影片
營業時間
今日營業
06:30 - 16:00
星期一至六
06:30 - 16:00
星期日
全日休息
以上資料只供參考, 請與餐廳確認詳情
相關文章
諗住食得清淡啲，叫左淨餸，菜同魚丸都正常，點知食到牛腩就出哂事，食落竟然係酸左，連帶啲湯都酸埋，無奈只可以成碗掉左佢，咁就無左$44，絕對唔會有下次，難怪大家都去食九記而呢間就無人排隊。
繼續閱讀
$47 ….. 有3餸1麵 + 熱飲，抵食、大碗、味道好、服務好。今日1:30pm去到等左5分鐘就有位，坐低姐姐就幫你落單，雖然牛類只有牛筋腩…. 但係味道好又夠淋！大大碗真係抵食！
繼續閱讀
波仔記車仔麵已經開業40年，位於銅鑼灣鵝頸橋熟食中心一樓，老公話之前返工成日食，好好食，一定要帶我去試，波仔記每日收四點，所以夜晚係冇得食㗎。叫左一份魚餅牛筋腩大腸撈粗麵加腩汁，一份冬菇蘿蔔齋撈粗麵，一份蝦米腸粉，凍檸茶+凍齋啡。好正，蝦米腸粉係即蒸的，海量嘅蝦米，每一口也充滿蝦米香，腸粉薄身又滑，估唔到咁精緻，充滿驚喜！撈粗麵大大碗，大腸、牛腩、蘿蔔無論質感、味道都煮得恰到好處，魚餅是新鮮的，好好吃，撈麵的汁很香甜，量剛剛好，每一口麵都可以粘着汁吃。咖啡好飲，係期待中嘅港式茶檔咖啡味👍🏻波仔雖位於熟食中心內，但地方很潔淨，無論枱面、椅子、筷子筒、醬油瓶等等到好乾淨。好有心嘅餐廳❤️❤️
繼續閱讀
午餐食下懷舊的車仔麵，一麵三餸$35，四餸$44。我唔係好大食，所以叫左三餸都很足夠。落完單，我唔飲嘢，姨姨都很有禮貌、主動地話拎杯熱茶比我，值得一贊。三餸分別叫咗豬大腸、牛腩、同埋車仔麵精粹的蘿白。先說豬大腸，份量超多，洗得乾淨。牛腩就一般，比較散，可能已所剩無己的水尾。蘿蔔非常入味，冧身，有一兩件有少許渣。整個湯底加埋腩汁好濃味，個人認為落少啲腩汁較好，不過可能我叫咗兩款都是滷水，所以重味左。非常抵食足料的車仔麵！
繼續閱讀
今日上鵝頸橋熟食中心食晏，天口咁熱冇乜胃口，諗住簡簡單單食碗麵，所以揀咗波仔記。食晏時間真係人山人海，不過嚟呢度係食味道，唔係食環境同服務，最緊要好食。我揀咗一麵三餸$32，有豬紅、豬皮同豬大腸加粗麵。等咗一陣，大大碗車仔麵已經上枱，先呷一口湯，啱喇！就係細時嗰種味道。豬大腸腸味濃， 煙煙韌韌好咬口，正！豬紅夠軟滑，豬皮夠爽，三款餸都好有質素。雖然而家車仔麵越開越多，不過都鍾意搞搞新意思，味道同食材都揾唔番以前嘅味道。難得呢度仲保存到傳統嘅味道，下次嚟一定要叫多两款餸試吓！
繼續閱讀