潮和興

營業中

休息中

屹立左係大埔好耐既小店，平時都係做街坊生意。因為舖頭係馬路邊，環境會嘈雜少少，但都幾有大排檔既味道。《$138 滷水鵝片》 🌟🌟🌟🌟潮州冷必試一定係滷水啦，滷水汁好香，鵝片都好入味，唔會話醃得唔夠白雪雪咁。肉質有少少鞋口但可以接受，一碟份量兩人食岩岩好，仲有豆腐片墊底，好食。《$53 韭菜豬紅》🌟🌟🌟韭菜豬紅都係打冷既靈魂菜式之一，但呢一次既韭菜豬紅唔太夠味，豬紅份量都幾多，處理得好好，唔會有腥味。《$118 椒鹽鮮魷》⭐️⭐️⭐️⭐️⭐️又係岩岩炸起既鮮魷，粉漿唔厚唔會食到成舊炸粉，雖然係炸物但係唔會成口成碟都係油。鮮魷本身有調味，食落一D都唔會韌，好食到停唔到口。《$68 腐乳炒通菜》⭐️⭐️⭐️通菜就正正常常，爽口而且好香腐乳味，調味唔算重，食到腐乳香但唔會死咸。人均消費：$200環境：7/10食物：7.5/10服務：8/10性價比：7.5/10整體：8.5/10

在大埔墟生活的10多年，雖然只是童年時，但對區內好多的食肆都有深刻的印象。可是，事隔幾十年，許多商店都因為種種的原因，結業或改寶號了。然而，在今時日，當我一有機會有大埔墟吃吃喝喝時，首先想起的，都是兒時有記憶的老字號。去年，太太的兄長由美國回來探親，我就帶他來運頭街街口的老字號《潮和興》，為他洗塵。《潮和興》，是一間很簡單的潮州小店。日頭是一個麵檔，晚上就有鹵水小炒，是很傳統的一間打冷店。晚上，最爽就是坐在店外的路邊位，食鹵味，飲啤酒，暢談中 X 埋人老味就一定更爽。不過，那天就不想坐在露天位了，我們坐入去有冷氣的室內，一樣咁有風味。為了小朋友，我們點了一份咕嚕肉。這一份肉，甜味是偏重的，也就是因為這甜味，小朋友吃得份外的開心。去潮州舖打冷，其中一樣大家會常點的，就是蠔餅。這兒的蠔餅，炸得香，炸得脆。蠔仔的比份都夠多。我可以說，這是該晚最好味道的食品。因為不是我發版，所以變成了鹵水鵝片。如是我叫，我一定會叫連皮連骨的鹵水鵝件式鹵雜錦，會更香口，更有風味。說鵝肉，夠爽口，而且鹵水也香口，雖然是肉厚，但皮脂不夠豐富，感覺一般。我來到，再來了一碟椒絲腐乳通菜。鑊氣夠，炒出來的通菜既爽脆又可口

潮洲打冷 + 港式小菜，多元化，增加競爭力是無可厚非，但做不好只會弄巧反拙。還是專心做好潮洲食品為上。那天行山後與同行開飯，四人限聚，八人剛好兩枱，互點食物，互相分享。簡單總結 : 潮洲食品做得好，不好要求小炒質素。 

應該已經十年無到訪，多年來食物都不是怎樣出色，平傭穩陣的表現。提供本地老街坊的味道，提供使人懷念的味道，陀地的味道。十幾年前我係東昌街蒲時，經常零晨叫外賣大排廷席，酒吧潮州冷自助餐就係由潮和興供應喇！唔操拳都無野好做，唯有暴飲暴食，下星期先開始操，等手手腳腳休息下黐返先。心血來潮黎探下潮和興，巧遇阿健與暈妮，要寒暄幾句咯。鹽焗烏頭、青芥末牛柳粒、潮州蠔餅、滷水鵝半隻、豉椒炒蜆、沙嗲韮菜粉絲肥牛煲、滷水雜拼、蒜蓉炒豆苗、韮菜豬紅、椒鹽鮮魷、等等，但說好的羊腩煲呢？約齊老友為羊腩煲而來竟然沽清，無食神惓顧！連個天都不喜愛我？潮興十全十味七友臀年飯。青島啤酒，正常不過的味道，不苦不澀。晚上七半的早午晚餐一剔過，多謝長毛叔叔獻技。長毛滷水鵝片，長毛親自操刀零舍不同，紋理有序，嫩滑幼嫩，皮肉逹至黃金比例，薄薄一層清新滷水汁已十分足夠，捲著爽甜芽菜更有口感。滷水掌翼，爽脆的掌，嫩滑的翼，互相輝映！就連芽菜花生亦一絲不苟，可以送幾碗飯呀﹗長毛滷水鵝例牌，何解長毛親自操刀既滷水鵝特別好食呢？上次毛嫂鵝片鞋烚烚乾乾韌韌，使我十分失望！滷水汁黏黏味濃不嗆不濁，完全滲入鵝肉每吋肌膚，使得我不停舔舔嘴！髀肉嬌

呢碟野我食咁耐依黎係最貴最貴的一碟，蟹可以煮到唔好食又乾，我都唔知點解佢收我咁貴，初頭我都以為聽錯，佢話時價係咁嫁啦…但我都覺得好似比人殺價，430蚊我都算，問題就係果種不知所謂的態度令我十分超覺得唔值，你大大聲聲話，時價嘛，係咁嫁啦…都唔係比你開天殺價嘛，我以後食野無價錢寫時價一定要問清楚幾錢，如果唔係就好似我咁無知比人任人開價。坦白講，我到依家都條氣好唔順，我咁我去後面果間打冷店都以後以後唔再黎呢間好店

其實響大埔住左咁多年，打冷都係幫襯潮和興，雖然環境比較舊，但味道確實唔錯👌🏼！但對上幾次食，都覺得開始差左，今日再食，我諗應該會轉地方了😔。。我地三個人，叫左滷水鵝片🦢，生腸墨魚🦑，蝦醬炒通菜🌱，豉椒炒蜆，蠔仔粥。鵝片/生腸墨魚🦑: 份量唔多都接受，但兩樣野食落都係無味😔。蝦醬炒通菜: 第一眼見到以為叫左上湯浸通菜，D菜水多到。。但又係無味既🤔。豉椒炒蜆: 有d蜆唔太好食，有豆豉有黃椒青椒同紅椒，但味道有d甜😣。蠔仔粥: 呢個比較正常，但d蠔麻麻地😔。

每次經過大埔有幾間潮州打冷會吃, 這是其中一間。不太有名，但吃慣了。不過這幾年菜式價格愈調愈高，食物質素已不成正比。而且餸菜愈來愈濃味，甚至過鹹。鹵水鵝腸的肥膏亦未有處理，全都大大舊黏住, 根本吃不下。鹵水墨魚，芽菜反而不錯。韮菜豬紅愈食愈鹹，送粥比較好。炒蜆雖今次好夠味, 但又係愈食愈鹹。不過地道小店, 服務很好，很多街坊生意。 

昨晚和幾個朋友到潮和興宵夜,食物質素差了很多.首先食物份量比較以前減少很多.椒鹽鮮魷 $75評價:鮮魷太濕,炸粉同鮮魷係分開的,一放入口就會分開兩份.味道太喊,食一舊就要飲啤酒沖淡d味.加上用千年油炸,成碟野都係黑色.椒鹽雞中翼 $65雞翼size好細,仲細隻過麥記d脆香雞翼.同樣用千年油炸,成碟野黑色的炒豆苗依舊係超喊,同起多油鮮魷炒河多油,鮮魷咬唔到,份量少.其實都係大埔住左咁多年,都去潮和興食左好多年,但質素真係差左好多.價錢加得勁都可以理解,但份量同樣大減.最大問題係味道差得太過份.

某日路過大埔，因時間太晚，錯過了著名的蔡潤記。路過這裡，看到有蝦子撈麵，便進去試試。麵地有驚喜，彈牙爽口。蝦子則無甚特別。湯底最差，平平無奇。路過一試，沒有期望下也不覺得失望。

深圳工作了一天回來, 老婆又說明唔煮飯. 取道皇崗過關, 跳上了那些出九龍的慢駛紅Van. 發哂吽哣咁坐到黎大埔. 本為橋頭雞而來, 誰知間野寸到要年十三才開門. Target沒有開, 徬徨了一會兒, 去求其找間食又不甘. 突然想到, 路口的潮和興, 雖不是我小時時常光顧的食店, 但始終是老字號. 同埋小時的陳真要食夜粥既時候, 必然會來這裡整碗皮蛋瘦肉粥. 是日來, 也算是開始了回味大埔既Part 2, 大埔的古早味食店.本尺只想叫一個蝦子撈麵算數, 誰知是日蝦子賣哂, 惟有再看看Menu, 及牆上的大字報, 想來想去, 感覺, 來得潮店, 當然要食潮野, 雖然我不是潮人, 但因為為潮人打工, 點樣都對潮倀有點小認識. 所以是晚好潮地, 來了一碗蠔仔肉碎粥同一碟例牌既鹵水鵝件. 一於潮吃一番打個冷.先來的是粥, 粥是另外在門口粥檔仔煮的, 看食評有人說這裡不夠衛生也許是粥檔 Locate 在一間車房既門口. 我坐在鋪入面, 眼不見是為乾淨, 而且幾十年來, 潮和興都係係街邊煮粥, 感覺完全不怪. 端來的蠔仔粥, 肉碎, 乾魚片, 同蠔仔三者都多多, 而且粥是即叫即煲, 完全是滾住上,

上星期同朋友食完, 以後都一定唔會再去LAW, 坐低成陣臭味, 叫左碟炒HIN... 一埋到黎, 成隻手指公咁大既"曱由"炒埋一齊, 仲要O係面頭個女人都見唔到, 我地嘩完一輪之後, 佢好冷淡咁話, 叫過第二樣啦, 轉個頭將原先O個碟比左第二台食呀, 好嘔!!! 跟住到個蠔仔粥喇, 竟然有賴尿蝦殼O係入面, 我估係佢用裝粥個碗黎裝上手D垃圾LAW, 真係好嘔.. 呢間野一定唔會再去, 後悔冇影低告發佢TIM呀

係大埔既潮州打冷店遼遼可數，我幫襯左依度都有八、九年喇，同老細、舊伙記都頗熟絡。今晚係附近飲完酒，打算買個宵夜外賣返屋企慢慢嘆，點知：步入舖內睇吓老細係唔係度先，敝，唔見人，想攞折頭無機會，好啋有個話得事既伙記係度。例牌一句有咩好介紹，寒暄一輪後，就決定要隻最大既潮州凍蟹，大隻過我手掌，原價要百廿蚊隻，VIP 價一百搞掂，諗住有著數啦，第一次係度買都咁大隻既凍蟹，重只係一百蚊。師父終於切好喇，個盒都裝唔晒，另外加送個淨湯麵比我，就好開心咁飛的返屋企。返到屋企咩都唔理，即時開餐。黎個蟹蓋先，嘩，勁多膏。食吓食吓，啲味道同口感怪怪地，好濃烈既怪蟹味，心諗可能飲多左酒，唔理咁多繼續食。巨型蟹蚶啖啖肉，正，一邊點浙醋一邊食，話咁快食左半隻。終於發現點解啲肉怪怪地，林劈劈、散筲筲，又係有陣濃烈既怪蟹味。到底係咩味呢，諗到喇，完來係唔新鮮既死蟹味.......我醒覺後，即時掉左剩餘那半隻蟹落廚房垃圾桶，期望聽朝個肚唔好有事。食埋個熱騰騰既淨湯麵，就漱乾淨個口啲溴蟹味上床訓。第朝訓到矇矇矓矓，咩味咁嗅呢，完來啲死蟹味彌漫全屋，即時跳起身，將條屍掉出門口，陣惡嗅仍久久不散。幫襯左咁多年，都未試過有啲咁

我是這間鋪的常客，我覺得它算是大埔最好吃的打冷鋪，這裡的蠔仔粥幾好吃，有大小兩個size；大眼雞魚也不錯，但魚肉和魚皮黏得好實，不易分開；白飯每碗五元，蠔仔餅和豬紅不過不失，鵝片質感一般，我還品嚐過羊腩煲，味道不錯，另外，這裡的蒜蓉炒豆苗很好吃，值得推介。至於環境方面，可說有大排檔風味，晚上可坐出鋪外，但店鋪裝修簡陋，職員服務態度一般。