爭鮮外帶壽司

營業中

休息中

今日去到好夜先返屋企因為晚餐食唔夠飽見仲有啲餓所以行過地鐵站就睇下有啲咩食見爭鮮做緊8折，即刻衝咗入去睇下難得撞正有8折梗係食返啲靚小小嘅壽司眼見剩返嘅壽司唔多，最後揀左盒有海膽同埋三文魚子嘅壽司先講下海膽，海膽份量都算足，食落唔算話好新鮮，不過味道都叫好濃，係香港食海膽難免會有小小腥腥地，但至小唔係話以前堂食食到個隻乾爭爭冇乜味嘅海膽，唔錯架三文魚子壽司嘅份量只係啱啱好食落唔得滿足，不過食落去都算幾鮮甜，我個人覺得冇乜腥味

因為係隔離唐記包點買咗嘢食，但係又唔夠食，所以就過咗嚟爭鮮sushi幫襯買，買返屋企~ 去嘅時候已經好多人喺外面揀緊~其實都好受歡迎，我見我行入去，店員仲係拎緊一啲啱啱pack好嘅壽司出嚟~ 我都係以往一樣，單獨買粟米壽司6件🤣🤣佢都幾抵！所以先買咁多，我見隔離嘅加州卷都好唔錯，所以就搭埋一齊， total都起碼有12件～ 人哋話鰻魚壽司都好食，但係我就冇試！返去打開即刻食，粟米壽司冇元氣咁正，但係都好好味，只係乾左少少，汁唔夠～ 至於加州卷就好好味，雖然就大嚿左少少，但係啲飯唔會好乾好硬，餸都唔會變咗壞，有啲魚子，幾有口感

美食哥倫布今次去咗邊搵野食!有乜咁奇怪?一齊睇下啦!朋友食飯遲到，月等月肚餓！唯有走去搵啲野食頂頂肚！第一次見爭鮮有e個卷，就買嚟試吓啦！入面有蟹籽同蟹柳，仲有生菜同青瓜！但真係乾到呢...不過就幾飽肚嘅，食咗半個已經唔想再食！下次都係食返手卷算！

這天下班後覺得有點餓，碰巧經過爭鮮，見到裏面不是太多人，如果進去買東西吃應該不用跟別人擠，便進去看看有沒有什麼好吃。＄3一件的壽司也不錯，但平時去爭鮮多數是吃壽司，基本上每種味道也嘗過了，這次想轉一下口味，便主力看壽司以外的食物。手卷也不錯，但我不想吃得太飽，最後決定選三文魚刺身，只是40多元，算是合理的價錢。有九片，每一片咬下去都很軟，三文魚的鮮味慢慢在口裡擴散開來，比以前吃過的廉價三文魚好得多，味道和口感兼備，質素就像酒店自助餐的三文魚那樣。過足了口癮，又不是太飽，算是很合意的下午茶。

今日係年廿九，仲有兩日新年，媽媽去左家姐屋企幫佢執屋，佢話不如買爭鮮。 但我突然好想食韓國野，所以分兩間買。爭鮮實在太多野選擇，尤其係新年時節，佢地會推出左幾樣新款的意頭野。 咁新年就買個三文魚刺身，年年有餘吖嘛！不過腩位就肥左啲啦，買返普通的(兩者相差10蚊)！三文魚($ 32 一盒)睇落去都幾新鮮，顏色呈橙紅色。我選左盒無咁肥既，啲肥位好平均咁分怖，唔算太香，淋淋地，夾起嚟有啲散散地。但過下口癮都ok! 另外買左中華沙律同多春魚籽，都好味，又好抵!(每盒 HK$12)

今晚媽媽去Party, daddy 出左trip,我又想返屋企食，咁咪take away law, 經過爭鮮見到精緻花之戀幾靚買返盒先！ 三款當然都係係用三文魚包住，但唔只係蟹子咁簡單。 仲有海膽魚子同帶子甜蝦。蟹子嗰個一向正，唔知點解爭鮮既沙律醬係唔同啲，蛋黃味更香仲甜甜地，蟹子份量又夠多. 帶子的係三件中較淡味的， 帶子無乜creamy 味，蝦都係，細細隻。 而海膽都唔預係好味，始終呢個價錢嘛。 細細薄片，甘甘地同小小苦，魚子內裏多汁，咬落有少許脆卜卜又唔油。三文魚都夠厚切,又香油味。 $48有咁多唔同款既刺身食，好抵！

壽司有好多，買咗啲壽司返公司食，八爪魚壽司蟹柳壽司帶子壽司中華沙律壽司。八爪魚壽司比較鹹，一般。蟹柳壽司味道比較淡，帶子壽司都幾彈牙。。中華沙律買到返嚟已經唔係爽口，變咗鹹同埋林身。。$3 亦不期望太多，合格

又要趕頭趕命趕返學⋯⋯一收工就衝去太子，雖然太子選擇多，但要快又能邊行邊食，我想只有飯團⋯⋯外賣快，又易食的三文魚飯團，一個只有2塊厚少少的三文魚，以呢個大眾價錢，算係咁⋯⋯加少少鼓油，夠頂肚了。地鐘站雖然人多，但職員手腳快，都可以接受。

平時都間中嚟買壽司食，家裡小孩就最愛甜蛋壽司。今日喺隔離買咗個飯佢食，所以冇買壽司，我自己嘅午餐就揀咗呢個飯：魚唔錯！個汁有少少辣，俾唔到家中小孩吓魚添！飯嘅口感麻麻，亦甜咗啲，但我接受到。總結只會俾OK！但仍然會繼續幫襯，方便又唔差吖嘛！

今日在太子行完街,消費完,行過爭鮮,就順手買平價壽司便當回家吃,証明我不算二代 ,一去到,就選擇了鰻魚飯同蜜桃龍蝦卷,蜜桃龍蝦卷夠晒創新,有果味,又有蝦味,唔錯,鰻魚飯原條鰻魚又有蟹子,中華沙律,底還有蛋,好足料,好好味 總結,平未必一定差,平,靚,正,佢做到了

姐姐愛上爭鮮, 也為筆者買來一盒. $3元一件, 筆者點選了蒜味螺肉, 鰻魚, 蟹肉沙律, 三文魚壽司.蒜味螺肉: 挺不錯, 醬汁調配得剛好, 很惹味.鰻魚: 也okay, 魚質不會太乾.蟹肉沙律: 少許辣, 但不錯.三文魚: 筆者是三文魚控, 雖然是三元一件, 但這裡的三文魚是沒有味的, 淡淡的, 熟食壽司明顯較好.

好想食壽司，去接姨生女放學經過見到爭鮮壽司，之前成日搭車見到都好想試下，就趁今次買黎做下午茶壽司種類繁多，壽司有二十多款，另有三款手卷，沙律，魚生飯，盛合，合併壽司.....二人下午茶:腐皮壽司：一盒8件($20)，超抵，味道又0K喎三文魚壽司: 阿姨話好食立魚壽司: 醬汁好味, 魚質ok星鰻壽司: 正👍八瓜魚壽司: 好味蜆仔壽司: 好味肉鬆壽司: 依個就麻麻地，但我本身鐘意食肉鬆，所以買黎試下以咁既價錢有咁既壽司質數真係超值，服務態度又好，所以以後開party都可能係依度買壽司

午飯時間去幫貓貓取藥，趕忙買個便當。湊巧看到地鐵站內有「爭鮮」，不用多想，便買了一客「三文魚丼飯」。三文魚刺身約八片，難得地不算薄，有一定的厚度。雖然紋理不太漂亮，但挺肥美的。想不到還附有少量鰻魚，肉質一般，切得零碎，當然不及三文魚出色。除此以外，還有好些櫻花蝦乾、蛋絲、中華沙律。中華沙律掉色非常嚴重，把飯和三文魚都染成瑩光綠色 這也不能怪「爭鮮」，因為本身中華沙律就是化學加工的成品 公司樓下的高檔超市，一客魚生飯 $60，魚生是切粒粒的，份量也更少。「爭鮮」只賣 $38，實在沒有什麼好抱怨。

學校係太子地鐵站附近，有時興起就會去爭鮮買３蚊壽司返屋企慢慢嘆呢次買左八件，＄２４。有肉鬆，三文魚，芝士龍蝦，八爪魚，螺肉，熟蝦，龍蝦沙律：）仲有一件唔記得最好味係熟蝦同三文魚，鮮甜無比；）唔係cheap野龍蝦沙律有驚喜！好味到極；）八爪魚螺肉中規中距。同超市買既相差不大，幾足料芝士龍蝦勁難食囉：（　陣味都唔夾。overall 係下午茶好選擇；）服務唔差，啲員工好好態度雖然有陣時呢到好逼，但佢地都無黑面，good

肚子餓得打鼓，本想吃串魚蛋，卻在出閘後看到爭鮮外帶壽司人山人海，大大隻字寫着$3一件，馬上改變計劃，買了三件填肚。我吃了～三文魚壽司：三文魚很薄，不肥美卻尚算新鮮。蟹柳壽司：欠缺水份和蟹柳味，味道欠佳。辣味螺肉壽司：辣味螺肉是正常的水準。但所有壽司的飯都沒有醋味，略嫌乾和硬。整體而言，爭鮮外帶壽司值$3，一分錢一分貨，不能與壽司店的比擬。