影片
以上資料只供參考, 請與餐廳確認詳情
成日去街市買餸，都會路過呢間野，今晚終於有機會試下，今日晚市，唔算好多客人，坐得舒適自在，環境唔會太迫，又唔嘈。職員方面，主動加茶水。1）片皮鴨$168，會有職員在你台前片鴨，呢個價錢，片比你睇，算係咁啦。至於鴨方面，肉質唔錯既，皮脂正常，一分錢一分貨，配料款式就少左d。2）蒸魚（1斤），因為太肚餓，無影到，魚一上台，職員會主動，幫我地開魚，淋上蒸魚豉油，仲好溫馨提示咁，襯熱食呀。食物質數，魚鰭棟L,蒸得岩岩好，下次會叫2斤試試。3）咕嚕肉（$108），我地叫左個普通版，佢地整得好好食，有麥芽糖feel，菠蘿又鮮甜。總括黎講，酒樓服務好，坐位好，環境好，大家支持啦。我已經諗緊下次食乜lu.....
繼續閱讀
早茶係唔錯既選擇；同屋企人飲早茶🫖我會早餐連午餐一齊食依間既早市優惠真係幾抵；盅仔飯好香且材料又多；芫荽牛肉腸真係皮薄餡料豐富；蝦餃雖然一籠兩件；但包住既蝦肉滿滿；同埋似係即蒸👍🏻到最後不得不讚個香煎蘿蔔糕；屋企人竟然會話食落唔覺好油膩；仲好乾身好香好好食；難得難得🙌🏻
繼續閱讀
長輩生日 全包宴就啱晒喺黃埔繽紛廣場入邊一樓 海灣漁港 加埋一 都係$3286 服務員仲熱情招待！分別有鴻運乳豬全體 乳豬脆皮爽口！上湯焗澳洲龍蝦，龍蝦亦都啖啖肉！黃金海鮮卷⭐️⭐️⭐️⭐️滋補佛跳牆，佛跳牆味道濃郁入味！蒜蓉龍躉頭腩，蒜蓉粉絲亦都好入味！蠔皇原隻鮑魚扣鵝掌⭐️⭐️⭐️當紅脆皮燒雞⭐️⭐️⭐️瑤柱雞粒炒飯⭐️⭐️⭐️仲有蓮蓉壽包酒樓最後仲送咗紅豆沙老人家好開心，非常豐富嘅一餐！
繼續閱讀
真人真事自費實測，住咗喺紅磡幾十年，出街食飯無數，而家係半夜12:00，都忍唔住要出post講一講呢間酒樓。今晚同屋企人諗住開開心心食返一餐生日飯，留港消費。我叫左半席$1680餐，有乳豬半飯，雞半隻，龍蝦…..真心呢間唔係平，亦唔係最貴。我地一行5人（兩位老人家），半席對我地黎講係有多既。咁叫佢上菜，10分鐘已經上左3～4味送菜。見唔對路，已經叫佢暫緩一下好喎。啲侍應好似聽唔到咁，繼續上，枱都已經放唔落喇。侍應叫我地同經理講…我： 經理啊，坐低上菜20分鐘都無，啲送上左8成，咁趕時間啊。我話上左3～4味時已經叫停佢地喇。何經理：一味烚熟狗頭咁講唔好意思，又話叫我體諒，叫我聽佢解釋，就話我哋唔係包廳。聽完呢句我真係覺得香港飲食已死之後我聽到佢同啲侍應講，你同廚房講唔掂叫我（何經理）同班廚師講。之後竟然同我講啲送凍啊，我同你拎返入去蒸啊….真係越嚟越火滾。明明說好啲要瑤柱蛋白炒飯，又上錯左瑤柱雞粒炒飯。上至經理下至廚師/侍應，服務態度極差。唔怪得知人要北上消費，$1680 食一個快餐。唔會有下次。完。
繼續閱讀
早茶驚見老鼠屎想嘔🤮🤮🤮🤮🤮🤮碟點心黐住2粒老鼠屎我哋叫個男經理嚟經理勁唔耐煩咁仲要態度超差 好似做錯事嘅係我哋佢仲話你哋叫嘅係孖寶你哋要取消哩碟咁另一碟就要畀正價 一係就換其他🤬🤬講完佢番偉論唔夠2秒就叫第二個侍應嚟處理後來有個醒目少少嘅女經理走埋嚟立即取消個孖寶餐係咁講唔好意思話已向廚房投訴成件事超嘔心
繼續閱讀