影片
港鐵葵芳站 D 出口, 步行約6分鐘
繼續閱讀
電話號碼
21997009
營業時間
今日營業
11:30 - 15:00
18:00 - 23:00
星期二至日
11:30 - 15:00
18:00 - 23:00
以上資料只供參考, 請與餐廳確認詳情
有關獎賞計劃
11：30 午餐開始，早到未準備好都要等到11：37才上菜。點了泰式肉碎煎蛋飯，味道偏甜，小辣，有鑊氣。暫時係我食過咁多間嘅泰式肉碎飯，心水首選之一。轉泰式奶茶+$10.小甜小冰都係偏甜.但係絕對有泰式風味.午餐時間 11：30-14：45。然後18：00-22：00.
繼續閱讀
除左日本野之外, 我諗泰國野都係好多人鍾意食既菜式, 要辣有辣, 要香口有香口, 要清淡有清淡, 選擇好多.無意中見到呢間泰國餐廳, 雖然響民生區, 但係有好多人幫趁.泰國野最特式就係泰式生蝦, 肉質好彈牙, 食左一隻唔點醬汁, 感覺到蝦既鮮甜味, 完全無雪藏味. 如果點醬就帶少少辣味, 會醒胃D.仲有特式野係碳燒豬頸肉, 燒到表面金金黃黃, 微焦帶有一點香口, 但係肉質又保持嫩口同埋肉汁, 而且份量都幾多.最後仲有一個泰式香辣椒鹽鮮魷, 真係帶左少少辛辣味, 但係又未至於食唔到, 鮮魷唔韌, 新鮮有口感. 椒鹽唔算好多, 但係其他香料都帶出野味, 越食越開胃.
繼續閱讀
糧尾時份, 同事話搵間平靚正既餐廳食午餐, 有人推介呢間泰國菜, 平得黎仲有好多選擇.叻沙湯香茅雞翼米線, 個叻沙湯好香, 飲左啖湯好濃郁, 真係可以當湯咁飲晒成碗.d香茅雞翼微微炸過, 香口D, 而且放響湯粉唔會浸到林晒. 雞翼入面仲保持肉質嫩滑, 唔會好乾既口感.米線煮得剛好, 索晒叻沙湯既精華, 確實好味.同事既燒豬頸肉米線, 我地交換試左少少, 個湯好濃但唔會好咸, 燒豬頸肉既肉質好嫩, 無乾爭爭既感覺, 而且份量好多, 抵食.
繼續閱讀
新都會睇完戲想食宵夜, 但係好多餐廳都早左last order, 所以黎呢間泰國菜食, 佢算係葵芳夜D收既餐廳.香葉炒大蜆, 都真係幾多香葉, 加埋D辣椒蒜頭蔥, 特別惹味.蜆既SIZE適中, D肉唔會好細粒, 肉質好彈牙, 又鮮甜, 隻隻都開晒口.夜晚唔好食太多肉, 黎個泰式炒雜菜, 菜爽口, 唔會炒到腍晒, 泰式口味唔會太咸.鐵板蝦仁蛋, 呢個雖然唔似泰國菜, 但係個人好鍾意食蛋, 呢個蝦仁蛋真係好大堆蛋, 蝦又大隻爽口, 令到呢餐宵夜好滿足.
繼續閱讀
搵openrice呢間餐廳原來可以叫到會, 一家人做節叫黎試下.泰式酸辣鳳爪, 真係好大盤, 酸辣鳳爪酸酸甜甜好開胃, 基本上都起晒骨, 大人細路都好容易食到. 同埋佢好多生紫洋蔥, 生食夠晒辣, 正.生菜包D肉碎又係勁多, 我地自己都預備左菜, 所以可以一直係咁包黎食. 肉碎唔會太辣, 又唔會太多肥肉.要多個炒飯, 有D海鮮, 炒飯炒得夠乾身, 一粒粒唔會好濕. 雖然個樣好似好清, 但係唔係好淡, 味道剛剛好.呢間泰國菜既份量真係十足, 幾個人都食唔晒, 好彩響屋企食, 可以雪返佢聽日再食過, 下次試下叫其他款式到會.
繼續閱讀