影片
港鐵銅鑼灣站 F1 出口
繼續閱讀
營業時間
星期一至日
11:30 - 15:00
17:30 - 23:30
以上資料只供參考, 請與餐廳確認詳情
今日行過銅鑼灣見到有間新嘅粥底火鍋做緊特價，$198有A4和牛仲有海鮮，計埋加一都抵到爛即刻諗都唔諗上去試。好彩平日walk in 都唔係好多人，一坐低order海鮮套餐就上海鮮set！D蝦新鮮到扎扎跳，差D跳咗出個碗，其餘D蜆同扇貝睇上去都好肥美，最正一人有一隻鮑魚，仲有蟹整蟹粥。衝完一輪海鮮之後就到二輪肉食，仲有好多蔬菜類，手打牛肉餅好似一片片既牛丸咁😂粟米可以再煮耐d,煮左20分鐘都好爽甜！第二輪多嘢到呢張枱都放唔落，食到咁上下已經飽到咩咁女仔就唔洗食咁多，同行既朋友都好飽！不過都一定要食埋個粥底火鍋，鮮甜到不得了，吸收晒啲海鮮嘅精華,而且有其他配料可放落粥送食。另外值得加分嘅係嗰jar竹蔗茅根，淸甜！真材實料！仲有姐姐嘅溫馨提示，perfect池👍🏻
繼續閱讀
本身同朋友約出黎食飯仲諗緊食咩，就見到呢間海鮮火鍋做緊198蚊試食價，咁難得會有咁平價既海鮮火鍋就入左去試！店鋪新開環境好乾淨舒服，平日夜晚咁啱唔洗等位就入得，落單之後一碟碟海鮮好快就送到！相裡面係5人份海鮮，有沙白、白蜆、鮮元貝、鮮鮑魚、海蝦同肉蟹。份量好足同新鮮，海蝦仲好生猛！整體海鮮質素都好有驚喜size都好大隻，海蝦爽口、蟹肉嫩滑、鮑魚彈牙，其他都好鮮甜！ 叫左一jar竹蔗茅根，店員即刻介紹係佢地自己煲既，味道清清地比較健康。另外嗌左份蝦餅，食落去都ok爽口，但我覺得芫荽味淡左d~ 食完海鮮，店員就將A4和牛、豬腩肉、豬梅肉同其他蔬菜上碟。本身對和牛冇太大期望(因為係贈送)，但一食入口發現真係好滑好有牛味！仲以為食完海鮮可能之後既食物質素都係普普通通，但連牛、豬都好好味，而蔬菜方面蜂巢豆腐出色！食埋肉、菜之後，店員就即刻攞埋粥底配南瓜同芋頭出黎加落火鍋煮，不過我個人覺得冇需要再落，因為成鍋粥已經好足料，同想保留返海鮮既鮮甜味。整體海鮮都好新鮮冇雪藏味，野食份量好夠，店員服務好快同地方環境都乾淨。試食價真係超值，有機會都會再幫襯！
繼續閱讀
今日去試SOGO對面黃金廣場的粥底火鍋。朋友仔食過介紹我話必試喎，唔講都真係唔知呢個商場開左火鍋店，原來係今年3月新開嘅。遲左放工去到大家已經開曬鍋啦，哇～成枱海鮮！仲要只係上左一半咋，肉類都未上！我仲以為$198試食係快餐店個種，每樣少少試下味，完全估唔到係咁足料！最興奮嘅係，原來唔係我想像個種蒸氣火鍋再加粥，而係食店一早淆好左煲粥，將粥同粥水分開，以粥水做鍋底，最後完曬個火鍋，先將個棉粥放返入個精華粥底入面，成件事真心驚喜。佢地有教學教點煮個粥（落左咩先），枱面有曬每樣食材煮幾耐，有埋計時器，我地幾個平日少煮海鮮嘅，都唔駛估估下推介：1）海蝦上到枱都仲識跳，要用碗蓋實嘅，原來每日下午5:00先返貨（這店只做晚市）真心新鮮2）鮑魚好鮮味（竟然有鮑魚！）我地用黎煲鮑魚雞粥3）A4和牛好香，但豬腩片仲好味，估佢唔到4）竹蔗水個味同出面真是唔同，職員姨姨推介必飲話明沒加糖精，係落紅糖煲，好有家的感覺，40蚊唔駛一杓可以有6杯，自家出品，我飲完勁問佢地有無得外賣（可惜沒）5）佢地嘅調味沙薑必試，唔多講～因爲出面沒呢種調味料6）全個鍋係粥水底，沒鹽沒味精，全吸收食材嘅鮮味，但本人鐘意濃味嘅，最後都係要問職員要鹽總結：5個女仔食到最後都食唔落個粥，實在太豐富，如果想食火鍋又唔想太膩，呢個海鮮為主，多菜少肉無味精嘅粥底火鍋真係好啱大家。$198試食係超級抵食，唔知新張優惠做到幾時。當日去個場都唔滿唔駛等位，但朋友話佢假期黎個次係爆曬～
繼續閱讀
黎呢度係見198套餐價錢好吸引!平時食海鮮火鍋都係蒸氣海鮮既,不過呢間係真係拎D海鮮放入粥水度打邊爐既!全程都要用個timer黎計時!驚過左時間老左唔好食!侍應會一開始先講解點樣食法，而且枱面都有張紙寫住教你點樣煮,每樣野要煮幾多分鐘呀咁!坐低冇耐，就先比調味料你先,因為佢地係放雪櫃既,調味料款式唔多，不過其實食海鮮都唔洗太多野調味，個人推介係佢地既沙薑!係廚房自己整嫁!完全將海鮮昇華左! 朋友仲問有冇得買返去整沙薑雞~~可惜係冇得買既~落好哂調味料就會上第一round係海鮮黎~大部份都每人一件，蟹就每人半隻!仲有少少蟹膏!蜆有2款，都幾多又冇沙，食得出咸鮮味! 細果d就甜D!蝦就好大隻!而且新鮮到係咁跳!!肉質爽口彈牙!鮑魚大隻肉質都幾好!元貝就有D大隻有D細隻D..但都好食既!差不多食到6成飽，仲上左碟文昌雞，朋友話要叫黎煮雞粥!!侍應話煮3分鐘就好喇D雞~我地就先落一半食，再另外留起一半最後煮粥食!不過D雞好多雞毛....我有少少感冒所以都冇食喇..之後就叫左碟蝦餅，真係冇乜芫茜味，厚肉彈牙!原來係加左馬啼，應該係越式做法?食到呢度，店員推介佢地廚房自己煲既!咁我地試左一壺，$38其實都好抵...一jar大概可以倒6小杯，證明足料果壺都見到落左咩料煲既! 飲落口係比較清，唔算好甜，但係用紅糖去煲既!我地成餐叫左3 Jar~一杯除返都係6-7蚊杯，健康清熱得黎比較健康~佢地仲有自家既酸梅湯，不過我就唔岩飲喇!朋友連入面既馬啼都食埋!!哈哈~仲問有冇外賣添~食到呢度已經食左成個幾鐘，就開始食Round 2~大部份都係肉類黎,仲送每人2片A4和牛，油脂分佈平均，牛味都好濃肉質都滑!另外仲有五花腩同豬梅肉，食落口冇想像中肥，豬梅肉都幾好食!一D都唔覺得似食緊豬!仲有唔少蔬菜:超甜粟米就好爽甜，煮左一段時間都係咁爽甜!本菇睇相都知係新鮮既，冰豆腐即係蜂巢豆腐，幾索汁既! 芝士腸就好普通..娃娃菜好大片，都係正常既娃娃菜，店員好細心過黎幫我地分好粥水入面剩低既食物後，就準備煮粥喇!有粥膽，花生，冬菜，南瓜粒，芋頭粒，芫茜等~仲有我地自己加既文昌雞!店員煮好就分哂碗比我地不過都食到好飽喇,反而個粥我地食唔哂..個粥煮完之後我覺得同蒸氣火鍋煮既粥唔同，不過其實個芋頭都比佢整到變芋泥咁..個味係好多層次....反而少左海鮮味..一班人食，煮下煮下，食完都已經3個鐘了!整體來說，我覺得都係好抵食既，店員好細心同熱情，講解仔細，知道我地要影相仲幫我地排好哂位!食物用材料都落心思同夠新鮮!值得再去! 留意返呢度只提供晚市!
繼續閱讀
好耐無食粥底火鍋，這間都整體唔錯，可以再encore1. 價錢198，粥水湯底，套餐海鮮幾豐富，蜆，貝，鮑魚都好鮮甜，蝦好生猛，蟹就就唔係好大隻，但都有蟹膏 ，而且價格取勝2. 肉類方面，A4和牛中規中矩，豬腩肉有驚喜，以為會好肥膩，點知煙煙unun，又唔覺得膩喎3. 食到甘上下，開始食蔬菜，峰巢豆腐口感幾得意，粟米都幾鮮甜，出奇地廚極都爽爽的4. 最後加埋南瓜芋頭煲粥，鐘意加埋鷄件一齊煲，唔知係米加左粥水關係，雖然加埋芫茜冬菜花生， 味道略嫌清淡，不過很飽肚了5. 值得一提係飲品竹庶茅根同酸梅湯，竹庶味道好清，有紅糖味，睇落真材實料，酸梅味濃味點，但兩者同火鍋都好配，打邊爐點可以唔飲野6. 調味料方面，一般辣椒蒜頭唔少得，竟然仲有沙姜，吊味一流7. 另外叫左碟蝦餅，48蚊6塊有點貴，但幾好食，鮮炸爽口，應該加左馬蹄，點埋甜酸醬正8. 這度d姨姨侍應服務抵讚，主動，換碟好快總括而言，銅鑼灣區這個價位同質素都算抵食
繼續閱讀