牛奶冰室 (銅鑼灣廣場二期)

營業中

休息中

茶餐廳最重要，快，靚，正！好可惜！等咗超過半小時才到的一個簡單的通粉早餐才到！看到遲來的食客滿足地離去！比我早的也和我一樣等侍著！可見得出單及跟單也-好亂！我叫左個沙爹牛通，太陽蛋多士，凍檸茶！雖然食物質數也算美味！特別是他們的麵包，真的好吃！希望他們可以在人手上有些改善！那便滿足茶餐廳的重點了！

今日因事到銅鑼灣，辦完事已經十二點，見到牛奶冰室就在對面，於是走入去。入去見好多人，枱都是細細的兩人枱，地方大但人流亦多，空間極少，十二點半，越來越多人，一張細枱要分開對面坐，一人一邊，非常逼挾餐牌都幾多選擇，無收加一，但收費唔平。牛肉湯通粉套餐先上桌嘅唔係酥包同炒蛋，而係通粉，湯底好似係牛奶，勁鹹同好油膩催促多次才送上炒蛋同多士，同樣好油膩熱檸水係稀釋嘅檸檬汁，祇有檸檬粒，味道比較淡總結地方太多人同環境狹窄，坐得不舒服，食物衹屬一般，唔係我杯茶，應該不會再來。

📍牛奶冰室星期六同幾個內地friend一齊過嚟試吓牛奶冰室，雖然唔係老牌茶餐廳，但係貴在菜式都比較新。食咗幾味餸，其中比較推介嘅係：🍦北海道牛乳雪糕港式奶茶奶茶同埋雪糕嘅搭配永遠都唔會出錯呢個雪糕好濃嘅奶味同奶茶搭配得好好都不失一個好好嘅搭配，跟餐只要$18抵飲。🥚雙蛋叉燒飯唔知係咪呢個名可以轉太陽蛋，但係會留心嘅燒大大嚿而且都唔會甩牙肉質幾好，可以一試。其他就冇咩出彩出邊有買麵包嘅檔麵包款式多樣買咗一個薄荷朱古力曲奇都算係OK

點外賣時apps顯示15min可以取餐所以就下單，去到嘅時候apps顯示可以取餐，但還未出餐最後要等多15min才能取餐，點餐到取餐最少要30分鐘以上,千祈唔好信apos上顯示時間。

Michael: 所以每個幾個星期點都要嚟食一次，值得推介 Michael: 連鎖店方面，我覺得牛奶冰室都做得幾出色今次我哋嗌咗兩個餐呢個係芝士焗肉醬意粉另一個係牛肉麵常餐先講佢個芝士肉醬意粉，我覺得肉醬意粉整得難食到好困難，整得超好食更加困難因為要掌握成個焗意粉的精髓，咁耐以來我只係食過一間係真係超好食，咁牛奶冰室就正正常常，普普通通唔差，不過要OK啦另外常餐方面牛肉麵牛肉都淋麵就鍾意食爽啲所以食落都不過不失整體嚟講都係不過不失

每次外賣都要等超過1小時都算。最近一次透過外賣平台落order 叫左碗米線都要等45mins，最慘係取餐時發現單係啱但餐係錯嘅（包左兩盒飯）。個收銀完全發緊夢仲話張單係我嘅。其實我吾介意攞走,但另一個客咪又吾啱囉。糾纏左幾分鐘,個收銀先如夢初醒,攞左袋外賣入㕑房。行番出黎道歉交代都無句,由得我企係到等。等幾耐吾知。大佬!而家係你地餐廳攪錯,最基本你都講聲盡快補番!吾係由得人企係到!如果你地餐廳咁忙咁好生意,吾志在做外賣，𣎴如吾好做外賣生意啦!以後都吾會再幫襯

我自己平時唔會點寫評論，而且我都係做餐飲，知依家咩時勢，但今次認真唔寫唔得。事情係，黎過銅鑼灣牛奶冰室幾次，都唔錯既，但今次黎，完全唔得，首先，我自己落錯單，落左沙嗲牛肉伊麵，但我自己麵冇留意到，到出餐到檯至知，即時同職員反映我唔食牛，我應該係落一口豚伊麵，職員話我係落沙嗲牛肉伊麵，我一查手機，真係自己落錯，咁我即時同同一個職員講，幫我倒左佢，我錢照比，我會再落過一口豚伊麵，職員冇講咩，即時收返個麵走，由於我係座到最近出餐位哥邊，所以我完全聽到職員問有冇沙嗲牛肉伊面單，我做呢行，知咁問就知咩事，咁我麵冇理佢啦，但等多陣，我個一口豚伊麵到檯，一落檯都覺得有小小問題，似係拎走左拎沙嗲牛肉就算，但唔明顯，我照食，但食落去，個湯得40-50度左右，幾淡後，一食個一口豚，凍既！咁唔食肉啦，食多兩淡，有牛肉！，重要冇咩色水，似水洗過，叫我點食，當下就完全冇食，埋單走人。今次只能夠當自己比錢買教訓。

行過幾次銅鑼灣廣場，見到呢間開咗一段時間嘅餐廳，今日終於抽到時間去試一試。我叫咗蕃茄焗意粉、三條春卷、熱茶走，落完單冇耐就上咗杯茶走，我飲咗兩啖就放低咗慢慢等。大概等咗30分鐘左右我終於頂唔順同其中一位工作人員講我等咗好耐。過多一段時間後有位工作人員放低一張新嘅單，同我講春卷賣晒，但我只係想知嘅係幾時有得食。再過多一段時間焗意粉終於上，但我已經冇晒一開始好想食嘅慾望，味道還好嘅，但係已經冇晒印象分。我諗焗意粉係需要耐啲嘅時間，但係去到40分鐘真係好少見，算啦我唔會再食當我唔好彩。

今晚入餐廳時俾人截停，要求我放低雨傘在傘架上，離開嘅時候，發現與雨傘被人偷去，我立即通知在場職員，問𠳔如何處理，佢話傘架下面有幾把傘，是但揀一把攞走啦，如果我真係攞走，咁同偷人把遮有咩分別，之後佢話而家做緊生意，留低電話稍後回覆，等咗幾粒鐘，用WhatsApp 同我講，你唔好打俾我，重send咗一幅（如有貴重物品，請隨身攜帶）嘅圖片，之後仲講，所有物品由貴客處理，多謝合作，咁嘅回覆，唔怪得知俾咁多遊客投訴，話香港店舖服務態度差啦，就係俾呢啲垃圾搞喎👎

夜晚行完Sogo肚餓搵嘢食見到呢間冰室望落幾光猛又多人諗住冇伏就去試下，一試就中伏！叫咗個雜扒餐連湯同麵包，個蘑菇湯鹹到爆完全飲唔到，塊多士蒜蓉又少包又凍，個扒明明係鐵板上，倒啲汁落去嘅時候完全冇「炸」一聲個人不會再幫襯第二次

之前都有幫襯幾次，正正常常都有返兜。最近兩次發覺原來佢哋啲水準十分飄忽。今日嗌個咖哩雞牛坑腩飯，上枱見得幾粒牛肉，份量亦偏細，忍唔住要留個review.今日見人流亦唔多，價錢可能都用嚟交租啦。

唔想求其食個包當午餐？食呢間冰室都係唔錯嘅選擇！西餐至中餐都有得選擇，份量大大份。大食嘅會食得好滿足，細食可以食常餐，又或者同人share.今次我哋選擇咗常餐，有2塊香脆toast, 蒜香唔算濃，但叫做有呢個味甘啦。有2隻蛋，一杯嘢飲，同埋個五香肉丁麵（可以轉米粉，公仔麵。。。）我比較食得辣，所以呢個五香肉丁我要加包辣油先至夠味新鮮冷壓檸檬茶無糖都幾好飲，茶香，夠哂濃如果食唔飽，呢度仲有各式包點可以選擇😋

咖啡好飲，但係個三文治好古怪，芝士三文治夾硬幫你烘底，仲要烘到好乾，仲要加劈完全喺餐牌見唔到嘅千島醬沙律醬上去，個味道完全極之古怪，同正常的芝士三文治，相差好遠，建議嚟呢度唔好選擇三文治。上次食過雞翼係好食嘅其他食物睇嚟應該都OK，但三文治真係唔知做乜多此一舉硬係要幫人烘底同埋落沙律醬，最慘佢餐牌冇講明係咁樣處理，咁就整咗一件佢自己想整嘅三文治俾人哋食，唔係咁容易令人接受，想食個正常嘅三文治可能要額外講明

已經提早半個鐘叫外賣 ，話39分拎得 最後55分先拎 。 間鋪食嘅人吾多架 ， 但我份三文治整咗半個幾鐘。 最後野飲仲要錯嘅，條友仲話係我黎拎先整。 如果我要你係我黎到先整我就吾洗提早叫外賣啦？！

通粉個湯酸架！！咁樣好意思俾人食😂。用清水煮仲好味過佢。門口職員態度好差，外賣訂單超時，我只係問下佢，點知比職員鬧，新年流流比人鬧，依家呢間全部做大陸遊客生意，真係以後唔會再食。野食難食都算，仲要受職員氣。