影片
電話號碼
54964460
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
之前經過見到間野雖然細間但好似睇落幾吸引想試下，可惜鋪頭細所以冇堂食到，後來就叫外賣試下睇menu有幾個餐都吸引，但諗住第一次試，穩陣起見都係叫個common Thai food：泰式香茅雞翼煎蛋飯。送到來食先發現中大伏！第一，雞翼唔係香茅雞翼，只係炸雞翼，都算。第二，第一隻雞翼食到一半覺得生生地，吐出來睇真係生，再望返隻雞翼原來入面根本唔熟，諗住算啦，試下第二隻。點知都係生！一共三隻雞翼，食左兩隻都係唔熟，你仲食唔食第三隻呢？我覺得我仲肯比機會都係咁架啦⋯⋯ptsd地食埋第三隻都真係人生第一次有嘅經驗！好彩都唔係黑仔得咁緊要，第三隻係熟嘅，相對就細隻啲咁可能易熟啲啦⋯⋯第三，即刻影晒相搵客服，咁都一如所料架啦，唔肯退款。咁點都要講比大家知警世下啦，然後先發現中伏嘅唔止我一個，唉
繼續閱讀
入面啲人勁串唔知咩料，，，正常同你溝通之後唔知喺度串乜嘢😅啲嘢又難食，，，嗌咗煎蛋肉碎飯，勁誇張點知啲肉碎完全唔似肉碎，，，，碎晒做一粒粒完全冇口感呢樣嘢可言，，你差唔多碎晒做粉都算，，有時仲要有一兩粒硬到傻，唔講以為自己食緊擦膠，，，難食得誇張，，本身以為泰國嘢香葉肉碎蛋飯點都唔會中伏啦，點知人生第一次食咁伏嘅泰國嘢😅個外賣食咗兩啖就抌咗，，擺唔落口sorry，，，喜歡食擦膠嘅朋友可以嗌🙏🏻仲要唔係話特別平
繼續閱讀
叫左外賣泰式豬腳飯。極之難食豬皮多毛，肉質差，味道差，極似湯渣。加個白飯，加個辣汁就叫自己做泰式豬腳飯。極似廚餘，試左一啖，揼左。仲要唔平。完全唔係泰式豬腳飯。極道懷疑似係攞湯渣加小小汁就比客。
繼續閱讀
服務：正常落單個收銀都無緣由咁攻擊人，不能理解，完全無意義。單係呢點我完全唔會考慮再幫襯，亦唔建議食客門巿幫襯。如果你想買外賣，我唔建議你打返比鋪頭，因為我估都係受氣。時間：叫兩樣野，大概20分鐘，合理。（目測間野外賣單算多，幾多車手）食物：一般，唔係好食，但唔係難食。偏辣其他：- 買完先發現收銀落漏單，同收錯錢。不過唔同佢計較啦。- 建議其他食客先睇完鋪頭評價（包括其他分店- 有食客食完其他分店嘅野肚痛，我自己食完之後冇
繼續閱讀
尋日同朋友提前玩聖誕party，記得附近新開左間泰國嘢所以試下，叫左8樣野加杯泰式奶茶埋單$700有找，超抵食，不過份量就小d，4個人食先啱啱好，所有餸偏辣小小，酸小小，但都ok，性價比合理👍🏼叫左香辣魷魚串、冬陰功湯、泰式生蝦、辣椒糕炒虎蝦、泰式炒通菜（份量偏小）、沙嗲串燒（豬、牛、雞各兩串）、泰式肉碎香辣炒粉絲（味道偏酸）、泰式生菜包（味道偏酸）泰式奶茶係個friend飲，佢話都唔錯👍🏼
繼續閱讀