泰爸爸

營業中

休息中

呢間泰國餐廳🇹🇭嘅價格以係奧海城來講算抵食，價錢比出面泰菜平，但絕對真材實料，由泰國人主理，侍應都係泰國人，服務態度非常好。餐廳有分室內同露天座位，露天都好Chill下。兩個人叫咗一餸一菜一飯，食到勁飽好滿足。💜鮮菠蘿海鮮炒飯 $98 （🌕🌕🌕🌕🌕/5）勁足料有蝦、魷魚、青口、鮮菠蘿，用料新鮮，配料仲有肉鬆、腰果、提子乾、臘肉，多種材料夾埋口感豐富，而且份量超多，CP值極高。💜泰式黃咖喱薯仔雞 $88（配泰式薄餅$45）（🌕🌕🌕🌕🌕/5）黃咖哩香味濃郁，椰香同香料味幾出，帶小辣。雞肉同配菜足料，雞肉肉質鮮嫩，薯仔同洋蔥等配菜都入好味，叫左一份泰式薄餅配咖喱，薄餅香脆同埋有8小塊，薄餅索滿咖哩汁超好味😋💜泰式炒通菜 $72 （🌕🌕🌕🌕/5）炒得好有鑊氣，但唔會太腍，炒得爽脆剛剛好。小辣得黎好香口，夠哂惹味。🍴整體評價：✅性價比高✅高質泰菜✅服務態度好✅適合情侶👩‍❤️‍👨閨密👯‍♀️大伙兒👨‍👩‍👧‍👦💰人均消費：$150

母親大人話想食泰國菜，上心既我即到OpenRice 找找看，附近有間泰爸爸既泰國菜。餐廳面積唔算好大，牆身掛了一些泰國畫做裝飾，點了母親大人最愛既芒果糯米糍飯，再點了菠蘿海鮮炒飯同兩大個椰青解渴。菠蘿海鮮炒飯以菠蘿蓋裝住炒飯，上面有肉鬆同腰果，材料都算多，菠蘿酸酸甜甜，好醒胃。芒果糯米飯有驚喜，用左兩種糯米整出來，好特別，糯米飯暖暖地，好好味。🔎泰爸爸 (大角咀)📍大角咀海泓道1號奧海城3期地下G26號舖

泰菜，之前就同大家介紹過九龍城 金麥泰、泰式美食、九龍灣 泰𝘾𝙤𝙤𝙡、粉嶺聯和墟 雄泰、荃灣 泰玖今次同朋友黎到大角咀食晏，試下依間出名地道既泰菜 一 泰爸爸 @babieholic2021🌟鮮菠蘿海鮮炒飯 $98原個新鮮菠蘿上，炒飯好足料，海鮮、肉鬆、腰果同提子乾亦比得毫不手軟，𝘾𝙋值極高🤤👍🏻🌟泰式拼盤 $138(炸蝦餅x2、炸魚餅x2、春卷x2、串燒雞x2)炸蝦餅口感彈牙，炸魚餅好重泰味(香料味)，春卷亦炸得香口，而串燒雞肉質嫩滑+埋高質既沙嗲汁🤤👍🏻🌟椰汁千層糕 $30/4(件)斑蘭味清香，口感軟糯 🤤👍🏻🌟椰汁珍多冰、椰汁三色冰 $33(杯)飲椰汁冰最怕死甜，而佢吾會死甜，仲好足料🤤📍泰爸爸地址：大角咀海泓道1號奧海城3期地下G26號舖#大角咀 #泰爸爸 #泰菜 #春卷 #串燒雞 #炸蝦餅 #炸魚餅 #泰式拼盤 #覓食大角咀 #椰汁千層糕 #椰汁珍多冰 #椰汁三色冰 #大角咀食乜好 #鮮菠蘿海鮮炒飯 #大角咀高𝘾𝙋泰菜

中午想食炒金邊粉即刻諗起泰爸爸，第一次堂食，早左d來冇乜人，坐低即刻落單，好快有得食。過左冇耐陸續有人來，而且瞬間坐滿。佢個金邊粉炒得好有獲氣，味道超正加埋d花生碎。但埋單發現要加一，瞬間些小覺得唔值，冇咩服務都加一。下次都係外賣算了

🇹🇭泰式拼盤 $138聚會之選。拼盤有炸蝦餅、炸魚餅、春卷和雞肉串燒各兩寸。比較特別的是除了基本的泰式辣醬外，店家還提供了沙嗲醬。雞肉串燒肉質鮮嫩，和沙嗲醬很配。炸魚餅添加了香料，十分惹味。其他則不過不失。🐂泰式燒牛扒 $98沒有特別驚豔但也不錯。🍍鮮菠蘿海鮮炒飯 $98材料豐富，有魷魚、蝦仁、肉鬆、腰果、新鮮菠蘿等，味道有層次，飯底偏濕潤，而且份量頗多，兩個女生食到最後要打包帶走。🥥椰汁西米糕 $30口感軟滑，味道香甜濃郁。🥥椰汁沙冰 $35椰汁味道濃郁，沙冰頗細膩，清甜解渴。🥥椰汁珍多冰 $33味道：🇹🇭泰式拼盤 7/10🐂泰式燒牛扒 6.5/10🍍鮮菠蘿海鮮炒飯 7.5/10🥥椰汁西米糕 7/10🥥椰汁沙冰 8/10🥥椰汁珍多冰 7.5/10回頭率：7/10性價比：7/10服務：7/10✨推薦指數：7.5/10 人均：$200左右總結：店內氣氛舒適，很適合與友人聚會，而且食物質素不錯，有機會會回訪。

搵食搵到大角咀🤰🏻🫄結果食到懷孕甘走中意食泰菜 唔可以錯過👍🏻性價比好高嘅餐廳分室外同室內 環境乾淨企理室外 好chill 岩曬同班朋友仔🍻🔸肉碎生菜包 $88( 推✨)二人份量 香辣 除咗有肉碎，仲有花生碎粒🤤食落好香口同層次咬口🔸龍眼冰 $33😳偏甜 有5-6粒龍眼肉 🔸椰汁珍多冰 $33😋重椰汁味同好多綠色條條 🔸豬頸肉金邊粉 $ 88（ 推✨)🤩$88份量好足料有鑊氣 ，味道唔系好甜既金邊粉再加辣椒粉一齊食👍🏻🔸泰式拼盤 $138（ 推✨）（炸蝦餅，炸魚餅，春卷，燒雞串燒）二人份量 ，☺️大滿足 炸蝦餅彈牙，炸魚餅 好香香料味仲有豆角，素春卷就不過不失，燒雞串燒 好香 食落唔會好柴口！靈魂沙嗲汁 （花生碎粒）🔸芒果糯米飯 $50份量大 ，芒果🥭都甜，白 +紫糯米 略嫌扣分 糯米偏冧 無左咬口🙈不過當晚用餐時間系9點 .應該去到尾水😂總結 ： 🤰🏻🫄 回頭指數4.5/5 *店舖姐姐都好好🫶🏽好Nice☺️

餐廳位於奧海城3期外面地舖，有室內同露天座位。去到3期搵到Pizza Express，隔離度門出去轉右行就見到餐廳。⭐️沙嗲串燒 $88我地揀左牛同豬雙拼，串燒燒得岩岩好唔乾身，🐮肉質軟腍，肉味唔算濃；🐷肉嫩味濃。沙嗲醬汁香濃帶有花生粒，令口感更有層次。⭐️泰式炒通菜 $72通菜炒得爽脆，味道鹹香惹味，帶微辣。⭐️泰式黃咖喱薯仔雞 $88黃咖哩香味濃郁，椰香同香料味幾出，帶小辣。雞肉同配菜足料，雞肉肉質幾滑，🧅🫑大大舊。⭐️泰式薄餅 $45餐牌寫2件，其實係有8塊🍕薄餅脆口，口感厚實，唔係軟腍腍果種。薄餅索滿咖哩汁好味。⭐️蟹肉芒果炒飯 $88炒飯份量多，2-3人都夠食，芒果酸甜，切得幾大粒。蟹肉碎份量相對地唔多，唔特別食得出口感。成個炒飯炒得好有鑊氣，飯粒粒粒分明，呢個價錢抵食。⭐️芒果沙冰 $35芒果味香甜，飲得出係用芒果肉黎打，甜道亦唔係死甜。⭐️原個鮮椰青 $38椰青清甜，飲到最後可以食埋椰肉。

成日聽人講大角咀呢個其實有好多好野食😏今日收工一於同朋友黎一探究竟🤓餐廳係奧運C3出口, 不過建議係2期出左之後行地面🙋🏼‍♀️因為餐廳係商場既外圍 入夜著晒燈好靚 幾有feel🥳 沙嗲串燒💰$88 6串 (牛肉 雞肉 豬肉)店員姐姐話可以2隻味雙拼 我地食左牛肉 同 豬肉~牛肉幾嫩口而豬肉好甜同埋保持到入面既濕潤度🤩沙嗲醬極濃味 仲有好多花生碎係入面 相互融合😆 泰式炒通菜💰$72份量好大碟 一上菜勁香呀😍小辣得黎好香口 夠晒惹味 而且炒得唔油膩🥰蟹肉芒果炒飯💰$88芒果量好多呀😆 蟹肉同芒果嘅甜味好夾😛炒飯粒粒分明好有獲氣同埋好大份量 3-4人食都應該夠🤪 泰式黃咖喱薯仔雞💰$88（配泰式薄餅💰$45）一上已經聞到黃咖喱味好香😋薯仔同洋蔥等配菜都好林 入晒味😳叫左一份泰式薄餅配咖喱，薄餅好香脆同埋有8小塊，用嚟點咖喱食絕配😚  芒果沙冰💰$35 & 原個椰子💰$38
飲得出係生果整成 唔太似係用左糖漿整😌椰子非常清甜 解膩一流😊 泰爸爸
📍海泓道1號奧海城3期地下G26號舖#hkfoodie #香港美食 #hkig #hkfood #hkfoodblogger #打卡一流 #打卡餐廳

同朋友去奧海城行街，見到霓虹燈以為酒吧，原來係食泰菜，價錢比出邊平少少，好在佢有室內亦有室外，室外好有feel，啱晒一大班慶祝或者食生日飯。由於係室外，食食吓都見到好多有帶寵物嘅都唔驚平時唔可以入商場餐廳，都可以係室外享用，寵物就可以喺度陪主人🥰泰式炒通菜 好新鮮好爽，唔會炒到林哂，加埋啲惹味蝦醬蒜蓉，正！👍🏻泰式生蝦刺身呢個必點菜式，生蝦爽口，加埋生蒜頭，蘸埋佢獨有青辣椒醬，真係會一口接一口🥰泰式煎蠔餅呢個平時我大排檔都會嗌，不過佢呢度多咗泰式辣椒醬，蠔餅又脆又飽肚，啲蠔仔雖然係細size，但好飽滿，呢個蠔餅都用幾多油去煎，但其實佢個底有啲芽菜，一齊食感覺中和左，就冇咁油膩了。咖哩軟殼蟹+ 泰式薄餅我最鍾意食，唔使剝殼就咁食！咖喱用咗好多料，又充滿椰香味，份量都幾多，另外軟殼蟹又有炸過，最後都嗌左份薄餅去蘸，每一口都食到香濃醬汁，非常搭配，好滿足啊！芒果沙冰+ 原個鮮椰青芒果沙冰略嫌太清，可能我鍾意重口味。椰青就唔錯，啲肉最後又可以筆嚟食埋👍🏻

露天有feel泰菜，整體中上，穩陣之選，啱晒一大班人嚟食👍🏻！・・・・・・・・・・・・・・・・・・・・🥭 香芒軟殼蟹米紙卷 HK$82・味道：成個卷好巨型好飽滿，芒果夠鮮甜，軟殻蟹香脆，厚肉啲更好。配埋啲青瓜絲蘿蔔絲同生菜好fresh，菜同芒果同軟殻蟹比例都做得幾平均，唔係成口都係得菜，整體開胃。・口感：米紙卷竟然係煙韌，唔係一塊紙薄皮咁，幾特別同時幾好食～🐠 冬蔭功明爐烏頭 HK$178・味道：烏頭厚肉，完全唔腥。冬蔭功夠酸夠辣，唔係蕃茄湯當冬蔭功XD，多返啲香料煲個湯會更正・口感：烏頭幾嫩，唔鞋口冇overcooked的，啱啱好。🥩 泰式燒牛扒 HK$98・味道：幾軟熟，再香口煎香啲會更好，個酸辣汁唔會好重味好刺激，但唔係溝浠咗所以點嚟食幾惹味～・口感：軟腍desu。🍛 鮮菠蘿海鮮炒飯 HK$98・味道：有齊大蝦、魷魚同青口，全部都新鮮好食，咖喱飯好重味好正。要配埋肉鬆食，鹹鹹甜甜咁好正！・口感：個飯小小濕，乾爽啲更好。🍍 菠蘿沙冰 HK$30・味道：鮮菠蘿打嘅所以飲到牙罅好易攝啲菠蘿絲😂，有陣奶香味入口好順，0甜波甜度報告，呢杯微甜desu，滿分！・口感：小小冰粒但都算打得幾細膩

兩個人食到好飽，大家唔好睇少個份量😂😂 🍍鮮菠蘿海鮮炒飯 $98足料、炒飯粒粒分明👍🏻👍🏻有齊菠蘿、提子、臘腸、腰果呢啲我唔鍾意食嘅野，但食落又好夾🐷泰式鹵水豬手 $98啲燈打落去好靚✨上碟時好震撼，份量多到四個人都得🤣忍唔住食左好多豬皮ԅ(,,´﹃`,,*ԅ)豬皮煮到好淋，充滿骨膠原ʕ •ᴥ•ʔ個底有菜心，夠健康🦪泰式煎蠔餅 $108推薦！邊位好酥脆、蠔仔粒粒飽滿脹卜卜🥭芒果糯米飯 $55 ♨️有紫米飯同糯米飯估唔到係熱嘅，啲飯唔會硬掘掘加埋椰漿同芒果好好食

好耐無食泰國菜，今次唔去九龍城，近近地揀咗去奧海城食。餐廳安排咗我哋坐戶外，呢輪天氣咁舒服當然好啦，而且夜晚啲燈飾仔著哂燈，更加有氣氛。沙嗲串燒牛肉+雞肉串燒總共有6串，問咗職員最多可以揀兩款唔同肉夾埋，所以揀咗牛肉雞肉各3串。牛肉同雞肉燒得啱啱好，唔會太乾鞋口，配埋香口沙嗲醬一齊食，非常惹味。鮮蝦炒金邊粉每次食泰菜呢個係必叫，金邊粉炒得乾身又唔油膩，食落酸甜適中，蝦夠大隻又爽口。碎肉生菜包碎豬肉份量都幾多，生菜食哂都仲有剩。碎豬肉入面有洋蔥、香菜、辣椒，食落有輕微辣味，碎肉炒得乾身，包生菜一齊食時唔會濕立立，整到周圍都係。兩個人叫咗三樣野再加杯飲品，已經食到好飽！另外值得一提嘅係餐廳職員服務態度非常好👍🏻👍🏻📍 泰爸爸 (大角咀)大角咀海泓道1號奧海城3期地下G26號舖

屋企有直車到奧海城，所以今日帶咗媽媽去食泰國嘢，冇旺角咁多人，價錢仲抵食啲 😋娘親話就話冇所謂，但一見到餐廳推介Menu有泰式煎蠔餅即刻話想食，個蠔餅好大份，就咁睇已經見到好多蠔肉，欣賞佢用鐵板上碟，我哋食得慢都唔會凍哂，但香味同好肉鮮味超夾，唔使點個海鮮醬都夠晒味 🦪 香芒軟殼蟹米紙卷都係泰國餐廳必食，每件都有脆口軟殼蟹同香甜芒果肉，加上新鮮生菜好開胃👏🏻馬拉盞炒鮮魷通菜用咗蔥蒜黎炒好有鑊氣，仲有好多鮮魷魚🦑 $88都幾抵食呢間餐廳侍應好Nice，環境又舒服，好值得再黎🙌🏻

👧🏻😋👅🍽✨出色outdoor泰菜-泰爸爸🇭🇰 大角咀海泓道1號奧海城3期地下G26號舖 🇭🇰-🇹🇭 秋意濃了, 餐廳室內唔算好大位, 反而室外同奧海城其他地舖餐廳一樣好多位, 仲有盞柔和射燈夠晒光唔會黑孖孖-🦪 泰式煎蠔餅 $108💯泰式蠔餅係用蛋餅做底, 唔似潮式咁乾脆, 食落濕潤又冇咁熱氣, 蛋餅超多飽滿肥美嘅蠔仔, 仲有墊底芽菜都好爽甜-🍍 鮮菠蘿海鮮炒飯 $98✨超大隻菠蘿, 裏面有大蝦，魷魚青口等等海鮮, 仲有鮮菠蘿肉同提子乾酸酸甜甜勁開胃, PS腰果都係脆嫁-🥩 泰式乾炒牛肉河粉 $78💯鑊氣之選, 唔會太油膩, 加咗好多菜一齊炒, 同時牛肉份量亦都好多, $78超級抵食

今晚約左朋友食飯，我地揀左間有outdoor嘅泰國菜餐廳，order左泰式煎蠔餅$108(好多蠔仔但係我覺得佢煎得5夠乾比較濕😔)、泰式炒椰菜苗$78(味道適中5會太鹹炒得幾好味😋)、台式滷水豬手$98(煮得好入味份量亦非常之多👍🏿)、細嘅冬陰功海鮮湯$88(我覺得辣到適中好味😋、海鮮嘅配料好多)、鮮蝦炒金邊粉$88(蝦好大隻，好新鮮入口脆卜卜🤣)，我order左椰汁沙冰$33（略嫌椰子味5夠重😅)，朋友就order左檸檬梳打，今晚我地坐outdoor座位都5會太熱亦好舒適