滾爺火鍋 (上海街)

營業中

休息中

果爸同我都好鍾意周圍搵好食既火鍋店今次係旺角搵到間用料好新鮮既火鍋店-滾爺招牌椰子雞煲🐔由兩個椰青加兩個椰皇做湯底雞肉超嫩滑湯底非常清甜牛魔王拼盤🐮（牛肩胛/牛舌/金錢肚/牛栢葉）牛肩胛🐮肉質通常較為嫩滑帶有適量脂肪有著濃郁既牛肉香氣牛舌🐮肉質緊實而富有嚼勁煮熟後口感滑嫩讓人回味無窮牛栢葉🐮非常爽口彈牙一啲都唔韌第一次用金錢肚🐮打邊爐出其地好食掛湯汁一流😋彈牙手打墨魚滑🐙濃郁既墨魚味非常彈牙

最近天氣涼咗，真係好想食火鍋暖下胃，於是去咗旺角上海街嘅滾爺火鍋試試。坐位安排得幾好，坐得舒服又唔覺得逼。我點咗佢哋嘅招牌胡椒蘿蔔豬尾鍋，湯一上枱，胡椒味即刻衝晒出嚟，聞落好香。湯係奶白色，睇得出煲咗好耐，第一啖飲落去，胡椒嗰陣微辣好暖喉嚨，蘿蔔又甜又清，兩樣加起來好夾。鍋入面嘅豬尾真係不得了，煮到軟腍腍，啖啖肉連皮帶骨，尤其是嗰層厚豬皮，超多膠質，咬落彈牙又過癮，鍾意食膠原蛋白嘅朋友一定愛死。蘿蔔吸咗湯汁仲好味，爽甜同胡椒嘅辣味好平衡，凍天食真係暖晒心。而且超足料，仲有粟米等等既食材🤭之後試咗即炸小白豬午餐肉，呢個小食真係好正！新鮮炸出嚟，外脆內軟，咬落有汁又有豬肉香。自助醬料區有熱豉油同青檸汁，點一吓食，酸酸地又夠鮮，完全唔膩，係火鍋前嘅開胃之選。豬皮又係另一個驚喜，單點咗一份試吓。佢哋處理得好啱，厚薄啱啱好，燙咗湯底後Q彈有咬口，滿滿膠質感，食到停唔到。點啲辣椒醬或者蒜蓉醬油，味道更正，係火鍋入面嘅隱藏王牌。最後要講吓彈牙手打墨魚滑，真係手工製作嘅質感，夠實淨，入口彈牙唔散，咬落仲有細細粒墨魚，增加咗口感同鮮味。墨魚本身好鮮甜，湯底一煮更加出味，完全無腥，滑溜溜嘅口感真係一試愛上

地理位置非常方便，從油麻地地鐵站步行三分鐘便到。這裏的椰子雞煲、安格斯肥及手製雲吞非常之出名，當然要試一試。椰子雞煲這裡的椰子雞煲獨特的烹飪方式和新鮮的食材而出名。銅煲的設計，湯底以椰子水、椰青水為基底，加入雞肉、椰子肉和蓮子，熬製而成。椰子水的清甜與雞肉的鮮美完美融合，形成一種獨特的風味，喝起來清爽不油膩，回味無窮。美國安格斯肥牛擺盤非常精美，彷彿一件藝術品，肥牛顏色紅潤，油花分佈均勻，肉質鮮嫩，肥瘦相間，入口即化，高品質的食材。手包雲吞皮薄餡靚，形狀飽滿均勻，看得出師傅精湛的手工技藝。擺盤精緻，餡料鮮美多汁，味道濃郁。

啲人話經濟唔好，香港食肆冇得做，繼我食完今餐飯，我想講嘅係呢間火鍋店真係有抗逆市能力！今日六點零鐘餐廳已經坐咗九成客，我真係嚇親！餐廳咁多人我心諗一係食物質素好得，一係價錢好抵食性價比極高！我食完今餐我嘅意見係食物質素真係非常之高！椰子雞鍋試過唔同嘅火鍋店覺得呢度係最好食嘅，可能佢揼本，整個火鍋湯底落兩個大椰青加兩個大椰王，一滴水都冇加，而且食材好高質，椰青椰皇都好新鮮好鮮甜，再加上珍珠馬蹄同埋椰子絲，再加上新鮮雞件，個湯底好甜，真係好想飲晒先開始打邊爐🤪飲晒啲椰子雞湯底后，餐廳再加湯底打邊爐嘅湯都食唔到有味精，都係好食嘅！除此之外，餐廳其他打邊爐配料都係新鮮嘅，難怪餐廳真係可以對抗逆境！

旺角超正椰子🥥雞🐔火鍋🍲，一定要到滾爺火鍋🍲，絕對係我最喜歡的椰子雞火鍋店😋首先呢度既湯底係新鮮椰青椰皇水，到完椰子🥥水還能刮椰子肉吃或者當湯料，十分清甜😋再把雞到椰子🥥水一起煮，不久一陣就可以飲呢個椰子雞湯，雞肉也滲透椰子味，肉質鮮嫩彈牙好吃到停不住口啊😋喝完湯吃完雞，還能煮其他配菜：1. 脆鯇魚片 $88 新鮮的鯇魚片煮完也是超彈牙的2. 手包韭菜餃🥟4 粒 $40 這個手工餃子大大顆而且好好吃3. 手打四寶丸 $88 手打丸4 款口味，也是大大顆，也是好吃到不行🤣4. 黃帝菜 $38 菜方面最喜歡黃帝菜做火鍋菜，新鮮喔😎加上醬戒$18/ 2 位，大約$600 兩位，也算是划算喔。

旺角火鍋小店，可以靜靜地慢慢食餐廳會自己煮豉油，特別放係暖壺味道有D似蒸魚豉油 甜甜地 暖暖地藥膳花雕醉雞鍋🐓🐓🐓水滾後再煮5分鐘就可以食可以先飲碗湯藥膳味重 仲好濃郁油味雞肉結實 好重雞味如果覺得油味太濃就煲多陣先再飲 會更加甜🍬竹笙切左一半 方便食夠爽口 索曬D湯 好好味👍🏻👍🏻👍🏻魚皮餃🐟🐟🐟係四海魚皮餃 皮夠煙韌🥟🥟🥟食到魚肉鮮味鮮蝦雲吞🥟🥟🥟係餐廳自己包 鮮蝦好爽 夠大隻最後食個稻庭烏冬做個完全ending烏冬索曬湯既精華加D秘制豉油吊味😊😊好好食

最近我去咗一間新開嘅餐廳，試咗佢哋嘅招牌椰子雞煲。真係好正！一打開鍋蓋，椰香撲鼻而來啲雞肉真係冇得彈！一啲都唔鞋口，咬落去仲有肉汁爆出嚟，明顯係新鮮雞嚟㗎。皮薄肉厚，連雞胸都煮得啱啱好，唔會『嚡熠熠』。 最正係佢哋將雞件斬得大小適中，啖啖肉得嚟又容易入口。椰汁嘅甜味完全滲入晒雞肉纖維入面，連骨頭啜落都有椰子香。我仲特登撈咗啲湯汁淋喺雞肉度，味道即刻昇華，鮮甜到呢～ 仲有啊，雞皮吸收咗湯底精華，食落爽滑得嚟帶啲膠質，正到想encore多份！ 餐廳： 滾爺火鍋價錢：$ 500分數：9/10#美食 #hkfoodie #hkfood #food #美食推薦 #美食推介 #香港美食 #hkig

旺角有好多好嘢食，成日都唔知點揀，咁啱上網搵到呢間爺火鍋好多人推薦，咁就同朋友嚟試吓啦。本身想叫花雕醉雞鍋，但係見到佢嘅椰子雞鍋好靚，而且仲係新鮮嘅椰汁倒出嚟，咁就決定試吓啦。一拎過嚟真係好誇張，有兩個大椰青同兩個椰皇，而且仲有半隻睇落好新鮮嘅雞。職員好好，見到我哋影緊相就叫我哋影好先叫佢，之後佢幫我哋倒啲椰汁同埋雞落個鍋度。估唔到佢係用新鮮嘅椰子嚟做湯底，一倒落去已經聞到好香。等咗10分鐘度就食得啦，佢有一個漏斗計時，所以時間會計得啱啱好。所以一開蓋，椰子味好香，雞肉都好嫩滑，而且雞皮好彈牙，一食就知道係新鮮雞。另外我哋仲叫咗個豬腰，豬腰份量都幾多，而且食落冇腥味，口感好好，好適合拎嚟打邊爐。另外佢嘅魚肚份量都好多，而且食落唔會好似豬皮咁，拎嚟打邊爐吸晒啲湯底就最正啦。呢間火鍋又抵食又靚，而且職員嘅服務態度好好，有問必答，而且仲同我哋介紹雞嘅品種同埋來歷，非常推薦大家嚟試吓啊。

最近天氣好反常，忽冷忽熱，今日突然又好凍得10度，夜晚真係要食火鍋，暖暖胃。係旺角上海街有間滾爺火鍋，見到有椰子雞火鍋食就試下啦！招牌椰子雞鍋 （半隻雞）湯底真係用新鮮椰子水煮，即開4個分別兩款的椰子，用新鮮椰子水和椰肉先煮雞件。職員會幫手倒椰子水，放椰肉和雞件，約煮8-10分鐘就可以食。先飲椰子水，超鮮甜。本身雞就無任何醃製味，雞唔會煮到好柴，味道帶少少椰子味，好健康好清淡。羊肉片份量多，厚薄適中。羊肉片的鮮嫩同椰子水的清甜完美融合，湯底吸收咗羊肉的精華，鮮美無比。西洋菜輕輕一煮，西洋菜鮮嫩，爽口清甜。

估唔到香港都食到咁足料既椰子雞煲👍🏻見到呢間品滾爺火鍋好多好評，旺角同尖沙咀都有分店。第一次就黎左旺角店，舖頭唔算大，但係有兩層，座位都好寬敞，如果多人仲可以訂大圓枱用餐。餐廳提供多款套餐，野食選擇都好豐富。有提供多款高質牛肉同海鮮，價錢中上，不過質素都唔錯。想食清清地，所以揀咗椰子雞煲。$248 半隻雞，用上兩個大椰子同兩個椰皇既水去煲雞，絕對真材實料！配菜方面，揀左手打鮮蝦滑，即炸響鈴，澳洲純牛筋丸，油麥菜 。好推薦牛筋丸同蝦滑。牛筋丸肉味好香濃，咬落去會爆汁，好juicy。手打蝦滑彈牙新鮮，落足料。整體野食質素唔錯，地點方便，好多顧客都係一大班人過嚟飲酒打邊爐。

今日一行四人黎打邊爐，叫左個養顏番茄鍋，蕃茄好甜，湯頭好好飲👻叫左個凉伴麻辣魚皮，好惹味，辣辣地好過癮！叫左唔同既配料，潮洲魚片頭，共有8粒，魚片彈牙萵筍 件件都好大件油麥菜 比想像中多，好大盤美國安格斯板眼 ，超級吸晴，一上枱會有仙氣噴出，個個係咁影相，味道亦相當唔錯，重牛味👍🏻 冇肥根彈牙手打墨魚滑，好彈牙竹笙 好新鮮同爽口龍口粉絲 一放落去冇耐就熟晒，記得儘快拎上黎，粉絲吸晒蕃茄湯底，蕃茄好甜，可以食埋，用蕃茄湯做湯底好清甜，好夾。手包韭菜餃4粒 好大粒， 入面食到啖啖韭菜，足料👍🏻

今晚突然轉涼，放工兩個人好想打邊爐，但係又唔想再去「牛乜牛物」，而且收工都已經8點，最怕嗰啲食一陣又話last order。於是嚟左朋友推介嘅滾爺火鍋。見到隔籬枱好得意真係有隻牛公仔係碟牛，碟豬仲搞笑有隻豬八戒😂。我地就叫咗碟安格斯，估唔到甘有牛味，仲差不多有20塊，性價比高，我自己就幾鍾意啦，因為好軟熟，唔使點任何醬汁都好食，推介👍一定要試吓。為咗令到自己心理平衡啲，我叫咗好多菜，有皇帝菜、萵筍同唐生菜，每一碟比例都幾好夠分量，洗得乾淨同樣又新鮮。另外我哋叫咗個油炸鬼墨魚滑索晒啲湯味好正。 我最鍾意食嘅白鱔片，好爽、魚肉好甜，正！以前成日宵夜唔知去邊食，原來呢度開到凌晨五點，我下次又可以拉隊嚟食宵夜啦！超值推介！食得好滿足😋

講起打邊爐，最近去咗旺角上海街嘅「滾爺火鍋」，真係有驚喜！呢間舖頭唔算好大，但勝在夠地道，坐低就feel到嗰種熱辣辣嘅氣氛，啱晒一班朋友圍埋一齊烚吓烚吓。今次試咗佢哋嘅招牌椰子雞鍋，仲叫咗幾款配料，真係食到舔舔脷！招牌椰子雞鍋（半隻）一上枱已經聞到陣陣椰子香，湯底清甜得嚟唔會太膩，雞肉份量足料，半隻雞都幾多肉，肉質嫩滑，完全唔會鞋口。飲啖湯先，椰子味好出，仲帶少少雞油香，正！湯底仲有啲椰肉，咬落去爽口，真係越食越開胃。爽口手打鮮蝦滑蝦滑係打邊爐必點！呢度嘅蝦滑真係手打，食落彈牙得嚟仲好鮮甜，完全冇雪藏味。烚熟之後仲keep到嗰種爽口感，點少少醬油已經好夠味，推介！手包鮮蝦雲吞四粒雲吞皮薄餡多，入面嘅蝦肉好足料，咬落去啖啖肉，仲有少少豬肉香，同椰子雞湯底好夾。四粒唔算多，但每粒都好飽滿，食完仲想encore！讚岐烏冬食到尾聲點可以冇烏冬？呢度嘅讚岐烏冬真係冇得輸，煮完之後滑溜溜，吸晒湯底嘅精華，食落好有滿足感。就算已經飽飽哋，都忍唔住食晒成碗！原隻泰國椰青食到熱辣辣，飲返個椰青就最爽！原隻椰青好清甜，解渴又解膩，飲完仲可以刮埋啲椰肉食，完美收尾。滾爺火鍋真係抵食又高質，尤其係個椰子雞鍋，

今日天氣突然驟降，打邊爐就最好不過。今日約咗班朋友，嚟咗呢間專係打邊爐嘅餐廳。慢慢食傾下偈！餐廳係小店，得幾十個位，但擺枱寬闊，裝飾好有格調，坐得舒服。 餐廳有好多打邊爐嘅菜式，材料新鮮主打椰子雞鍋，沙嗲湯底，仲有其他特別嘅湯底🤗我哋叫咗養顏蕃茄鍋，嚟到蕃茄滿滿，湯底鮮甜美味，淥唔同食物都好夾我哋叫咗唔同打邊爐配料美國安格斯板眼-外貌好吸精,牛肉肥瘦均勻,好嫩滑，好香牛肉味彈牙手打墨魚滑-肉質鮮嫩，爽口彈牙竹笙-夠新鮮，好咬口手包韭菜餃、 冰鮮魚皮餃-皮薄餡靚,豐盈飽滿，大大粒潮州魚片頭-大大舊，好彈牙蔬菜（油麥菜，薯仔片，萵筍）-份量好足,配上蕃茄湯好清新小食 涼拌麻辣魚皮- 麻麻香香，辣得過癮，好惹味

🩵招牌椰子雞鍋湯底用左2個椰青、2個椰子熬成，煮完之後第一時間同朋友每人飲左3碗湯，好清甜又略帶雞油既香味，雞肉肉質唔會乾柴，推薦👍🏻🩵美國安格斯板眼轉邊爐湯底有藥膳味，配埋厚切既安格斯板眼牛片，好香濃既肉味，醬油個到仲有青檸可以攞，加幾滴青檸汁🍋‍🟩 別有一番風味～🩵彈牙手打墨魚滑有兩大條，份量都幾足！真係彈牙既墨魚滑，墨魚味都幾香～ 不錯～ 面頭仲加左蟹籽，有少少微脆既口感，層次幾豐富～