牛丼家

營業中

休息中

首先牛魔王飯超低食，漢堡扒巨大，必點加小魚套餐。然後再叫個單人邊爐，湯底可以分為壽喜燒鍋和豬骨湯鍋，有豚肉及肥牛、烏冬及飯選擇。只差兩元的價錢當然是選擇肥牛加烏冬了。烏冬質地有彈性的，汁煮或湯煮兩食超棒！然後肥牛新鮮，逐片下鍋很快樂，輕輕滾燙鍋邊，嫩滑無窮。火鍋配料還有魚腐和蟹柳，還有滿滿的蔬菜，當然怎不能少金針菇索味的老規矩，充滿牛肉汁但又爽甜清脆的娃娃菜和吸得入味的豆腐，吃得過癮，餘下的就足味牛肉湯送飯亦可。一邊嘆火鍋，一邊飲冰紅茶解渴，超香！極樂極樂。

又嚟旺角食牛肉飯一個禮拜一定會黎食幾次今次同朋友一人食一個餐牛魔王飯份量都OK幾十蚊都食得飽如果覺得唔夠可以加錢叫小食我朋友就覺得咖喱雞扒飯好味咖喱好香雞扒嘅份量都多所以男仔都夠食平時我哋鍾意嗌啲小食

今日收早嚟旺角去咗夾公仔，之後路過見到呢間牛丼家，睇個樣見到幾大間所以入咗去，佢有三層樓，地下已經有自動售賣機，睇落都幾方便，2樓有人工服務同埋出菜位，3樓就專做火鍋，但見佢依家裝緊修，嚟緊應該有火鍋食。之後同個friend喺2樓搵咗位，叫咗個牛魔王飯同埋辛辣牛丼飯，配菜有多春魚炸雞，嘢飲嗌咗凍檸茶同埋麵豉湯。辛辣牛丼飯啲牛肉多到成碗都係滿晒，仲要辣到出汁，食得辣嘅人有一定鍾意食，個多春魚非常之鬆脆可口，炸雞配埋佢個炸雞醬，直頭似係韓式炸雞。至於個牛魔王飯睇落淨係得塊漢堡扒，但個漢堡扒係非一般嘅漢堡扒，裏面非常鬆軟，同埋塊扒都幾厚下，配埋佢個汁撈飯一流冇得頂。佢性價比非常之好，平靚正嘅配合，非常期待佢嘅火鍋。#牛丼家

其實我離開咗香港一段時間，都好耐冇寫過食評，今次返嚟其實都好懷念想食返牛肉飯，約埋我之前補習學生一齊去食！原來而家除左連鎖店吉野家同Sukiya， 仲有其他平價牛丼飯選擇😮😮我幾欣賞佢有個自助醬料區， 有炸雞球醬同照燒汁，鐘意落幾多都得😄，岩哂中意汁撈飯既朋友我哋試咗呢兩款⬇️⬇️🍗牛魔王飯配公魚仔套餐 - $57➡️M size漢堡扒煎得好香口， 好厚身，肉味好濃，配上特製酸甜嘅柚子醋，一啖肉，一啖飯配個汁，令個肉味更加昇華。➡️公魚仔喺其他嘅牛肉飯專門店係食唔到嘅野，感覺係似食緊炸多春魚嘅味道，值得一試。➡️冰紅茶正常發揮，冇乜特別，但唔會太甜🌶️辛辣牛丼配炸雞套餐 - $59➡️呢個真心值得推薦，尤其鐘意食辣嘅朋友。一個原味嘅牛丼，配上類似四川嘅麻辣，冇諗過會係咁夾。呢個味道，係我完全冇諗過牛丼可以做到呢個味道出黎，非常醒胃，亦都非常滿足。➡️炸雞香口，肉汁鮮嫩，炸得啱啱好，配上炸雞球醬，非常美味。➡️我覺得白桃汁好飲過冰紅茶😮甜度啱啱好，飲完唔會起痰。同埋我估唔到嘅係而家仲有學生証優惠 (過左期既學生証都可以用)，加任何套餐減5蚊，omg好抵食🫣🫣🫣

牛丼家 （Mong Kok）旺角周圍都食勻曬 開始留意下啲樓上舖🤔 今次食下日式快餐🍚 望落簡簡單單 性價比都頗高 經過不妨一試😙😙⌖ 牛魔王飯(M)套餐🐮💰$42 + $20超厚一塊和牛漢堡扒🥩 配特製醬汁 隔離仲有啲薑片解膩添！😮 另外升級左套餐 配有大大粒炸雞 啖啖肉😆 白桃汁正常發揮～⌖ 咖喱雞扒飯(M)套餐🍛💰$48 + &10咖喱甜甜地 雞扒外皮脆脆地 肉質好嫩滑 味道上好夾👅 最後緊係都要升級做套餐 連蒜蓉青菜🥬配冰紅茶🍹 份量啱好 大滿足！☺️☺️☻ 回頭指數：7/ 10

牛丼家係旺角T.O.P同旺角中心個邊，行幾分鐘便到，餐廳係樓上有兩層，好有日本快餐店style，亦坐得好舒服。辛辣牛丼套餐(配凍飲):依個係餐廳招牌食物，加了辣醬(似潮州粉麵既辣椒油)既醬，好惹味。牛肉片帶點肥膏，好軟身配飯一流。牛魔王飯套餐(配味增湯):牛漢堡配上照燒汁，好juicy又甜甜地好味🤤。［小食］炸雞公魚仔兩款炸物即叫即炸，香脆好食🤤而家餐廳做緊優惠, 買飯卷有優惠, 好抵食！仲有學生證優惠，付款前出示學生證便可。

齊柏林喺旺角新開咗依間屬於香港人嘅牛肉飯店 - 牛丼家，當然要去試吓 😋樓高兩層地下有自助點餐機亦可以上一樓搵職員落單，餐廳開到凌晨兩點想食宵夜都好方便 😙食完最緊要自己執翻個盤先好走喔 🤗牛魔王飯 M 配炸雞套餐 $62牛魔王飯喺必試招牌菜，牛肉肉餅厚身肉質鮮嫩，配上秘製嘅牛魔王汁，帶有和牛牛油嘅香滑同柚子醋嘅酸甜味好開胃 🤩 大大將肉餅嘅鮮味帶出。用 $20 加配咗卜卜脆炸雞同可樂，超級滿足 😌辛辣牛丼 M 配公仔魚套餐 $54新推出嘅辛辣牛丼勁足料，我唔係太食得辣，但係牛丼家依個辛辣牛丼完全係令人會上癮嘅味道 👅 唔太辣好惹味個人極推薦 👍🏻 用 $15 加配咗營養豐富嘅公仔魚同白桃汁，非常飽牛丼家新出學生証優惠，就算 30 年前張學生證都有優惠，你敢出示就有得減 😎 一年 365 日出示大中小學生證都可以任何套餐 -$5，畢左業拎張舊嘅都可以去用去減 🤪📍 旺角通菜街123號盛世酒店1樓及2樓💵 兩大人食👩🏻‍🤝‍👨🏼人均約 HKD$58

前幾日行過見到呢間舖頭好鬼多人排隊，今日見有時間即刻同朋友過嚟食☺️呢度有兩層，第一層係自助落單，第二層上到去有counter、取餐處同座位，環境都算幾闊落☺️而且坐滿人佢哋嘅食物真係抵到爛，最平$26已經有碗細牛丼飯🤩而家拎埋學生証加套餐仲有優惠 ，可以即時減$5，就算畢左業拎張舊既都可以去用😍簡直神操作🙀招牌牛魔王飯呢個牛魔王飯真係幾正，牛漢堡口感彈牙，肉味又濃餐廳仲有教最佳食法，就係淋埋佢個汁👍特製醬汁用和牛提煉的牛油，再配上柚子醋及其他秘製醬料，真係勁加分🙌辛辣牛丼飯牛肉份量都幾多，食落又麻又辣，好有川式風味，都幾特別😉📍 牛丼家 (旺角)旺角通菜街123號盛世酒店1樓及2樓

係社交平台見到牛丼家做緊promotion，任何套餐用學生證可以減5HKD,畢咗業仲可以用張舊證TIM，咁試試啦。凍白桃汁同可樂，叫飯可以加配飲品同小食，白桃汁少少白桃香味，唔會好甜，好清爽。炸雞，日式果款炸雞，唔係好厚面皮，雞肉好飽滿。青菜，用少少油同鹽撈過，食落青菜脆口鮮甜。牛魔王飯，醬汁唔係淋到漢堡扒上，係落到飯上面。漢堡扒入口軟嫩，質素好高。米飯用咗日本米，粒粒分明，醬汁偏酸甜味道，同米飯好夾。辛辣牛丼，牛丼分量一D都唔細，大大件牛肉有6-7件，仲伴有大量洋蔥絲。牛肉調味偏日式，香甜為主。同埋落咗大量辣椒同香醋落去，食落勁惹味，同普通牛丼好唔同，全部食曬TIM。

有自助點餐機，人流不多，但價格比某牛肉飯店更平！並分為兩層，餐具小碗都是自助的，一路聽着廣播的動漫音樂，一邊拿取各種需要，真的好喜歡這種自在感。點了兩款套餐，各包一款小食與一款飲品，於是點了兩款肉與白桃汁和麵豉湯，其中湯的昆布份量非常多，是可以當菜食掉的快樂。小吃的肉方面有比手指長的公魚仔有4條，又是補鈣的好時機，而炸雞有三件，外脆內軟的炸雞沾上炸雞汁沙律醬簡直是小吃經典之最，飯即點了辛辣牛丼，麻椒香辣配炒香的肥牛拌飯，配搭刺激，再飲冰涼白桃汁簡直恰到好處，堪稱冰火交加的套餐之選。另一邊的牛魔王飯，亦有肉餅一塊以及酸薑片一堆，1cm厚的香煎大肉餅，大啖咬下超級滿足，還會送上秘製牛丼汁，酸甜柚子味與任何食物一起食，真的特鮮。如果想食經典配搭，還可以免費加牛肉汁，應有的總有着，穩陣又好食！

旺角超抵食牛肉飯，抵至$26起！！！！有學生證仲可以減$5，就算畢咗業，拎張舊證佢都可以！好瘋狂呀！呢間牛肉飯店有兩層，位置喺旺角中心附近，非常方便，行開街都一定要去食！是本港品牌創設的日式牛肉飯！真係好抵食！牛魔王飯套餐，只需$38！！！大大塊漢堡扒，漢堡扒口感軟熟，撈飯一流！加多少少錢升級至套餐，套餐仲可以配搭小食和飲品，我揀了公魚仔和麵豉湯！喜歡吃辣的朋友也有選擇！辛辣牛丼，必叫之選！只需$36！如果仍然覺得不夠辣，更可在自助區域添加更多辣粉！！加多少少錢升級至套餐，套餐配搭小食和飲品，選了炸雞和冰紅茶！真係好抵食呀！

Signature beef donburi 牛魔王飯套餐 🥩 🍱$66呢一個好受歡迎嘅牛魔王飯套餐有足料嘅鮮牛肉🐮，牛肉味道超級濃郁，而且肥瘦均勻，口感唔會太過煙靭，夠晒高質，撈埋日本粒粒珍珠米一齊，飽肚又好食！Spicy beef donburi 辛辣牛丼 🌶️🍖 $62辣辣地嘅辛辣牛丼適合而家冰凍冬天食，少少辛辣味令牛肉食落去更加惹味，配埋煮到好腍又入味嘅健康洋蔥🧅，味道確實唔錯，而且性價比好高，值得推介👍🏻兩款嘅牛肉丼飯可以加套餐，另外可以加養生嘅青菜🥬、魚仔小食或者即叫即炸嘅熱辣辣炸雞🍗，配埋可以幾款揀一樣嘅飲品🥤，食完超滿足

Signature beef donburi 牛魔王飯套餐 🥩 🍱$66呢一個好受歡迎嘅牛魔王飯套餐有足料嘅鮮牛肉🐮，牛肉味道超級濃郁，而且肥瘦均勻，口感唔會太過煙靭，夠晒高質，撈埋日本粒粒珍珠米一齊，飽肚又好食！Spicy beef donburi 辛辣牛丼 🌶️🍖 $62辣辣地嘅辛辣牛丼適合而家冰凍冬天食，少少辛辣味令牛肉食落去更加惹味，配埋煮到好腍又入味嘅健康洋蔥🧅，味道確實唔錯，而且性價比好高，值得推介👍🏻兩款嘅牛肉丼飯可以加套餐，另外可以加養生嘅青菜🥬、魚仔小食或者即叫即炸嘅熱辣辣炸雞🍗，配埋可以幾款揀一樣嘅飲品🥤，食完超滿足

朋友剛剛在旺角下班，便相約朋友在旺角行街，順道來牛丼家食飯，我叫了一個雙重芝士牛肉飯，係唔好食嘅，啲芝士放在肥牛上面是凍嘅，搞到啲肥牛都凍晒，啲肥牛都唔好食，不會推介。

最近牛丼家推出咗個學生證優惠👨🏻‍🎓任何日子同時段，只要出示學生證🪪購買套餐時，就可以即減$5🤩就算30年前嘅舊證都可以用😂牛魔王飯🐮$42 (Size M)招牌菜之一嘅牛魔王飯😆個名的確好有霸氣😏但其實係牛肉漢堡扒飯😁肉質鮮嫩，又夠厚身，而且勁Juicy😙配搭埋特製嘅牛魔王汁🤤注意啲汁唔好直接淋落去漢堡扒之上🤫而係將汁淋響白飯上，然後撈勻嚟食😬醬汁入面有和牛提煉嘅牛油😆再配上柚子醋，味道酸酸甜甜，非常開胃😋辛辣牛丼🌶️$39 (Size M)第一眼望到已經見到好多辣椒😝濃郁嘅肥肉搭配香辣嘅麻辣醬😎牛肉鮮嫩多汁，醬汁惹味十足😚啖啖都充滿住麻味和辣味😜米飯更吸收哂辣醬嘅精華，完全刺激味蕾🤪鍾意食麻辣嘅朋友就真係唔好錯過😌優惠套餐，小食加飲品🥤青菜 + Coke Zero🥬跟餐+$10公魚仔 + 白桃汁🐟跟餐+$15