牛八和牛燒肉屋 (已結業)

真心呢間啲牛好難食 ，3百幾一位， 您話貴唔貴 平又唔平 ，食材都唔好咁差，我地食完， 我個口真係好累， 又冇牛味，又硬，大佬，做生意可唔可以有啲良心，唔好講良心，先要講有心，我真係冇下次。

星期天下午,周圍都佈滿搵食的人潮。特別是大型商場食肆,疫情放寬後,更人龍再現。五臟廟要控訴時,不能再等,便走進裝修獨特,有如在機場等待登機的感覺。座位寬敞,職員親切介紹和解釋;即時加分。由於太餓,沒有選放題,選擇了定食。食品質素都不錯,賣相都相當"正”👍個人認為再食機會很高🤭

鑽石山荷里活有間小編長期光顧既日式燒肉！午市套餐好抵食人均$100唔使，又有得燒下肉，性價比超高！ 有好多抵食lunch套餐揀，總有一款會岩食，仲有得加幾十蚊追加一碟肉。套餐內容有前菜，湯，飯，汽水同一碟燒肉，都幾豐富，未食眼睛都先興奮😆通常小編會2 個set lunch 再追加2碟肉，次次都超級大滿足咁走架！❤️分數：（10分滿分💛）味道：7.5價錢：8環境服務：7.5（以上評分只是小編個人口味而已）

咁我果次係食午餐嘅，咁我嗌咗啲肉，點知係勁薄除咗豬頸肉係還可以，都唔知有咩係食得？仲有服務態度超差！之前佢係你叫佢佢就會幫你添飯，佢嗰日竟然要我嗌多個餐先可以！跟住我再想追加個沙律嗌咗好多次都冇人應，但係啲職員係見到我囉😮‍💨真係令我勁失望😞（利申：係荷里活分店）唔知係呢間分店既問題定係好多分店都一樣，但係我試過隔離嗰間牛刷鍋質素一般般但可接受範圍內，點解兩個同一個集團但相差咁遠，我諗我唔會再去…..

牛肉果啲醬（鹽醬，醬汁，蜜糖醬）全部冇味，薯條好似擺左幾日，點薯條嗰啲蜜糖芥末醬好似燒味舖嗰啲。香印提子汁好似水咁清，燒肉燒咗一陣硬過石頭，蝦入面有屎，我都唔知食左啲乜嘢，每位盛惠378 +1。

入坐時還好，但服務態度差，由其一位女服務員對客人呼呼喝喝，冷嘲熱諷。食物實在一般牛肉本身無味套餐無特色($75），環境唔錯，食物送到客人只係需要5-10分鐘但吃之無味，唔會推薦

從未試過食過咁垃圾嘅燒肉放題，千祈唔好中伏！太伏，肉質好似食緊香口膠，仲話係燒肉放題，完全冇一款肉入得口，牛、雞、豬冇一款肉係可以再叫，話係蜜糖雞，完全冇味，已經食極上果款 😩 全部海鮮未解凍，冰上，款式又小！至於飲品得4-5款揀，汽水仲要係冇氣嘅，差到呢！！從未食咁差嘅放題，3歲BB都收小童價，佢地係按高度90cm，入座時冇同BB度高，亦冇講明，到收錢時先話BB過左小小高度，就係過左頭髮拱起部分，唉，算，大家要考慮埋呀！

好多年前食過呢間燒牛肉，平時都見到要等位先食得，今日好早過黎鑽石山睇戲岩岩見冇咩人就再去回味一下通常我會叫SET LUNCH，包左前菜、牛尾清湯、燒肉及飯1.雞肉及豬肉定食$692.牛肋肉及牛腹胸定食$72 + 另加$35追加牛肩肉雞肉同豬肉都比較普通，牛肉就好少少，食落有牛味同埋肥瘦合適送飯一流。整體上呢個價錢相對地個食物質素可以接受。地方就坐得好舒服，仲有個燒烤爐比你自己燒，2個人都會比張大的4人枱，真係幾好。

288嗰Set, 以為85折幾抵食啲肉只可以用垃圾形容, 除左豬頸肉之外汽水溝水, 就連最普通嘅嘢都搞唔掂同樣價位安平燒肉完勝最終決定求其食啲定食頂肚唔會再去同集團放題

平時同老婆想食烤肉都會Lunch時間過來牛八，貪佢個Lunch set夠抵食🤪，套餐都有跟前菜、牛湯、白飯同飲品唔夠又可以再追加肉同牛舌等食物😋,首推牛腹胸、牛肋肉牛舌

朋友請仲要608$和牛set青口有渠臭味和牛仲無肉味過普通牛無樣前菜好味主食最正常但無理由放題食咁多烏冬拉面炸芝士年糕正常貨醃青瓜無醃味 青味過就咁啪青瓜伏中之伏唔好浪費錢入去仲要menu寫有鮑魚但無鮑魚入去前又唔講聲只能比面食少少野無咁蝕佢有送兩枝宇治綠茶同兩杯宇治綠茶雪糕睇佢個野食同自助入單menu仲有寫韓式都唔知係咪上手韓式燒肉改個名就變日式燒肉食物質素難食服務一般608大把好野食真係唔好浪費錢

荷李活廣場 牛八燒肉 和心會員優惠劵$150 但 ……要消費$450+10%至可扣減 指定正價餐牌上年只消費$350 可以優惠價加肉今年中伏啦 !？ 店家做緊唔同優惠 唔用劵唔覺損失🤔門口等位 目測有位冇叫客 可能唔夠員工㗎男侍應＆接待 有機械式禮貌＆服務 算可以點咗最貴嘅"A4黑毛和牛肋肉”定食$1397片 普通咬口 唔韌 冇乜牛味 ”唔推介"此和牛不及牛復胸好味(個人口味)牛腹胸定食 $69 ~ 8片淋嫩冇渣入口牛香有肉味 個人覺得更勝和牛牛脷定食 $69 ~ 6片 咬口可以 唔韌定食配飯 飯軟熟 夠熱定食配泡菜 蘿蔔 大豆芽 但分量較少定食配牛尾湯 即食麵嘅牛味精湯定食配飲品 ~凍咖啡 沽清 熱/凍 柚子蜜 或 機器百事可樂 要提吓侍應少啲冰 大半杯都係冰

行過荷里活廣場，十二點都未到，好多餐廳都未開，呢間唔使等位， 仲有午市套餐，即刻入咗去先。呢間餐廳都算經典，打開個食評， 諗住睇下有咩推介，竟然喊喊face😭多過舐舐脷 😋？ 我懷住踢館嘅精神，硬著頭皮叫咗兩個午餐，再加追咗兩樣。 咦～有驚喜喎，我真心覺得唔錯。 J餐～A4黑毛和牛 牛肋肉＆牛舌定食$159 。E餐～牛肋肉＆牛腹胸定食$72。 加了牛舌$36.5，及肩脊肉$40.9。 兩人共吃了$331.5。 兩個午餐均有白飯、牛尾湯、前菜及凍飲。上枱時有啲混亂，因為完全唔知乜嘢肉打乜嘢肉。如果有清楚標示會好啲。佢有張紙教你每個部位要烤幾耐，但係都非常混亂， 因為唔知嗰塊係乜嘢肉。總括嚟講啲肉質唔錯，但係我好後悔俾多錢買咗個A4黑和牛餐，佢個牛舌是真係勁恐怖，完全隻咬唔開。 除咗呢個黑和牛牛舌之外其他都冇問題。 其實平平哋叫過個E餐～牛肋肉＆牛腹胸定食$72， 都已經好好味，唔需要畀雙倍價錢叫黑和牛。以下是A4黑和牛定食， 唔係貴嘢一定有好嘢。呢啲燒烤都係同一個味，就係醬油嘅味，so far我都食得開心嘅。 冇傳說中嘅負評咁差。

d 肉又硬又大舊，仲要難食唔會有下次，千期唔好黎食！食物質素差到免費都唔會食前菜唔得，湯唔掂，主菜垃圾仲要唔係收得平！我都唔知有冇擺過野食落肚一咬就吐返出黎我都唔明解仲未執

平時經過都見好多人等位, 今次6點黎無人就試下。環境幾舒服, 坐位好闊落, 冷氣夠, 原本都幾有期望。兩個人叫左$188/位個餐,真係估唔到咁伏。食品種類少, 飲品更少, 如果唔加錢只有杯裝汽水3款, 汽水機無汽貨色。熟食質素好一般, 沙律入面得生菜。肉類賣相+質素都痳痳, 一pat野咁推埋一齊, 見到都唔想開胃。九成半肉類都已醃, 芥辣味豬頸肉竟然係一大pat青綠色醬係舊肉上面,點食呀?整括黎講,咁嘅質素, 無可能再食