漢和韓國料理 (已結業)

自助餐真抵食，無限時，又唔貴，唔同時段又有唔同優惠，款式類型又多，中西日韓既食物都有，剩係每款食一件都跑到行唔識行😂😂😂😂😂而且食物味道唔錯，豬🐷🐂🐑🐟🥬🦐🍄🐠🍉🍈🌽🥗🍲🍜🍝🍣🍛🍱🥟🦪🧇🍖🥐🍨🍦🍧🍮⋯⋯等等，款式多到👍👍鐘意食嘢的我，日日週圍食，最緊要係食極唔肥，所以食完呢餐之後，又要搵一日博命做返運動，如果唔係就大鑊⋯⋯😂😂😂😂😂😂仲有要唔限時，死未⋯⋯款式又多，食物唔差，味道更加是大眾化口味，仲要唔貴，死未，想唔肥都幾難😂😂😂😂😂😂我就最鍾意食呢到既羊肉，味道適中，而且肉質又鮮嫩，🐔翼有辣有唔辣，燒豬腩肉，爽脆好味，又有碗仔翅，人參🐔湯，又有我最鍾意食既薑醋，夠火候夠腍又好味道，甜品又有多款，熱辣辣豆腐花，飽都要裝半碗食，紅豆味雪糕又係好好味⋯⋯食物數之不盡，味道又惹味到停唔到口，我每款食一件都飽到唔識行😅😅😅😅😅

上水真係冇咩選擇，如果想食韓燒一定係呢間。今次3個人，食左$670（連加一），每人都係$200多少少，其實好ok，因為佢係咁食既，唔單止燒肉，仲有其他熟食，生果，甜品同飲品。燒肉冇咁快食得又餓既話可以食下刺食壽司先，一黎就拎左碟三文魚刺身。因為呢個價錢任食，我覺得有咁多款肉（包括豬牛雞魚等，仲有蔬菜同菇類）俾你揀黎燒真係唔錯，同埋d肉都唔算差。燒到個爐板好污糟，又可以叫佢換。雖然主打係燒肉，但熟食既選擇都唔少。炒菜、煎三文魚、秋刀魚、韓式粉絲、炒飯，韓式煎餅、碗仔翅等。而且又有幾款湯，人蔘雞湯、辣海鮮湯同中式湯水。仲有沙律區，新鮮蔬菜又有，韓式醃菜都好幾款，淨係咁每樣試晒都飽。最後食甜品，都有好多款。有朱古力噴泉、雪糕杯、泰式椰汁糕、杞子糕、奶凍豆腐花等。最鐘意就係‘畢’豆腐花，好似人地出面咁自己一片片咁‘畢’落碗度，正！所以整體黎講唔錯架，始終上水唯一一間韓燒，唔貴，又多款。

好耐都冇試過食漢和，價錢合理，食物種類多， 甜品都不錯， 響牛肉方面有西冷肉眼， 有豬肉羊肉 雞肉雞翼 腸仔蟹柳 牛柏葉 等等 都好好食， 此外都有碗仔翅人生雞湯最啱女士補一補， 甜品上有曲奇牛乳， 以及各種各類的生果， 我非常滿意上水漢和。希望下次去我建議有羊架、有些少丸子等， 最希望有和牛燒啦

今次黎到上水揾食，實在太耐冇食過韓國菜，咁就揀間韓國菜試下。呢間有韓燒同普通set lunch，咁我就揀左set lunch。我點左個鍋燒牛肉飯餐，有小食，湯配。飯既味道不錯，仲有飯焦👍🏻不過牛肉略嫌燒得太過，有d老。另外加左過涼粉，不過麻麻地，冇咩特別

難得去到上水，見上水某個商場好多人，餐廳要等好耐，所以就去左另一個商場搵野食啦。好耐冇食韓國野，好彩呢間食燒肉嘅都有午市套餐可以嗌。我嗌左個鍋燒雞肉飯，加$6要左個豆腐花。鍋燒雞肉飯雞肉超級多，多到我食唔曬，飯都好多，份量好足，而佢只係$50。而個味道都唔錯，雞肉唔算好滑，但又唔會好鞋，我覺得啱啱好。前菜係泡菜同芽菜泡菜唔算好辣，係我食到嘅辣味，食完一塊又一塊。芽菜就唔辣嘅，略嫌冇乜味，較泡菜失色。唔知咩湯，似係菜乾豬肉湯，但我覺得個湯冇乜味，唔係好飲得出豬肉味，唔係特別好飲。豆腐花就冇乜特別，都係一般嘅豆腐花。整體黎講，以咁平嘅價錢黎講係抵食嘅。

因為我哥哥同阿嫂唔得閒，所以我就帶住果兩個小朋友去食晚飯，問佢哋想食咩就咩都答唔出，本心諗住簡簡單單食個M記，但我自己又唔想食，咁見上水彩園村新開左一間漢和，咁就帶兩個小朋友去食烤肉啦，因為佢哋都未食過，其實對我來講我就覺得質素唔係咁好㗎啦，帶對小朋友來講就好開心，因為雪糕嘢飲三文魚都係任食嘅，仲可以自己親力親為去燒肉，所以佢哋好開心，其實見到佢哋開心自己食嘢都會開心啲嘅咁肉類方面都係一般嘅韓式燒肉啦唔好要求太高，好又一餐唔好又一餐囉

首先我叫咗個石鍋羊肉飯，賣相都有啲差， 好似俾人食咗啲咁，我覺得放啲配菜落去可能會好睇啲。然後我屋企人叫咗個燒青魚飯，入面啲腸都未清理乾淨。不過重點係，我個石鍋飯，入面除咗有羊肉仲有豬肉同牛肉！唔好以為落重啲醬汁撈埋一齊炒，人哋就分唔到你係咩肉，一食就知啦！我本身咩肉都食就話冇所謂，有啲宗教嘅人係唔食牛就唔食牛，唔食豬就唔食豬，你咁撈埋一齊炒扮羊肉，即係開害人破戒啫！我覺得係非常嚴重嘅問題！極！級！負！評！

不知何時,此集團提早開市由從前晚上五點半提早至五點,可能接近農曆新年,價錢為假期價再加$5,,其實時間太早根本還未肚餓,但勝在自己當日做左勁多體力勞動既野,特別開胃基本上每一間分店食物都係差不多,但可能由於上水屬偏遠地區,所以人少點,服務亦特別好,總括來說,如果新界北人民唔想出九龍食放題呢個都係唔錯的選擇

><上水尚算多嘢食 好唔好食又係另一回事同事搵到間新嘅餐廳 終於有韓國菜選擇劃分咗個area for烤肉自助餐/熟食自助餐/午餐咁我哋冇咁多時間 所以就嗌lunch set人參雞湯飯($49)前菜有大豆芽 略嫌有草青味 泡菜 幾入味雞湯完全食唔到人參味 只有胡椒味雞肉去皮去骨唔錯 但整體就係白烚雞肉加咗蔥落個湯到><><><><><><><><><><><漢和韓國料理 Hon Wo Korean Restaurant上水彩園邨彩園廣場4樓R402鋪

態度差嘅員工係個金毛女員工一入到去就已經黑曬面 問佢攞櫈又冇比 又係咁大大聲講唔該唔知做乜野 我地坐房又話唔可以轉電視個台 走入嚟特登鬧我地嘈話呢到唔係k房 閂門嘅時候仲要勁大力拍曬啲塵出嚟 服務態度不知所謂 埋單後同其他員工講返 佢地都話覺得個位女員工有問題 大家小心啲