澳門仔火鍋串燒專門店 (已結業)

中秋節當天，8點多跟女朋友一起去這間店，當時人不太多，安排到一張跟後門的二人枱位置，坐下來看看餐牌，未點餐的時候，根本好像沒人理會，當點了$268海鮮餐，侍應才有一點笑容。點了雞煲湯底，雞還可以，可是再送來的所謂海鮮盤，根本就不鮮，全是急凍，吃起來全無鮮味，另外跟餐的牛肉才較為可以入口，其他都不用說了，只是一盤火鍋質素，以這個價錢，很多地方的雞煲火鍋一定比他們出色，所以試一次之後不會再去，根本不值一試。

餐廳距離油麻地站唔遠 就岩朋友放工食 有三款可以簡 難得見面就食餐好既 一於嗌咗最貴既放題C🤤 豪一豪去食返餐滿足既 仲特登簡埋花膠雞鍋做湯底 如果唔係放題C 簡花膠雞鍋就要另外加錢 而放題C亦包括了海鮮拼盤同埋特級安格斯牛肉🐮
前菜有兩款 可以自己出去拎 我同朋友都幾鐘意食 手拍青瓜同木耳都唔錯 味道帶酸 唔會過辣 岩哂我地 忍唔住都有refill 而醬汁同雪糕櫃都相當近 我都忍唔住順便望下有咩口味既雪糕🍦一大碟既特級安格斯上枱 牛肉脂肪平均 厚薄剛好 食落肉質綿綿牛味香濃 好正呀 😋八仙盤由八款不同的海鮮拼成 好精緻 我地二話不說就要打卡呃下Like先啦👍 可能因為有自家魚缸既關係 海鮮新鮮 質素不錯 有膏蟹 鮑魚 扇貝 大蜆 蟶子大隻清甜 大蝦🍤仲郁緊 好爽彈😬任食配料選擇好豐富 超過100款 而且份量適中 我地可以每款都試下又唔太飽 唐生菜新鮮很甜 花枝片新鮮 廣島蠔大大隻 略厭未溶雪 要放耐一陣 淥幾淥無乜縮水仲係好大隻 蠔肉都鮮美 蟹籽墨魚滑係我既推介 撈埋面頭的蟹籽粒粒 將墨魚滑放落去滾 墨魚味重 仲好彈牙爽口😆 鵝腸熟煮後縮到好細條 都好爽口 灸燒芝心丸 花膠 墨魚咀

打邊爐對香港人黎講，已經是不分晝夜、季節時間，台式、連鎖、芝士、雞煲火鍋、任食放題火鍋對香港人黎講再不是新鮮事，我有班朋友最喜歡就是打邊爐，幾乎每次的飯局都是以「火鍋」為主今次其中一個朋友就介紹我們去這間位於砵蘭街的「澳門仔火鍋串燒專門店」，看名字就知除了火鍋仲有串燒出名，當晚所見，不乏進來吃撚手住家小菜及活魚刺身的客人，看他們吃得津津有味的樣子應該有番一定的水準🤤任食火鍋有三個選擇，花膠雞鍋是我很愛吃的，冬天時最常懇求爸爸為我們準備，難得這邊的花膠雞鍋是蠻出名，仲要是養生火鍋，於是選擇了放題C基本的醬料都一應俱全供客人按自己的喜好來「混醬」🥣「澳門仔」仲提供涼拌小食比客人邊食邊等鍋底涼拌青瓜跟木耳微辣爽口，好惹味😋放題C的重點是不用加錢就有花膠雞鍋花膠雞鍋真的不得了👃🏻👃🏻👃🏻 味道香濃，滾起後一打開就嗅到了濃濃的雞肉香味，雞湯濃郁，並不是加水溝至稀淡，內裡的確是真材實料，用上半隻鮮雞加上一大堆花膠、紅棗、杞子、螺頭熬成，滋潤養生，聞到都令人垂涎欲滴🤤花膠大大片，經過幾小時的熬製已煲至軟腍，頭一口喝起來十分滿足，濃郁的雞味在湯中完全地保留，呈奶白色，用花膠熬湯令湯煲出來很濃稠，濃稠到

湯夠咪，但湯底花膠味唔夠濃，要自己再落花膠先至夠花膠味，上火鍋料快，平均價格都叫抵，值得一試料有海鮮，肉都叫新鮮，特別一定要食鴨血抵試，火鍋醬自己簡，飲品任飲，值得試下缺點到到都有沒咩特別

天氣熱都無損約朋友打邊爐既雅興。大家都趕收工所以揀澳門仔貪佢有火鍋任食就腳到不得了，時間尚早，甫坐下點餐後便見其他食客陸續入座。不用$300/人就可以吃到足料無味精的花膠雞鍋，和海鮮拼盤，甚至有任食紙上的食物任點，啱哂呢班大胃王！汽水飲品任飲和牛奶公司雪糕任食，有多款味道任君選擇。奶白色的花膠湯底，有半隻嫩雞非常足料，以杞子紅棗熬製。花膠大大片熬至軟身，絕不是別處花膠邊頭的下價價色。特級安格斯牛肉油花平均肉味香濃。海鮮拼盤多元化附有海蝦、青口、鮑魚、白扇貝、蜆、花蚌和蟶子。有自家魚缸果然不同，海鮮都很新鮮，尤其是鮑魚最煙韌彈牙。也愛海蝦和花蚌大大隻，邊食邊睇電視，仲可以點串燒，直情三重享受。食到攬住個肚呢！

任飲任食搜尋器又出動，今次經朋友介紹嚟到呢間地道火鍋店食仼食火鍋，裝潢唔算華麗，但絕對內有乾坤！門口已見到有一個大廣告牌寫住花膠雞窩，應該算係招牌菜，我們一行幾個人一於就試呢個湯底！湯底未黎，店員已經遞上兩碟醒胃小食，自己醬料自己調製，非常方便！一眼睇到，足足有半隻雞咁足料，入面有紅棗、花膠等等，聽店員講煲左幾個鐘，湯一滾試一啖，真係好入味，齋食湯底都好滿足哈哈！當然要不斷叫配菜！以仼食火鍋黎講，呢度選擇貴精不貴多，樣樣配料好新鮮，丸類係上等貨，墨魚丸唔係得舊粉。我最喜歡係豬肉同羊肉片，塊塊新鮮有肉味！！我地叫既仼食火鍋仲包一個八鮮盤，其實咁樣仲好，保證樣樣海鮮都係好新鮮好靚。凡立貝、大蜆、聖子、蟹、青口、大蝦，真係滿足哂我地既慾望！！講真，268仼食包花膠雞鍋，又包海鮮拼盤，食物質素又上等，咁既價錢絕對回本超值！

好耐冇食火鍋雖然夏天, 經朋友介紹試一試地道特色火鍋。他們的配料不是其他餐廳常有，例如雞子，牛骨髓，象拔蚌，聖子，而當中最出名就是廣島生蠔。這種生蠔非常特別，入口鮮，然後甜。完全沒有苦澀味道。不但營養豐富，而且餐廳內配料特色變化很多，有四川麻辣，亦有地道特色風味菜，應有盡有。值得一提是我們運動員喜歡食的牛骨髓，餐廳不但非常大方，而且提供源源不絕，很明顯這餐廳老闆非常有心意。價格優惠，菜式創新，加上牛骨髓及其他海鮮，優惠價錢絕對能贏取顧客的芳心。我跟女朋友食完之後畀五個讚! RECOMMENDED FOR U😘

又到 Friday Night！真係要好好食一餐慰勞自己，去食火鍋放題就最好不過，可以大吃一餐！！晚餐有三款放題套餐，我哋揀咗套餐B，因為佢可以免費升級做花膠雞鍋同埋有海鮮拼盤添！！Menu選擇都幾多架！我哋每樣都叫咗好多啊😆首先個花膠雞鍋真係真材實料，有紅棗杞子之餘，仲有原隻雞放入去淆個湯底，就咁飲個湯都好有鮮味，好味！而且花膠都有幾多，可以食之餘，用黎淆個湯底仲正！個海鮮拼盤都好正！真係好新鮮！有蟹、大蝦、鮑魚、蟶子、帶子、青口、蜆等等！蟹有好多蟹膏，煮熟左之後我哋用蟹膏點豬肉食，好正！大蝦、鮑魚都好鮮味，配埋個香濃嘅湯底，唔使點其他醬料都已經好好食！感覺淨係食個湯底同埋呢個海鮮拼盤已經好滿足😂但又點可以唔嗌打邊爐必嗌既丸呢！呢度丸類都幾多選擇！海膽丸 龍蝦丸 墨魚丸 貢丸 蟹子蝦滑 😋仲有響鈴！好脆！浸一浸個湯底，好食！豬肉都幾爽口，唔錯！今餐食到好滿足！仲回味緊個花膠雞鍋！

近排天氣悶熱，烈日高掛，在旺角這熱鬧人多點，午飯找位食飯，穿梭人群更是叫苦連天。好在砵蘭街澳門仔這茶餐廳，冷氣開放得足，位都算濶落舒服。價錢抵且食材足又煮功一流。$46的選擇好多，今日選了考功夫的咖喱牛腩飯配杯凍咖啡都不過$50元，在旺市很值。咖喱送上枱前已聞到香味，胃口大開，牛腩多件，肉稔軟，汗多、肉味濃，肯定烹調了長時間，費心機顯功夫，咖喱味足但不辣。朋友想食好D，點了個特色炒飯，別以為簡單，炒飯其實頗考功夫。飯炒得粒粒均勻着色又不黏在一起、味平均不會某位特咸或特無味，配料ㄡ多。蝦仁爽甜、帶子粒剛熟甜鮮、魷魚切花紋彈口、再加丁方好味鮮魚粒、Xo醬、蛋絲、魚子，飯又熱，各式配料帶出不同口感，極其豐富。凍啡及檸茶的啡、茶底都好到家，非一般快餐店的貨色。估唔到，送的木瓜雪耳湯都足料又妁飲。

店鋪位於砵蘭街近港鐵油麻地站出口，位置相當方便。餐廳是中式火鍋的設計，菜單當然是以火鍋為主要啦，但也有供應小菜，還有串燒吧！因為它叫「澳門仔火鍋串燒專門店」。火鍋有分放題或單點，而放題是分時段的，每個時段價錢亦有不同。今次選擇了單點火鍋「海鮮豬肉鍋」配胡椒豬肚3.6牛乳湯底。賣相好吸引，材料也很豐富，有蟹、有蜆、有蝦、有豬骨、有粟米、有白蘿蔔......等等。蟹好新鮮，蟹膏豐滿，味道鮮甜。蜆也很新鮮，蝦便比較失色，蝦身呈白色，應該升天一段時間了。除蝦不好外，其他食材都很不錯！另外還單點了淮山、冬瓜、豚肉片...檸檬茶很大杯！

真係無諗過茶記林立既呢條街有間平民火鍋店，今晚經過又見有海鮮食有啤酒飲，一於試試。嘩，好正喎。花膠煲雞湯底，成半隻雞，個湯奶白色好濃味，好香！先歎左個湯再食其他野～～海鮮拼盆～～最讚係個蠔，肥嘟嘟好大隻，淥完都無縮細，口感豐富，超滿足！鮑魚輕輕煮3分鐘就好食，肉質嫩度岩岩好，又彈牙又甜。手打墨魚滑，新鮮彈牙，仲有細細粒墨魚肉係裡面，好好咬口。睇海蝦d色澤都好光亮好新鮮，味道果然鮮甜，唔痴殼。蓮藕拼淮山～～兩樣都係爽口之選，清新健康。花膠拼鵝腸～～花膠淥左之後會縮到好細，而且無乜味道。而鵝腸就好彈牙，帶點油脂香味，好食！當然唔少得蔬菜清清腸胃 消消滯啦～好正，食飽飽仲有任食雪糕～～仲要迷你版，我每個味食左一杯呀！

哩期世界杯，當然要同班fd聚下兼睇波，哩間係朋友推介，話食物ok，就去試下，接近300蚊一位，有海鮮盤，只得龍蝦同鮑魚比較吸引，其他都麻麻，哩間有牛骨髓食，值得加分。

落雨天總係令我好想食D熱辣辣嘅嘢，今日放工老公就話想打邊爐，所以佢就帶我去'澳門仔火鍋串燒專門店'飲個花膠煲雞湯之後再打埋邊爐，問佢點解識去，佢話早2日同事帶佢落嚟食嘢之如仲有波睇最緊要有個靚湯必定要帶我嚟飲。去到一坐底我哋就揀咗花膠煲雞個+火鍋任食，個煲一到伙計就提我哋滾咗之後就先飲湯，後再加湯打邊爐估唔到個湯真係無味精，花膠又煲得淋個雞都好好味，飲完個湯我都飽飽地跟住佢哋就攞咗個海鮮併盤過嚟，估唔到有咁多款，有蟹，鮑魚，大帶子，聖子，花甲等等……最緊要樣樣都好新鮮，仲有任食火鍋配料，食完咁多嘢無諗過任點嘅質數都相當唔錯，自己就最欣賞豬潤同粉腸新鮮仲帶有小小甜味，脆鯇魚腩同埋手打墨魚丸都係我愛嘅，最緊要係收依個價有咁多新鮮嘢食仲包埋飲品。

人大左 真係冇以前食到咁多野🧚‍♂️🧚‍♂️ 放題火鍋寧願俾貴少少價錢食得好啲🧚‍♂️ 朋友又知道我鍾意食海鮮🦀🐠🦐 今晚就特登約我嚟呢間火鍋放題食靚貨海鮮🧚‍♂️🧚‍♂️我哋要咗放題 湯底係花膠雞鍋🧚‍♂️ 包個八鮮盤同安格斯牛肉一份！汽水同韓國啤酒都任飲！🧞‍♂️🧞‍♂️同平時食雞煲一樣 我哋又係食咗花膠同雞（雞髀好嫩 可以成隻扯落嚟食🧞‍♂️ 正🧞‍♂️）飲咗佢啖湯先！🧞‍♂️ 湯底煲到奶白色 仲有螺片杞子紅棗 幾有益！🧚‍♂️安格斯牛肉份量就唔係話好多🧜‍♂️ 不過好有牛味 紋路清晰又唔怕肥 不過我都係攻海鮮先🧚‍♂️個八鮮盤名副其實有八款海鮮🧞‍♂️ 係蟶子爭小小唔夠喉(平時食開蟶子皇🧚‍♂️ 哈哈哈) 其他果七款都唔錯 尤其係蟹 鮮甜有肉得來仲有蟹膏！🤩🤩🤩 唔使驚係水蟹！🧞‍♂️鮑魚仔都唔錯 雖然冇果皮蒸咁香 不過火鍋就係食佢嘅原汁原味🤩🤩 點少少豉油食都唔腥 所以食得出佢嘅食材都幾新鮮！🧚‍♂️其他火鍋材料 蝦滑同埋墨魚滑 油麥菜都唔錯🧚‍♂️ 墨魚滑入邊都有粒粒墨魚 好有口感🧞‍♂️🧞‍♂️ 再隊反兩罐啤酒 加杯雪糕🍦 食得好開懷🧞‍♂️🧞‍♂️

呢間澳門仔本身食小菜既，不過都有打邊爐！見佢有個放題任食，價錢唔貴，所以一於試下佢！任食打邊爐有3個價位，最平$148有交易，叫$288有海鮮拼盤+安格斯牛！首先坐低食2款小食先，有涼拌青瓜同雲耳，呢度既招牌係花膠雞鍋，當然要試試啦！呢度既煲係用鑊上，睇黎小菜都係走有鑊氣路線😂等左一陣先上場，再等佢滾起就飲得！當然要飲頭啖湯，湯係濃濃既奶白色，面仲有少少黃色，而半隻雞係黃油雞。配上紅棗、杞子同埋主角花膠！頭啖湯果然非常之濃！膠質好重，雞湯味好濃！建議趁加湯前可狂飲補補佢！出面有雪糕、醬料同飲品任拎，飲品就係日式放題既選擇，仲有凍菊花蜜同柚子蜜，不過味道偏甜，反而啤酒值得飲，連韓國Hite都有仲任飲！唔係唔飲呀？食物方面，安格斯牛肉果然靚D，肉質幾滑唔錯，2人份量份量啱啱好～海鮮拼盤有8款，當中有蠔有鮑魚，好似係放題刺身咁！鮑魚細隻不過都幾彈！蜆又係太細粒，熟左之後係鍋裡面好難搵，其實無叫海鮮拼盤，一般任食都可以叫呢個蜆😅而拼盤中既海蝦比一般任食大隻好多同埋重蝦味好多！比較下就知！不過2款都好食！而其他任叫既配料都試左好多款，連鮮淮山、脆肉鯇、廣島蠔、牛坑腩、稻庭烏冬、花膠、鮮鵝腸、冰豆