影片
港鐵長沙灣站 A2 出口, 步行約5分鐘
繼續閱讀
電話號碼
63032209
營業時間
星期一至日
19:00 - 23:00
以上資料只供參考, 請與餐廳確認詳情
呢間嘢搬咗嚟呢度之後 我都好少過嚟因為實在係好遠不過去親都會買大量醬料返屋企 整返我最愛嘅湯底食但係唔知點解現場食真係好味好多因為佢有濃濃嘅人情味佢嘅韭菜餃依然皮薄餡靚其實你都可以買㗎不過現場食好味好多唔知點解同埋佢嘅滷大腸真係 好淋好入味次次叫親都叫大量餸扣底超級大辣湯底再加啤酒簡直人生一大快事真係好想佢搬返北角佢仲有新嘢就係腸粉我嗌咗齋叉燒其實係我朋友揀嘅非常之滑真係好好味如果自己一個人食 就真係試唔到呢個腸粉實在係太多好食嘅嘢啦
繼續閱讀
昨晚去長沙灣公園球場睇朋友踢波打氣，完場後都很夜了，成10點多，成班人一齊想搵地方宵夜，蒲行出街口就見到有間小店還開，一行十人有著落試吓街頭風味，這店專營腸粉和粉面，我地叫咗肉碎生菜腸，羅漢齋腸，叉燒腸和炸両，炸両認真正，油條係即炸，香脆，腸粉又滑，還有酸辣粉，好好味個雲吞粉亦唔錯，份量剛好，還有其他小食，嗰晚有風，風涼水冷，在大樹下別有一番風味。問阿姐，佢哋只係做夜市，下午6:00至晚上11點，有客就收遲啲。
繼續閱讀
想試依間小店好耐了🤩以前只有北角對我黎講太遠了🚌所以一直都無食過北角結束營業。都覺得可惜。🙁後來知道在長沙灣開左，終於有機會可以一試了！🍜同朋友每人叫左一碗粉🍜另外仲叫左個腐皮卷，不過無影到相。依到適合食素人士，因為有素食配料同湯底。湯底一樣係可以自己選食幾辣🌶🌶🌶亦有薯粉可以揀。今次揀左薯粉，但下次再食嘅話我會揀返米線。🥢因為薯粉唔係自己平時鍾意食個款。最鍾意係猴頭菇丸，係素丸，味道同口感都好得意。下次都會再揀！辣度揀左小辣，對我黎講一d都唔辣😂所以下次要試中辣🌶🌶支持小店💪🏼💪🏼一定會再幫襯👍🏼👍🏼
繼續閱讀
又黎解下題先👨🏫重點⚀:點解「滕王」識移動架❓滕王閣近來領悟左「移形換影之術」，中下午時份☀️會係長沙灣東京街，到左黃昏6時後🌙，就會「轉移」左去深水埗荔枝角道架啦。重點⚁:「登堂」係乜解❓滕王閣決定和「葷食」say goodbye👋,成為一間素食店，登入「素店之堂」🎉🎉了。重點⚂:「入室」係乜解❓顧名思義，「入室」即係「進入室內」囉。晚上的滕王閣，借用了「譽興餐廳」的鋪位。現時正值炎夏，大家可以在室內歎住冷氣開餐🥘，食得更加暢快了。是晚的車仔米線，點了「雙卷」~千層豆卷、腐皮卷作材料。千層豆卷是新食材🆕️，不過和腐皮卷相比，都是材料豐富的腐皮卷較吸引😋。此外，今次也揀選了素火腿，賣點是夠哂厚，咬落口感十足，也是不錯。除了車仔米線外，今晚還點了以下的食物:1 香煎腐皮卷2 素肉碎青菜腸粉3 紅油抄手4 涼拌辣椒圈首3款都是之前品嚐過的小食，腐皮卷的香脆、腸粉的熱度和滑度、紅油抄手的微辣惹味，都是一如以往的吸引😍。最厲害的要算是新推出的小食涼拌辣椒圈🌶，辣椒入口，辣味十足，頓時覺得「舌頭有餘辣，胃部變火爐」。有朋友說:「入口唔辣，但係...... 係喉嚨兜返轉頭就辣🥵」，也有朋友說:「吃了辣椒圈後，吃其他東西都變了冇味道🙊」，由此可見，辣椒的威力真係絕對唔野小。嗜辣或希望挑戰自己有幾襟辣的朋友，可以試試這道小食。不過，因辣椒圈的份量也頗多，最好就是聯同三五朋友一起來一場「辣椒對戰」，不建議一人獨自挑機喔🙈。
繼續閱讀
自從北角果間無之後。都無再食過最近佢地係深水埗開有分店 就腳好多。宜家轉左全素。岩哂啲食素人士我今次叫左砂鍋拉麵。自選菜式味道同以前一樣咁好食可惜新店暫時無我鍾意既紫米漿 希望第時有啦
繼續閱讀