滿樂潮州 (美麗華廣場1期) (已結業)

我1人，諗住去食晚飯。排我前面的是2人，我聽到門口阿姐同佢地講得返2張2人枱。咁佢地揀左其中一張，跟住我話1人，而我後面的客是3人。阿姐就同我講，你1人難啲畀枱你。我會畀左3人先。但明明另一張可以揀的枱只可坐1-2人呷囉！態度咁差我都唔稀罕食。

孝順女同媽咪食中餐知道「滿樂潮州」有夏日菜單最啱依家悶熱嘅天氣下食佢主打「農場到餐桌」嘅綠色概念叫了幾款充滿潮州特色嘅農家菜式包括檸檬燉鴨湯呢個醒胃解暑嘅潮州湯仲可以開胃益脾鴨就滋陰補血味道酸甜特別配埋檸檬香幾好鹽焗黃油烏頭魚用鹽焗魚肉最鮮嫩有埋普寧豆醬又惹味又突顯魚嘅鮮味橙香焗排骨揾橙嚟平衡肉嘅膩滯味道酸甜脆口更開胃欖菜馬蹄炒涼瓜欖菜係開胃、清心配去心火嘅苦瓜苦瓜唔係好苦亦都幾香口最後糖水好滋潤養顏感受到佢哋嘅食材上乘同充滿鮮味同媽咪食到勁飽，下次再擦過😋

尖沙咀飲茶原本以為這裏只有潮州菜，原來也有港式飲茶點心，而且味道很好。我們點了：翡翠松露帶子餃 ：蝦餃的餡料是蝦肉加入了一點蔬菜，很大一顆，蝦有兩、三隻。上面放上一顆帶子，帶子雖然size 不大，但是味道鮮甜、彈牙。帶子上面再加上松露醬，味道香濃。整個點心食材高質又配搭得宜。鮮蝦蟹籽燒賣：餡料主要是豬肉，豬肉新鮮；調味簡單，沒有味精的味道。上面的鮮蝦彈牙，整體很好。手打魚腐湯米粉：魚湯很清甜，調味很少，特別突出湯底的鮮甜。手打魚腐很真材實料，魚腐不鬆散，味道又有魚味。很清淡健康的湯米粉。味道、環境和服務也很滿意的餐廳。

一個人放食lunch，突然好想去飲茶🍵就到公司樓下酒樓食個點心，這間滿樂潮州之前都有和同事食過，質素都不錯👍喜歡食這個紫菜墨魚丸湯，湯底有潮州風味，加入大地魚、芹菜和炸蒜，味道香濃惹味亦不會過鹹，調味適中，新鮮墨魚丸做到有彈牙效果，整體味道不錯！鮮蝦腸粉蝦肉厚身鮮甜又彈牙，淋上豉油食唔停口🤤

好耐冇食過潮州嘢所以約咗朋友今日特登去食真係呢次次都會叫到一枱都係嘢食YumYum!!! •滿樂潮州 係食潮州嘢嘅~ 最近轉左裝修環境舒服咗同埋靚咗仲唔比我發現到佢哋推出左夏日菜式~🦆檸檬燉鴨湯個鴨湯好好飲，分量大足夠四個人飲用，服務員仲會將啲湯渣放埋出嚟，你會睇到原整的半隻鴨～🐟鹽焗黃油原條烏頭魚唔好以為烏頭魚唔好食，鹽焗烏頭魚鮮味十足，條魚有黃油先係好嘢呀🍊橙香焗排骨開胃醒神，酸酸甜甜焗排骨用嚟配飯一流🥬 欖菜馬蹄炒涼瓜本身我都好怕食苦瓜但係今次呢個我竟然都食得晒呀，用咗解欖菜一齊炒減譚左苦瓜嘅苦味再加埋爽脆嘅馬蹄🥣夏日清甜湯期待咗好耐嘅清涼甜品以為係糕點～原來潮州菜嘅清涼甜品係冰糖雪耳糖水我覺得佢哋嘢食一直都keep到好好嘅水準另外服務好所以如果我要食潮州菜我一定唔會揀佢哋

疫情關係真係好耐無出街食飯，難得出尖沙咀shopping，梗係要食好西啦。尖沙咀餐廳林立，最後選擇了在美麗華廣場4樓主打潮洲菜的滿樂。因為最近餐廳新推出夏天菜式，感覺幾特別，所以一試。一開始會有功夫茶品嚐。檸檬燉鴨湯份量相當多， 足夠3至4人享用，附上半隻鴨，十分足料。鴨湯咸檸檬味突出，配上淡淡的陳皮味，潤喉暖胃，鴨肉亦燉得嫩，夠喉火喉。鹽焗黃油烏頭（原條）潮式凍烏頭，肉質嫩滑，魚味及魚油香味濃厚，味道十分好。橙香焗排骨排骨大大件啖啖肉。排骨炸得岩岩好，外層酥口肉質有彈牙。醬汁香橙味濃郁，酸酸甜甜味道清新，亦不會太甜，越食越開胃。欖菜馬蹄炒涼瓜涼瓜爽口甘甜不苦，馬蹄清甜，兩者相輔相成。甜品前再送上功夫茶，清一清口中油膩。夏日清甜滑紅棗蓮子雪耳百合，清甜潤喉。

午餐又約飲茶，來到美麗華這家冠以潮州為名的餐廳。裝修頗有特色，木條子的裝飾配以橙色的椅子，很鮮明很搶眼。餐具走青花瓷的感覺，尤其欣賞茶壺的設計，茶蓋以一條小柄卡住手柄，斟茶不按住也不會掉。蟹籽燒賣皇，肉質彈牙，還有滿滿肉汁。潮州鮮蝦筍粿（蒸），同一種食物，烹調方式可以自由選擇蒸的還是煎的。晶瑩飽滿的樣子，大粒又足料，鮮蝦、筍絲、還有紅蘿蔔絲，味道清新得來有鮮味。家鄉鹹茶粿，同樣是粿，但質感同剛剛的筍粿大不相同，粉粉軟軟的外皮，鹹香的肉碎內餡，有種古早味，潮州風味滿滿。生煎蓮藕餅，不同於認知中藕餅的樣子，外面用雲吞皮夾著內餡，炸得香脆，內餡也不單單只有肉和蓮藕，而是有份量不少的蝦，非常彈牙，相反蓮藕的份量不是太多，是否該考慮改個名字了。芋茸煎堆仔，外皮穌化好吃，芝麻香口，芋茸內餡比較少見，淡淡的芋香，味道不太甜，感覺更健康。黃金豆茸煎軟糍，軟糯的糯米皮煎得金黃，紅豆餡滿滿，外脆內軟，稍微放久一點變涼了之後，糯米皮又變得煙韌，口感有了不同的變化。夠不夠"潮式"不敢下結論，不過就肯定很有特色，是一個有新意又好吃的飲茶好去處。

難得放假，想飲下茶食吓點心Hea下，見到呢間食潮州菜嘅中菜館，男朋友想食蠔仔粥，見到啲裝修都幾靚幾時尚，坐位闊落舒服，於是試吓。鮮蠔仔泡粥呢個潮州粥其實有啲似泡飯，好足料，肉碎同蠔仔份量超多，蠔仔完全冇腥味，隻隻都飽滿，新鮮冇沙，超正。粥好鮮甜，加上好多芹菜粒，成個粥好香，方魚脆脆增加口感，2個人share 啱啱好。呢個一定要趁熱食，因為凍左即刻會無咁好味。鮮蝦菜苗餃大大件蝦肉，蝦肉好爽好彈牙，同菜苗配合得宜，少少蒜香味，食落好新鮮，好清爽。潮式煎九菜棵以前未食過，不過見menu幅相幾靚，所以叫來試吓。外皮有別於平時食嘅韭菜餅，係用澄面做嘅，外皮煎得好香脆，然後就係軟綿微Q嘅澄面口感，外脆內軟，幾特別。一咬落去，爆汁，超Juicy，裏面餡料有隻大蝦，好彈牙，加上韭菜好足料超香，唔錯，食到停唔到口。潮式鮮蝦荀棵棵有煎有蒸，諗住九菜棵係煎，所以呢個我地選左蒸，入面好多荀，好爽脆，加上蝦膠，味道一定有保證。香煎蘿蔔糕有d驚喜，煎得金黃香脆，好香蘿蔔味，唔會一嚿粉頭咁，加上蠟味嘅香，少少胡椒味，好香好惹味，個人推介之一。好耐冇飲茶啦，我哋對呢餐潮式飲茶都好滿意，食物都幾有水準，環境同服務唔錯，

已經有一段時間冇去飲茶，今日就約咗朋友去美麗華滿樂潮州試潮式茶點。我哋今次點咗百樂鮮蝦餃、鮮蝦滑腸粉、蜜汁叉燒包同埋薑蔥鵝肉撈麵。蝦餃超大粒飽滿，而個皮又薄，蝦嘅鮮味十足。鮮蝦腸粉嘅腸粉就好嫩滑，點買秘製醬油食絕對一流。叉燒包就有好香濃嘅蜜汁叉燒響入面，而且熱辣辣個包又鬆軟。而最值得一提係薑蔥鵝肉麵，鵝肉超大塊而且唔肥，鵝味十足，加埋薑蔥、白醋撈麵，每一啖都有唔同嘅口感，最後要提既係個潮州茶，好有茶味我好鍾意。

今日想食潮州菜，早早地同媽咪去尖沙咀美麗華，環境舒適，坐得非常舒服。潮州菜，當然先來一口功夫茶 ！午餐點心紙 ， 款式多，有小菜有點心。方魚肉碎粥 － 湯底鮮甜，熱度夠，湯一定要熱才好喝。方魚鹹香帶出整碗粥的鮮味，肉碎亦很多，份量的話： 一大碗可以分到3小碗，2個人食剛剛好。香煎糯米釀大腸 － 把糯米釀進豬大腸內，功夫要很多，煎得頗香口。滷水蛋墨魚片 － 包括滷水墨魚片，蛋和豆腐。豆腐吸收了所有滷水汁，特別入味。家鄉鹹茶粿 － 這個點心很精緻，外皮香軟加上點點煙韌，內裡材料充足，媽媽讚不絕口。下次可以約多些人來，試多幾道菜！

今天約了朋友在尖沙咀美麗華商場4/F的「滿樂潮州」午膳。這裏交通便利，環境清幽，沒有一般酒樓的喧鬧，最適宜一邊用膳,一邊聊天。看過餐牌後，還是懶得一個一個菜的點，來過「二人套餐」算了，反正都是餐廳的精選。“百樂蝦餃拼燒賣”，蝦餃皮特別薄，鮮蝦爽口彈牙；燒賣大大粒，上面也有蝦和蟹籽，而豬肉餡又肥瘦適中，點心都是上乘之作。“潮州鹹雞”，雞肉嫩滑，鮮美可口，再加上調味得宜，雖然濃味，但不太鹹。“蘿蔔絲煨飯”，有香口爽脆的炸瑤柱絲鋪在上面，令煨飯更香口，再配上蛋白、蔥花和蘿蔔絲，份外美味。“上湯雜菌浸菜心”，翠綠爽口的嫩菜心，加上不同的菇菌，浸在濃濃的上湯中，非常入味。一邊飲茶，一邊聊天，不知不覺坐了個多小時，這裏真是個和朋友聚會的好地方。

清年假的日子悠哉悠哉，在尖沙咀街上行都幾熱，躲進了美麗華，選了這間潮州點心，它的點心跟粵式不同，今次試下不同的點心。茶位 | $15位、前菜 | $15點了普洱茶，茶葉比較碎，但茶味純。潮州鮮蝦筍粿 | $48饀糙內有筍及蝦肉，蝦肉彈牙，皮煙韌。可以自選蒸或煎，我們選了煎的，底面有煎少少焦香，煎的有點膩，下次再試試蒸的。生煎蓮藕餅 | $38蓮藕餅有四件，炸得香脆，包著的蓮藕少少鹹，幾惹味，有蝦肉。黃金炸魚腐 | $48魚腐不是街市魚蛋檔買的款式，他是由豆腐及魚肉撈勻，外表炸成金黃色。點些甜醬，有點像煎釀三寶的味道。鮮蝦蘿蔔烙 | $68很特別的菜式，煎餅內有蘿蔔的味道，但口感煙韌，有些蝦乾、菜脯，吃起來好香。外皮煎得脆脆，又可以點些魚露，加上花生碎，味道很有新鮮感。蜜汁叉燒包 | $38叉燒包大大個，蜜汁比較甜，有些叉燒粒，飲茶都是食個包開心點。

一段時間沒吃潮州菜了。早段時間和媽媽開了滿樂潮州吃晚飯，原來他們推出了夏日限定的夏日農家menu，以農場帶到餐桌作為概念，炮製了一系列潮州家鄉味道的菜式。我們點的幾個菜式都相當滿意。炎炎夏日先點一個冬瓜盅消暑一下。這個海鮮冬瓜盅不單賣相澎湃，味道也非常好得！原個冬瓜作爲盛器，入面的湯由乾菇、乾瑤柱、蝦米、金華火腿、豬肉燉煮而成，鮮甜到不得了！而冬瓜清甜軟綿，入味又吸收精華。另一個夏日推介菜式點了潮州老香櫞炆骨。原來櫞是潮汕地區的特產，藥用價值還很高呢。吃起來有果香帶有少少甘味，醬汁和排骨很夾又特別！而排骨亦炆得又軟又腍，很高水準的一道菜。另一道金不換檸檬蒸烏頭同樣出色。蒸烏頭保持魚肉的鮮味精華，加了金不換和檸檬令味道更加清新酸爽。烏頭魚下面還有茄子鋪底，吸收精華太好吃了。素食菜式方面有充滿田園氣色的伴水芹香炒田園蔬。多款時蔬搭配水芹炒得香口，很喜歡裏面的馬蹄、百合，豐富了口感。最後再飲碗滋潤清涼的夏日清甜湯作結。這碗糖水有紅棗、桂圓、薏米、雪耳、蓮子、百合、白果等等材料，太足料！

本身是潮州人所以每次飲茶都會首選到潮州酒家飲茶，今日就和媽咪到美麗華商場滿樂潮州食點心。這裏環境寬敞舒適。點心款式多，茶味香濃。紫菜墨魚丸湯湯底鮮甜很有潮州風味，配菜加入了魚乾、芹菜、炸蒜和蘑菇，飲落口感豐富又惹味。手打墨魚丸加入紫菜，爽口彈牙。鴛鴦水晶包水晶包一籠有六粒兩款味道，豆沙和蓮蓉，即叫即蒸，熱辣辣甜度適中，水晶皮做得很薄很出色，煙煙韌韌味道不錯。潮式煎韭菜棵皮薄餡靚，外皮煎得香脆可口，餡料豐富比例適中，有韭菜、豬肉和鮮蝦，每一啖都食到香濃的韭菜味。鮮蝦菜苗餃皮薄到肉眼都看得見餡料，新鮮菜苗嫩嫩綠綠，入口清甜，鮮蝦爽口彈牙咬落多汁，配上辣椒油一齊食，味道不錯。

難得在閒日有一日假期,就打算與老媽子去歎個午茶;問了幾個同好美食的好友,都各有心水推介,而在這當中,最後決定一試位於尖沙咀的潮州滿樂!座落於尖沙咀黃金地段的美麗華商場之內,同層的頂級中菜食府雲集,此家主打潮菜的食肆能擠身於此,多少都應該有原因;在老媽子及我飽餐一頓之後,就終於明白到--此店在細節位上做到極致,尤其是現時常被人們忽視的「水滾茶靚」的茶事上!時下常聽到的歎茶,大部份把焦點集中在食物及環境之上,較少聚焦於茶葉方面;所以這次在這食府所得到的深刻印象,不但有優質食物與舒適環境,還兼顧最本來的喝茶之樂,實在是大飽口福!說回此店,從門面開放式的設計,到室內的每一處,將中式雅緻而沉穩的色調,揉合西式柔亮的燈光加上造工細緻的餐枱座椅,將圓與方漫不經意的展現,令人感覺舒適又多一份高貴!另外,不得不提的是,其餐具由質料到顏色到手感,相當有貴氣!餐牌上所提供的食物種類有一定的豐富度,從粵式點心到潮式食物皆有,尤其以套餐來說,定價非常超值,於是揀了午市二人套餐,再從中剔選了心水的食物,並且點上鐵觀音;隨後侍應生端來了這壺熱茶,即刻沖來喝上幾口,開始時覺得沒有什麼特別,但之後其味道湧現,松木燻香中