179
45
42
| 餐廳: | 湊湊火鍋‧茶憩 (如心廣場二期) |
|---|---|
| 優惠: |
於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
影片
開飯介紹
湊湊火鍋•茶憩突破傳統，破天荒融合“臺式有料火鍋”和“臺式現搖茶”，為食客帶來前所未有的正宗臺式餐飲體驗，令湊湊成為親朋好友聚首一堂，相聚舉杯的熱門地點。
繼續閱讀
營業時間
今日營業
11:00 - 00:00
星期一至四
11:00 - 00:00
星期五至六
11:00 - 01:00
星期日
11:00 - 00:00
*星期日至四最後下單時間 23:00; 星期五至六最後下單時間 24:00
以上資料只供參考, 請與餐廳確認詳情
有關獎賞計劃
優惠
| 餐廳: | 湊湊火鍋‧茶憩 (如心廣場二期) |
|---|---|
| 優惠: | 國泰會員於夥伴餐廳消費可賺高達HKD4 = 2里數。受有關條款約束。 |
|
條款及細則:
|
|
|
|
相關文章
湊湊火鍋對我黎講一直單點火鍋首選，食物質素非常穩定，自助區有滷肉飯、芋泥球、涼菜、水果及多款醬料迎國慶限定新品75折，另有新海鮮炸物小食供應。優惠期至10月31日～～而且湯底升級不加價點了新品鍋底及招牌鴛鴦鍋🔸昆布鰹魚鍋（鴛鴦鍋）新品鍋底，跟鍋會附送文蛤，滾後加上鰹魚碎再飲啖湯先，好清甜！🔸臺式麻辣鍋（鴛鴦鍋）湊湊招牌麻辣鍋，麻香味重過辣味，易於接受！有無限量添加鴨血🔸華麗海鮮拼盤（小）有蝦、鮑魚、鱔片、蜆、元貝～海鮮盤新鮮，蝦未落鍋還在跳動🔸貓爪蝦滑可愛貓爪造型，鮮味q彈🔸新鮮白鱔片份量好多，皮爽脆肉q彈！🔸美國特選級牛肩胛大大塊牛肩胛，肉味香濃～🔸毛肚喜歡毛肚爽彈吸汁特性🔸皇帝菜新鮮份量多，點都要會菜！🔸百事蜜桃綠茶生可樂（冷）蜜桃可樂同綠茶可樂都飲過再mix 埋又幾新穎無違和感！！🔸大紅袍珍珠奶茶（大杯）去冰（8分糖）細心店員話可去冰都係凍，濃郁大紅袍茶味，超爽！
繼續閱讀
Call fd打邊爐，穩陣起見去返湊湊唔怕中伏裝潢走木系設計格局係，有東方美學嘅美感同氣勢！地方大，座位數超～～多！坐得舒服好緊要👍🏻員工服務態度都好得👍🏻呢排臨近中秋，出咗啲節日限定優惠抵呀！！打邊爐叫雙鍋就啱啦，想食辣又可以，唔辣又可以，任君選擇！一邊係「台式麻辣鍋」，雖然見到成盆紅油標哂汗😂但食起上嚟嗰種刺激又實在唔可以抗拒，唔搶喉，個辣度我接受到喎😂仲有紅棗杞子好多唔同嘅野菌好足料！ 另一邊係「酸菜白肉鍋」，微酸酸菜配薄切豬五花肉，鴨血同豆腐可以無限添食，每舊都成舊磚咁大，索晒湯底嘅精華，食吓食吓食咗好多打邊爐必點一定係牛肉，又可以補充鐵質「美國特選牛肩胛」新鮮而且好有牛肉味，好快就清晒！「花好月圓海鮮拼盤」集鮑魚、帶子、蜆、海蝦、鯇片，中秋期間限定優惠$178，呢個新鮮質素抵食！！「企鵝賞月」 係中秋節限定優惠提早訂枱免費送嘅！企鵝仔係墨魚魚蛋，中間橙色月亮係蟹籽蝦滑，四隻企鵝圍住大月亮賞月😂唔止賣相cute仲要幾好食「爽口牛黃喉」爽脆～茶飲叫咗「雙柚愛玉茉香茶」同「雙柚愛玉茉莉冰沙」 柚子西柚冇得輸組合，再加愛玉有得𡁻吓，口感好！食湊湊嘅一大特色就係有自助吧度任拎生果，滷肉飯，小食，醬料今日啲番石榴好靚好食食得開心🥳🫶🏻
繼續閱讀
呢間台式火鍋嘅裝修係走型格嘅路線 我每次行過深木色嘅舖面 都有種深不可測嘅感覺😂 呢日午餐就入咗去一探究竟經典紅顏花膠雞小火鍋餐牌話係人氣之選喎 當然要嗌返一份嚟食啦🐥 花膠雞鍋嘅膠質好重 所以啲湯𢳂起上嚟都有啲稠杰🫢 入面嘅配料除咗有花膠同埋無骨雞件 仲有冬菇 我哋揀咗配烏冬 食落口好彈牙啊🍜 係一個好養生嘅小火鍋寶島慢煮番茄牛肉小火鍋呢個係廚師推介嘅菜式 番茄香氣撲鼻 鍋入面有高質素嘅牛肉🐮 牛肉好似牛腩一樣 食落口炆得軟腍 入面仲有紅蘿蔔同埋番茄🍅主食方面 我哋揀咗米飯🍚 仲喺自助吧𢳂咗一啲肉燥嚟送飯套餐小火鍋嘅套餐 仲包括咗前菜 蔬菜同埋甜品 前菜係麻辣鴨血同埋豆腐 鴨血好嫩滑🦆 蔬菜方面 就係娃娃菜 紅蘿蔔 金菇 仲加咗少少肉燥吊味🥬 最後甜品係一個豆腐布甸 加埋少少紅豆蓉 味道清清地仲有啲餘韻自助吧除咗有火鍋用嘅醬料之外 呢度嘅自助吧仲有精緻前菜同埋時令水果🍉 呢日嘅前菜有涼拌魚皮同埋香辣菇菌🍄🟫 涼拌魚皮好爽口 仲見到店員好努力refill 而水果就有西瓜 哈密瓜 柑仔同埋番石榴 食完小火鍋再食就啱晒🤩 喺自助吧嘅後方仲有滷肉飯任食添呀 呢個台灣嘅肉燥食落口唔會太肥膩 個醬料仲好好送飯呀😋飲品嗌呢個lunch set仲可以以半價加配台式飲品添呀 冷大紅袍燕麥奶茶 大紅袍奶茶 茶味香濃 入面仲有啲燕麥粒粒 增加返啲口感🍵 友人就嗌咗一杯冰美人烏龍珍珠奶茶 珍珠好煙靭 味道唔會好甜🧋呢一個半自助lunch set都真係幾抵食 小火鍋食物質素好 仲可以出面嘅自助吧添 真係好滿足啊😌
繼續閱讀
8月我就正式閉關一個月，仲要開始控制飲食（Join左PT呀🤪），要襯最後機會食多幾餐好吃的🤓，其中一間我嘅Top選就係湊湊🤩🤩🤩適逢7月係湊湊進駐香港五周年，而家佢做緊「5週年‧生日祭」，有全新產品，有優惠🤩！！抵🤤🥘第N次回訪湊湊，我最愛的鍋底始終是台式麻辣湯底和酸菜白肉湯底，麻辣鴨血豆腐和酸菜都可以無限續！！真係食湯底都飽1/3🤣，台式麻辣比較溫和，食極都唔厭，鴨血和豆腐都好好味；酸菜湯底都好高質，酸菜又好好味！🐂 🦞今次特別推出海陸盛宴，我揀左日本A4和牛三角胸小排🥹🥹🥹（會員換購價$98/非會員換購價$118），質素幾好，份量又多！超抵🤤🤤🤤🤤🤤（做到31/7/24） 。🤩今次仲食咗牛黃喉（灼15秒Ok! ）、鮮魷魚、新鮮即剪豆苗、和企鵝丸（墨魚漿製），點企鵝丸可以叫店院幫手set場玩企鵝跳水😂令用餐體驗更加有趣！肉肉蛋糕就最啱生日慶祝！個福袋入面係八爪魚，誠意滿分 。另外調料自助區有小食、生果、飯：小食有筍片、涼拌魚皮、炸地瓜丸；水果方面，今次見到除了西瓜、哈密瓜、還有芭樂和柑果肉，比之前更豐富🤤；最屈機係仲有肉燥飯放題，重點是全部高質，仲要每枱都送左菠蘿沙冰（每人一小杯）和甜品😂所以黎湊湊好難唔捧住個肚走🤤超滿足🤤！最後，呢度有提供一壺熱茶，又可以點台式飲料，招牌係大紅袍珍珠奶茶！大大杯🥹總結是台味滿分又沉浸在美食幸福中的一晚 ，來湊湊永遠都唔失望，除左無訂位就要等超耐之外。
繼續閱讀
跟朋友在荃灣西約會聚一聚，選擇了湊湊火鍋，今晚客人不太多，不用等位。我們選擇了一個2人套餐，選擇了麻辣鍋及椰子雞，首先最欣賞是前菜的魚皮，但是麻辣鍋完全不夠辣，我們還要加辣，肉類選擇了小牛排及小肩胛，小牛排牛味較重，海鮮方面選擇了鮑魚，味道還可以，企鵝墨魚丸味道都可以呀！香香的墨魚味，而且煮耐了也不會散，之後便是萵筍，感覺上蔬菜的份量不太夠，雖然我跟我朋友都夠飽，但都想多一點蔬菜，最後吃完甜品及生果便埋單了，人均380蚊。性價比不太高。
繼續閱讀