影片
港鐵油麻地站 A2 出口, 步行約4分鐘
繼續閱讀
電話號碼
36117092
營業時間
今日營業
12:00 - 21:00
星期一至日
12:00 - 21:00
以上資料只供參考, 請與餐廳確認詳情
招牌菜
海賊深海魚柳漢堡套餐 呢個好祗食，魚柳都好大塊，跟大大包粗薯條同飲品！黑武士套餐 蘑菇黑松露牛肉漢堡，松露一般味道牛肉口感同味道爭少少，薯條改左洋蔥圈但覺得洋蔥比例好似比較少好似食緊炸粉，一樣包飲品！海賊寶藏套餐 魚手指×2香芋地瓜丸×2洋蔥圈×3炸雞塊×3魚手指好似唔太魚😅其他都係正常水準！
繼續閱讀
漢堡包熱辣辣即叫即造好新鮮好好食，份量又充足，薯條係厚切好有口感，仲有佢嘅即炸薯條外脆內軟好食，跟餐仲有多種款式罐裝飲品任君選擇，仲要唔洗加錢，好抵食，推介之選
繼續閱讀
時近年尾比較忙! 因為.... 又有客人搵我問來年運程，所以約係旺角D Café 傾，傾完之後佢提意一齊去食飯，但佢話去食齋，老老實實，我果時就真係無咩心去食齋，想食吓肉，所以婉拒好意，再搵搵有咩美食，問女友小熊想食咩，佢問我當時身處如地，我話係波鞋街，小熊就指我去街尾，話緊係去海賊船買漢堡包啦!仲叫我快D買翻嚟㖭呀! 即刻感覺自己慘過做熊貓袋鼠.....小熊要咗個黑武士 (似佢啦) 套餐，我就要份海賊蛋牛漢堡套餐.再點咗一客牛油粟米，脆辣雞粒走辣，雖然忌廉磨菇湯比較貴，都叫咗一客試試.即使老麥貴價系列嘅安格斯漢堡，都唔夠海賊船塊牛肉咁鬆軟，而且老麥D牛肉食落仲有渣添，所以無辦法唔幫襯海賊船.黑松露味道從來都好強烈，所以好正常蓋過牛肉味，未打開個外賣袋已經透出陣陣黑松露香㖭!洋蔥圈外脆內軟，不過今日油益味重咗D，原因稍後講.薯條份量比老麥多，齋食薯條已經夠飽! 哩點俾個讚!我話想食脆辣雞粒但怕辣，店員即刻話可以走辣，咁咪識做生意囉! 而脆雞粒外脆內軼又juicy, 炸得啱啱好唔會炸得過火，滿意.磨菇湯其實係磨菇蓉，又濃郁又美味，貴得有道理.由於即慶，所以無預早用 apps 落外賣單，如果等成15分鐘先有得攞，估計店員唔想人客等太耐，D炸洋蔥圈未滰干哂D油就入袋，所以有油益味.等單其間，有位袋鼠外賣女踩單車到，不停催單又話等得耐，喂! 我個餐都未出啦! 催咩啫! 佢做外賣我又做外賣，佢都話有錢落袋喇，我無錢落袋仲要嘔錢買外賣俾小熊都未出聲.....咁.... 我係咪應該冒生命危險問黑武士攞翻錢?
繼續閱讀
海賊船呢間食第三次，覺得小店又平靚正之後食過蛋牛漢堡😋 蛋黃未熟哂咁有蛋汁實在太正今次再試埋其他😋💛 海賊吉列炸蝦漢堡套餐 $34入面有菜、芝士、兩條炸蝦，一啖咬落去有驚喜！圖二就見列，入面啖啖蝦肉，$34真係嚇親我配埋薯條同汽水，薯條份量好多，係粗身薯條咬落去都係薯泥，係我鍾意既薯條😍💛海賊蛋牛漢堡套餐 $43入面有牛肉、芝士、菜、蛋，牛肉係厚身好重牛味！蛋我會較鍾意蛋黃唔全熟有啲蛋汁就更惹味😋成個包好厚身，好有層次，好豐富同樣配埋薯條同汽水！價錢：$77 （兩個人）⭐️⭐️⭐️評分：9/10⭐️⭐️⭐️（呢個價錢，呢個份量，呢個味道，都無得輸啦）#即日食即日打系列📍海賊船 (旺角)旺角登打士街43H號登打士廣場地下8號舖
繼續閱讀
經過見到新推出的三文治，便嘗試了凱撒慢煮雞胸三文治和BBQ吉列豬扒三文治，兩款三文治都很不錯。凱撒慢煮雞胸三文治的雞胸肉嫩而多汁，配上酸甜的凱撒醬和生菜，口感豐富。BBQ吉列豬扒三文治的豬扒外皮酥脆，內裡肉質鮮嫩，搭配BBQ醬，番茄和生菜，味道不錯。兩款三文治都是烘底，麵包脆身好食，不會變軟。跟餐加10蚊有薯條和飲品。薯條是粗薯條，份量十足，非常抵食。很值得一試。
繼續閱讀