湯加 (禾輋廣場)

營業中

休息中

垃圾餐廳，剛剛去完叫外賣佢話包錯俾人，跟手勁晦氣，叫我你等多2分鐘啦，態度勁差，跟住我話退錢佢轉頭同我講唔鍾意咪唔好嚟食囉，簡直離晒譜啊，以後都唔會幫襯，邊有餐廳好似佢咁衰㗎我真係第一次去嗰啲咁衰嘅餐廳

以前來總是人手不足但今日來 總是好大進步好招呼 一叫有人來 好禮貌餐又來得快 份量又夠 味道又好好我首次用Openrice Pay即使大家唔熟 但都願意一起解決問題好滿意的一次體驗

見佢有湯飯湯麵，諗住清清地都幾好，可以試下嗌外賣，點知係門口等左半個鍾有多，問啲職員勁無禮貌，唔理我，又話唔關佢事，佢唔係負責包外賣，仲話番我轉頭，超過分，服務態度其差真係一肚火😡

原本以為湯加只係賣湯，估唔到佢嘅下午茶亦唔錯。今日叫咗個薑絲豬膶公仔麵餐夠新鮮，連飲品都係$33，仲可以加$9追加小食，試咗2粒紅豆餡芝麻煎堆仔，味道拍得住高檔酒樓。朋友就叫左個豬扒米粉，件豬扒亦十分酥軟香口，另加$9轉咗柯涼粉奶茶，啖啖涼粉超爽口，紅豆西多亦值得推介。

唔想再食曱甴🪳餐廳🤮🤮一開餐，飲左一啖杯凍仙草奶茶之後飲第二啖個時先見到原來有隻曱甴🪳係裡面！即刻冇晒胃口！即時同女店員講，就咁拎走左杯野飲，話轉過杯飲品比我地，問我地飲咩，我地諗住罐裝汽水應該穩陣，點知汽水黎到，成罐飲品都勁污糟！極度懷疑佢地個廚房及水吧嘅衛生情況！女店員話幫我地改返單，因為我地個杯係特飲，點知睇返單，原來個2罐污糟汽水要各加$5！店員完全冇同我地講要加錢！要加錢真係唔需要！後來我地想搵經理處理，原來經理放假，同個女店員反映，佢話自己冇留意到原來加左錢🔥先幫我地減返飲品錢….但整個過程「唔好意思」都冇幾句真係非常無誠意！可能佢見慣不怪，我係google搵間餐廳都見到有人叫外賣，個烏冬裡面有曱甴🪳！呢間餐廳衛生咁差，即使食物幾香幾好味，都完全大打折扣！不會再幫襯亦唔推介！

今日咁啱嚟到禾輋商場，見到呢間餐廳唔使點等位就入得，兩個人都比張大卡位你坐😅都坐得幾舒服。見到佢嘅下午茶餐牌都好抵食😋，都係$3X - $4X 一個餐就有交易，我同朋友一人叫咗一個下午茶餐大家share食😋我就叫咗佢哋嘅 炸雞髀🍗薯條🍟配西多士🥪 都係 $35 已經包埋一杯熱飲😍超抵‼️不過天氣咁熱，行到身水身汗，我都寧願加多$3叫咗杯凍檸茶消下暑😂我朋友就叫咗佢哋嘅魚湯飯餐 $45 ，其實已經包左兩個餸同一個菜，佢就揀咗豬肚、花膠同南瓜配熱柑桔蜜，花膠另外需要補多$5 🤤 (其實都好抵食㗎)，跟餐可以揀飯同米線，朋友就睇中佢哋嘅三色飯，夠晒健康😉 唔講唔知，原來佢哋嘅飯係可以任添 (唔怪得之我見隔離枱有一個後生仔前後添左四碗飯啦😂 )呢間餐廳整體來講都算好抵食，性價比非常高，坐得舒服，員工都算親切，完全唔會好似有啲其他餐廳咁比壓力你想你快啲走😅

禾輋商場其實真係有好多嘢食，泊車亦都好方便，食肆收據滿$200就可以拍三個鐘👍🏻今日食下午茶，一個餐有齊炸髀🍗西多士🥪薯條🍟，超級組合，一次過滿足晒三個願望😆配飲品都係$35，抵食。🌟炸雞髀唔算太大隻但係揸得非常鬆脆，🌟西士半塊(三角形)中間滿滿花生醬，都好厚身。🌟薯條係梯形厚切薯條🍟全個組合每樣少少，配合起嚟，份量相當足夠👍🏻👍🏻朋友嗌咗個湯飯，下午茶價錢係平少少。可以自選兩餸一菜，配一湯，白飯任添。揀咗蝦滑🦐額外加$2，另外配豬肚加南瓜,配魚湯!送晒份量好多，添咗一次飯🍚，魚湯鮮味，同朋友share食應該食咗好飽😋😋

食過四次，魚湯真係好得。原條生滾嘅魚好新鮮，先可以乜嘢send味都冇，而且魚肉結實，唔會脢，製作一絲不苟，裏面仲有唐芹，同兩種菇，只係收69蚊。真係物超所值。個湯頭真係魚湯，滾得好正，有媽媽的感覺，服務就都可以接受，其實服務員都是大媽，唔係特別有禮貌不過其實佢哋亦唔係特別惡,只不過係大媽講嘢,有啲粗聲粗氣高度推介佢嘅原條魚湯。仲有燉湯都好唔錯。不過嗰啲三色飯，裏面嘅三色米真係少得可憐，仲要成日都話冇

其實唔止一次，無論外賣定堂食，根本廚房同樓面都係唔夠人！1. 無論早午晚，最多都係得兩個樓面，根本無可能做得切2. 就算無乜客，叫個粉面都可以等你半個鐘都未有得食3. 外賣電話無人有時間聽，有時枱又執唔切，d客入到黎等等下都走食物質素係不過不失，但咁樣只會趕客！希望有公司高層睇到，改善下！

叫咗兩個湯飯餐，送來後，吃一口飯竟然碗飯生米，根本未煮好。基本野都做唔到，有冇攪錯，打去店阿姐，除左嗯.嗯.嗯，唔好意思，我問佢，叫經理聽，佢話唔係度！飯市，個店都無人管，何況食品！！唯有掉左個飯，各位，如果諗住正常吃飯，就唔好幫襯佢，一個餐都唔平，竟然咁，連蒸飯店都不如只有差，差，差煮麵都好過俾生意你做，叫之前真係要諗清楚，仲有，個湯好少，除左好多湯渣外，湯水好少，想像下，碗飯食唔到，同無食一樣，浪費金錢! （沙田禾輋湯加店 not good)

今日去買外賣，叫咗一條蒸魚丶一碟蒸肉餅和一碟排骨，等咗53分鐘。最後返到屋企發現俾錯食物，蒸魚變咗凍的肉排🤦🏻‍♂️等待期間，曾經詢問進度，職員回覆嘅態度十分惡劣。