沙灘咖啡廳

營業中

休息中

即興到大尾篤午膳，隨意選擇了路邊第一間西餐廳，環境乾淨，布置優雅，服務周到，第一印象已不錯。食物更令顧客喜出望外。牛柳入口溶化、煎鯛魚嫩滑味美，醬汁味道適中、食材新鮮、廚師有技術有誠意，值得推介！

噹啷噹啷，走進這家餐廳，當頭係一輪西式餐包嘅香氣，招呼我。試左個提子包，外皮香脆，咬落去，麵包內裏嘅提子爆汁，甜甜地，又唔膩口！🍇 接住試大蝦忌廉汁意粉，份量適中，口感creamy到嚟唔覺得膩，每啖都有蝦嘅鮮味，真係話得上係收貨！西冷扒雖然小小鹹，但煎得剛好，外層微焦香口口解膩。意粉就淡咗少少，但跟西冷扒一齊食就啱晒！⚖食完之後感覺舒服，消化得好好嘅。餐廳嘅環境又自在，坐吓吹吓風，睇吓行過嘅人狗，心情都放鬆左。員工服務態度好，見到我哋入館有啲冇乜選擇，仲主動提議可換嘅菜式，親民又貼心，至啱我哋窩心食客！🥘 下次再踩單車行過呢邊，一定會再嚟呢家添！

.大埔🏘Beach Cafe🤩紐西蘭西冷牛扒 💰82西冷偏薄，有啲似普通餐廳嘅質素，但又唔算難食，尚可！喱到就勝在環境清幽，傾下偈，休閒咁食下野，都係一個唔錯嘅選擇！五星⭐️為最高食物：⭐️⭐️抵食：⭐️⭐️環境：⭐️⭐️⭐️⭐️服務：⭐️⭐️⭐️⭐️#yummy_sumsin #扒房 #扒房西餐 #大埔美食 #牛扒 #牛扒控 #牛扒關注組

上星期食完前面間中伏地球之後行經呢間侍應好有禮貌餐牌亦正路所以決定今晚食呢間頭盤青口由調味到質感都處理得好好 要另外加兩個包將啲汁清埋雜菜湯西蘭花忌廉 味道有層次 唔錯雞扒個調味用心 唔係求其是但貨式飯港式凍檸茶 罡港式凍奶茶 合格下次再試

同朋友去大尾篤行行下，我地雙雙咖啡癮發作，立即周圍搵下有無咖啡店，行咗好耐一係就茶餐廳一係就酒吧，心諗原來大尾篤一間咖啡店都無🥲好失望之際行到尾段，有把男聲說入來飲下野啦！我立即問佢有無咖啡飲架？佢話有啊係即磨咖啡，我和朋友互相對望，開心地立即衝咗入去，女店員仲安排我哋坐露天位置，隔離仲有風扇微風輕輕吹☺️真係超正👍🏻下午茶叫咗個甜酸醬炸雞翼，外皮脆內肉汁鮮嫩，好味😋另叫咗兩杯Hot Latte ,不過咖啡溫度稍為偏凍，熱一點就好，最正就是環境個感覺好舒服，可以令人想逗留多陣👍🏻

無無聊聊一個人揸左駕車入黎大尾篤食野，每一間餐廳我都望過餐牌，最後揀左Beach Cafe，間野雖然客人唔多，但勝在好舒服，有露天座位，天氣唔熱時坐係室外，吹住小小風，聽住悠閒既音樂食野，真係可以將煩惱拋開。一個人食野其實真係好有限，我今次就點左佢個炸豬手，豬手炸到外皮好脆，但d肉仲係好juicy，而且佢仲係切好送上枱，最岩懶同怕整污糟隻手既人食，配菜有薯仔，粟米仔，瓜，露荀，食完之後剛剛飽。成個餐有餐包，有湯，有野飲同一個細焦糖布丁，都係200多元，性價比超高。無得去旅行，唯有係香港搵d無乜人既地方放鬆下。呢度啲員工好有禮貌，環境好好，好適合慢活既生活。

踩單車經過 ，中途休息，老闆娘好落力賣廣告，但踩完單車入去坐底發現原來係很好既休憩餐廳老闆娘好nice有人情味員工都好nice~個餐包有一款係提子包，熱辣辣好正個大蝦忌廉汁意粉都好出色（原本係蜆肉，但賣哂轉左蝦）$68个包餐湯飲品 黎講真係出色！不過西冷扒意粉..............................🍝西冷有啲鹹意粉有啲淡🤣...........................

We came across this restaurant on sunday and got attracted by its tea menu. We ordered two tea sets - a salad and a tomato mushroom beef spaghetti. All tea sets come with a drink. The spaghetti is really tasty and not oily, the food portion is generous too. However the salad is disappointing as the source is a bit too excessive. It would be great if they apply less source and more fruits or green to the salad. Overall experience is good, the vibe is chill and perfect for weekend getaway.

知道大尾篤開咗幾間文青cafe，本來想帶隻狗仔去扮下文青影相，點知冇開，唯有去搵下周圍嘀餐廳食啦！諗住限聚令嘀燒烤爐封哂，應該冇咁多人呱？嘩！真係太傻太天真，泊到double park 咁滯，好彩我地剷去餐廳果邊，呢間餐廳有位可以泊車，二話不說，拮咗入去先啦其實佢就係一間西茶餐廳，嘀姐姐好nice 好好人，見我地茶餐個餐牌唔啱食，重俾返個午餐餐牌我地揀！同俾兜水我隻肥狗飲，好有人情味呀！薯條夠熱，個牛肉漢堡都應該唔錯，我見我朋友好快就食哂！我地重叫咗炒牛肉意炒，但我朋友唔食牛，姐姐即刻幫我地轉雞，態度仲好親切！其實就係普通茶餐廳質素啦！不過假日去得大尾篤hea 下，吹下水，環境輕輕鬆鬆，望下隔離枱嘀人仔，狗仔，有嘀渡假feel，相當唔錯啦

平時去親都係食下午茶，今次少🈶️地係去食lunch🤣今日大尾篤又係好多人，不過喺度食飯就一定有位泊，仲可以食完玩埋先返黎攞車🚗老公例牌地選擇据扒，而我就同仔仔share個pasta🍝牛扒肉質ok👌🏼老闆娘好好人咁願意幫我地將意大利飯轉做仔仔鍾意食嘅長通粉🥰好香黑松露味，牛柳絲又唔韌，仔仔自己一個食左起碼半份🙊是日餐湯揀左三文魚粟米忌廉湯，好足料，有好大舊三文魚肉🥣餐飲都係飲即磨咖啡☕️

近年去親大尾篤，都會去呢度嘆番個下午茶。尤其是而家嘅情況，去郊外先可以呼吸自由同新鮮嘅空氣🤣選擇呢間餐廳嘅原因係因為老闆娘好熱情🥰食物質素同價錢又🈴️理🍽 尤其是Burger嘅肉好juicy🍔，每次都必點👍🏻門口又可以停車🚗唔使驚公眾停車場無位泊而俾人抄牌🅿️有室內、室外同半室外座位可以選擇，最好係Outdoor位可以帶埋🐶一齊，夠曬方便。💛如果薯條係叫比小朋友食嘅，記得要同佢地講走辣粉💛

呢間cafe真係好掋!!!!一個lunch set連湯同餐飽都係68!!野食質數唔差嫁!!!主菜又香，汁又好味!!!餐飽直頭焗到熱辣辣好香口，配菜唔會冇味硬堀堀!!!係有心機做既店舖

今日去左大尾篤hea行，行完之後肚仔餓，就黎Beach cafe食個lunch喔我當然係order最愛嘅漢堡包喔🍔🍔朋友仔就點左個牛排🐮🐮落完單之後，先黎2個餐湯，我地揀左忌廉湯🥣🥣唔.....無味嘅，好失望喔餐包係熱辣辣嘅提子包，好味嘅....跟住到個漢堡包，成個包唔算係好熱，芝士亦無溶到，份量就真係超大份 我咁大食嘅人都食唔哂個包🤣🤣牛排意粉就不過不失🍝🍝感覺今次嘅食物質素有d退步，希望下次再黎食嘅時候會好d

與同事們行完山，當然要吃點東西才符合我風格 XD通常我都是因為吃泰國菜才來大尾督，今天就試試同事推介的cafe。 Beach Cafe大家都以坐室外為主，可以帶寵物。我們坐了2個鐘，也見到不少毛小孩呢！ Lunch set 選擇很多，價錢中等。 是日餐湯 - 忌廉湯。 湯還算濃厚，但有點顆粒，稱不上幼滑。味道亦很一般。 海鮮龍蝦汁扁意粉 $92 主食份量不少，就算行完山吃未必吃得清光。 扁意粉還算彈牙，海鮮份量亦很足。配上鮮味龍蝦汁，真的令人食指大動。 燒鰻魚伴野菌意大利飯 $92 燒鰻魚的賣相也不錯，肉質軟軟。有看我食評分享的朋友都應該知，我愛吃肉質偏結實的鰻魚，所以這個也不是我的，但同事很喜歡♥︎ 紐西蘭肉眼牛扒 $82 肉眼扒份量比意粉/飯還大，但肉質一般，肉味亦不太濃。 但看著這個價錢，還算可以了。 跟餐咖啡蠻香濃，可以一試。 食物未算很高質，但這個價錢可以自在地坐一個下午，與友人談笑風生，也是一個不錯的選擇。

煙三文魚沙拉大尾篤以為是相當價廉物美的地點友好帶動我們去了她的選擇我一看餐牌下午茶的這麼高級不是不意外勉勉強強的叫一個炸烤魚只小小的三條大堆薯條無奈地飲完杯咖啡深深覺得香港什麼都貴連下午茶的時光也太難快樂只能努力的學價不便宜物不美就是今起下午茶的主要印象只有一帶風景優美可惜與這餐廳沒有關係徒負了好山好水🥔很怕怕薯條 太多了⋯⋯