泰Cow

營業中

休息中

山長水遠入到去食，所謂人氣泰菜餐廳，完全唔會再有下次，落單之後唔使10分鐘已經可以全部上齊菜，速度快過茶餐廳叫午餐，冬蔭功湯唔熱，炒菜唔熱，串燒豬又柴又乾，咸魚炒椰苗完全無味道，必食推介蒜蓉金磚我肯定你地自己都整得好食過佢，反正無一碟係熱辣辣上枱，味道真係好一般

在元朗逢吉鄉附近有間泰國菜，父親節當天與家人駕車去慶祝吃晚餐。我大概在父親節前的一個半禮拜訂位，餐廳分兩個晚餐時段：六點和八點。當天我們5:45左右到達，已經沒有walk in位置，因為餐廳位置比較偏遠，建議大家先訂位～ 🔺紅咖喱南瓜軟殼蟹($188)：酥炸軟殼蟹金黃酥脆，原個南瓜仔入面裝滿微辣的紅咖喱，再加上煮淋的南瓜，令咖喱的味道惹味香甜。🔺泰Cow小食拼盤($188)：拼盤有多款小食：魚餅、春卷、沙爹串燒、炸蝦餅和雞翼。每款小食大概有6件左右，適合家庭和一大班朋友！🔺大蝦粉絲煲 ($268)：泰式大蝦粉絲煲香辣開胃，每一條粉絲都吸滿湯汁，亦不怕容易煮爛。而家大蝦新鮮彈牙，大蝦的鮮味十足。🔺明爐冬陰公烏頭($168)：冬陰公湯底惹味，酸酸辣辣很開胃，而且有不同的香料，令湯的味道更豐富。原條烏頭吸滿湯汁，肉質嫩滑且魚味香濃。

其實疫情前黎過，野食同服務都唔錯，冇咁差。今次野食正常，唔可以話係好食，但成個過程，我唔覺得係黎食飯，好似我黎乞食咁。🙄所有侍應西口西面，問野串咀答，又落漏單。燒烤種類，唔似餐牌寫既咁多，10樣只得5樣有。由入黎餐廳到離開，除左上菜個刻，完全唔覺得有服務可言！😡打黎問有冇位時，交台時間冇講清楚，然後攪左一輪呀姐走黎西聲話：你食啦！你想食到10點都得呀！真係未見過咁既餐廳… 疫情咁耐都仲捱到，好奇怪！🤔🤔🤔🤔

想食泰菜又咁啱揾到呢間係元朗隠世泰菜，所以同屋企人揸車黎食🤤佢個環境幾舒服，出面有好多位可以比小朋友走黎走去玩下，比佢地放下電，(˶‾᷄ ⁻̫ ‾᷅˵)大人就可以坐係到食下野。枱同枱之間都幾闊落，唔洗咁迫👍🏻食物方面，最推係個金磚蒜茸包🧅🍞！勁香蒜茸同牛油味🤤🤤食完一個再encore 第二個！之後就係個青咖哩，個咖哩好香，好重椰奶味，攞黎點印度簿餅超好食！( ´▽` )ﾉ啲小朋友都食唔停口。其他小菜就普普通通，不過不失

嚴峻疫情之下要揾餐晏晝堂食都吾容易星期日的Lunch Set 🥘🥣🍸🍺雖然味道沒怎驚喜感覺但價錢合理~選擇也不少~室內環境舒適~座位與座位之間亦算寬敞總括來說性價比不錯一定會有下次👍

首先專登揸半小時車入去，去到冇人帶位，自己揀啦，坐低左個待應叫我去另一張，就放低支水，吓，自助餐呀喂，個位重要曬到嘔，我話坐入面，之後入面個男待應，好能Q晦氣，你鐘意啦你鐘意啦，執枱執到 炳靈白蘭 😡😡嘩，我同老公心唸，咩事呀，洗錢要受氣架咩，妖！！！決定走走 ，唔食你，唔會死囉 最重要係果時係冇咩人，得3，4枱客， .重点係全部侍應塊面黑過包青天，可能比人落獲啦，哈哈哈

年初四嚟呢間隱世餐廳食泰國菜，四個人總共嗌咗五樣餸（唔知點解張單打三個人😓）。其中流心芝士蝦丸每粒竟然要$22，size又唔係大，真係食水好深🤯 金粒蒜蓉包應該係招牌，不過食唔出有蒜蓉味，包身都脆嘅，但$68得四舊仔就唔會再試啦。香葉肉碎算幾惹味同香口，鐵板蠔仔蛋都幾嫩，冬陰功鮮魚我就冇食。食嘢嘅時候啲夥計一直喺度推車搞到好大聲，好滋擾🙈 而且一直有烏蠅同蚊滋係食物嗰度飛黎飛去😖 整體來講，位置咁偏僻，但嘢食賣得咁貴，性價比低，冇下次🙈

這間餐廳的位置十分偏僻，基本好少人能找到及留意到這間餐廳。餐廳在元朗錦田逢吉鄉裏面，好似沒有小巴到的，他的客源大部分都是附近的居民或附近工作的人，或旁邊Park Nature露營車的遊客。我都是去露營車才發現這間隱世泰國菜餐廳。餐廳有室內及室外座位，地方都十分乾淨。當日天氣十分好，所以選擇坐戶外，員工十分貼心，驚我哋曬☀️，就把餐枱移去有遮陰的地方比我哋👍餐廳門口有個很大的魚池，外觀裝修都幾靚👍三色冰和珍多冰，原價每杯是$35，不過其中一杯是跟午餐海南雞飯的，有特價，只收$8，好抵飲。味道方便就偏甜，椰汁味唔夠，啫喱條亦少☹柚子鮮蝦沙律，柚子好多，味道亦是偏甜，但都ok。馬拉盞通菜味香濃，通菜不老沒有渣👍💯。海南雞飯(午市套餐)，抵食😋。肶肉+胸肉+翼，啲胸肉形狀都切到好似肶肉一樣😅， 肉質方面唔"鞋"，但不太有雞味，蔥油香，但跟的泰式醬汁就比較辣😬😬，而跟湯好飲，很清香，因加咗芹菜😋， 唯一可惜不是油飯。價錢算抵食，雖然比較遠，但有機會都會再試一試。希望飲品方便改進一下😬😬餐廳只收現金， 亦有免費泊車的地方。

真係唔楂車唔會知！話說我有朋友住park yoho, 楂車經開原來後邊有間穩世既泰國餐廳 ！有露天亦有室內位置, 係個咁空擴既地方食野的確十分唔錯！隔離有露營車可以入住，係入黑黎食睇星星最好不過！食物水準唔錯, 佢既黃金多士十分推薦，係呢個咁舒服既環境食便有一番風味！👍🏾👍🏾

地方偏僻，雖然要揸車入去，但都滿坐（需要book位）依間泰國菜聽左好耐，終於同朋友去試到我地6人選擇坐戶外，氣氛比較好，天氣開始轉涼所以好舒服，不過戶外有蚊，會俾蚊針嘅朋友要小心😬生蝦刺身蝦肉爽口彈牙（有6隻）咖喱蟹個咖喱超好食，唔會好辣，有個朋友唔食辣都食到，椰奶味較重，點薄餅/送飯一流招牌金磚蒜蓉包冇乜蒜蓉味，不過外表打卡好吸引，可以用來點咖喱汁小食拼盤拼盤入面各樣野都一般，建議可以叫其他野食另外仲叫左鹽燒烏頭（魚肉好滑，燒得岩岩好）馬拉盞炒雜菜（有小小辣不過都好惹味）我自己最推薦係咖喱蟹，最後加多份薄餅黎食埋啲咖哩（薄餅係脆嘅）好食！服務態度都好好，同我地有講有笑，最後仲請我地食龜苓膏會再帶屋企人黎食

環境還可以，食物差，服務態度非常差，尤其是老闆（男，女），老闆只會叫你整啲最貴嘅既嘢食，成間（X店）咁，唔使錢都唔會再去，地點又偏僻，揸車入去又危險，全程單程路，總之就一定唔會再去。勁差！

第一次寫食評😆我哋喺book咗隔離觀星露營車，所以就book埋呢間晚餐方便就腳六人行叫咗7樣嘢，總括來講，都好好食，性價比高。雖然花甲得幾隻，同個服務員講，他態度都很好，表示不收這款菜的價錢，所以我們對這個回應都表示10分滿意。買單時，每人$110👍走的時候，突然被服務員截停了，我以為叫我們買單，我立即緊張表示已經買單了，原來他截停我們，是為了給我們每人自家製的龜苓膏🤣 個龜苓膏味道都唔錯，服務員睇提咗我哋會有小瀉排毒ge情況，所以我哋都係第二日出camp前先至食😆

入完park nature露營車玩完，就岀黎門口既泰cow食lunch至少，食泰國嘢有泰啤飲先！好重要！蛋包炒金邊粉⭐️⭐️⭐️⭐️🇭🇰$98賣相好吸引！炒金邊粉酸度夠！茄汁落得夠先好味！只係d蝦太細隻，差d！只扣這一點分咖哩牛腩⭐️⭐️⭐️⭐️🇭🇰$98咖哩夠惹味，d汁點包食一流！牛腩嫩滑，只係份量細d鐵板蠔仔蛋⭐️⭐️⭐️⭐️🇭🇰$98蠔夠鮮甜，蠔既份量唔少，夾住蛋同芽菜食，正🤤金粒蒜蓉包⭐️⭐️⭐️⭐️⭐️🇭🇰$68招牌菜，附上青咖哩同黃咖哩俾你點包食。蒜香重，但又唔會難聞，點唔同咖哩又有唔同風味，試得過！過幾個月會再黎露營車，呢間泰國菜可encore

開心搵到一間可以帶狗仔同行的餐廳，同老公帶着小狗子坐戶外，點了1） 咖喱南瓜軟殻蟹2）泰式蒜蓉包兩味 (餐廳推介)3）馬拉盞炒通菜4）泰式鐵板雞蛋蠔仔我同老公都覺得食物好麻麻，咖喱🦀🦀冇咖喱味，馬拉盞通菜冇馬拉盞味，蒜蓉包只有牛油味，鐵板也一般。最唔開心係d服務，因坐戶外，食到中途下大雨，咁大間竟然冇人嚟處理一下，雖然有篷，但我哋張枱剛在兩篷中間，食物已開始淋雨了，我走去叫侍應幫手，佢好似完全冇意識一樣，我唯有叫佢幫手搬枱，結果半張枱濕了😡😡😡跟住坐下吃了二十分鐘，旁邊嗰台客人來了，侍應叫我哋把枱搬返原位，我問佢如果一陣再落雨咁點算？佢沒回答！呢間唔係一間新餐廳，而佢一向都有戶外座位，差不多有十幾枱，呢啲落雨時應該點樣處理，佢哋應該知道，我唔相信今日係佢哋第一次面對落雨，Service真係太差啦！

配合炎熱天氣 ☀️費心思去找泰國菜，準備和朋友慶生💃🎊 為了小寶貝🐕也可玩得開心，在網上找了很多間去比較，這裡有大型停車場，也有個绿油油小草地，整體評分也高，那就鐵定星期六傍晚來吧 👭👫位置比想像中近，一路的指示牌也清晰易找 👍😀餐廳有室内和室外，室內位置都算寬敞, 當然有冷氣嘆, 只是因為小寶貝🐶不能進入，只能坐在外面🌿🌳🪴親親大自然吧🤩外面是另一番特色，有綠色小草地和金色耀目的牛牛擺設，入夜後並有霓虹燈光映照, 情調十分浪漫 😍🥳🤗以下幾款食物真係值得推薦 🥢💯😋金磚蒜蓉包配雙色咖哩🍞🍞好食到 encore 又 encore 😆 外皮烤焗得超鬆脆，內裏非常鬆軟, 配埋唔同嘅咖哩醬, 做得非常出色惹味👍🏅酸辣烤魚🐠🐠🐠久違了的泰式酸辣味道, 不用飛過去都品嚐到 😄🥰 十分醒胃, 條魚外皮也煮得夠脆, 但內裡魚肉汁被包封住，沒有變乾，好正👍🙆炭燒雞🐤🐥又是廚師露兩手的時間, 外皮滿有炭燒味道 😝好香，適合配上冰凍啤酒 🍻內裏雞肉軟糯，十分有口感🤗價錢相當親民，要讚一班熱誠工作的小伙子，介紹最佳打卡位，也幫忙拍攝，讚 🥇🏆下次定會再來👍😃