海港燒鵝海鮮酒家

營業中

休息中

今日自己一個飲茶，順便寫評其實呢間飲茶野食一向ok，係唔夠侍應serve 扣分門口比飛個呀姐最食C我一個人搭台，要我排幾十張飛? 無病呀叫左鵪鶉蛋燒賣，蒜蓉春卷，千島醬蝦角，竹炭奶黃包鵪鶉蛋燒賣我一向鍾意食，唔會太細粒春卷我覺得唔夠脆，可能星期日多人番炸蝦角用千島沙律醬做賣點，係好食d竹炭，黑色奶黃包，同普通流沙包一樣，整色整水only。至於上面個d 金色我都唔知咩尼。。。靚係幾靚So far 只睇食物都ok

我們一班老友記想在星期日吃蒸氣鍋，一行8位，預訂了6:30pm 在大圍海港燒鵝海鮮酒家，在美林村商場有一小時免費泊車。呢個季節食蒸氣鍋點可以無阿拉斯加長腳蟹。我們點了6人套餐，包括：4斤半阿拉斯加蟹，一條魚，貴妃蚌，海蝦，黑豚肉丸，黑豚肉片，雞，蜆，粗糧，菜心，粥底，魚生拼盤及兩瓶竹庶水; 另加一隻燒鵝及選了一隻比較大的阿拉斯加長腳蟹重7斤半，每斤另加＄160/斤，份量十足👍👍超好味！蟹非常新鮮及其他非常鮮味，最後享受一鍋極品粥，非常滿足！

本來依道菜都係幾好選擇，還算有創意，不過咕嚕汁未炒均，淮山太細粒都無所謂，但粉太厚，如各方做好一點，會係炸物中的好選擇點解屋村茶樓永遠都好似唔會做得有水準呢~~

This is my first time to write. Please  don't go to this restaurant.  Poor services and unbeliveable bad food quality. We ordered food on 13 August 2017 and not arrived even afterhalf an hour. We tried to follow up and said no order so far has been placed. Then another 30 minutes and food still not yet arrived. No apologised and  so rude. At the end, when we pay the bill. The bill is wrong and charged us twice. That’s mean they have placed order twice. Cashier just take the bill from my hand wit

今次係我在openrice第一次寫食評。今日同媽咪食生日飯，去左美林村間「海港燒鵝海鮮酒家」，只能說我唔會再去。首先，我地打電話訂枱，本身想訂晚上7點鐘8位，但酒樓稱訂枱只接受6點半或8點半，結果我地就訂左6點半8位晚飯。6點半我地準時到達酒樓，攞位時酒樓叫我地等等，咁我地就等佢安排，結果原來佢地無留到枱俾我地，仲想係門口旁邊開張枱俾我地坐，我地當然不滿因爲我地無遲到，我地問佢點解無留枱，佢話已經滿左，多次爭論後佢話我地遲左5分鐘（但我地無遲），後來該名經理話有張枱埋緊單叫我地等多一陣，結果我地企左25分鐘，6:55分終於入坐。1. 訂枱時酒樓話可以訂六點半，咁點解無留枱？2. 如果係鬥快入座，大可以告知我地六點，咁我地可以訂六點。3. 如果唔留枱俾客可以話唔接訂枱，最多我地食第二間或walk in攞位4. 我地準時到但無留枱仲要老屈我地遲到坐低後我地叫左個$298長腳蟹刺身盛盒但上枱既竟係一碟似俾人食過既拼盆（如下圖）而傳菜的人咩都無講就擺低左。重點係，個拼盆係無長腳蟹😑，之後傳菜拎豉油黎，我地問佢長腳蟹係後上定係點？傳菜話轉頭黎。我地等左陣覺得怪怪地，點解長腳蟹要後上，之後我地再搵

有時一家大細 搵地方食野都幾頭痛屋企人又唔鍾意去得遠 又要坐得舒舒服服之前見人介紹過蒸氣火鍋 都係九龍區作為新界牛既人 而家見到大圍區酒樓都有搞蒸氣 就膽粗粗帶屋企人去試下😆😆😆人手打墨丸 蒸完又彈牙新鮮南非鮑魚 直到落窩個下都仲係到郁郁下 好鮮呀😯😯😯蒸爐火力好勁 每樣野都係幾分鐘上碟 不得了6-7斤重既大澳洲龍蝦 最岩一家人食😋😋😋另外我地又再加左阿拉斯加長腳蟹 蒸既食法 原來可以咁鮮甜 爽口😌😌😌提大家呢到食蒸氣火鍋係有套餐有分6位餐同12位記得點清楚喇！！

陪家人飲茶甜薄撐重蛋味軟熟覺得好吃鮮蝦腐皮卷可能本身不太喜歡吃腐皮卷所以覺得沒什麼特別野菌雲吞看餐牌以為是炸雲吞裏面是野菌，結果是湯雲吞，而且雲吞的餡也不是野菌，只是浸著的湯有一些野菌，有點失望小籠包皮厚，汁少流沙響奶黃包沒太多餡的流沙奶黃包蝦餃正常

雖然住得唔近，行過黎美林邨呢邊都要二十分鐘，但屋企人鍾意放假飲茶，所以都經常黎。由之前等位要45-60分鐘，到而家不用等位or 15分鐘，相信系因為海港愈黎愈hea，而且與2016尾大幅加價有關。大排檔美食由$18元改至精點，近四成加幅，而且最近所有點心價錢都加左價，點心紙都轉了左。但食物水準卻每況愈下，牛肉腸既牛肉冇咩味，而且粒馬蹄可以成塊指甲甘大，真心覺得玩野。三星燒賣根本系伏，超難食，糯米淡而無味，裡面塊豬肉同樣淡口，成舊物體就系一啲味都冇，相當嚇人。其他野都一般，鳳爪個醬汁又好淡，XO醬炒蘿蔔糕啲蘿蔔糕居然切到兩隻麻雀甘大，完全唔入味......利害。

1斤石班魚+1碟例塊燒鵝，1㷛響螺花膠雞湯和1碟炸墨魚餅首先來的例塊燒鵝，除了兩件脾位外，其他完是皮+肥油（全部都是），原本我老公話換的，但我怕衛生問題，所以沒有換！跟著來的花膠湯，已經不是第一次飲了，每次的湯渣都有丰富的湯料，但今次的湯，只有1塊豬肉，3-4隻雞腳，3-4塊花膠和很鹹的湯水！再來的是部長話1斤好抵食的石班魚，其實我們每星期都有一天去海港吃晚飯（除了沒位外），所以很多餐都吃過很多次；每次條魚都有一斤重，但今次只有半斤左右，問部長佢話咁上下，係咁樣！到炸墨魚餅，我哋食到有点酸，跟一位女部長說退，不要了，她拿走並跟那個幫我們落order的男部長說，他望一望我們就不再理會了！隔離桌子的兩夫妻，見到我們退魚餅，就問我們原因，之後有另一位女部長跟他們落order，兩夫妻話原本想要炸墨魚餅，但我們話酸的，所以不要，但那位女部長竟說:每個人口味不同！聽到她說，我有点嬲！立即結賬！不明白点解有咁樣的服務態度！

海鮮蒸鍋是近期潮食，估唔到海港都推出蒸鍋，見又唔係太貴就同一大班同事嚟食下先!佢就唔係似出面果啲幾多層蒸，只係有1個蒸鍋，首先擺好米先等佢慢慢煲粥，唔洗較時間，因為酒樓員工會幫你，之後就會疊1層俾你蒸野，時間就自己禁，佢仲好細心寫埋俾你知每樣野蒸幾多分鐘，好方便。手打蝦丸，都算彈牙，淡淡的蝦味，唔算膠質。黑豚肉丸，蒸完好重肉汁，甜美彈牙，好正。新鮮牛肉片，份量都幾多，蒸4分鐘剛剛熟，入口鬆軟，肥瘦適中。小籠包，比較大個，記得要放啲野去墊底，如果唔係蒸好夾起嚟就會痴實左，會漏曬湯汁出嚟，咁就浪漫了。肉汁好濃郁，食1個都唔會太漏。蒜茸粉絲扇貝，大大隻扇貝飽滿而有光澤，配上粉絲食簡直1流，好想再食多幾隻呀~~有兩種蜆，大果種好似叫刀貝，每隻都有肉，唔會打開係無肉，肉質都鮮甜，爽口。半隻木耳蒸雞，同店員講左幾次先拎俾我地，味道無咩特別，醃得唔夠入味所以都好淡口，拎去煲粥應該仲好味。龍蝦啊！有6個半隻，唔係隻隻有膏，中size，肉質有咬口，食到都係新鮮的。 見到人地食燒鵝，我地又想食，就叫大一個半隻，皮脆肉嫩，啖啖香濃肉汁，雖然怕肥成口油但好味到忍唔住食左幾舊仲有幾碟唔記得影相，但總體嚟講質數都

海港落戶大圍美林邨一年許，我經常也會過來飲茶。先不說食物，這裡的總結是衛生差，人不足! 食具經常有菜渣污積，杯碟油膩，坦白說，衛生真的很要緊!人手方面，每位待應也很忙的一樣，換換水也很難找到人。劣評也者是給它的衛生，這次如是，杯碗有食物殘渣，點心的碟極級油膩，我一拿起，整隻手也是油!食物方面其實OK，是可以接受的，不然也不會經常來。鮑汁雞腳的鮑汁濃郁，炆得軟腍入味，但只有五隻雞腳，連花生也沒有；香芒鮮蝦卷有點像沙律海鮮卷般，炸卷內有大量沙律醬和蝦仁一粒，味道過甜，吃到一口沙律醬；黑椒牛仔骨札卷($18.8)，這個真的搵笨，娃娃菜包著極小的一塊牛仔骨(骨多過肉)、芋頭、金菇，有兩件，芋頭更是淋到散曬

一家人食飯通常會去d傳統少少既地方食所以我地係酒樓既常客今次試下d酒樓既新野 - 蒸氣火鍋 俾大家睇睇蒸氣火鍋究竟係咩一回事先如片中所見其實有別於一般火鍋既就係佢無湯底只靠蒸氣蒸熟食物由於無味精既關係相對上會比較健康(同埋淡)每擺一種食材落去要蓋番個膠蓋然後計時張menu上已經寫左每樣食材要蒸幾多時間一般都係2-3分鐘建議各位可以學我地咁將所需時間一樣既食物一次過放落去蒸會比例節省時間 由於蒸氣火鍋無湯底, 相對野食會淡d所以我地叫左好多海鮮因為佢地自身已經好鮮甜配少少豉油已經好好味!例如呢個鮑魚大大隻咬落爽口唔痴牙點少少豉油已經好令人回味!5分滿分! 我地又點左帶子呢度d食材真係唔錯同鮑魚一樣帶子都係好大粒咬落唔韌口夠哂新鮮!俾5分! 海鮮食材比其他肉類較新鮮所以建議大家食蒸氣火鍋時多點海鮮而且亦會比食一般火鍋時更加感受到海鮮自身既鮮味

海港酒家是近這一年才於美村邨開業，但地點不是太就腳，所以一直也未有在這邊飲茶。平時也去新翠邨的稻香或在大圍墟那邊的新強記、明星海鮮酒家、新斗記等飲茶。海港說不上是什麼優質食肆，但質素卻比起上述的還要好一點，可恨一直在大圍也覺得沒有一間滿意的酒樓，而海港算是及格吧，但當然部份點心仍待改善。星期六下午一時半不需等位便可入座，而且下午茶也不用等太耐。食具還欠一點潔淨，衛生有待改善。。。。。。鳳爪排骨飯是我每次在海港也會點的，海港的甜豉汁混在排骨和飯粒之間特別好食，飯粒雖然太濕質感一般，但味道討好，比一般酒樓的好吃。春風得意腸並不是夾著炸兩，而是春卷和鮮蝦，中間還放了香蒜，腸粉脆身之餘，還很香口。黑椒金錢肚味道不夠香濃，由於金錢肚較難入味，所以醬汁要非常濃郁才會好食，因此對我來說還是淡了一點點。豬腳薑的豬腳炆得相當軟腍和入味，薑、醋味道均是香濃，但與一般酒樓的並無大不同。鮑魚燒賣有一隻鮑魚特別細，真是頗精緻可愛，坦白說$18.8也不會期望是什麼鮑魚。可是燒賣的豬肉好像不太新鮮，沾點豆瓣酱能遮掩這不足。

大圍美林村無咩食肆，所以開左間海港之後，便與家人去食晚飯，飲茶已經數次（見下文逐一評論）。我最想提出既係服務態度，當日飲茶時落左單點心無來都算數 ，只想問一顧客服務員（吳X紅）查詢訂檯吃晚飯事宜，但佢態度惡劣，晤單止晤想幫你訂（可能太好生意！），重要粗聲粗氣話，「呢到無可能幫你訂，你一定要出去櫃台訂，我幫你晤到，出面先有記錄，呢度訂晤到檯。」。我好奇怪，我地係晤同酒樓食午飯時順便訂晚飯從來都無問題，呢間海港係唯一例外！ 好啦，食完出到去。見到佢企係度，開口問訂位，佢望左我一眼之後立刻轉身令歪面當聽晤到，於是老公行過去問，但佢又特登逃避我地既眼神，最後我老公大聲話晤該訂檯，佢死死氣才令過來，而且態度愛理不理。如果晤係已經約好家人，我地一定會改地點食飯。 我對鄉音未改的人士絕對沒有歧視，有好多更是笑容滿面敬業樂業，但呢一個顧客服務員既態度就十分傲慢，我相信係因為大圍美林沒有其他選擇，太多生意既緣故。順帶一提，其中一收銀亞姐係全場較友善既一個，溫文有禮。綜合食物方面：食過晚飯＄1998全包宴，材料豐富，尤其是龍躉兩味，全隻燒鵝幾好，熱喇喇上檯，（但另一次晚飯叫例牌就吾掂，一看就知隔夜！仲話自

今日去大圍間海港食晚飲， 洛單個陣個女侍應心不在焉，洛完單又無入機，催完又上唔齊的送又上錯送， 蒸鮑魚變盬燒鮑魚，明明洛單講得好清楚用蒜茸蒸， 心諗都係鮑魚就算，但過左四十分中元貝同條虎斑都上唔到， 再催 之後個侍應話條魚等多陣蒸梗，於是再等一下，點知他們剛從魚缸錨起條虎班(我們坐係魚缸旁),看得好清楚，心諗不會還未蒸吧，等左十五分中，再催，又話要等，結果叫經理取消order, 其實我不介意食唔食到條虎班，你照直講話漏左單， 條氣仲順，附上圖  取消order個態度又差