牛扒先生 (德福廣場2期)

營業中

休息中

今日為好姐妹慶祝生日，呢個半自助餐幾抵食，沙律、餐湯、甜品及豆腐花自助，又有海鮮盤及龍蝦配牛扒、魚或意大利飯等，都幾抵食！佢哋價錢有兩款選擇，可以套餐加主菜，或者係主菜加自助形式，每位只係338 加一服務費就可以任食出邊攞嘅沙律甜品。主菜龍蝦都算大隻味道唔錯，牛扒就俾佢相比較細舊，不過相熟程度幾好，我叫咗四成又真係冇Overcooked，如果有人生日可以預先叫佢哋寫碟就會有一件小蛋糕送，而且自攜蛋糕亦都冇收切餅費不失為一個慶祝生日好地方。

一向對Mr.Steak 銅鑼灣自助餐都很滿意，選擇多，品質/味道亦都好好。 所以父親生日+母親節就想着帶父母到同一集團九龍灣店享用半自助+龍蝦餐。頭盤海鮮是可以的，幾新鮮。所以就期待龍蝦+牛扒晚餐，而媽媽就點龍蝦+魚晚餐！點知牛扒薄不特止，仲冇牛味又多筋又唔熱，龍蝦肉質梅/腍啤啤。塊魚乾到食柴咁。出面半自助湯飲是常溫的，甜品亦唔好味，有開始溶化嘅感覺。 同當時同事反映問題，仲答我「我都唔知」🤔最後亦有反映比經理，希望可以改善

放咗工要去九龍灣德福買啲嘢，之後勁肚餓，於是去咗呢間西餐試吓佢個半自助餐～餐廳入邊啲位都幾舒適，環境唔錯。店員都幾友善又有禮貌，會主動問你有咩需要、主菜使唔使遲啲上、同埋會自動自覺幫手收碟，值得一讚我揀咗Semi-Buffet Dinner，除咗主菜之外包括左自助沙律吧、餐湯、甜品吧、飲品。個自助沙律吧有好多嘢食揀，有唔同類型嘅沙律、長通粉、麵包、湯（蘑菇湯）；甜品吧更加係好豐富，有各種各樣嘅蛋糕、啫喱糖、水果。最特別係佢竟然有豆腐花！而家天氣咁熱，食返杯真係透心涼。而出面亦都有兩款飲品任飲（桂花烏龍茶、百香果茶）。我未食main course都已經好飽Main course 我揀左柑橘蜜糖醬焗德國式豬手。碟豬手一攞上嚟已經覺得好吸引，除咗大份之外，外面層皮烤得非常之香脆。而啲蜜糖醬唔會過甜，同豬手出奇地match。入面啲肉熟得啱啱好，而且肉汁嫩滑得黎又有有彈性，肉質緊實得黎唔會好乾。碟豬手仲配左煙肉、洋蔥、羽衣甘藍同薯蓉，薯蓉非常幼滑，而且一啲都唔膩

Mr Steak既buffet就食得多今次就嚟試下semi buffet dinner set🍴龍蝦生蠔半自助晚餐🍽️ $338/1位一開始就去buffet bar食左啲前菜、餐湯好多選擇揀 沙律都有好多款 之後就會上鮮生蠔海鮮拼盤🦪會有鮮生蠔2隻 紐西蘭鑽石蜆 海蝦 翡翠青口海鮮都好鮮甜 生蠔唔會好腥主菜我地都係揀左法式芝士焗龍蝦•SRF牧場牛🥩龍蝦肉質鮮嫩 配埋香濃既芝士 外層烤到金黃酥脆😋牛扒既油花分布均匀 入口即溶最後再喺buffet bar食埋甜品 成餐都食得好滿足🥰

相信都多人有聽過Mr Steak，我自己最深印象係有自助沙律吧食～😀喺德福廣場間Mr Steak其實食過兩次，第一次冇影相，因為嗰日趕時間，今回再去地方闊落企理，職員們會主動添水同收拾碗筷，食物冇曬之後會即刻refill，服務滿意👍🏻半自助晚餐包一份主菜、任食沙律吧、餐湯、餐茶、甜品、新鮮水果，白酒或紅酒或果汁一杯。主菜係法式芝士焗龍蝦，選配牛扒/豬柳扒/煎魚柳/龍蝦汁意大利飯個set包一個海鮮拼盤，有生蠔、紐西蘭鑽石蜆、海蝦、翡翠青口，平均質素都新鮮鮮甜自助沙律區有好多款沙律，凱撒沙律、通粉沙律、薯仔沙律、南瓜沙律等等等，整體感覺冇粗製濫造感覺，滿意！估唔到仲有羽衣甘藍菜肉平衡係上策，食得有營😁餐湯係周打蜆湯，甜品每款細細件剛剛好，有朱古力蛋糕、芝士蛋糕、木糠蛋糕、桂花椰汁糕等等但我已經太飽，只係食咗少少😬Main course芝士焗龍蝦鋪滿芝士同有好多蝦籽，肉厚，再夾埋個龍蝦鉗食正呀～ 豬柳扒味道略淡，有咬口但唔算韌。比目魚魚肉嫩滑，好大份🙉

阿仔下星期就要考試啦，作為媽媽真係好需要為自己打打氣 💪，咁岩今日過海去左九龍灣搵朋友做啲野，佢話有時間可以陪我去 Mr Steak 食個半自助 lunch 🍽️，坐下，傾下計 🗣️，真係好開心！半自助午餐，只需要點主菜 🍛，外面 bar 枱，有齊曬 🍲🥗🍰，餐湯、沙律、前菜、甜品，可以隨心所欲，鐘意食咩都得 😋，so happy!🔅 是日餐湯：蕃茄雜菜湯 🍅🥕 味道清甜，好開胃 😍🔅沙律、前菜有好多不同款沙律 🥗，最基本既沙律菜可以自配不同醬，長通粉沙律、薯仔蛋沙律、生果沙律 🍉🥔、雞肉沙律 🍗、泰式沙律，每款都好味又開胃仲有提子鬆餅 🍇，都好不錯 👍🏻🔅甜品估唔到 lunch time 都會有咁多款式 🍰，有豆腐花 🍮、西瓜 🍉、啫喱 🍧、朱古力餅 🍫、芝士餅 🧀、仲有唔同既小蛋糕 🧁🔅大蒜芝士蟹肉焗立魚柳🦀🐟魚柳既肉質柔嫩，上面鋪滿蟹肉再加上大蒜同芝士既醬汁 🧄🧀，經過焗烤後外層微微金黃酥脆，內裡卻保持了鮮嫩，令到每一口都充滿層次感！ 🤤🔅安格斯特級西冷牛扒🥩 牛扒煎到外焦內嫩，肉質紮實而多汁 💦，烹調既火候真係掌握得恰到好處，完全可以感受到肉汁係口入面綻放，濃厚的肉香同微微的煙

每個餐有starter,main course,紅/白酒🍷或者果汁🧃，餐咖啡/茶出面沙律吧,甜品吧✨Starter: 鮮生蠔海鮮拼盤（鮮生蠔🦪2只•紐西蘭鑽石蜆•海蝦 •翡翠青口）我對生蠔🦪都幾有期望架😍肥美鮮甜海蝦🦐彈牙✨Main （有4款，我地揀左以下3款）法式芝士焗龍蝦•SRF 牧場牛扒▶️牛扒叫左5成，火喉控制得好好，完全無over cooked‼️法式芝士焗龍蝦•香煎是日精選魚柳▶️魚柳煎完都好滑，唔洗配汁都食得好滋味法式芝士焗龍蝦•英國豬柳扒▶️豬柳扒比我想像唔同，好淋身好味同埋份量仲好多添每個main都跟左半隻法式芝士焗龍蝦🦞▶️醬汁調味做得幾好，唔會好重味平衡到龍蝦鮮味之類 又有芝士咸香自助沙律🥗·甜品吧😍😍沙律選擇多，鍾意既係南瓜同埋薯仔沙律甜品每次必食緊係綠茶蛋卷🍵 蛋糕軟熟，綠茶cream又滑，我唔小心食4件

Weekend去咗九龍灣同朋友慶祝生日，佢平時好鍾意食沙律，就揀咗Mr. Steak 嘅晚市Semi-Buffet～價錢唔貴，只係$198up 就可以食到！性價比非常高🍯Salad Bar 有不下10款嘅選擇，我哋差唔多10款都試晒，味道都唔錯～ 除咗Salad Bar，仲有Dessert Bar, 蛋糕款式唔少，亦唔會太甜，連鬆餅同豆腐花都有🤩抹茶蛋卷好好味，大大件啫喱糖簡直係童年回憶😚主菜方面，我哋揀咗🍊柑橘蜜糖醬焗德國式豬手同🥩澳洲John Dee 穀飼安格斯肉眼～豬手皮脆肉嫩，加埋金橘蜜糖，配搭得好好！安格斯肉眼亦都煎得唔錯，有驚喜！總括而言，我都幾推介，特別係如果鍾意食沙律同甜品，基本上嗌最平嘅主菜都已經好夠食🤤

首先，店員服務態度一流，我企門口等左一段時間先有人黎，然後，拎餐既店員口黑面黑，好似欠佢錢甘食物更一流，塊安格斯牛扒細不得止，5成熟可以切快都切唔開甘濟，仲要照鞋口，花園都好食過佢，垃圾之中既垃圾。吾值喱個價錢囉。

昨天跟朋友去了Mr Steak，吃了他們的龍蝦生蠔·半自助餐，想不到半自助餐竟然都有這麼多的食物選擇😍😍 龍蝦餐還附送白酒紅酒一杯🥂當日我選擇了法式芝士焗龍蝦配牛扒和燒春雞作為主餐，光是這幾道菜就讓我心花怒放。而且有我們最喜愛的生蠔海鮮拼盤，令我們超級開胃😛生蠔海鮮拼盤，新鮮的生蠔搭配各式海鮮，有蜆有蝦! 每一口都充滿了海洋的味道!接著，就是令我很驚喜的半自助餐，食物選擇竟然如此豐富！各種沙律、南瓜湯都讓我流晒口水，而其中最讓我驚喜的，竟然是scone！超鬆化的質地和美味的口感，讓我一口氣吃了兩個，真是太過癮了！😆😆芝麻豆腐和南瓜也讓我吃完又吃，特別是甜品區更是琳瑯滿目，有超過10款的蛋糕和撻類，還有豆腐花、啫喱和新鮮水果，讓我真的是眼花撩亂。

我絕對冇諗過薄牛扒可以咁厚，我嘅想像可能比一般茶記同埋大家樂所限制，薄牛扒喺我心入邊只係兩個甚至一個$5蚊銀咁厚嘅牛扒，但係呢塊絕對唔係薄牛扒咁簡單，侍應先生竟然問我要幾多成，我就知佢有返一定嘅厚度，我要咗五成，完全食到我想要嘅外脆內嫩嘅感覺。我哋本身諗住嚟食半自助餐，可惜5:30才有，估唔到呢個下午茶有驚喜，太太食咗和牛漢堡包，可惜冇影相，和牛漢堡非常Juicy,牛味好重，都係$60 多元，好抵食環境及服務方便非常好，侍應立即遞上兩杯水給我哋，係今時今日嘅飲食界嚟講我覺得非常感恩了，地方環境寬敞，冇乜人來食，可能好多人都唔知呢度咁抵食掛。諗吓咁嘅質素出邊茶記一個下午茶常餐都60幾蚊啦，所以我覺得性價比非常高。#薄牛扒一啲都唔薄 #薄牛扒可以選擇幾多成熟

今日同果果影完聖誕相就去左九龍灣德福廣場行街經過mr steak見到有龍蝦生蠔。半自助晚餐見到有生蠔果爸即刻話要去食半自助晚餐沙律同甜品都係自助形式一放低袋果爸就帶果果出去睇下有咩食果果一見到沙律吧雙眼已經發光沙律有8款以上甜品都有6款以上果果係咁指住要食拎完沙律好快頭盤就到生蠔海水味好重好creamy超滿足其他海鮮冷盆都好鮮甜法式芝士焗龍蝦。SRF牧場牛扒芝士配龍蝦一直都係絕配牛扒5成熟煎得岩岩好肉質好嫩唔會有渣法式芝士焗龍蝦。香煎是日精選魚柳魚肉肉質比較結實唔间好易散

到德福行街shopping，先來食個半自助午餐加加油。開始入座前在門口見到沙律吧已經準備就緒，但有一名清潔工拉着垃圾車經過無遮無掩的沙律吧，似乎有點不太衛生。這半自助午餐的用餐時間為90分鐘。店員安排卡位，舒適，但梳化有裂縫甩皮，感覺有點殘舊。沙律吧款式很豐富，鮮果沙律、薯仔沙律、南瓜、車厘茄、沙律菜、雨衣甘藍等等，應有盡有，每樣要少少都已經夠精彩。番茄什菜湯，足料，夠熱。配上鬆餅搽上少許牛油，鬆餅提子乾夠多，但不夠熱，有點敗筆。在沙律吧的兩位廚師並沒有戴上口罩，而處理食物期間更頻繁地交談，相信口沬橫飛是在所難免。跟住到主菜部份，主力想食沙律，主菜便不太講究。點了“煙肉香草雞忌廉汁尖通粉”及“紅酒栗子野菌燴鴨胸，長法包”(最經濟的兩款主菜)。煙肉香草雞忌廉汁尖通粉 - 份量足，忌廉味濃而不咸，雞正常。紅酒栗子野菌燴鴨胸，長法包 - 份量足，鴨胸有5、6件，夠軟稔。法包脆，點鴨胸汁，不錯。甜品有啫喱糖、木槺布甸、朱古力蛋糕，綠茶卷蛋等等，以半自助餐來說算多選擇。因為已經九成飽，所以只品嚐了啫喱糖和木槺布甸。啫喱糖正常水準，木槺布甸幾滑，奶味濃，不太甜，好味。臨近交檯時間，店員提示要點餐茶

今日去咗九龍灣的Mr. Steak食半自助餐，沙律，甜品，任食，餐湯任飲，包一個主菜，和一杯咖啡/茶。沙律有 10 款左右，首先，食咗 2 碟沙律，1 個鬆餅。沙律各款味道很好，鬆餅熱熱的，然後，飲咗個餐湯，今日係雜菜湯，味道唔會太濃，恰到好處。主菜食咗煙肉香草雞忌廉汁尖通粉，味道很好，但差不多食完時候，餐廳的清潔姐姐行過打了個乞嗤，(向住d沙律，碟，沙律醬) 雖然，我知道姐姐是無心的，希望餐廳方面可以留意下。謝謝。用餐時間 90 分鐘，臨近最後 10 分鐘，服務員過來order咖啡/茶，時間也是恰到好處。甜品食咗木康布丁，朱古力，芝士蛋糕，桂花糕，第一件桂花糕好食的，第二件有d怪味。總括來說，是性價比的餐。可以一試的。

假期前的一行五人去食晚餐，原本諗住朋友好耐冇見搵個地方聚會一下，但係沙律吧同主菜食物的味道比預期為好，值得一讚。但係限時90分鐘實在有點兒短，主菜都未食完經理就話需要15分鐘交枱，但係望到門外唔覺有一次等5人枱（我們坐的一張是大枱）兩人等位就有。有時諗吓香港人北上消費唔係冇道理的，平均每人消費$400 ，但只有90分鐘實在有點不足夠。