潮館 (元朗廣場)

營業中

休息中

元朗有很多平價酒樓，今次就試下稻香集團位於元朗廣場的潮館，酒樓採用自助取位方式，貼心之處是可選擇搭枱OR不搭枱，適合不同客人~當日是平日，早上10時多仍然有很多客人等位，企滿酒樓門口，可見平價點心確實能吸引不少愛品茗的男女老少。由於入坐時尚未到11:00AM，還可以點早晨優惠點心，唔執輸即刻叫番2籠特價包~點心包括:1)叉燒包拼雷沙包(各一) $5雖然這是特價點心，但沒有將價就貨，叉燒包熱辣鬆軟，內裡的叉燒肥瘦適中，而且醬汁甜甜的，頗美味; 至於雷沙包，即係流沙包，仲要係黑芝麻流沙包，包質都是非常鬆軟，流沙亦不太甜，以$5 兩個既價錢真係無得輸!2)脆皮炸茄子($9)炸茄子即係煎釀三寶的釀茄子，內裡夾了一層薄到無可再薄的鯪魚肉，好似淨食茄子咁，不過優點係茄子即炸熱辣辣，如果釀茄子講肉厚就新元朗中心間好彩贏呢到九條街，但以$9 價位都OK既~3)煎鴛鴦椒( 價錢忘了)呢款鴛鴦椒比先前的炸茄子更加削，只有一層紙咁薄既肉，都好既，食少D肉健康D丫麻~原來今日叫左煎茄子、煎鴛鴦椒，咁似係街邊買煎釀三寶咁既，哈哈~雖然呢度點心質數平平，但免茶、免加一，埋單$4X FOR 2, 邊度搵丫~

又過年~ 團年飯不可少是一家人圍在一起的窩心和溫暖雖然不是潮州人，但地點方便造就了我們這一餐團年飯潮州菜不能少的頭盤每款都好入味特別係豆腐炸得香脆既排骨加上甜酸既酸梅醬好味道豆苗一d 草腥味都無，十個讚蟲草花亦都好爽口伊麵被厚厚既上湯包圍龍蝦仔今次啖啖肉，好surprised龍脷煎得香口雖然唔係好脆，但一片片既麵餅點埋醋一齊食挺惹味呢好似用砵仔裝咁~有好多舊魚雲仲啖啖肉tim 喔沙薑味好重但雞肉略帶粗糙唔甜既馬拉卷軟熟得很美味的一餐團年飯新一年豐衣足食~

噚日放假一班親戚朋友入左嚟元朗飲茶,見爸媽同三姑六婆們七咀八舌,我先冇佢咁好氣...食食食,不停食...潮樓嘅點心不嬲有一定水準唔在講架啦,今日我食食下發現個鹵水鵝都唔錯...好入味...D肉又滑...一個字正!!!正當我想ENCORE叫多碟之時,諗諗下,我好似冇叫到鹵水鵝喎!!!於是即刻叫個WAITER過來,一問之下先知原來係乳鴒...紅燒乳鴒我就食得多,潮式乳鴒真係第一次...呢一刻我個心依然回味緊...呢個故事教訓大家平時唔好堅持自己想法,試下接受新事物,可能會有驚喜都唔定~~~唔知三姑同六婆幾時會再來呢~~~~!?!?!??!

唔想叫SET 唯有叫送食飯做緊龍蝦promotion 配炸子雞上湯濃度甚高，鹹度亦然龍蝦既肉亦都好少，不過overall 其實唔係太差炸得好香脆既雞皮潮菜中我最感興趣的將麵餅煎得扁平外面有點脆，內裡卻是林林既麵條可以配糖或醋(or both~) 都好好食如果唔掂任何一味其實都已經好好食今次有d 失色好淡口，爽口花膠，菜好少好香好滑既蓮蓉麵包甜甜的、蒸得好軟身的簡單的，沒有甚麼驚喜也

預先訂檯就是要免除等位既無奈但是日並沒甚麼客人我地五個人以半席形式order 原本一圍既菜式一上埸就是它了潮式既鎮店之寶果然不錯入味得很就連本身無味既豆腐都可以化成有味道既東東好過分地小既size完全無半席份量好惹味的一道小品蔬菜亦好爽甜肉質林得要緊有d 似煲湯後既湯榨一樣無味只是外層加點醬油而已基本上大家都無咩點食佢無咩醒味，但個魚腐就過林了，有一pat 野既感覺幾煙un 既鮑魚可惜相比下，花姑更好。。。挺無奈是也算是較可取的侍應為我地分之前給予介紹一番怕我地睇唔出係燕窩其實，食都唔覺得係燕窩吧蠻奇怪的將早點既點心放入dinner set (仲要係一圍圍果隻)好硬, ,完全唔敢碰反而係呢個甜品幾好煙煙un un，好有咬感而且亦都唔太甜比上次真的差多了Hesitate ….

My mother is a regular here. During my visit home this time, she took me there to have dim sum in the morning. I went twice so far. The first time I went it was very crowded, the waiting time was very long. Luckily, my mum hustle a table in no time. The second time I went, the waiting tme was very short, only 5 minutes. There is a machine on the receptionist stand outside where you tab to indicate how many people you are having and do you want to share the table or not. Once inside, there

和一家大細相聚，不是自助餐，就係飲茶，今日去了潮館。元朗真係越來越多人，好在姨姨一早去了攞輪候飛。潮館的輪候飛都好自動化下，好似銀行咁自己按掣，然後出票。哈哈，不過也是和銀行一樣，很多客人不懂如何使用，要公關姐姐協助。燈燈燈!! 佢就係出名好味的雷沙湯圓，皮薄芝麻香滑，但我只敢吃一半，因為係超級肥及高卡路里!!!不過真係好好味，如果你地有quota，又愛甜，這真是不二之選。黑色的餃，我估是眉豆饀卦，唔係好食得出，但感覺很健康，叫做食完雷沙湯圓，食番這一個，會冇咁內疚。炸油角，另一罪疚之選，香脆可口。可能因為假日等位，真係太多人。有公關姐姐响個客面前叫walky talky，大大聲話俾前台同事知﹕「個客唔肯走住』。我在旁聽到都有點滴汗。為免被串，我地食完就匆匆埋單走人。

同我的父親大人補返慶祝父親節，人客沒有正日那麼多，而且我們六時已到達，所以沒有預定也立刻有位，環境非常舒適。不知是否未有太多客人的關係，侍應的服務特別貼心 。由於過了父親節正日的關係 ， 套餐又多了選擇 ， 因早前聽我的同事說正日那天只得一款套餐 ，把他激得半死 。 哈哈！潮州鹵水大拼盤外型排得美觀 ， 豬耳爽脆 ，大腸肥美 ， 雞蛋完整 ， 全都非常入味 。 我最欣賞佢地既雞蛋 ，分割開蛋黃同蛋白居然無散開 ，這是非常有難道的 ，不像現在一些潮州鋪的造法原隻上， 這確實值得一讚！黃金海鮮卷卷外微脆 ， 入口燙咀， 意外驚喜 。 因為很多都是一早弄好 ，上檯前稍作加熱而已 。清蒸生猛大海斑魚約兩斤重 ， 沒有火水味 ，肉身嫩滑不嚡口 ， 蒸魚豉油送白飯一流 。 總括而言 ， 整親飯食得幾開心 ，由環境到食物水準都不錯 ， 不過美中不足是吃不下甜點 ，因為肚子確實很豐富呢 。

臨近父親節，full house!! 好彩一早打左電話黎book 檯先唔洗等位侍應姐姐說人太多廚房做唔切，全線menu 只得一張, 就是父親節菜單所以基本上每檯人數多定少, 叫既野食都幾standardized不過上菜速度都幾慢黎到潮式酒家點可以唔叫返個潮洲小點?!上檯時仲有點微暖太豐富既內涵, 有鹵水蛋、豬耳、鴨掌、香腸、蘿蔔每樣野都好入味上湯有d 濃不知怎的, 蟲草+蜆肉+菜苗 = 好重既鯹味龍蝦爽甜，上湯不會太濃如果多返d d 龍蝦就好了外皮炸得好香口同脆隻雞亦都好有味道食唔出係龍躉不過食得啖啖肉好開心相對地遜色既菜炒得過火有d 老, 浪費晒條魚既肉質以前好鍾意食蠔餅，所以叫既時候一心係煎蠔餅黎到見到唔同樣, 問過侍應姐姐先知原來廚房已經無再做煎蠔餅lu換過來是炸的!!只食得油到不行既豐盛炸粉, 內裡極少蠔仔從此對蠔餅要減分了好清甜醒胃食完好fresh 既感覺淡淡柚子味配有微微桂花香為整餐飯劃上完美句點父親節快樂喔~

今日去左潮館飲茶，我地5個人, 叫左13碟點心同一個炒粉一個粥，每個人都勁飽咁走～諗住今日長假期後第一日返工會勁多人，點知都唔洗等，一去到就有位～個姐姐幾好人，俾左個都算獨立的位我地，5個人有傾有講又唔怕嘈上野都算快，可能我地多野講啦～點左菜一陣就開始上陳村粉，呢個係朋友點架～好得意～不過多D鼓油會好味D~跟住黎D點心都算幾好，Ｄ料都算足，係某Ｄ淡左少少，可能我食慣重口味５個人叫左咁多野都係三百幾蚊，長假期後第一日返工係要對自己好Ｄ架～我覺得都算ＯＫ～我地仲見到佢晚市有一蚊雞，我朋友仲話之前見到人地一枱叫二隻叫多碟餸就走～有無咁抵呀??? 我又要食一蚊雞!!!

年初三食飯， 有部分的食肆尚未開工，我們就揀了這一間， 仲可以BOOK位。我們提早了到，因為有BOOK位， 不用等位， 可以直入。時間約6：30PM， 來的時候不多人，但好快已經差不多坐滿。食物種類和平時差不多，多了賀年的好意頭菜式。卤水拼盤 ﹣ OK， 都幾入味，比好多大排檔的好中式牛柳粒 ﹣ 醬汁不錯， 牛肉好味， 配菜多，牛肉少方魚炒芥蘭 ﹣ 芥蘭爽脆，幾好味龍虾伊面 ﹣ 龍虾細隻無乜肉，味道亦無乜特別，一般欖菜炒豆角 ﹣ 幾好味脆皮雞（半隻） ﹣ 雞係大隻的雞種，係新鮮炸的， 等了很久，皮脆但雞腌的不夠入味生炒糯米飯 ﹣ 幾好味， 臘味幾香，飯不會太硬或太軟瑤柱蛋白炒飯 ﹣好清淡， 無乜味，不覺有瑤柱味可能人多，上菜的速度慢了一點，侍應的服務OK， 有不停加水。在大時大節，一家人經濟飯局可以考慮的選擇。

尋日一行四人走來食潮州菜, 因為有訂位的關係, 所以來到可以即入座, 但座位就係煮食counter的隔離, 比較嘈和熱, 但算了尋晚都幾爆場, 望落去起碼有9成滿座805PM坐低, 810PM已點好菜, 包括有 滷水拚盤 / 糯米釀大腸, 金瓜鉻, 什菜煲, 荔芧鴨, 820PM, 先來一碗滷水拚盤, 入有鵝肉, 掌翼, 豬耳, 紅腸, 雞蛋, 豆腐等, 算係多樣化, 味道亦唔錯840PM, 再來一碟糯米釀大腸, 即炸的, 熱辣辣, 但大腸比較薄身, 完全食唔出係大腸包糯米之後再等20分鐘到九點, 都仲未有其他菜出, 我們鄰座的食客, 也是剛有一兩碟菜上場, 不論係我地, 其他食客, 都不斷在舉手, 希望搵個侍應問下發生乜事, 點解出菜甘慢但人手明顯的不足, 除了傳菜的人, 都唔見有侍應主動行埋來, 或有行過的, 自言自語的說, "知道你地等好耐啦, 我地已經追緊"但佢係邊行邊講的, 無特別話同邊一台人客講最後, 到九點, 我地起身走人, 去到櫃台埋單, 服務員用對講機了解情況後, 只收我地兩碟食物的錢, 但"sorry"都無句門口, 亦已經企了十幾人, 在等九點後的特價場, 祝佢地

最近，天氣太熱，要入廚房煮飯，簡直有種想死的感覺，煮得黎全身濕透，胃口都沒有。今晚決定帶兩老外出食飯吧。凍大眼魚 - 是我兒時第一次接觸潮洲菜的凍盤食物，可惜今次魚比較細了一點，個人認為魚大條，肉地厚，魚味就更濃。上湯西蘭花 - 晚餐有時食得清一點是比較好的，西蘭花夠爽口。滷水豬耳 - 是我老豆的至愛，出街食飯才order有個好處，就是不用食太多。我老豆自制的，我要食足3日。潮館煮的是比較腍的，其實爽口更好味。另外豬耳下還有豆腐乾和沙葛，我欣賞他們用沙葛，雖然沙葛是平價過羅白和粉葛，但沙葛煮出黎有一種甜和爽的感覺。

一直很喜歡這家茶樓，這裡的食品很有質素，製作過程不會因為趕時間而馬夫了事，讓客人可以品嚐到熱辣辣的點心，感受到上茶樓的意義！而且，集團的眼裡不只是『錢』，從"一蚊雞"的優惠；還有通脹的來臨，其他茶樓都紛紛加價，但這裡寧願節省生產成本，也不願加價可見。雖然現在餐具set的匙羹沒有了，但也不要緊吧，當作支持環保！所以我現在每星期都會抽一個閒晨跟媽媽來這裡品嚐一盅兩件，真的很怕之後會失去了這個『幸福』！趁現在盡情去享受好了！昨天，我還特意請姐姐、妹妹們到這裡飲下午茶，好讓她們也品嚐到這裡的美味。然而，我們一行八人跟一架BB車，給了我們一張很逼夾的中枱，我們明明只吃了25個點心，臨走前蘿蔔糕仍未來，唯有說取消，跟本沒有吃，但結賬時算了我們26個點心，即是白白付多了$14的蘿蔔糕，覺得不值之餘，也不明白，這裡不是按『印仔』計算的嗎?那麼要吸印仔來幹麼?是次點了：(星期六)1. 菠蘿叉燒餐包$14(3個) - 外表是一個迷你菠蘿包，內裡有叉燒餡，醬汁稍微凝固了一點，已是第二次吃，菠蘿皮是脆的，但不是新鮮出爐、熱辣辣的那種，還是傳統的叉燒包較優勝。2. 家鄉鹹薄罉$14(8件/份) - 很大份，是鹹

每逢一至五，我最少都會找一個空餘的早上，跟媽媽到這裡飲茶。不過很蝦人的是，早市跟午市點心的價錢相差很大， 所以必須要確定12:00pm前入座，才能享有優惠價。很喜歡到這裡飲茶，除了因為三免（茶芥、加一）外，食品普遍都很有質素，新鮮熱辣，完全能吃到製作人的用心。–鳳爪排骨飯$12 這個每次也會點的，跟媽媽Share，很抵吃！–咸水角（4隻）$12 第一次點時咸水角是沒有紙兜的，我等了一下才吃，驚喜，咸水角仍暖暖的，而且外皮夠脆，是即點即炸的，很好吃，不過第一次的餡大部分都是叉燒來的。 上星期我又點了咸水角，發覺多了一個紙兜盛裝，而且餡料也變回傳統的沙葛、豬肉，今次沒有待慢，送上即吃，超熱，正！–牛肉腸$14–鮮蝦腸$16 媽媽喜歡吃這裡的腸粉，說夠滑又不至於爛，但我就稍嫌它不夠熱。–叉燒包$10我明明是點叉燒包，送來的是雞包仔，幸好我還未吃，要求店員換回叉燒包給我。大家看，這家的叉燒包跟雞包仔真的很像。–菠蘿叉燒包（3個）$12這款很少地方有得吃的，送來時雖然包包不是熱的，但它的菠蘿Topping仍是脆的，而收貨了。–蝦餃$16又是一道新鮮熱辣之作，蝦餃很夠熱，蝦肉既爽又脆，不過就覺得這