五日(星期二)...去完佐敦之後,就轉戰旺角,男朋友仔話一定要帶我黎試呢度既豆腐蛋糕,原因都係唔交代咁多喇-.-!!!不過o係第度都未見過有呢個product,幾特別!豆腐味加埋蛋糕既口感一流,真係直得一試呀!!!!個味道好清唔同其他冒蛋糕咁!!!男朋友仔果然冇介紹錯呀!

阿媽生日，阿爸就買左個栗子蛋糕返黎，成家一齊慶祝。栗子蛋糕幾足料，面頭有栗子之餘，蛋糕中間部分亦有栗子，ｃｒｅａｍ好多，生日蛋糕就少不免啦，不過夠滑，蛋糕既蛋香比一般餅店重，面頭既水果亦夠新鮮，士多啤梨都唔酸，平平地算係咁啦。

今天lunch 大約一點左右泥到見到佢just baked cheese danish...買左個...係熱辣辣的!!!少少長方形,大約好似成隻手咁大,底部是的酥底,好脆,上面有超過9粒正方體的芝士粒,baked,但係唔會溶,少少咸,仲洒上糖霜...又咸又甜...好好味呀!!!!!

is look like good ^ - ^

櫻島麵包我讀小學個陣成日食架個陣係食佢既漢堡扒包正!今次食左佢4樣野第一推介!!超軟蛋糕同個名一樣食落去真係好軟唔係講笑! 食落好香蛋味~正呀!2.瑞士卷d cream唔太甜都算okay!3.拿破侖d酥皮好好好香口呀好味過美心個d好多!我食左成2大舊.. 第2推介呀!!4.豆腐蛋白蛋糕umum 又係好軟既蛋糕..不過就食唔到豆腐味3蚊1大舊~普普通通