燒肉屋 (清風街)

薄切A5和牛肉常滿（二人前）🦀蟹將軍薯仔沙律薯仔沙律食落啖啖蟹肉，外面仲鋪滿卜卜脆既蟹籽及粟米片,口感層次豐富。🐮薄切A5宮崎和牛肉眼配特製月見燒汁大大塊油脂分佈平均既薄切和牛，牛肉呈大理雲石紋，只需要每邊燒3-4秒就食得啦，燒落先知牛肉充滿油脂香，沾埋蛋黃月見燒汁一啖放入口，口感滑溜肉味濃郁。🥩荔枝牛肩胛串串一份有六大串，牛肉包住粒粒荔枝肉，牛肉軟嫩荔枝肉既香甜剛剛好，食落唔會好油膩，反而感覺滑新。🍖原條厚切牛舌一般出面食到既牛舌多數都係薄切，今次原條厚切牛舌放落去燒，建議各位煎香兩邊後剪開一粒粒再燒到甘香，食落爽彈肉香juicy。🧄蒜蓉牛油烤帆立貝帆立貝加左蒜蓉牛油拎去燒，燒落已經香噴噴，店員仲建議加入飯撈埋一齊食，一啖食落就知邪惡到爆阿。🍗蜜糖燒雞翼雞翼一份足足有五隻，師傅好貼心咁係雞翼中間開邊，令到燒既時候熱力能夠平均滲入雞翼中，令到雞翼能夠燒到外皮金黃焦脆之外，內裏雞肉依然保持嫩滑嘅質感，而且仲可以喺雞翼表面搽上蜜糖，食落甜甜地幾惹味。🥤波子乳酪汽水之棉花雲朵乳酸味嘅波子汽水配埋淺藍色嘅棉花糖，飲落酸酸甜甜，開胃得來打卡啱晒。🥤葡萄愛梳打巨峰提子味嘅梳打飲落清新可口，燒肉or

燒肉屋 （天后） 薄切A5和牛常滿—-二人前 （$699） 今次我地點左呢個二人套餐，跟餐會上一墊配菜前菜。蟹將軍薯仔沙律A5宮崎和牛薄切前腿肉配特製月燒汁一上枱就俾佢既油花驚艷左，店家好貼心咁放左個牌仔，提醒我地每邊只要燒幾秒就食得。點一點月燒汁（即係壽喜燒汁加蛋，點之前記得要將蛋打發開），一食落口，果然好順滑，大大片好有滿足感！荔枝牛肩胛串串（6串）牛味濃濃，配上荔枝既甜味，正！原條厚切牛舌本身好少食牛舌，今次第一次自己燒厚牛舌，發現比想飲中好食。即使我同朋友燒得唔太好，好似燒到過曬火咁，口感依然係爽口唔會柴乾，有牛味，推！蒜蓉牛油烤帆立貝燒完海鮮味牛油味加埋啲飯，又香又唔肥膩蜜糖燒雞翼合符想像既好食，燒完仲好有肉汁雪糕用黎做燒肉收尾一流海中錦鯉梳打士多啤梨乳酸流打 兩款飲品都不含酒精，味道唔會太甜太假，好飲！

薄切A5和牛 常滿2人前蟹將軍薯仔沙律新鮮的蟹肉同薯仔拌上沙拉醬係一道非常開胃既前菜，令人好想食多啲，但黎緊仲有好多好味主菜，所以要忍口忍口薄切A5 宮崎和牛肉眼配特製月見燒汁A5和牛既脂肪比例好平均，每邊只需燒十幾秒就食得，入口即溶，配上餐廳特製既燒汁同蛋，好夾！荔枝牛肩胛串串牛肩胛肉質嫩滑，同荔枝的香甜，依個組合好清新。係燒烤時散發出的香味令人流曬口水原條厚切牛舌起初擔心牛舌會好韌，點知燒完食第一口就停唔到口，好爽口！個人覺得係最好食既一道菜蒜蓉牛油烤帆立貝帆立貝大隻新鮮，不過依道菜無特別岀色蜜糖燒雞翼喜歡食燒雞翼既朋友一定會喜歡依道菜菠蘿百香果梳打菠蘿百香果梳打是一款清新解渴的飲品。酸甜的菠蘿和百香果完美融合。熊仔檸檬梳打熊仔檸檬梳打則是一款可愛的飲品。檸檬的酸味清新宜人，搭配梳打水的氣泡感，令人耳目一新。熊仔形狀的冰塊更是為這款飲品增添了不少趣味。總結來說，依間餐廳值得推薦，前菜任吃，份量都算大份，唯獨店員態度有待改善！

海鮮A5和牛專貴（二人前）🍏青紅蘋果絲蟹子沙律蘋果絲的脆嫩、酸酸甜甜的味道與蟹子的鮮甜完美結合，開胃又提神，清新可口。烤肉-牛：🐮A5宮崎和牛稀有牛眼蓋肉質極其嫩滑，油花分佈均勻，口感豐富，搭配特製月見燒汁，讓肉的鮮味和牛味更加突出，令人一口接一口。🐄薄A5宮崎和牛肉眼薄切的肉眼更是瞬間在口中融化，讓人感受到最高級的享受，肉質的細膩和香十分好吃。烤肉-海鮮：🌊爽脆白鱔片配自家配方鰻魚汁白鱔是即時劏的，十分新鮮，而且是厚切的，雖然要較多時間去燒，但是很值得的。配餐廳自家配方鰻魚汁，很好吃。🦐日式蒜蓉大虎蝦大虎蝦的肉質彈牙，另外有配搭一小碗的蒜和牛油，燒蝦的時候放在爐邊，牛油溶掉後搽上蝦上，鮮香味十足，非常適合配飯。🦀蟹甲羅燒配法包蟹膏香口鮮甜，還有魚籽，搭配香脆法包，十分開胃。🦪法國生蠔新鮮、清新爽口，加上鮮檸檬，令人想一食再食。🐣烤肉-鳥：蜜糖燒雞翼燒完後，外皮香脆，內裏嫩滑，蜜糖的甜味與雞肉的鮮香相得益彰。🥚飯/麵：三蛋燒汁紫菜飯在飯/麵的選擇中，選擇了三蛋燒汁紫菜飯，米飯吸收了濃郁的蛋汁，口感細膩，搭配的蛋香味十足。🍨甜品：雪糕（朱古力和曲奇）滑順的質地和濃郁的風味為整餐畫上完美的

日本風格裝修 好有特色不過座位偏窄 坐得唔係好舒服服務員安排混亂 兩個人坐單邊位一個人坐張四人枱介紹返食物先 前菜沙律有蘋果絲 個底不停出水 口感麻麻不過韓式小菜任加任食 加分生蠔比較削 無乜肉無乜味燒肉方面鰻魚比較韌 就算點燒都好韌食落好似𡁻香口膠 唔會再叫雞翼就普通啲 以量取勝同埋個爐火路好難控制一時大一時細 好易燒燶服務員都話無計燒蝦就幾好食 夠牛油蒜香 遮到浸雪味燒肉就邊位多 多下欄多脂肪睇吓你好唔好食肥 不過燒落就好油香最後一片肉就麻麻 真係太簿放上爐已經黐底 就無咗一啖講真食唔出乜味道最後加埋兩個澱粉質就飽飽其實個蟹殼係幾好味多士就好濕 旱極都唔脆如果可以旱乾啲脆啲 會更加好整體嚟講 食物質素麻麻 普通不過擺盤 餐廳裝修搭救服務可以更加好如果個餐係呢個價位我就覺得性價比麻麻回頭率唔高

食烤肉，還有肉捲成的玫瑰花🌹想浪漫一下，快點帶愛吃肉的女友過來嘗嘗鮮吧！🐮A5宮崎和牛，牛肉口感有被驚艷到，喜歡這種沒有調味過的肉😙純粹吃牛肉的口感和肉味已經好贊，新鮮之余，能吃到濃濃牛肉香。牛舌，牛舌細嫩多汁，慢燒的做法🤓更可以吃到爽滑的肉質。豬頸肉🐷可以慢慢烤到金黃色，外層微帶焦香，點上五香粉🥬包上生菜一起吃，肉汁豐富，口感滿足。士多啤梨乳酸，🍓酸甜的士多啤梨果香四溢，而且有棉花糖整嘅雲朵☁️勁靚。

我終於吃到有名的燒肉屋，我久聞燒肉屋的大名，但因為很少去天后，所以一直沒吃過。這次決定農曆生日前夕來一趟天后燒肉之夜，吃過後，終於明白為甚麼燒肉屋這麼紅了，燒肉屋經常推陳出新，用餐環境棒，服務貼心周到，燒肉屋果然厲害。在滿滿肉品包圍中，燒肉屋的前菜顯得特別清新爽口，泡菜可算是我的心頭好，重複加點了好幾次，爽口的泡菜嚐起來微辣微酸，使人食慾大增，真的是越吃越涮嘴。牛舌煮得軟腍，簡直是水準高超，調味更是無可挑剔。前菜當中朋友最愛的就是海帶，海帶酸酸甜甜蠻開胃，甜甜的醃蘿蔔、爽脆的荳芽拿來伴著肉片吃，用來轉換口味時挺不賴，前菜有五款，不知道會不會定期更換，下次再來燒肉屋又會吃到甚麼前菜?味覺激賞3味法國生蠔分別有三種口味，雞尾酒醬、酸汁啫喱及泰式醬，遠從法國到來的生蠔，賦予泰式醬馬上變了泰式風味，泰式醬法國生蠔帶點酸辣香料香味，清新無比，又能提鮮，法國生蠔一口可吃，幸福感滿滿。法國生蠔還有雞尾酒醬點綴，雞尾酒醬法國生蠔相當肥美，朋友滑溜的一口下肚，雞尾酒醬提襯法國生蠔的海味，十分過癮。酸汁啫喱法國生蠔擁有絲滑的質感，嘴中盡是法國生蠔的甜鮮，酸汁啫喱帶些酸度，亦襯托出法國生蠔的鮮度。芝味滑豆腐

今日接奴才爸收工，路過清風街見到有間燒肉好似唔錯，一於入去食吓晚飯試吓😊坐低冇耐餐廳就提供五款前菜，全部都係餐廳精心製作，特別係泡菜，差唔多食完店員就會幫手添加🤤見餐廳做緊推廣，三款口味嘅生蠔一共六隻都係唔使$200，見咁耐冇食生蠔一於叫份試吓🤭生蠔鮮甜爽脆，而且仲有三款唔同口味，夠晒特別爽脆白鱔白鱔夠晒彈牙爽脆，而且附上嘅鰻魚醬仲係大廚特製，夠晒誠意😉香蔥薄切長牛舌果然係長牛舌，比起一般見到嘅較長，而且牛舌包裹住香蔥燒，零舍好味😋芝味滑豆腐鍋豆腐鍋選用石鍋上枱，仲會用個Gas爐㷫住等芝士燒溶啲，而且啲豆腐果然好滑😊最後叫咗兩杯特飲水之棉花雲朵夠晒特別，用粉紅色嘅棉花糖做裝飾又靚又夠晒甜，用嚟打卡一流😍葡萄愛梳打上邊嘅冰，仲要係用葡萄汁製成嘅果汁冰🍇🤑 人均消費：～$460🤩 推薦指數：7 / 10📍 餐廳資料：燒肉屋 (清風街) (天后)天后清風街10號清風大廈地舖☆.。.:*・°☆.。.:*・°☆.。.:*・°☆.。.:*喜歡我的食評請Like & Follow🫶🏻 @umi.bengal.foodie#foodie #foodies #foodiegram #foodiel

同朋友聚會 呢間似日式mix韓式的食物～### 芝味滑豆腐鍋 ($138)這道鍋物的豆腐非常滑嫩，搭配濃郁的豆瓣醬 有芝士撈埋一齊食 都幾新的配搭 好岩減脂做主餐！### 爽脆白鱔片 ($168)白鱔片搭配的浦燒醬汁 個汁係精華 醬汁的微甜與鹹味相輔相成，落左好多去燒### 味覺激賞3味生蠔 ($198，原價$396)三種口味：雞尾酒醬，酸汁啫哩，泰式醬這道生蠔套餐包含三種不同口味，每一種都呈現出獨特的風味。鮮美的生蠔配上不同的調味料，從酸到辣 讓味蕾感受到不同的口感### 香蔥薄切長牛舌 ($199)牛舌的切工非常薄切 香蔥的香氣完美地融合在牛舌上，呢款最好食最推薦### 士多啤梨乳酸汽水の棉花雲朵 ($68)這款飲品岩打卡，口感清新 上面係棉花糖黎### 百香果菠蘿梳打 ($58)這款飲品則是解渴清爽的選擇，百香果的酸甜與菠蘿的香氣完美結合，十分消暑。燒肉屋 (清風街) (天后)天后清風街10號清風大廈地舖

今次約了朋友到天后食燒肉,朋友介紹呢間隱世燒肉店很不錯當然要試試。前菜是餐廳老闆自家製作的,所以味道特別好食, 有蘿蔔、海帶、厚牛舌、芽菜、泡菜,而我最愛就係泡菜和芽菜,少少辣又開胃,岩晒香港人口味蒜蓉牛油烤帆立貝 $158帆立貝大大隻的,上面已經放了牛油和蒜蓉,店員提醒每邊燒2-3分鐘便可以,記得要放埋D飯上去吸收精華薄切A5宮崎和牛後腰 配 特製月見燒汁 $158A5和牛既脂肪分佈得好靚,每邊只需燒10多秒便可,不用燒太耐而特製月見燒汁上面仲有一隻雞蛋,攪拌後可以令成個醬勁好食呢個醬汁與A5和牛真係好夾,令到舊肉食完都唔覺好膩法國生蠔 (買一送一) $48生蠔好新鮮,食完想再encoreA5和牛肉眼蓋及多種稀有部位寶盒 $459 賣相好特別的一道菜,入面有姆款唔同稀有部位既肉,其中我最鐘意就係牛肉眼蓋。肉質嫩滑,又多汁,配上燒肉醬食更好食海中錦鯉梳打 $48藍色的汽水像處身於水中,入面有金魚糖,令到成杯飲品超特別,打卡一流,好欣賞餐廳既創意士多啤梨乳酸汽水之棉花雲朵 $68呢個飲品一上檯我地已經即刻拎手機出來打卡,粉紅色真係好靚士多啤梨加乳酸味道好夾,上面既粉紅色綿花糖真係令到成

🔥豚鳥放題 $198/位 (星期一至四價錢)-果汁黑豚-果汁五花-黑椒鹽五花-豬頸肉-雞軟骨串-摩薩醬汁雞肉-雞翼-前菜🥤百香果荔枝梳打 $58🍹葡萄梳打 $58🔸發現咗一間抵食燒肉放題，等我同大家分享下呢個超級抵食嘅優惠啦😍🥩$198就可以食足75分鐘，仲要係多款豚鳥任你揀，真係抵到爆😱🔸首先有果汁黑豚同果汁五花，咁啱啱好可以比較下兩種果汁醃製嘅分別。黑豚肉質鮮嫩，果汁五花就肥瘦適中，兩款都係燒肉嘅王牌之選🐷🔸但五花嚟講，我更推介黑椒鹽五花，香口又好味，而豬肉類仲有口感好正嘅豬頸肉揀。講開又講，呢度仲有雞軟骨串同摩薩醬汁雞肉，尤其後者真心出色，雞肉控一定唔可以錯過🍗🍺🔸最後梗係唔少得雞翼啦，不過雞翼不嬲都難燒，大家要比啲耐性👅💦食完之後仲有雪糕送😁

天后呢啲橫街小巷嘅小店非常之值得探店！每一間都好有特色！間間都想試！今日有機會試咗呢間日式燒肉店，店內環境真係非常日式，包括衛生情況，以為自己去咗日本😅😅一到店見到餐牌有個鳥豚75分鐘放題，只係$198🤭🤭忍唔住同朋友試咗。燒肉放題仲包括無限refill 嘅前菜，特色飲品一杯，仲有一個飯後甜品😍😍個人認為係好抵食！先講肉類本身幾有質素嘅，尤其鍾意食佢個五花肉，肉味香濃，燒出嚟爽口彈牙，鮮嫩多汁。佢個鹽燒雞翼都好好食，調味得恰到好處。佢啲特色飲品都非常之講究，除咗賣相一流之外味道都係👍🏻👍🏻個人認為與其去一啲連鎖燒肉店不如試吓特色小店，真係別有一番風味！

住喺天后嘅朋友，推介咗我一間燒肉店，叫燒肉屋，佢話呢間舖頭好受歡迎，勁多唔同嘅遊客會去食，佢問我有冇試過，仲要話好推介，之後主動訂位約食飯。望一望啲相以為係日本燒肉，但係出奇地又會有韓國嘅前菜，既然價錢唔貴就試吓啦。叫點前菜，幾個人簡單叫少少海鮮，再加佢肉肉寶盒，飲杯特別嘅飲品，咁就一餐。蒜蓉牛油烤凡立貝，上菜嗰刻的確幾搞笑，中間送一個韓式嘅紫菜飯，當然燒呢個技巧實在冇乜難度，質素也屬於正常水平，但咁嘅配搭真係第一次見。薄切宮崎和牛後配特製月見燒汁，個樣非常靚，完全係打卡必吃。生蠔有買一送一，法國Les Huitre，唔係好大隻嘅品種，買一送一就直刻叫，唔會有投訴嘅價錢同品質。寶盒入面有A5和牛肉眼蓋係主打及多種稀有部位，$459嘅價錢還可以吧，當然和牛肉眼蓋係最出色，稀有得來非常好吃。燒了一個晚上，加兩杯特飲，大家談天說地，簡單的在小店的氣氛吃得像在異國般的晚上。

初嘗<<燒肉屋>>!!即刻愛左3人食左1300左右價錢都算合理, 甚至唔錯~因為呢個價錢唔係食緊普遍既烤肉而係試左好幾款特別部位真心正第一次食我地保守地試左套餐~首推係厚切牛舌粒!!呢款粒粒厚切個口感又爽真係好正~仲有款荔枝牛肩胛串串係新Style~~~中間夾住粒荔枝原來會咁清甜不過呢款超易燒焦, 記得翻面勤力D仲有份薄切A5宮崎和牛又係正到!!又肥又香牛味, 大愛阿~~個人已經bookmark左翻撻呢間店!!

最近去咗一間位於天后嘅日式燒肉居酒屋，餐廳裝潢充滿濃厚嘅日式風情，燈光柔和，木質傢俱，營造出一個舒適而溫馨嘅環境。。**味覺激賞3味生蠔**：- **令和之怪物**：生蠔鮮美，配上獨特嘅醬汁，帶有濃郁嘅海洋氣息。- **西班牙生蠔**：生蠔肉質飽滿，搭配清新的酸汁，酸甜適中。- **法國生蠔**：生蠔質地細膩，配上香草醬汁，味道層次豐富。**葡萄梳打**：葡萄味清新香甜，梳打水嘅氣泡感令飲品更加爽口。**百香果菠梳打**：百香果嘅酸甜搭配菠蘿嘅香氣，豐富多層次。**芝士滑豆腐鍋**：豆腐嫩滑，搭配香濃嘅芝士，每一口都充滿濃郁嘅奶香味，口感細膩。**爽脆燒白鱔（配浦燒醬汁）**：白鱔燒得外皮香脆，內裏肉質鮮嫩多汁，配上浦燒醬汁，鹹甜適中，味道非常豐富。**香蔥薄切長牛舌燒**：牛舌切得薄而均勻，燒烤後依然保持嫩滑多汁，香蔥嘅味道滲入每一片牛舌中，令人回味無窮**流心熔岩蛋三文魚飯**：三文魚鮮嫩，流心蛋嘅黃澄澄液體流出，與米飯和三文魚完美結合，口感豐富，令人欲罷不能。