泓一拉麵

營業中

休息中

聽講泓一拉麵嘅湯底好出色，所以同老公一齊嚟試下。雞白湯拉麵愈來愈多人喜歡，香港亦開了不少拉麵店，終於有機會一嘗泓一拉麵。星期日中午剛好等候時間不長，今次趁唔算太多人就即刻入去食返碗先，座位唔算太多，地方簡而整潔，佢地係開放式廚房，可以睇到煮麵過程，店員們年輕有禮。最貼心嘅就係枱面附有紮頭髮橡筋，方便長髮嘅人士用。雖然舖面細但係好有心思位，仲有冰水提供同多種調味料提供。特別提醒各位想去試嘅朋友們，因為店舖屬於小店，如果在繁忙時間你有機會要喺門口排隊等位。手機下單後不稍一會拉麵便奉上。豚X雞白湯拉麵雞白湯底呈奶白色，味道清甜沒有味精，面層帶一層薄薄的泡沫，口感食落入口即化，湯底重雞味濃度中等，唔屬於好濃厚果種，豚肉和雞肉肉質嫩滑，口感層次豐富，半熟溏心蛋滿滿醬油香但唔會搶拉麵風頭。拉麵選用含水量30%的低加水全麥粒麵體，口感富有彈性，並帶有麥粒外殼，更加展現出小麥的香氣和味道，再加上有爽口的筍片，層次變得豐富。地雞醬油拉麵地雞醬油湯底的顏色相對地比較清澈，帶有淡淡嘅魚乾香味，味道平均得剛剛好。這種清爽的湯底和口感煙韌的拉麵相得益彰。拉麵彈牙帶有麥香味，口感順滑，兩款拉麵嘅溫泉蛋都好流心，呈

《泓一拉麵》舞茸鹽味拉麵🍜📍太子汝州街21號英來大廈地下E號舖以《泓一拉麵》嘅名氣，一推出期間限定，一眾拉麵迷立刻蜂擁而至，每時段只限15碗。今日都等左好一陣，不過都好彩食得到，印象中我係尾3或尾4碗。我入左去冇耐，入多幾個客就賣晒。<<舞茸鹽味拉麵🍜>>香味 (4/5)滿滿嘅菇味，非常香。湯 (5/5)呢碗麵最好係個湯同舞茸 (都頗多) 好夾，有一體化嘅感覺，唔會話湯還湯，菇還菇嘅感覺。麵條 (3/5)麵，我覺得唔多夾。熟呢間店嘅麵友，都知佢玩兩種麵，高加水同低加水。佢用左低加水嗰款，麵體太硬，我覺得高加水麵會夾d。最好係白麵，平打，煮腍d會更好。配料 (3/5)叉燒另上，新嘗試，更能帶出高級感，叉燒本身好香好食。不過如果可以附帶少少醬料，如黑醋醬配住食會更理想。溏心蛋，滿滿嘅苦味 (我都係第一次係咁)，估計係料理酒放多左？荀，非常多渣，enjoy 唔到。印象中以前食煮干，豚雞白，同雞鹽都冇跟荀，今次係我第一次食呢間店嘅荀，非常麻麻。整體 - 小推薦，始終係期間限定，泓一支持者點都應該試試，但改進空間頗大。如果碗麵好食，我離開時就會諗幾時返轉頭食，呢碗

呢間餐廳係少數自設製麵機自家製新鮮麵條嘅拉麵店，主打鹽味、醬油同雞白湯拉麵🎌💗地雞鹽味拉麵($108)地雞鹽味拉麵湯底用上博多地雞熬製而成，湯底清澈透明，呷一口湯品嚐到地雞獨特嘅鮮香同淡淡嘅鹽味，味道清爽，屬於典型嘅「淡麗系拉麵」🐓；選用「多加水熟成麵」，呢種麵體嘅含水量高達38%，口感較滑順且富有彈性🍜；配料方面，慢煮豚肉叉燒同雞胸叉燒食起嚟肉味濃郁，而且有黑胡椒香味🍖另外仲有一隻溏心蛋🥚💗豚x雞白湯拉麵($105)豚x雞白湯拉麵就係所謂「W湯拉麵」雙配合，經過10小時以上熬製嘅濃厚豚骨湯底，用雞殼、雞骨等熬煮8小時再攪拌至起泡，湯頭稠厚濃郁，微微黏口感受到充滿骨膠原🐖；麵條則採用含水量30%嘅低加水全麥粒麵體，口感較有嚼勁同彈性，食起嚟有小麥麵香🌾；同樣配有慢煮豚肉叉燒、雞胸叉燒同溏心蛋🤤

我見有雞白湯同咁多人講就試下我6點左右到都等幾個字，食完都好多人排入到去坐近門口（得三個位果邊）如果可以加個勾係枱底會好啲我為左雞白湯而黎試因為佢x豚，我就無預佢會好重雞味要近聞先有湯嘅香味到左見到隻色唔算太白飲左啖，清一清但愈飲愈無雞白湯味食到最後係得個鹹字食完後好口渴，飲極水都搞唔掂雞胸第一口鹹同（鞋）我已經覺得好失望之後叉燒一開始都ok 不過食到一個位有啲筋，比較難咬見到雞皮餃子就叫埋係多汁同脆但唔特別

早排同朋友特登嚟太子食雞白湯拉麵 呢間大概排十分鐘左右就入座 用qr code自助落單 叫咗一碗雞白湯拉麵同雞皮餃子雞白湯拉麵本身就有包叉燒 雞肉同蛋 雞白湯濃郁雞皮餃子熱辣辣都好好食

終於等到紅磡人氣王泓一拉麵殺入太子！平日下晝兩點幾去到，條龍依然排到轉彎，果然名不虛傳～ 豚×雞白湯拉麵- 湯底係豚骨+雞骨雙熬，奶白色超濃郁，面頭嗰層泡沫唔係裝飾，真係打到空氣感十足，飲落滑溜如絲 - 配低加水全麥粒麵，咬落煙韌有麥香，仲食到粒粒小麥外殼，掛湯力一流 煮干醬油拉麵- 湯底用鰹魚+煮干+昆布熬製，鮮味爆炸但唔腥，醬油甜度剛剛好 - 多加水熟成麵幼滑到似絲綢，索湯速度超快，建議一上枱即刻開動 - 慢煮豚肉叉燒軟嫩唔柴，雞胸肉竟然唔鞋口，溏心蛋流心度滿分！ - 面頭鋪滿鰹魚花，撈勻後鹹香更突出，重口味朋友必點～ $100左右食到雙熬湯底+自家製麵，性價比高過唔少過江龍！不過店仔細細得十幾個位，建議避開飯點～

太子呢條街好厲害 很多排隊小店都聚集在這裡 今次試到呢間泓一拉麵了小店位置不多 幸好食拉麵的流動性較高 在門口等了一會兒便入得豚x雞白湯拉麵 $105湯底呈奶白色 飲一啖雞味濃郁病有清甜 夾起麵身見到有粒粒深色一點點的小麥色 原來呢款拉麵配的是含水量30%的低加水全麥粒麵 口感好彈牙 同個湯底好夾！加埋佢上面的紫洋蔥粒和你可以另加的生蒜一齊食 又會提升咗另外一個層次 同一碗麵可以有不同的變化地雞醬油拉麵 $108湯頭好清澈 配上它們獨家的「多加水熟成麵」 食落去麵質都彈但較滑身 比較容易「啜啜」聲咁食😆 豚肉片同雞肉肉質都很嫩滑 值得一提 隻流心蛋煮得很好 夾開橙紅色而且流心程度一流👍🏻

泓一喺網上評價好兩極，有啲人勁讚，特別紅磡舖俾人捧到神級，幾乎可以反攻日本咁款；有啲就勁鬧，話隔籬街乜乜物物好食幾多幾多倍，讚親都話係打手。我又覺得讚就讚，彈就彈，但郁啲話人打手呢啲批鬥思維根本脫離晒評論本質，無益於事。同老婆一齊去食，一早去到，唔使等位，一人一碗，煮干同雞白。出麵都算快，賣相真係唔錯。煮干算幾清，冇溝豬骨湯，純煮干湯底，咁樣做得出都對自己個湯好有信心下。味道真係幾好，清甜，鮮味，輕輕嘅乾貨味，唔苦，想試下煮干嘅人唔使卻步，但我就想佢乾貨味再重啲，啲魚骨內臟味再明顯啲就好。麵係佢哋賣點，加多水熟成麵，我估就係兌水比例高嘅麵，照計就索湯啲。食落就係索滑嘅，麥味一般，索水都快，好彩我食得快，唔係食到尾應該腍晒。雞白湯，湯面浮晒白泡，但唔係做個樣，真係有味。雞白湯真係好夠雞味，係我呢個雞白新手食過最足雞味嘅湯。呢碗麵係佢哋所講少水麵，質實，有口感，係個人幾鍾意嘅麵身，可以再煙韌啲就好。講埋佢哋啲餸，蛋係超強，入味，流心，蛋味濃，唔知係咪蘭王之流。叉燒係慢煮嗰種，個人一般喜好，但都叫做好味嘅。整體嚟講，泓一（太子）點都係香港一線拉麵，就算話係俾人吹捧過度，佢本身都真係夠班。有人

位於太子的「泓一拉麵」為全港首家多加水熟成麵專門店，今天中午到店朝聖，除多加水熟成麵外，同時提供低加水全麥粒麵，各有特色-🔹煮干醬油拉麵 $105多加水熟成麵麵體的含水量高達 38%，色澤光滑，口感柔軟富彈性，更容易吸附湯汁日本地雞軟嫩細緻帶清雅的肉香，豚肉同樣柔軟帶鮮肉不羶的味道；附味玉、筍條、紫洋蔥及大蔥，味玉做到溏心狀態，充滿蛋香與醬油香、筍條幼嫩鮮甜；湯底混合昆布、煮干及鰹魚等熬製而成，清鮮帶濃郁的醬油及鏗魚味道，麵條幼滑掛湯-🔹豚x雞白湯拉麵 $105選用含水量 30% 的低加水全麥粒麵體，麵條結構更緊密，咀嚼感強烈又富彈性，帶麥粒外殼，更能展現出小麥的香氣和味道配料如上；雞白湯清香且順滑細膩，油份不高，齒頰留香；麵條比起多加水熟成麵較有嚼頭，麥香更重，口感不俗-午市套餐惠顧拉麵 +$28 配小食及飲品，小食點選御好燒風味餃子及雞皮餃子；御好燒餃子肉鮮細滑，配上柴魚片及沙拉醬極具風味；雞皮餃子外皮金黃，口感輕韌帶焦香味道，配搭雞肉、蔬菜及調味料，足夠滋味

平時食拉麵，都冇特別留意拉麵的種類，今次去試試全港首間多加水熟成麵專門店「泓一拉麵」，唔知同平時食開嘅拉麵有冇分別呢？睇返介紹，多加水熟成麵意思是製作含水量高達38%的麵體，令麵更能吸收濃郁的湯汁，提升整碗拉麵的層次！✨地雞醬油拉麵清澈的醬油雞湯，帶有淡淡嘅鰹魚昆布味，配幼滑的「多加水熟成麵」，口感豐富！拉麵配料有慢煮雞肉、肥瘦剛好的日式叉燒、軟滑的糖心蛋等，好豐富！✨豚x雞白湯拉麵奶白色的雞白湯已好吸睛，湯底鮮甜不油膩，有厚厚雞鮮味及淡淡豬骨味；低加水全麥拉麵口感較彈牙，有咬口，略帶小麥香；配料同地雞醬油拉麵一樣咁足料；大愛雞白湯，差不多飲哂！2款拉麵有不一樣風味，都好好味，本人較偏愛濃郁雞白湯配彈牙有嚼口的低加水全麥拉麵！食完濃郁的拉麵，配一枝滿滿果汁味的柚子/葡萄梳打汽水，好滿足！

之前睇到網上有人拍片推介，所以走來試伏，點知真係伏，依家諗返起拍片嗰個人好都好大可能係收左x，點解會咁講？下面會講。雖然睇到餐牌唔算好期待，但係冇諗過會咁伏。碗麵嘅份量超少，基本上幾啖就食晒d拉麵，女士都唔飽。麵質:寫用咩全麥粒麵，麵質一般無特別。蛋:用比較紅嘅蛋黃蛋，味道冇乜驚喜。筍:9成罐頭筍，唔爽身，難食。肉:食落唔似叉燒，唔知咩肉，勁難食。得件白色雞肉食哂。湯底:非常普通醬油湯，唔係熬。店員會用部機打泡，但係對個湯味冇幫助。一碗咁嘅麵賣$105。呢間暫時係我全香港食過最伏嘅拉麵。

「泓一」喺拉麵關注組一直大受好評，亦係全港首間多水麵專門店今次去太子分店，必嗌人氣豚x雞白拉麵，另試埋稀見煮干鹽味拉麵，姐係魚乾仔豚x雞白拉麵先blend一層泡，兩者嗰味好balance ，豬骨味比出面更清晰唔膩煮干湯底入口反而記憶點強好多，鮮甜味出眾，配多加水熟成麵滑嫩口感特別夾，而且見師傅會灸燒過嗰湯先上枱溏心蛋嘅流心狀態可以稱為滿分，淡調味，顯得蛋漿更入口廿甜如果分開睇，會鐘意煮干湯底同低加水全麥麵

📍泓一拉麵🍜❤️排晒長龍嘅拉麵店👍～由以前大圍店開始支持到而家👍一直保持高水準😘～雞白湯拉麵配豚肉😍呢間嘅雞白湯拉麵一向都好出名😍湯底非常濃郁🤪配上特製麵條🍝大大塊香滑叉燒同雞肉😍食到停唔到口👍～煮干醬油拉麵🥰第一次試呢個煮干醬油拉麵🍜估唔到咁好食喎😍醬油香甜濃郁🥰溏心蛋入口即溶🤤～餐廳嘅特色飲品有柚子梳打汽水😍同埋葡萄梳打汽水❤️兩款都非常好飲🥰📍泓一拉麵 (太子)太子汝州街21號英來大廈地下E號舖

❰泓一拉麵❱ 豚X雞白湯拉麵🍜📍太子汝州街21號英來大廈地下E號舖太子泓一都好多捧場客，我雖然唔算常客，不過間唔中都會幫襯。之前有食過佢嘅《煮干🐟鹽味拉麵🍜》，《煮干🐟醬油拉麵🍜》同《地雞🐓鹽味拉麵🍜》，當時覺得煮干🐟醬油最合我口味。今次刻意試過另一大熱門之選：《豚X雞白湯拉麵🍜》香味 (3/5)主要以雞香味為主，豚骨味就冇乜。湯 (4/5)呢間店，計埋今次我試過4款拉麵，佢地個湯嘅共通點係鹹度較低，走清淡路線。不過鹹度低唔代表佢唔夠味，個湯係夠鮮夠香。因為我正正鍾意淡麗風，佢正合我心意。豚骨同雞骨嘅味道出奇地平衡，冇話邊個搶左搶個，近乎係5:5之比。麵條 (5/5)我第一次食佢嘅低加水麵，我認為非常有驚喜。同高加水麵完全唔同風格，麵質爽彈有韌性，硬度剛好。可能因為加埋麥粒外殼，加添風味同口感。配料 (4/5)豬叉燒方面，調味比上次加重左d，黑椒嘅味道濃郁左，加上肉味都係更濃，又相當大塊，我認為好正。雞叉燒方面，雞胸肉，未至於非常嫩口但還過得去。肉味同上次一樣，都係麻麻地。溏心蛋方面，中上有餘，有流心，生熟度控制得好好。蔥同筍正常，不過筍稍為偏淋左d。正因為個湯比較清淡，食完麵，飲晒d

15/1/2025📍泓一拉麵佢嘅雞白湯係紅磡本店已經出晒名 宜家嚟埋太子開分店 位置更加方便😽當日平日6點幾嚟到 等咗20分鐘先有位都係經典拉麵店bar枱設計 可以望住師傅準備野食⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨豚X雞白湯拉麵（$105）奶白色嘅湯底充滿雞嘅鮮味 濃厚但唔油膩有2片幾大片嘅豚肉叉燒同1片雞叉燒 肉量都算合理 但啲肉偏瘦 差咗啲油香 但係唔柴麵質軟硬粗幼適中 份量好夠飽好鍾意佢嘅溏心蛋 比足成隻蛋 蛋黃嘅溏心效果💯仲好入味 ✨特製煮干拌麵（$98）我哋都好奇煮干係咩嚟 所以嗌嚟試下首先佢都有隻好正嘅溏心蛋😙呢個拌麵唔係一般好多醬嘅拌麵佢係每條麵都拌左薄薄嘅油 油嘅份量啱啱好唔會滴曬油 唔用醬又無咁重口味 好特別入面仲有豚肉粒、荀乾、蔥蒜、紫菜 要撈埋一齊食 抵讚嘅係佢嘅豚肉粒炒得幾香 好香黑椒味 仲係半肥瘦添 有咬口又有油香✨御好燒風味餃子（$38）豬肉饀嘅餃子 外皮唔會好厚 加咗上面嘅醬 真係還原咗大阪燒嘅味道🤪⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單~$240（冇加一）雞白湯比較出色 拌麵就好特別推薦指數🌟：4/5📍太子汝州街21號英來大廈地下E號舖