泰歡迎 (已結業)

飽到一個點。好耐無食泰國野喇！去左南朗山熟食市場食泰國野！真心。呢間口味唔太岩我！肉碎生菜包。呢個好食。辣辣地。香料味種！大size冬陰功偏甜。唔辣！但好多海鮮！好大兜！炒金邊粉都係偏甜！蒜蓉包就唔錯。夠脆！薄餅。無咩特別。紅咖哩雞。椰奶味好重！柚子沙拉。幾好。都幾多配料！明爐馬友。馬友都幾大料。魚都好滑！馬拉盞炒菜。由頭等左尾。追單追左兩次先到。。比較油！豬頸肉。太肥！又無咩味！外賣左個菠蘿炒飯！埋單$860

07-04-2017今晚朋友生日，由天水圍出發，有D遠，不過坐地鐵過黎好快，約埋朋友一起過黎食泰國菜，估吾到咁好食由於我第一次寫食評，所以寫得比較簡單，我地4個人食，食到超飽有咖哩蟹、酸辣鳳爪、明爐魚、蝦餅、生蝦、芒果糯米飯、全部都好正宗，....睇相啦........老闆娘又好招呼，雖然係大排擋，不過一D都吾污糟，食得開心又舒服，天氣吾熱，飲埋啤酒，太爽了味道一試難忘，下次都要黎食.........

去南區做嘢又諗起南朗山嘅海南雞飯，喊出泥，平時最常去嘅個間泰國嘢要休店一個月番鄉下，所以就轉戰同一層嘅另一間泰國食店「泰🙏🏻歡迎」。心無雜念地叫咗個海南雞飯要脾，好感激食店都不嫌其煩地比隻脾我。可能近地盆同工業區嘅關係，所以米飯嘅份量真係相當大碗，珍寶級地多呀，細食如我嘅朋友真係記得叫少飯喇！泰感激你🙏🏻惜食呀。食店嘅米選用咗啲細細粒有口感嘅米，好有嚼口，食幾啖相當有飽腹感；另外海南雞就不過不失，可能切得比較大舊嘅關係，感覺好似少啲，同無咁滑嫩。總結：由於附近都發展緊，所以熟食市場嘅餐廳價錢都愈來愈貴，泰國嘢HKD52送杯飲品，都算係咁喇。唔挑食又大食、容易唔飽嘅朋友，泰歡迎你午飯試呢間，絕對飽肚！