影片
營業時間
今日營業
10:30 - 22:30
星期一至日
10:30 - 22:30
以上資料只供參考, 請與餐廳確認詳情
今日全日都冇食野 一放工就番屋企途中就有點想食壽司既念頭經過地鐵站見到爭鮮外送 又快又方便 價錢又平 簡直係糧尾既時候最好既食物🍙😆店內有好多唔同既選擇我就簡左一盒三文魚腩壽司$30同蒜味螺肉三文魚都算新鮮 又唔會好簿 都算對得上呢個價錢👍🏻
繼續閱讀
爭鮮外帶壽司 (藍田)藍田匯景商場L31號舖-----食得太多貴野 對個胃咁好 有時都要食d平野 對銀包好d 哈哈 呢個蒲燒鯖魚🐠便當只需$38 有6款餸 鯖魚 甜蛋 蟹柳 魚豆腐 黃瓜 糖心蛋 鯖魚調味較甜 肉質較硬身 不過38蚊 都係預料之內ge質素 唔算難食 但係無任何驚艷 黃瓜幾爽脆但雪得耐 有d乾 倒是糖心蛋非常流心 甜度適中 撈飯食好正 比甜蛋整得更出色 整體算不上高質 但不過不失 夏天食幾舒服 算係糧尾恩物～-----👶🏻B仔整體評價：7.5/10個👍🏻👶🏻B仔抵食程度：9.5/10個👍🏻👶🏻B仔環境評分：買走yo👶🏻B仔味道評分：7.5/10個👍🏻👶🏻B仔回頭機會：9/10個👍🏻 糧尾必備-----#swallowhongkong跟住我一齊吞食香港啦！🤤#swallowlamtin #2019復活節
繼續閱讀
這間爭鮮外帶店與其他分店不同的是，就是它售價冷冰冰壽司的同時，亦同時售賣熱騰騰的便當和關東煮，讓你可以有更多的食物選擇而熱騰騰的便當總共有4款選擇，分別是照燒雞扒便當，蒲燒鰻魚便當，炸蝦天婦羅便當，以及鹽燒鯖魚便當由於本人鍾情於鰻魚，所以今天我和男友便試了一份熱辣辣的【蒲燒鰻魚便當】，同時又買了一份冷冰冰的【蒲燒鰻魚丼】 來比較一下No.1【蒲燒鰻魚便當】 雖然這份鰻魚便當只需$45，但是鰻魚仍然有四塊，即使鰻魚並不是即叫即燒，而只是保溫，但是吃的時候依然帶點焦香味，芬芳馥郁，聞香下馬鰻魚除了十分厚身之餘亦豐厚飽滿，肉質細緻嫩滑，外脆內嫩，魚骨更是去得乾淨，完全沒有小骨，口感亦完全不煙韌，可以入口即化，軟綿香糯，讓人食髓知味，回味無窮另外便當中其他配菜亦同樣出色，玉子的厚度剛剛好，軟嫩得來又有些彈性，入口非常嫩滑多汁，蛋香四溢， 香甜軟糯，讓人吃得有滋有味，吮指回味而且蛋味亦十分香濃醇厚，甜甜的，香香的，清甜可口，五味俱全，讓人陶醉其中旁邊的溏心蛋流心效果更是一絕，口感豐富而飽滿，餘韻悠長，讓人難以忘懷至於魚蛋則十分大粒，口感亦爽口彈牙，誘人美味，而蟹柳的味道則正正常常，並沒什麼特別可是，鰻魚下的白飯卻略遜一籌了可能由於是保溫的關係，白飯吸收了一些蒸汽，導致口感太淋了，軟爛非常，整份白飯都黏稠在一起，味道一般幸好，鰻魚的醬汁味道都算純正，酒香、豉香、糖的比例恰到好處，鹹甜適中，味道不會過濃，甜蜜香醇，與肥美鰻魚非常相配，配上白飯後都味道不錯No.2【蒲燒鰻魚丼】這份鰻魚丼更便宜，只需$42而已，而且更有五塊鰻魚，原以為十分抵吃，可是味道卻令人失望頂透雖然鰻魚有五塊，但是每一塊都不豐腴肥美之餘，更沒有什麼肉可以吃，大部分只是鰻魚的皮而已而且最失敗的是鰻魚的口感！！！我每一口都好像吃橡筋！太堅韌了，簡直和橡筋一樣煙韌，我咬極都咬不斷，完全是失敗之作另外鰻魚丼上面的蛋絲口感太乾了，同時亦沒有什麼蛋香味，中華沙律的味道更是偏酸，味道怪怪的，讓人難以下嚥，吃糠咽菜不過這個世界上【一山還有一山高】，沒有【最難食】，只有【更難食】，剛剛只是小巫見大巫而已，鰻魚丼的白飯才是【人間極品】！可能白飯是冷藏的關係，所以整份白飯都是黏稠在一起的，同時亦失去水分，口感十分【乾憎憎】，完全嚐不到白飯的香味，和殘羹冷炙並沒有什麼分別，簡直是味如雞肋，嚥囓蘗吞針總結來說，熱騰騰的【蒲燒鰻魚便當】相當抵吃 ，只售$45之餘更送飲品，真的是窮人恩物喔！而【蒲燒鰻魚丼】雖然只需$42，但是沒有飲品送之餘更味道欠佳，大家可以不用試
繼續閱讀
本來諗住黎藍田滙景同啟田掃街，但大部分食店重覆兼唔吸引。所以望到呢間爭鮮有關東煮賣，就投向爭鮮懷抱。關東煮每款售$8有長洲大魚旦，竹輪，魚餅，羅白等，總共有8款。有熱湯同竹簽串好，整齊排列住。自助形式夾好到收銀處付款。最吸引我嘅就係大魚旦，$8∼2粒好抵食。要左一串旗魚黑輪，一串大魚蛋。大魚旦爽口彈牙，配辣椒醬惹味。旗魚黑輪就遜色左d, 麵粉比例太多，食唔出魚味之餘仲多左種膠膠地嘅質感同味道。買果陣記得要斟多d熱湯。
繼續閱讀
平時黎爭鮮都係買壽司/手卷，早前收工心血來潮係爭鮮買左盒雞扒便當黎試，仲有包飲品（蘋果醋）送。返到屋企食，盒便當仲係暖既，正! 白飯係壽司飯既味道，好香好好味，又唔會太乾身。溏心蛋都好好味。仲有幾塊日式醃蘿蔔，酸酸地幾開胃。雞扒好嫩滑軟熟，燒汁亦非常入味，連雞扒底部啲菜絲我都清晒，因為撈埋啲燒汁食都好好味! 另外仲有兩條蟹柳同一舊口感好似魚蛋咁既野，正正常常。而包蘋果醋都比我想像中好。估唔到爭鮮既便當都幾好食，下次會試埋其他款。
繼續閱讀