深深甜品

營業中

休息中

深深甜品位於深水埗桂林街，喺深水埗地鐵站D2出口行過黎好方便的哦。呢度環境以鐵皮信箱同埋仿古圓桌圓椅做襯托，富有舊香港往日風味仿效著舊香港特色外，亦造出高質素既甜品餐牌上有各式各樣甜品選擇，老少咸宜仙草凍西米露仙草凍同西米露甚少混為一談，但合起黎又出奇地夾同幾好食！仙草凍冰涼香滑最啱大熱天時食，消暑解渴一流而西米露已經充滿口感之餘，重點係唔會過甜，啱晒怕肥嘅我！微微清香，口感嫩滑亦好啱老友記品嚐👴🏻👵🏻

食完lunch 個肚仲有d位梗係要食埋甜品la揾左陣見到呢d好 old school叫深深甜品門口已經好有feel好鬼懷舊 感覺在出面 睇個menu都吸引我gogooo個menu好似d古代 武林秘笈咁我就叫左呢個 配愛玉 再加海底椰呢度仲有好多好多甜品俾大家選擇呢度d佈置都好old school好大排檔feel呢個叁元豆花 好足料有黑糖珍珠 豆花 芋圓 地瓜圓愛玉 小西米 仲有椰果睇見都覺得 滿足 好足料而食落ge味道呢黑糖珍珠 夠晒黑糖味而且都係細粒珍珠 份量都好多芋圓 地瓜圓 都好煙軔 每款都有幾粒 但唔會唔夠因為都大大粒而愛玉都食到好d lemon味而豆花 同 小西米就在底部要撈起先見到他們總結 好滿足 好飽

💜深深甜品💜今晚同男朋友黎到深水埗食地茂腸粉😂然後直落去左食甜品😉黑糖珍珠檸檬愛玉 ($27)黑糖珍珠好好咬口原來愛玉即係啫哩，清清淡淡咁，感覺好fresh😋加上少少既蜜糖，甜甜地好食。仲有一隻Gumby bear 訓左係塊檸檬上面，真係cute cute!叄元豆花 ($33)豆腐花、芋圓、地瓜圓、黑糖珍珠、紫薯西米 配 香草雪糕除左黑糖珍珠外，緊係有主菜豆花！豆花好滑口，唔會好碎。加上芋圓同地瓜圓，好好𡁻頭。仲可以配雪糕或者其他配料。十分之足料！鋪頭裝修好懷舊，有懷舊收音機做收銀，頭頂有晾衫竹，裝身有信箱等等既70/80年代既風味！

這日跟深水埗地頭蟲好友吃完飯意猶未盡，想找個地方下場繼續吹水，問好友有沒有好介紹，她說最近桂林街開了間新糖水店，門面看起來好過癮，可以一齊去試試。本人很喜歡試新餐廳，當然答應啦。去到發現都幾多人，等左一陣位。餐廳走懷舊香港風，裝飾處處見心思，餐牌做成是秘笈樣子，書名「如何叫甜品」牆上旗幟標語是「養生有益，專治失戀」都讓我們忍俊不禁，會心微笑。有基本港式糖水，或者潮式台式，朋友選了黑糖珍珠檸檬愛玉加芋圓($35)小熊糖躺在檸檬上，小小的趣味。愛玉不錯，滑溜，但略嫌不夠檸檬味，自己榨了小熊片檸檬後更好；最怕放久或未煮透的硬珍珠，這裡不會，軟棉棉滲甜味，但同整體唔夾，加在別款會更好。芋圓地瓜圓也不夠煙韌，可以更好。整體有口感，不會太甜太酸，都算可以。-我選了腐竹馬蹄清心丸加雪糕（$37）只因一向愛吃腐竹雞蛋糖水，見有特別版便試試。結果比想像中還好吃。腐竹同馬蹄好夾，都係清淡清香類，清心丸無味但好煙韌，唔錯；成碗軟爽Q都齊哂。整體味道好合拍，各不搶戲，但有豐富口感。喜歡～ 暗暗決定下次呀媽煮腐竹糖水自己加球雪糕。

是日返夜之前俾朋友急Call出深水埗🤔以為有咩事原來想搵我Hea下時間😏還掂我預早時間一於等佢出黎Hea陣🤪順便經過食個糖水等下朋友啦😆深深甜品位於深水埗桂林街從深水埗D2出口過黎十分方便隔離就係黃金商場食完仲可以去行陣😆呢度環境以鐵皮信箱同埋仿古圓桌圓椅做襯托富有舊香港往日風味☺️仿效著舊香港特色之餘亦造出高質素既甜品糖水😆核桃拼芝麻糊我個人一向鍾意傳統糖水☺️皆因兩款都喜愛所以就叫左兩溝🙈呢碗芝麻糊甚有麻香🤤食落嫩滑中又有微微磨粉既口感亦顯真材實料😆而核桃露核桃香偏重造到同芝麻糊相似既質感😆雙劍合璧Perfect Match😋重點係唔會過甜食到起哂啖微微清香口感嫩滑亦好啱老一輩品嚐👴🏻👵🏻☺️

住附近成日喺呢頭食糖水，最近新開左間新嘅甜品店，見到裝修幾靚而且好多人排隊價錢都唔貴，於是今日食完飯就去試吓啦。 佢有兩個招牌推介嘅糖水，為免中伏，我同男朋友每人要做一個招牌。首先第一個係芋圓，分量大滿足！除咗芋圓之外仲有黑珍珠，爆珠仲有雪糕！ 芋圓彈牙有口感得來，每一粒都有好香濃嘅芋頭味。另外呢個真可樂檸檬愛玉真係重點推介。食完飯唔想食太飽糖水，又想解渴的話，呢個實在係明智之選！最面層有一浸可樂沙冰，非常清爽解渴。愛玉亦係檸檬味，食落好似食緊檸檬味嘅啫喱咁，非常清爽涼快。總括而言可以話係一個檸樂味嘅甜品。臨走仲叫多兩個外賣比屋企人食，以後一定會經常再幫襯！

黎到深水埗黎個平價美食之地，上至小食，小菜，串燒，下至甜品，一應俱全。果日返完工做完GYM之後，就諗食正餐，但係已經好夜，所以係附近食個串燒之後就搵甜品食。本身有一間食開的甜品鋪，不過已經無做，機緣巧合之下，就黎左呢間深深甜品。去到門口見到都有幾個人係到排，不過好才我地兩個人有位可以直接入，我地叫左叄元豆花(跟香草雪糕)同埋芒果西米露＋雪糕＋愛玉。叄元豆花(跟香草雪糕)，呢一碗有豆腐花、芋圓、地瓜圓、黑糖珍珠同紫薯西米。呢D一睇就知係女仔叫架啦，哈哈!芋圓同地瓜圓黏硬度好適中；而黑糖珍珠有重重黑糖香味，令我諗起呢排非常愛歡迎的黑糖珍珠奶茶，另外紫薯方面，紫薯味好濃，擺埋哂一齊個口感好多層次，好爽。芒果西米露＋雪糕＋愛玉，呢個係一碗個個糖水鋪都有既選擇，不過佢有得加配料，我加左雪糕＋愛玉。加$5就有大大份量甜甜地嘅愛玉真係好抵，撈埋落西米露更加好食，雪糕一樣好食。成碗糖水甜度適中，唔會過甜，值得再去。

夜蒲深水埗，行下行下想喫返個甜品，附近都幾多糖水埗，但見到深深甜品，裝潢有懷舊特色幾得意，於是入左去。望下個餐牌好多野揀，有傳統手作嘅，又有港式fusion嘅，睇到眼花繚亂，心大心細。呢D時候梗係問店阿姐有咩好食啦。阿姐人好好，又親切。佢話傳統嘅芝麻糊係自己磨，心機野，可以食下。另外珍珠檸檬愛玉，同叄元豆花都好多人嗌，五顏六色，最啱D人鐘意打卡 😂 我都好鐘意打卡架，阿姐一眼睇穿我，於是我嗌左叄元豆花。豆花一大碗，配料組合本身已經有黑糖珍珠、紫薯西米、芋圓、蕃薯圓，之後仲可以自選一項配料，我揀左芒果 😋 珍珠充滿黑糖味甜甜地，紫薯西米粒粒分明，顏色又好睇。芒果算甜。芋圓、蕃薯圓又好食。而最重要嘅係，豆花超軟滑，加晒配料同花奶，好好食 🤤 令人深深愛上。雖然幾大碗，但已經唔想同人share 😆

用殘舊郵箱、舊玩具等等作裝飾。環境很有老香港情懷。食物又如何呢??叁元豆花 33芋圓、地瓜圓、黑糖珍珠、紫薯西米、紅豆，雖然每樣食材味道都不盡相同，但配豆腐花同食，全部都係 Perfect Match. 黑糖珍珠檸檬愛玉 + 加芋圓 27+7去台灣旅行都有食過愛玉，但由始至終我都唔知係乜嘢。原來係一種台灣特有的植物果實，不含糖、熱量低、清熱消暑。(Google 再次令我長知識)當晚天氣非常熱，食咗有檸檬香味的愛玉，的確有消暑效果。配埋 Q 彈黑糖珍珠、芋圓、地瓜圓，真係 Happy Friday…Overall 整體沒有太多花巧款式，但全部食材都有質素，而且價錢合理。相比好多集團式甜品店，絕對有過之而無不及。好食、抵食、值得再食…

早前深水埗電腦節，逛了一陣。嗰日天氣好熱，喺高登電腦商場附近，發現有呢一間甜品店，點左一個珍珠愛玉檸檬嘅甜品，幾清新，啲珍珠軟硬度適中，而糖水亦唔太甜，配搭唔錯。

早陣子到深水埗買東西，太早吃晚餐的關係，才8時多已經感到有點餓，便決定吃個甜品再回去。上Openrice 找到最近這間應該是新開不久的深深甜品，便決定試試。甜品店的裝潢設計頗有港式懷舊風，座位之間的空間很足夠，不像一般甜品店那麼迫。一坐下便看到這個，一碗有齊我想吃的，太吸引了，就點這個吧。叁元豆花 $33賣相真的很美，相信難免會有添加食用色素。真的頗大碗，內有豆腐花、芋圓、地瓜圓、黑糖珍珠及紫薯西米，還有4選1自選材料，我要了雪糕。芋圓、地瓜圓的口感不錯，有黏糯感，煙韌好咬，不會太粉太黏或太硬，甜度亦剛好。黑糖珍珠很重黑糖香，口感煙韌有彈性，不過對怕太甜的我來說略甜了少許。紫薯西米的紫薯味濃得有點人工，但口感味意道很好。不過墊底這個豆花真的又香又滑，且不會很甜，夾著偏甜的珍珠和西米有平衡作用。鮮雜果西米露 $30這裡的甜品看來都是偏大碗的。說是雜果，但其實只有芒果和西瓜，還有椰果，不過水果的量是不少啦，西米也不會太軟太硬。雖然仍有改進空間，但整體質素算不錯，而且價錢便宜，服務亦好，這些小店，值得支持一下呢。

黑糖珍珠檸檬愛玉 (加芋圓): 此糖水店老闆娘說這碗東東很正宗, 整碗材料都是made in TAIWAN!!! 黑糖珍珠很QQ, size是小顆的, 愛玉口感很軟嫩, 有入口即化的感覺, 證明它們是真愛玉!!! 是真愛玉!!! 是真的愛玉!!! 芋圓也很QQ, 整個甜品口感又軟又Q!!! 再配上清新的檸檬汁和糖水, 酸酸甜甜又冰冰感覺, 消暑良品, 讚!!!

去食糖水係同朋友吹水嘅好活動。同朋友仔去完黃金行，見開咗間特色糖水鋪，有中式糖水，價格又實惠，一於去食下先！有正流行嘅滋潤養顔桃膠配木瓜雪耳，桃膠原本冇乜味，配上清甜嘅木瓜雪耳，清新健康。見每檯都點招牌豆花雪糕芋圓珍珠，我都唔執輸，大大嘅一碗，乜都有, 全部都係手工嘢唔係罐頭貨，特色紫薯西米又靚又好食，黑糖珍珠，細細粒甜度咬口都滿分！手工芋圓地瓜圓香糯可口，仲有滑滑豆花底同雪糕，異常豐富我未食過清心丸，佢地話係親手做，特別有咬口，配合清甜糖水，一試便愛上

不嬲食開深水埗綠林的甜品，今日路過見到對佢對門開左間新店也在賣甜品，湊個熱鬧幫襯下。店鋪裝修走懷舊風格，幾有情調。試左佢個潮州糖水，真的嚇一跳。真難食！綠豆爽非常硬，冇煲過咁，糖水真的甜！死甜！除左甜就是甜，太誇張了，店家應該要改善一下了。

一連幾天既電腦節 當然要出深水埗買下電子產品💻 掃完貨就去坐低抖下食碗甜品🍮餐廳好有懷舊既感覺 睇住一件件細細個玩過既玩具 食住糖水 有一刻好似回到過去 好想回到我最掛念既童年😆身為潮州人既朋友話要食返碗家鄉的特式糖水 清心丸係夏天必食既糖水 煙韌軟糯既清心丸煮熟左之後色澤變得晶瑩透白 咬落去好似橡皮糖 配埋滋潤清熱既腐竹馬蹄 最適合呢個炎熱既夏天☀💦💦凍食既馬蹄口感爽脆 還有煮溶左既腐竹 非常解渴和透心涼! 我最鍾意佢唔太甜 食完唔會甜到溜😬而我就叫了叄元豆花 賣相好吸引 有齊豆腐花 芋圓 地瓜圓 黑糖珍珠 可以在香草雪糕 愛玉 紅豆 芒果這4樣中選1樣作搭配 而我就簡左香草雪糕 大大球既雪糕好有雲呢拿味 撈埋滑嘟嘟豆味濃既豆腐花食味道層次更豐富 珍珠好彈牙有咬口 芋圓煙韌 好香蕃薯🍠味 西米紫色好靚呀 細細粒帶有紫薯味 好得意 整體黎講 $33好抵食 算係深水埗性價比高既甜品鋪