炑八韓烤 (青衣城1)

營業中

休息中

好耐冇食過韓燒啦，呢間位於青衣城既韓燒餐廳，門口經常排滿人，今晚訂左位，等左一陣就可以入座。一入座，餐廳職員立即開爐及準備左芝士粟米及泡菜蛋，仲有前菜，呢啲全部都可以無限添加。我地點左韓式炒粉絲、豬五花、拼盤和飲品。韓式炒粉絲：非常有鑊氣，粉絲炒得好乾身，麵質比較有彈性，一碟我地好快就清左。之後就要慢慢燒烤，豬五花要燒得表面微焦，食落非常香口，豬皮食落都好煙韌，味道唔錯。拼盤有蝦、八爪魚足和雞肉，味道好新鮮。好耐冇食韓燒啦，今餐好滿足。

炑八韓烤呢排落雨又涼涼地，要食下d 熱辣辣既燒肉黎舒解鬱燥。呢間韓式燒烤之前同朋友聚會都食過，材料新鮮。今次有新套餐 - 五花肉與海鮮的社內相親套餐，睇名都想煲劇再睇多次😆先黎大量前菜，有芽菜、海帶、泡菜、醃蘿蔔。仲有爐邊泡菜蒸蛋同芝士粟米😍除咗麻醬沙律外，其他前菜、粟米、蛋都以無限refill。🐷五花肉二食：有兩種口味，一種醃過，一種原味，個人喜歡原味，點少少鹽包菜已經好出色🐤梨汁雞肉：醃嘅醬汁甜甜，同雞肉好夾，烤完霧juicy🐮牛五花: 有蒜蓉同香蔥醃過，烤完都仲保留牛肉油脂味🐙八爪魚：原隻大八爪魚上碟，新鮮爽滑彈牙🦐大蝦：大大隻虎蝦，大蝦頭仲有好多膏🥬蔬菜類有大啡菇、南瓜、香菇、薯仔， 第一次韓燒有大啡菇，有之前既肉類油脂加持，特別香仲有個小食- 泡菜煎餅，香濃泡菜味，點少少魚露，開胃可口。加$20有大大杯梳打俾你gur 一gur。滿足完韓國風味，又可以繼續煲韓劇喇！

叫左個石頭飯，一放抵，約廿隻曱甴從底盤飛出黎，連佢哋自己人都睇到，個女仔都好驚，叫人處理，換左枱。一個聲稱自己係經理的人，比張佢自己影嘅相我哋睇，話個啲係紫菜，唔係曱甴，成枱人都見到，佢話係曱甴，我哋用紙巾都㩒死左幾隻，真係無懶！仲用惡劣態度話：「請你飲野好無？」有冇攪錯，自己做錯事仲咁大聲，我唔係乞衣唔該，我只係想你哋誠懇道歉！好離譜，衛生同服務態度一致地惡劣，無下次！感謝青衣炑八送我第一次寫食評，因你呢個惡劣的服務態令我寫食評

4月14號黃昏6點刻骨銘心極度失望的經歷青衣城一期119B舖分店我購買外賣用店舖內的八達通付款，但因分店扣賬故障，扣賬交易不完全成功。分店負責人卻拒絕解决問題。只是堅稱自己店舖沒有問題，是我付款的八達通咭坯了，要我自己找八達通公司解决。實情是我的八達通咭一直運用正常，之前及當次的付款記錄都完全齊整。注意，我的八達通卡不會無端端自動扣數，是在當分店付款時才出現這些問題。我親眼見到店舖負責人即使把檔機的八達通機用斷電重開，使交易數據掉失。店員態度跋扈囂張，並大聲與我對話。我覺得情況失控，衹能馬上報警求助。多謝四名警員到場後，了解並代我取回公道。退款有困難，取回了你涼凍的食物也沒有胃口吃了。這次經歷，我發現就算大集團連鎖店，也會有不可想像，的不合理的客戶服務，令我極道失望。這個品牌 “炑八“，最起碼這間分店，我一定不會再去！！！！

疫情關係晚餐冇得堂食，於是訂個二人燒肉套餐喺屋企慢慢燒。套餐包括：- 泡菜及芽菜- 名品大王豬扒- 任選一款 （韓式豬肋肉 / 大八爪魚 / 蔥蒜牛五花）- 汽水x2 （可樂 / 7喜）滿心期待食餐好嘅，點知一打開個外賣袋睇，份量一人食都嫌有點少，連前菜都係得兩啖，點夠兩個人食呀⋯⋯唯有即刻喺冰箱攞啲凍肉出黎加餸。味道方面，前菜不過不失，名品大王豬扒幾好味，肉質幾滑。第二款肉我地㨂咗蔥蒜牛五花，呢個相對淡味啲，同有啲韌，好難咬。

好豐富好滿足的一餐，有8折好抵食，主餐牌的燒烤肉很新鮮，服務好，那位安排坐位的男士，動作快且細心，另一位是那位非華裔女服務員，很沉實，很體貼，動作快又親切，去了幾次也遇上她，感覺很好。

30/12/2021 於OpenRice 訂青衣城炑八，當時訂座優惠列明”正價85折 主菜餐牌 不包括套餐”(附圖)準時入座並入點主餐牌燒肉,熟食及 drink list 飲品，結賬時發現餐廳分2張單，分別為燒肉85折及熟食原價(附圖)，詢問下男職員(經理？)謂 “一向與OpenRice 合作都只做燒肉優惠”。我著其讀出本人OpenRice 訂座優惠條款，男職員堅持讀”主菜***燒肉***餐牌… …” 。我問何來”燒肉”二字，他並正面回應。其後OpenRice 優惠條款立即有更改(附圖)。本人致信OpenRice 及炑八集團查詢，至今(8/1/2022)仍未獲得答覆。炑八食物質素普通，炸雞似KFC, 服務態度尚可，職員會主動協助燒肉，但面對賬單查詢的態度就很差！

凋零的記憶謝意願藏私人没於凡塵生乃步履前今日有同事離職，使我心情不好，於是將煩惱化為食慾，就是利多於弊啦 ! 《炑八韓烤》是家連鎖烤肉店。在青衣城的店，地方寬敞，間隔整齊，座位有足夠空間放置衣服和手提袋，抽風能力令我有信心把衣服置於身旁。我較愛原味道吃韓國式烤肉，但烤肉餐牌上的選擇只是兩款吧。(霜降小牛排) 職員的推介。脂肪分布平均，紅、白相隔，不多不少，不粗不幼，外表吸引食慾。用白飯混和熱騰騰油脂牛肉，心裏清潔好食啊 ! (韓牛前胸肉) 的脂肪較少，所以肉味較多。用生菜和韓式泡菜作伴就非常配合。溫馨提示 : 使用 openrice 網上訂枱有著數呀 ! 青衣店有兩位靚仔職員，所提供的燒烤資訊和手法，可在用餐時相得益彰。

炑八韓烤 📍青衣青敬路33號青衣城一期1樓119B號舖環境：🐣🐣🐣🐣🥚服務：🐣🐣🐣🐣🐣去完迪士尼玩，反到青衣已經9點幾，去左好多間餐廳都唔比入，得呢間肯比我地入，仲好好預早提醒我地10點餐廳要關門水冷麵 $88味道：🐣🐣🐣🐣🥚職員好好，主動問我地需唔需要剪開啲麵👍🏻👍🏻味道剛剛好，唔會太濃味👍🏻👍🏻麵質都好好，好彈牙又就太過un芝士泡菜煎餅 $90味道：🐣🐣🐣🐣🐣呢個煎餅好好食👍🏻👍🏻加埋芝士一d都唔辣👍🏻👍🏻唔會太厚粉，又唔會煎得太loan 👍🏻👍🏻3人宵夜每人都係65蚊👍🏻👍🏻扺食👍🏻

聖誕節將至，約同一班好友預先品嚐新菜式➡️“厚切帶骨肉眼”🐂 及 “名品大王豬扒”🐷，兩款肉類都各有特色，🐂肉眼質地嫩滑，入口充滿香香的牛酥味，🐷豬扒燒烤後，入口嚐到有點香茅味。還有再次感謝青衣店的“賴（Bosco)經理”的細心貼心，推介其他食品（如人參雞湯，炸雞，炒年糕，泡菜餅，生蠔，🐷護心肉……等等）及他欣勤地為我們服務，一邊幫忙燒烤，一邊講解燒烤的步驟，務求令兩款肉類能烤出最美味的境界，最後他還使出他的殺手鐧，化身遊戲主角娛樂大家，令大家捧腹大笑，盡興而回。

openRice訂座有九折👍兩個人點左個王者風範燒肉套餐，除咗個餅，其他都食清光😋惹火牛肋骨，好大條，影相一流。👍不過口感就有啲韌，好多筋，食唔到😓最好食都係鰻魚，第一次燒鰻魚，啖啖肉好正食🤤龍蝦都好好食，夠新鮮甜美🤤如果有兩條就好啦韓牛好好好食，但係，得!!三塊!!😂有冇咁少啊，一個人都唔夠食啦呢塊餅有啲油膩，最終係食唔晒嘅。Any肥，總體來講呢一餐係滿足嘅，店員服務都好好，會幫手整牛肋骨，美中不足係韓牛肉太少。

萬聖節夜……為好友慶生日，美味的前菜可以任食外，燒烤食物有很多的選擇，當晚還有驚喜，便是青衣店的餐廳經理（Bosco)突然化身成為🦑遊戲的角色，穿著沉重的服飾，仍然很貼心♥️細心♥️地為我們服務，將必食的“韓國燒鰻魚”，耐心地幫忙燒烤，變成皮脆內滑的美味燒鰻魚，他很有禮貌及耐心的服務態度，令我們各人都感到好窩及愉快，他實在值得讚賞👍👍👍

是日做gym後，已是下午二時半。三個gym友都未吃午餐，就進入這間炑八試試下午茶餐。餐牌內選擇頗多，形形式式的燒烤都見在其中。畢竟，這是下午茶時間，我們三人都不約而同叫了鷄扒蛋包飯。很快飯已上枱。這蛋包飯賣相頗佳，用料豐富且份量充足，各類食材的擺設亦頗見心思。鷄扒泡製得宜，恰到好處又不致過於蕉燶。食落覺得鷄肉包含肉汁且嫩滑，足見廚師確有一手。以下午茶來說，這蛋包飯性價比可算頗高，值得一試，待下次光顧時再嘗嘗該店其他出品。

今日吃韓式午餐，11:30要到，否則要排隊。午餐好抵食，前菜任吃，有泡菜、豆芽、海帶、蘿蔔等等，好抵食！我叫咗個雞扒蛋包飯，全部人都有一碗湯，雞扒煎得好香，好好味！有啲沙律菜，蛋包飯包住啲茄汁飯，非常之夾！仲叫咗個鰻魚蛋包飯，鰻魚好大條，食到舔舔脷！仲叫咗個牛肋骨煲，加錢要咗個蟹膏飯，個蟹膏飯好鮮味！值得加錢！牛肋骨熱辣辣好有肉味，加埋啲蘿蔔，令到成個煲 昇華咗不少。四個人食$351，都幾抵食！夜晚就貴好多嘞，下次會再幫襯。

個烤牛粉絲好叉難吃。。救命，仲要成68元一份，點解可以甘有信心賣甘貴？仲唸住試下新野，點知立即伏哂🙂，另外，仲另加左份蜜糖雞扒，真系甜到死，死甜個隻，d蜜糖漿好似就甘倒落去，成個碟都系蜜糖漿。。。野五好吃就算啦，個女收銀態度又五好啦，真系火都黎🙂🙂