滿堂紅頂級雞煲火鍋 (已結業)

比我相像中多好多款式，連價錢相對比較貴既雞子,蝦,豪都有 仲要系任食另有冷盤做前菜 有麻辣青瓜個d 都幾入味半自助式甘，自己夾又可以就到份量 吾錯！員工服務抵讚！食完切蛋糕 直情換第張抬比我

最近的天氣，總是乍暖還寒。今晚有少少凉意，不如打邊爐暖一暖。今次我和男友的選擇是座落於油麻地的<<滿堂紅>>。經過這間店，便被他紅噹噹的外觀所吸引住，三層樓高既設計，地下不設座位，食客需要稍移玉步上二樓或三樓用餐。雞煲的選擇眾多，辣度和麻度都可以自選，另外還有椰子雞煲和烤魚提供，迎合不同朋友仔的合味。最後我們都是鐘情麻辣雞煲，來個中辣少麻吧！二人份量是半隻雞麻辣的程度過癮，川式風味獨特，而整個煲收汁比較乾身，不會水汪汪。不過，要彈的是，雞肉比較大件，進食的時候比較狼狽，也令雞肉不夠入味。這間主打任點任食的火鍋店，食客須以自助形式到凍櫃選擇食物，另有冷盤和多種佐料醬料提供。 而火鍋食物種類都叫做可接受，飲品就有約十款，甜品就有不同口味的雀巢迷你杯裝雪糕。三款牛肉是要落單的，可惜肉質有點乾身，不是十分新鮮。總結食完餐飯，總括而言食物質素尚可接受，但喜歡嗜辣的朋友仔都可以一試，風味都比較獨特。

曾經喺深水埗食個滿堂紅嘅雞煲，就深深俾佢吸引左，因為當時個煲唔單止可以有雞煲，另一半仲可以攞嚟煎下嘢食，可惜深水埗嗰間就執咗，於是搵到就令一間喺油麻地同名嘅呢一間，但係唔知係咪同一間呢，不過我哋都決定要再嚟試一下。叫咗招牌雞煲，小麻小辣，叫得招牌應該都唔會太失禮，所以味道上我覺得都係算係中上，醬汁都夠濃，雞肉都夠嫩滑。呢度呢就提供左唔少海鮮嘅，有蝦、蜆、生蠔、魚肉咁樣，蔬菜都夠新鮮嘅。不過唔知係咪我哋比較早去，嘢食都未擺晒出嚟咁樣，選擇我覺得唔夠多。飲品有兩個雪櫃，都應有盡有嘅，甜品都係嗰啲啦，主要我覺得係喺配料上選擇唔夠，同埋部份配料質素唔係太好，譬如五餐肉啲肉好林，唔係平時食開個隻，覺得唔係咁好食。價錢上都係OK的，要讚一讚係職員都幾有禮貌，同埋好好人

朋友突然係個gp度sd左張滿堂紅既poster出黎咁岩大家今晚都冇飯開, 就一於去試下呢間滿堂紅原來有幾層, 我地好似上左2樓所有食物都係自助形式出去拎既, 出面會有D涼伴小食味道就普普通通由於同朋友都係鍾意食麻辣既人, 咁當然就要揀返麻辣雞煲但呢個雞煲真係好麻麻, D雞冇炒過/ 炸過, 個醬好普通, 都冇麻辣味冇食哂D雞就叫佢加湯呢度既牛肉質素都唔錯既, 但唔記得左影相呢度所有打邊爐應有既食材都會有, 佢仲有急凍蠔添呀不過職員唔會成日FILL, 就算FILL只係FILL 6-8粒出黎 (因為我地正正坐係個雪櫃隔離, 食左2個鐘左右, 只係FILL左1次)如果想食蠔既朋友可能要主動問職員FILL啦蝦都算新鮮既, 整體既食材唔差既, 但係雞煲就真係麻麻地啦價錢同出去任食雞煲既餐廳都係差唔多

#MJ油麻地#MJ火鍋🥘海南椰子雞煲(🤤7/10)🔽一拎出黎既時候 個湯底唔清晰 仲幾油下 因為係廚房已經開始煮個雞煲 煮到咁上下先拎出黎，所以雞既黃油就出晒黎 令到原本以為會好清既湯底表面滿佈左黃油，呢個煲仲放左啲洋蔥 芫荽去做香料 調味。食落啲雞肉真係帶清甜， 因為都放左椰青水同椰子肉去做湯底，所以唔會太油膩同太咸。🔽食完雞煲當然係加料加湯打邊爐啦。食材都係有幾十樣既 都係啲丸類 肉類 蔬菜同啲烏冬公仔麵咁。任飲既飲品都有十幾樣選擇。仲有啲自助既餐前小食 有咖喱角 酸齋等等 不過味道就麻麻地。📍滿堂紅頂級雞煲火鍋📍油麻地上海街375-379號明新大廈1&2樓#hkig#hkfood#foodpics#foodblogger#instafood#foodies#cuisine#foodshare#foodgasm#foodphotography#hkfoodie#manjai_foodhunter#吃貨#相機食先#美食#香港美食#油麻地美食#食好西#滿堂紅頂級雞煲火鍋#海南椰子雞煲

很想食雞煲，於是隨意入了這間雞煲店吃雞煲。地方很大，有幾層，服務還可以啦，進食時間長，自助拿食物，其實是抵的。不過最重要的主角：雞煲，認真麻麻，鹽味重，煲底深又多濃跡，味道就是無太子南記雞煲好味。好失望，有比較多下便感到唔滿足。當然近近地唔駛等位又便宜，自助食物又多選擇，這間是可以的。又或只當打邊，重點不放在雞煲也是可以的。但食過更惹味的就會覺得這間到喉唔到肺，有浪費隻雞的感覺。

環境算是乾淨企理，但座位間較迫，還好人多在窗邊的位置，變相尚有空間放行裝。雞煲小辣更香口惹味，如非完全不能吃辣，強烈建議要點辣味，不辣的話感覺說變成了是藥材炆雞。值得一提是前菜小吃味道頗不錯，refill也算是頗快速。其中鴨胸和春卷我都很喜歡。但蒜泥白肉好像沒看到。火鍋方面只能說不過不失，沒有驚喜也不會說很難吃。惟獨覺得醬料的味道頗奇怪，醬油也很咸。甜品有好幾款雪糕選擇，算是還可以。服務方面人不算多，但頗爽手。

這家店其實在九月份吃的，現在才抽空寫它的點評。那天一行三人在傍晚時段去，下午七點半前才百多塊，朋友提議試一下。選鍋的時候看到有雞煲，這個東西試過一次已經足夠，朋友愛魚，另一位又不能吃辣，就點了酸菜烤魚。這烤魚其實烤得不太夠，外皮不脆口，肉質好像已經煮過頭一樣，就是隨便煎一煎然後放在酸菜鍋裡頭的酸菜煮魚沒有分別。自助火鍋料也沒有很多種類選擇，一看下去就覺得質素一般，很多都沒有試，只拿了一些看起來相對新鮮的。醬料也有不少選擇，蔥，蒜那些一看顏色跟葉片就知道已經放了一整天。本人其實不太吃自助火鍋，雞煲之類的東西，服務、裝潢當然是沒有的，食物質素一定是無庸置疑的普通，試一下已經足夠。

朋友約gathering，一個想食雞煲，一個想食烤魚，見到呢間兩樣都有得食就嚟咗！講真本身條魚嚟到覺得好驚喜，事關賣相好好，而且味道都真係唔錯！但係唔知點解愈食就愈鹹，我覺得係關加湯事，因為啲湯本身好鹹，同埋條魚本身嘅配菜都好鹹，而且愈煮愈出味，就算我哋後期夾晒啲配菜出嚟都於事無補，後嚟直頭鹹到打唔到邊爐！佢本身出面有得拎配料，但因為個湯出左事，所以變相d 配料都變到勁唔吸引！講真，下次都未必會再嚟！

我們三個人一起去滿堂紅聚餐，本來吃的挺開心的，好的方面是有很多小食可以在等人的時候先墊一下肚子，可惜沒有看到有水果，不開心的是最後吃完重慶雞煲後加湯，我們看到菜單上有大概六種不同口味的湯，就選了其中一種，但服務員居然說要加40塊，而且還是換鍋，我們正常理解的是加湯到雞鍋裡，應該是不收費的，後來發現其它桌都是直接加湯，所以服務員並沒有跟我們說清楚，這點讓我們很不舒服，應該不會再去了，不過還是希望服務員的服務質量能所有提高

今晚約左舊同事敍舊，她想食雞煲就上openrice 睇，最後點算了呢間座落油麻地的滿堂紅頂級火鍋雞煲。即上openrice 訂座，即送澳洲M5和牛。我們安排坐在二樓，我們點選了正宗重慶麻辣雞煲（$188位，不用加一服務費）少辣，少麻，等了大約15分鐘到雞煲就到。由於二人享用，所以只有半隻雞。材料足，雞ok, 因為豆腐索了煲內麻辣，超正，一試難忘。享用完雞煲，便可以叫侍應加湯變成hot pot。有兩個架放了hot pot 材料任食客選擇。餐廳還提供餐前小吃，飲品及雪糕任飲任食。

感覺不大如前去到本身滿懷歡喜點知食芝士雞嘅時候發覺雞係已經炸乾左 再淋上溶左嘅芝士加上因爲電爐唔傳熱嘅問題五個人叫左兩個煲其中一個爐係壞左 一上煲雞煲職員叫我地食完先算 即係雞煲唔係熱住食 好失望呀😕

之前食過一次雞煲感覺唔錯今次book左最早個輪位諗住食下普通火鍋, 叫左個蕃茄湯底都可以, 不過火鍋料就麻麻地, 選擇唔多最重要係2個鐘都唔refill !肥牛同蝦已經一早沽清, 食到一半已經冇咩好食, 結果走果陣得6,7成飽要再去食其他野...雖然埋單117一個人以打邊爐講唔算好貴, 但除左雞煲外其他野真係好一般, 唔食雞煲唔應該黎

成班麻甩佬聚會，首選當然雞煲同打邊爐，呢間朋友介紹，之前未食過，即管一試。有得揀雞煲同烤魚，烤魚我就麻麻地，揀咗麻辣雞煲。個煲未到前有好多小食可以食住先。蒜泥白肉非常好味，個齋都好食。飲品選擇種類繁多。重點嚟 - 雞煲！ 由於第一次食，揀咗少辣，但食落覺得唔算太辣，好辣之人可選中辣。雞以外洋蔥都係必食嘅！食完雞煲轉打邊爐，火鍋配料齊全，食物新鮮。牛肉王嘅我怒食牛肉，肉味濃，肉質爽，呢個價錢食到呢個質素，物有所值。總結：雞煲+任食火鍋嚟講算性格比高，平一定唔係最平，但食物質素有保證，食物飲品選擇多，地方亦闊落，大班人聚會不錯選擇

踏入夏天，少食雞煲，香港有一樣好處就係一年四季都有好多地方食雞煲，而食雞煲個地方反而越來越多，同越來越精。開始唔只係食雞煲而已。而今次食雞煲，就係油麻地食，地方近地鐵站，好方便。今次雞煲餐前小食比我想像中好味。例如魚蛋好彈牙。全部都有座熱的，雞腳都好入味，真係意想不到的。登登登登，終於到雞煲，我地今次係叫小辣，我本身想叫大辣，但其他朋友唔得，我覺得個雞煲好入味，絕對多味，但辣度就係少少辣😂。打邊爐其他餸都好新鮮，好味！