影片
營業時間
今日營業
18:45 - 23:00
星期一至日
18:45 - 23:00
以上資料只供參考, 請與餐廳確認詳情
相關文章
天氣開始涼涼哋，又係打邊爐嘅好時間🤣，今次嚟到佐敦嘅熊本牛鍋，佢哋推出咗一個抵食嘅優惠，分別係$278皇牌套餐同埋$308澳洲和牛套餐，二人同行一人半價，星期日至四 110 cm以下兒童仲要免費，所有套餐都冇限時，真係抵到爛🫢❣️皇牌套餐 $278📍日式和風雞煲先食個雞煲，醬汁甜甜地，雞件頗多，而且好入味🩷📍蒸海鮮打卡送免費蒸海鮮🦐，只需要讚好專頁，like and share以及留言即可領取，每日數量有限，送完即止，提早預約將會優先安排📝，海鮮總共有五款，分別係鮑魚、蝦、貴妃蚌、蠔及帶子，會有計時器計時蒸，所以蒸得啱啱好，海鮮都好新鮮🤓📍火鍋食完雞煲可以加湯打邊爐，呢個套餐包括咗頂級牛肉、牛肩胛及豚肉，牛肉質素唔錯，牛味都濃👍🏻，無限Encore，出面仲有大量配料任夾，推介食牛柏葉同水魷魚，全部大大塊同雞煲嘅湯底味好夾🤪📍飲品及甜品有大量韓式飲品同啤酒🍻揀，款式都好多，甜品有雪糕、泡芙、豆腐花、木糠布甸、燉蛋，食完鹹再食甜真係大滿足🤩📍大閘蟹期間限定加$128就可以享用3隻四兩重大閘蟹，隻隻都肥美爆膏😁👅好味度：9（10分滿分）一次過可以試到雞煲、蒸海鮮同打邊爐，食物質素中常，而且冇限時⏰，可以慢慢食，食完真係飽到上心口😆
繼續閱讀
想搵間平平地嘅雞煲連火鍋，發現尖沙咀竟然有餐廳$300都唔使就埋到單。而家只要係店家Page做齊like+share+comment，仲送蒸海鮮。餐廳偏向麻雀雖小，五臟俱全個類，平有平做。雖然當晚去係平日，但據聞都全場full，都有啲嚇親竟然咁旺場。熊本皇牌套餐 $268．送日式和風雞煲，內有紫薯，係幾得意又創新嘅做法．雞煲醬汁都幾特別，應該係自家秘製個類醬汁，雞件再滑啲會更好，整體都幾入味．次序會係先食雞煲，後送上海鮮，最後食火鍋．可以任食頂級牛肉(牛小排)、牛肩胛、保濕豬豚肉同雞肉．牛肩口感會比牛小排好，不過香味就牛小排略勝一籌．估唔到保濕豬豚肉味道同口感都幾好，連我呢個牛魔王都忍唔住狂食豬肉片．另有任食火鍋配料同飲品．火鍋配料都有啲特別嘅丸類，例如墨魚丸、釀咗咖喱嘅魚蛋、海苔鹹蛋黃丸等，最後個款都幾推薦大家試吓．餃子方面都幾鍾意韭菜豬肉餃，好重韭菜香蒸海鮮．共有5款海鮮，包括：蒸鮑魚、蒸生蠔、蒸帶子、蒸扇貝、蒸蝦．幾啱海鮮迷．蒸蝦嘅味道尚算可以甜品．除咗有Dreyer's雪糕，仲有雪糕泡芙+一啲少見嘅放題甜品，包括：龜苓膏、豆腐花、冰粉、燉蛋等飲品．比較特別係感覺呢間都唔少啤酒種類，想同朋友暢飲會幾抵玩*店員講先知$268皇牌套餐同$298澳洲和牛套餐都做緊幾抵嘅快閃優惠，只要係二人同行，就可享一人半價。無限時嚟計，係個平平地可以約朋友吹水嘅聚腳點。
繼續閱讀
呢間隱世餐廳聽過未😝？一間位於尖沙咀商廈嘅樓上舖，做緊超平嘅價錢💰，就有所有套餐無限時🌟日式火鍋加雞煲放題！去到嘅時候再喺餐廳嘅社交平台專頁打卡，就每人送免費蒸海鮮🌊。.而$268皇牌套餐，同埋$298澳洲和牛套餐都有快閃優惠，二人同行一人半價✌🏻！星期日至四110cm或以下小童仲要免費。我哋揀咗熊本皇牌套餐($218)🐮，有超豐富嘅嘢食種類👍🏻。.🐔日式和風雞煲可以無限refill！日式版本嘅醬汁更加重甜香味👅，同時間雞肉亦都爆香得香口惹味。.🌊蒸海鮮喺餐廳專頁打咗卡，就有勁豐富蒸海鮮盤！海鮮都厚肉大隻🤤，蒸出嚟零舍鮮甜，好滿足。.🥩肉類火鍋可以任食頂級牛肉、牛肩胛、保濕豬豚肉、同埋雞肉💕。肉類嘅質素都唔錯，唔同口感嘅牛肉都食到，比較重牛味，或者比較嫩身嘅都有😎。.♨️火鍋配料及飲品自助區亦有超過50款嘢食！40幾款飲品啤酒任飲🍻！基本要有嘅響鈴、蔬菜、水魷等等都齊備。而且重點係呢度有超多唔同款嘅啤酒🥳，啱晒雞煲火鍋嘅氣氛。.🥤甜品款式都好多！除咗部份係預製甜品，其他甜品都係舖頭自家製🧑🏻🍳。而且我哋覺得雪糕好好味，拍得住Dreyer's嘅質素😋。.優惠每日數量有限，送完即止。提早預約將獲優先安排。
繼續閱讀
位置上唔算好易搵，原來係側面行入去大廈先會見到有𨋢上，正面已經圍哂版😂上到去唔算好大，所以黎親個個都有卜位😂仲會揀定要咩餐添呀！！我哋今晚揀咗$268皇牌套餐，已經有齊牛肩胛，牛小排同豚肉食！重點係無限時，唔洗急住食👍🏼👍🏼我地最抵係有快閃優惠，第二個人半價添，加埋一，都唔算好貴！店員非常之勤力，坐座就叫我地揀定飲品，等雞煲滾起就食得啦🤓個醬同平時食開四川嘅好大分別，今次唔辣嘅而且唔算好濃味，反而有啲啲滷水味！原來係日式嘅雞煲，好特別😂入面有蕃薯，芋頭同肉桂一大條！之後店員同我地講叫我地打卡，就送蒸海鮮😍like & share就有幾款海鮮食🤭有蠔，鮑魚，帆立貝，帶子，蝦！落咗好多蒜同薑，食落夠哂味！！蒸足7分鐘就熟，啲海鮮精華跌哂落下面個窩，之後仲會用黎打邊爐添😍😍外面自助bar都有好多揀，有丸，菜，餃子，少見嘅有黃喉，介花魷魚，牛舌，好有特色!!至於肉類，就可以不停問店員拎就得！！👍🏼食完仲有甜品，都多選擇！有雪糕，啫喱杯，藍莓奶凍，豆腐花，紅豆龜苓膏，燉蛋，木糠布甸😍🤭質素都唔錯㗎！！
繼續閱讀
［📍尖沙咀｜熊本牛鍋 ］上網搵到間雞煲火鍋放題，重點係性價比極高，300蚊唔洗，有雞煲有火鍋仲要係無限時任食，唔洗食得趕趕急急。上到餐廳既環境都幾舒服，有啲似私房菜既感覺，自助區有成50款以上既食物，又有飲品雪糕任飲任食，真心抵食。先黎個雞煲，雞煲味道幾好，好足料，有芫荽、金菇同紫薯等等，份量都好多，兩個人食夠哂。而家打卡仲送免費蒸海鮮，只需要讚好專業like and share以及留言，食完雞煲就有蒸海鮮，蒸海鮮仲要有五款咁多，有鮑魚、蠔、貴妃蚌、帶子同埋蝦，仲要用蒜蓉薑同埋辣椒做調味一齊蒸，食得出勁新鮮仲好有甜味。另外，近排大閘蟹季節緊係要食下，叫左三隻，隻隻都爆哂膏，未打邊爐都已經咁多野食。食完雞煲海鮮大閘蟹之後就打邊爐，加$20仲可以換過個湯底，今次揀咗個蕃茄湯底，真係好足料又蕃茄，同埋個湯底都夠濃。首先會比三款肉先，包括牛肩胛、牛小排同埋豚肉。所有肉嘅質素都好高，唔係得啲肥膏，同埋牛好有肉味。跟住仲有出邊嘅自助配料，比較特別嘅係有手工餃，丸類都好多選擇，菜類都有super food 羽衣甘藍，甜品仲要有雪糕。而家$278皇牌套餐/$308澳洲和牛套餐快閃優惠 ，二人同行一人半價，星期日至四 110cm以下小童免費，真心推介呢個價錢食到咁多嘢，真係超級抵，冇限時慢慢食，可以慢慢同朋友一路傾偈一路食。
繼續閱讀