歡喜燒 (已結業)

在網上媒體看到這新開的轉轉BBQ放題餐廳，趁疫情放緩，儘管與太座試吓，順便鬆一鬆。訂了五點半鐘準時到達，客人不多，燈光較暗，坐位寬躺，侍應招呼不錯。每位客人送上半隻芝士焗龍蝦及蒸帶子，味道不錯但上菜時溫度已下降，失色不少，燒烤食物架內的食品名牌亂擺一通，新鮮度及味道麻麻，甜點只是行貨糕點，雪糕更是港產平價貨。如果只是抱住貧新穎轉轉吓燒嘢食的話，可以一試，不過以每位二百元的價錢與食物品質素比較，有所保留！

今次係我第一次留食評…真係忍唔住要留…上次同朋友食過旺角個間都覺得ok見自己個區開左開諗住試下，本來見到幾得意好似幾好食，點知一試難忘…bbq黎講做得幾差…有好多野都不能入口，就好似肉類咁啦都好唔好食…好多根…食材唔新鮮有怪味，桌上嘅醬汁同埋粉都唔好食，環境方面都唔係好中意，有點太焗。明明間店係新開張嘅，但係佢地的燒烤爐有三個位都唔識自己轉，令到燒嘅野一面黑晒，另一邊就未熟，搞到要自己幫佢轉…同埋waiter收野都好慢…環境麻麻，食物唔得，用具都麻麻，唔會下次…

見到觀塘新開間串燒放題 緊係要即刻去試下🥰去到發現好有驚喜!串燒種類好多 除左有普通嘅豬牛羊 竟然仲有得燒蒜蓉包 超脆超好味! 值得一提嘅係個度嘅五花腩同一品叉燒都超正! 可以encore再encore😍另外仲有其他熟食 個蒜蓉蒸扇貝真係無得輸! 綠茶包底嘅軟殼蟹漢堡都好特別!生果放到一碟碟細細碟 美觀又新鮮!最最最後 我食星期二黃金時段只係218 但係店主話可以食三個鐘 仲有芝士焗龍蝦 性價比真係高到無得再高一定要再去!

環境舒適，坐得舒服。串燒好多選擇，最鐘意豬腩肉，台灣腸，牛舌，燒鮑魚和燒蝦。最欣賞個甜品櫃，最鐘意馬卡龍和新鮮生果杯。小朋友最鐘意又有得食，又有得玩，睇住啲食物轉轉轉好開心。小朋友最鐘意芝士腸和芝士丸串，仲有迷你和牛漢堡， 迷你軟殼蟹漢堡，炸薯條，炸餃子， 榴槤波波 ，肉醬意粉 ，芒果布甸，椰汁糕， 當然仲有雪糕和雪條。老人家最鐘意清蒸帶子和海鮮粥。仲有店家自製羅漢果水，平時就唔飲既，但店家煲得啱啱好，唔係太濃味，仲幾好味添，夠晒健康，燒咗咁多嘢食飲返柸真係無咁熱氣。240任飲任食，新開張仲有半隻芝士龍蝦送，真係回本呀！食到好飽😋😋😋

前一晚經openrice訂位， 再whatspp confirm 溝通有段小插曲， 以為禁快訂爆，但最後都有位。新開仲有龍蝦送， 我係第2次食呢種自轉bbq, 上一次食過唔錯，好啱我呢種勁怕熱既人，因為有冷氣。bbq食物種類都幾多，仲有甜品櫃，雪糕櫃，炸物櫃， 飲品櫃，同埋熟食bar有廚師製作海鮮，冷熱盤等等等燒前先叫d冷盤熟食mini 軟殼蟹漢堡包 和 薯條 包好脆好食硯都不錯， 但蝦就得個頭大， 蝦肉好細太軟了，感覺可能燒唔熟或者唔夠新鮮。芝士龍蝦好味肥美！ 其他海鮮仲食左多春魚同魷魚圈。可能太早到， 食唔到廣告見到的燒鮑魚，同其他海鮮，有點失望。 串燒方面， 燒菠蘿， 燒菇， 雞翼，各種肉類都好新鮮同好味，調味料不錯，有3個醬同埋不同味道嘅孜然粉最後甜品，燒棉花糖，同埋食左紅豆批

睇住 D 野食自己轉轉轉，然後就熟左，感覺好愉快。都係新一個體驗。但個爐預定左每支叉既距離，所以放落去時，都考技巧嫁！如果放得唔好，d 野食會 kick 住轉唔到。建議：隔住一行，放一支。間野新開，有少少意見，燈光要 set 返好 d, 最多人果陣，抽氣同冷氣都明顯唔夠啊🙈不過 overall 都真係值得一去嫁！新開期內，仲每人送半隻焗龍蝦。除左相有既任食串燒、飲品、甜品，其實 side bar 仲有 d 熟食選擇，例如炸餃子、迷你漢堡！

呢間之前叫自家燒吧已經嚟過 🍢估唔到而家改咗名再開返都咁正呢懶人燒烤有好多嘢揀 推介牛筋肉 一口叉燒 魷魚🦑 台灣腸 燒雞翼 燒菠蘿🍍同燒綿花糖一路燒緊一路有大量前菜熟食海鮮炸物 🐙🦐🦀一定要試佢嘅和牛漢堡同軟殼蟹漢堡 🍔仲有海鮮係超正超新鮮 尤其係蒜蓉粉絲蒸扇貝 蟶子 鮑魚 同額外送嘅芝士焗龍蝦🦞甜品都好有心思 有唔同款或嘅cake 同Macaroon 🍮🍰仲有雪糕任食 🍨🍦埋單兩舊水多啲 食咗成兩個幾三粒鐘如果鐘意平價任食懶人串燒同海鮮真心值得推介

知道啱啱新開張，有每人半隻芝士龍蝦優惠，又未食過呢種自轉串燒放題，特登過去試吓新野先😆😆一入到去就見到個雪櫃有好多嘢食揀，有雞、牛、豬、鴨、羊，好多款嘅肉類，實啱晒啲食肉獸。我就特別鍾意個澳洲牛柳同埋紐西蘭羊肉粒，燒完之後令啲肉汁好juicy，沉埋啲孜然粉，味道簡直一流👍🏻👍🏻👍🏻 除咗肉之外，仲有好多唔同嘅丸丶蔬菜丶海鮮，有得燒菠蘿丶棉花糖同蒜蓉包，實在幾驚喜，雖然係室內不過就有種係戶外燒烤嘅感覺🤣🤣！等啲嘢熟嘅時候，仲可以試吓佢啲熟食同甜品，有friend唔想食咁多燒野，食呢啲都飽晒😋最啱就係同班friend聚埋一齊慢慢傾慢慢燒～埋單都係每人二百幾，值得一試👍🏻✨

估唔到新開質素已經咁差。我地咁多個都一致認同好難食，係食過咁多間入面，算係最差。最後食左3-4串走左1. 真係熱同焗到想嘔，食完宜家都好唔舒服好想嘔。食食下完全唔想食，成個背脊都濕晒，冇晒胃口（現場好多客人都係咁抹汗，背脊濕晒）2. D野食真係好難食，老實講今晚番到去都唔知會唔會嘔同肚痛，同埋食物種類都好少a) 串燒-肉類1) 全部肉都係根完全咬唔開（10串有9.5串都係），完全冇味道。羊、牛、豬、雞都唔掂2) 串燒嘅種類好少，重要好難食b) 海鮮！！！！重點！全部都好難食，完全唔新鮮（估唔到第一日開張已經係咁）1. 蝦（附上圖片）。D蝦係佢哋燒嘅，一攞出嚟入邊啲蝦肉好似一pat泥咁，唔使用牙都整得開，非常唔新鮮2. 新開張送嘅芝士龍蝦。係臭嘅，好難食，完全食唔出有芝士味，龍蝦完全冇龍蝦味都係好唔新鮮3. 鮑魚。唔乾淨，又係冇味嘅4. 蜆、青口。炒蜆同燒蜆入邊都勁多沙，炒蜆個汁勁怪勁難食，D蜆好似放左10年咁，又臭又唔新鮮5. 蒜蓉扇貝。算係咁多個入邊最正常，但係真係超油勁油6) 多春魚。好苦（不過算係咁多種海鮮入邊最正常）c)炸物炸物已經算係最基本係出面買返嚟，自己炸，但真係唔明點解

估唔到新開質素已經咁差。我地咁多個都一致認同好難食，係食過咁多間入面，算係最差。最後食左3-4串走左1. 真係熱同焗到想嘔，食完宜家都好唔舒服好想嘔。食食下完全唔想食，成個背脊都濕晒，冇晒胃口（現場好多客人都係咁抹汗，背脊濕晒）2. D野食真係好難食，老實講今晚番到去都唔知會唔會嘔同肚痛，同埋食物種類都好少a) 串燒-肉類1) 全部肉都係根完全咬唔開（10串有9.5串都係），完全冇味道。羊、牛、豬、雞都唔掂2) 串燒嘅種類好少，重要好難食b) 海鮮！！！！重點！全部都好難食，完全唔新鮮（估唔到第一日開張已經係咁）1. 蝦（附上圖片）。D蝦係佢哋燒嘅，一攞出嚟入邊啲蝦肉好似一pat泥咁，唔使用牙都整得開，非常唔新鮮2. 新開張送嘅芝士龍蝦。係臭嘅，好難食，完全食唔出有芝士味，龍蝦完全冇龍蝦味都係好唔新鮮3. 鮑魚。唔乾淨，又係冇味嘅4. 蜆、青口。炒蜆同燒蜆入邊都勁多沙，炒蜆個汁勁怪勁難食，D蜆好似放左10年咁，又臭又唔新鮮5. 蒜蓉扇貝。算係咁多個入邊最正常，但係真係超油勁油6) 多春魚。好苦（不過算係咁多種海鮮入邊最正常）c)炸物炸物已經算係最基本係出面買返嚟，自己炸，但真係唔係點解

平時食串燒一串串買又貴又食唔曬咁多款所以今次特登試下串燒放題整體嚟講真係好值得一試有好多款肉類提供，種種口感都好嫩好好食特別係澳洲牛柳、五花腩同紐西蘭羊肉真係好juicy另外仲有好多種甜品供應食完串燒用甜品中和翻真係一流haha重點係新開張仲每位客人送半隻芝士龍蝦!!!又大隻又重芝士味，真係好抵另外仲有扇貝同蜆等等海鮮同埋燒嘅過程都好方便放條串燒上個爐等佢自己轉到熟就食得店員們都好有禮貌會主動問有冇咩需要整體嚟講係好好嘅體驗！

好吃而有誠意之店。欣賞店主在這氣候環境，仍然用心經營。食物選擇也多，調味也好，海鲜串燒有特式。收費地點也適中，值得推介。如果加一點特色串燒或手作甜點，會有更多印象。

直接將d串燒擺係爐到就會自動轉真係好方便啱曬懶人。隔離仲有幾款醬同燒烤粉可以俾人揀黎落，D菇同個燒烤醬勁夾等D肉係度自己轉又可以同fd傾下解，比起其他燒肉一唔記得反轉就好快燶黎講真係好好多，而且又唔會話要等好耐先食得D野食都好好味又幾多選擇下，牛羊豬雞都有齊，仲有棉花糖同蒜蓉包可以燒tim最正係豬腩肉，燒完逼走左面頭D油脂，外面好脆入面仲好軟熟。除左生肉同腸仔、丸果D，仲有熟食、生果、甜品比人係等緊肉熟前可以食。員工服務都好好不時都會行下周圍巡，幫客人收走D唔洗用嘅碟