牛気 (The ONE)

營業中

休息中

呢度勝在位置好，三個人諗住凍凍地食下火煱，來呢到可以無限食牛，不過見三個人可以叫之款肉，於是便點了牛肩肉，䐁肉和鷄肉未入座先選湯底，有多款選擇及可選涮涮鍋或壽喜燒，我地揀左微辣既日式牛骨濃湯，入座後便馬上送上湯鍋和肉，飲料自取，也有多款選擇，其他食物有沙律，菜類，菇類，丸類，麵類，值得一提菜方面有些特別的如水蓮，心裡美(紅色大根)，麵有一款叫土豆寬麵，QQ彈彈的，值得一試 👍還有一款獨立包裝像糯米糍的原來是湯丸，有花生和芝麻味，記得要淥四分鐘才可以食今晚有少少驚喜就是熱辣辣的蛋撻，皮脆蛋香，最後我們還吃了乳酪雪糕才離開 🍦

近排鍾意咗同朋友去呢間食因為佢都幾方便 行完街睇完戲就可以去食不過佢座位比較少 所以想食嘅話可能就要早少少去排隊或者要等一陣. 同樣地入去之前侍應會比食物套餐同湯底你揀. 當日就揀咗麻辣同埋清湯. (如果喜歡濃味嘅朋友可以選擇壽喜燒或者牛骨湯底) 食物選擇都係非常之多 亦都有一啲驚喜嘅食材，例如季節限定嘅水蓮/ 可以放入湯底煮嘅麻吉燒 亦都有小朋友最鍾意嘅棉花糖機同雪糕機 啱晒一家大細去食醬料方面都應有盡有 買單加埋平均人頭二百幾蚊 性價比尚算可以地理 9/10裝修 8/10食物 8.5/10服務 7.5/10

無論夏天定冬天，每隔一兩個星期就會心思思想打邊爐🥘 穀飼牛肩肉放題 $208/ppl🥘日式牛骨濃湯夠濃和惹味，🌶辣味較重，唔食得辣慎選！醬料係自己調配：七味粉、辣椒、日式炸蒜、辣椒蘿蔔蓉、生蒜、青蔥、豉油。🥩牛肉油脂分佈尚算平均，有肉味。reorder 咗幾次質素都好穩定👍🏼 唯一係切得薄咗一啲～🐽豬肉、🐥雞肉 正常，不過冇再reorder lu～出面自助區有各種前菜（中華沙律）、🍢丸類、🥬蔬菜、麵食、熱食、🍮甜品和🧃飲品。食材全部處理得好好擺放整齊。丸類選擇：爆濃芝士丸、黑椒牛丸、黃金墨魚燒、芝士腸、白魚蛋、花枝丸、龍蝦丸、芝士豆腐等。蔬菜十分新鮮，選擇有鮮腐竹、蕃茄、蜜糖豆、白蘿蔔、 羽衣甘藍、芫荽、鮮冬菇、粟米、水蓮、西蘭花、金針菇、本菇、豆腐、京蔥、南瓜、迷你粟米和萵筍等。特別推介✨萵筍！除咗打邊爐嘅蔬菜之外，仲有一啲整沙律嘅菜：沙律菜、車厘茄和粟米等。熱食方面選擇有🍛日式咖喱牛肉、🍚白飯、🐽日式豬軟骨、🐽柚子蜜汁豬肋骨、🐮XO醬牛肉炒飯、雪耳糖水、味噌湯、葡撻、🍟薯條等。試咗豬肋骨，幾入味；葡撻都好鬆脆，不太甜👍🏼甜品有豆腐花、棉花糖、芝麻大福和雪糕等。芝麻大福味道不錯～今次

經過尖沙咀行街 夜晚見有啲肚餓又唔使排隊就直接揀咗打邊爐 打邊爐最方便又唔使諗食啲乜😂見到餐牌就直接揀咗 🥩極上美國牛小排放題 $258 食物嘅味道不過不失啦 選擇唔算多唯一美中不足就係得90分鐘放題想同朋友坐耐少少傾偈都冇辦法😫見到出邊冇人排隊但佢都真係準時就催你走😢整體不過不失係經過諗唔到食乜就會揀佢🤣

又到左星期五晚，收工女朋友話想食打邊爐🍲點知又唔記得訂位8:30己經周圍都Full 曬😢😢最後亂打亂撞去左The One見到有牛氣差不多9點鐘門口仲有少少人等，$218/位又有任飲任食放題當然去試吓👍🏻大約9:15入到去，2個人食但比左個大卡位坐得舒服自然食得開心😃湯底揀左日式壽喜燒（+$10）但略嫌有啲淡我地點左牛脊肉任食$218/位一開爐會上埋一碟牛一碟豬同一碟雞牛肉味道以呢個價錢嚟講好ok，豬肉無咩特別，雞肉賣相麻麻但食落都鮮甜。其他火鍋配料同其他任食差不多都係丸類、菜類、少量熟食同甜品等等。值得一提嘅係菜類選擇多有萵筍、大蔥、淮山、娃娃菜同生菜等，仲有季節限定嘅水蓮，我個人就麻麻哋但望落唔錯。最後最後有必食麻吉燒，我一個人就食咗6粒😬

放題式既火鍋，有分五個等級。有嚴選美國牛肩肉放題﹑極上美國牛小排放題﹑極上美國牛小排+海鮮放題﹑嚴選澳洲和牛+海鮮放題﹑極上澳洲和牛+海鮮放題。湯底有北海道昆布湯﹑蕃茄濃湯﹑黑蒜豬骨湯﹑牛骨湯﹑麻辣湯等等極上美國牛小排放題$268(成人價)，$208(長者/小孩)極上美國牛小排﹑嚴選美國牛肩肉﹑特選豬肉﹑精選雞肉﹑水魷魚可無限添加，肉類红色均匀，看上去都非常新鮮！可自行出去拎蔬菜﹑飲品﹑甜品﹑調味料﹑種類都非常繁多！

Went for a casual Friday night gathering. We picked the selected beef rib and srf set with seafood. Beef quality is good given the reasonable pricing. Seafood quality also good with big prawns, cuttlefish, fish maw, mussels, scallops etc. The pork bone soup was good and goes well with almost all the meat and seafood served. Buffet area is neat and tidy and refilled in a timely manner. Cooked food and snacks at buffet area suffice in term of selection. Not great but good enough. Same goes for dri

尖沙咀火鍋放題食足90分鐘火鍋自助形式食材都算多選擇今次點了特選牛小排牛肉肉質分佈平均，必點這款豆腐十分美味，有點彈牙感覺足料仲有各款海鮮選擇，十分新鮮！！泡芙，朱古力甜品，甜度適中，飯後一點甜！

開始涼左少少要打個邊爐了今次係第2次食牛気 (尖沙咀The One分店)每次想叫二百幾個極上美國牛小排放題時就會俾經理說服到最後要3百幾既嚴選澳洲和牛+海鮮放題🐮誘因係多40蚊多幾款海鮮同埋時間由90分鐘升至120分鍾(人類總要重複同樣的錯誤)🙊湯底+10蚊可以有鴛鴦鍋今次叫左新口味沙嗲同壽喜燒鍋😋沙嗲味道比較濃會蓋過左食物本身既味唔想晒左個和牛建議叫番壽喜燒或昆布湯就可以了👌🏼和牛既脂肪分布均勻, 入口既有肉味又有脂肪既香, 😚最重要係無日本和牛個種成口油既感覺,大力推荐!!!👍🏼海鮮拼盤除左個條孤獨既花膠其他都還可以, 海蝦最出色🦐,彈牙而且有鮮味, 其他唔差但都無ENCORE,留番胃口食牛牛🐂三文魚刺身🐟, 頭3碟都係正常味道,去到第4碟好明顯變左第2隻魚,味道怪怪的, 不建議!!👎🏼除左以上食物, 放題仲包左牛小排🐮, 牛肩肉🐮, 豚肉🐷, 雞腿肉🐔可以再點, 出面自助吧就有各種唔同既蔬菜🥬, 丸,粉面同埋熟食. 野飲方面都係任飲,基本既茶同汽水都有既🧃整體🌟7/10整體係唔錯架, 服務亦好好但真係唔係好夠人手, 多人先食和牛套套餐就抵D,因為根本食唔晒咁多款野🥺

我同我朋友二人到個度打邊爐，安排了到近二人座位的枱，是貼牆的，矮牆，原本都沒有什麼太大的不滿，食緊的途中，一位女侍應二話不說，沒有講任何唔好意思各樣的說話，直接用手拎住壼熱湯跨過矮牆幫火煱加湯，當時呆了一呆，我同朋友在傾緊重要的事情，所以我都沒有即時話佢。那個女侍應是有勤力去協助收取碟，我都明白枱比較窄，跨過矮牆去送食物，各樣會比較方便，但全程都是突然間，沒有任何的說話就做佢要做既事。因為是用餐2小時，我應在19點25分離場，還未夠鐘，女侍應已經在望實我們，意思是想我們快點離場，佢可以快點收拾枱面。我只是覺得加湯前後或送食物前都應該同客人講聲，而不是突然間，你講完食客都會去讓開俾你。我應該不會再幫襯尖沙咀這間牛氣。

係美麗華酒店staycation ,本身想食個間火鍋放題冇位，朋友就話唔緊要到時喺附近睇吓有咩啱食。係the one 見到呢間，見個價錢同環境都將好，就入左去食。叫左個極上牛小排放題 $248 （大人），鴛鴦鍋，一邊係博多豬骨湯，一邊係昆布辛口地獄湯。等待期間出去睇下有咩食，正常應該要有既都有齊，野飲種類唔算多，但甜既，無糖，酒類都有，可以開業左好耐，設備略舊。肉片望落好鮮豔好靚，肉質算好！地獄湯以為佢會超級辣，點知都唔算，食少辣嘅我都食到！呢間粗粗地黎食都幾好！

經過尖沙咀，諗起想食火鍋，牛氣就係最佳選擇，點咗最平嘅牛肉套餐， $198好抵食，最重要係可以狂食牛肉😍😍😍😍✨✨又可以食下蔬菜，蔬菜種類特別多，有南瓜，生菜，金菇，仲有日本雞蛋🥚等等😍😍✨點左個昆布湯底，湯底好清，如果呢個套餐嘅牛肉，一盤只有3 片。如果自己一個人去食嘅話都分量接受，又唔會太飽，可以叫多幾盤啦！牛肉味都可以接受，唔算太硬，又唔會太多肥膏， 因為薄切，滾兩滾就可以食得啦！正吖😊😆

其實我食過好多次牛氣，但呢間最好食。😋感覺d食材好似呢間最靚😍(可能咁啱我食呢次d食材靚)。不過補充返先唔係指其他分店差，只係呢間更加好。然後都無咩特別野講 落order好快就上 然後忙到爆嘅時候都keep到速度同禮貌，呢點覺得好抵讚🥰(畢竟忙人好易燥㗎嘛)仲有一點要講佢有個餐係有得食魚生同海鮮。如果唔係真係好想食魚生 or 海鮮呢個其實係可以停一停諗一諗 畢竟”個人”認為選擇唔係真係太多 肉嘅差距都唔算太多。所以個人認為可以入場之前諗一諗自己最想食嘅其實係乜嘢。

行行下街落大雨，所以入左the one，順便就係牛氣食埋晚餐！90分鐘放題，友人都覺得$258極上美國牛小排最抵食，大家記得如果係社交平台 like同share會送三件三文魚刺身或movenpick 雪糕！揀左黑蒜豬骨湯底，真係成大舊豬骨係個湯度！先試特選豚肉，薄切，無咩特別，所以我地都無再叫精選雞腿肉，都幾嫩，肉質唔鞋，所以加分！蟹子墨魚滑，每次可以整到兩粒，都唔錯！主角牛岀場，無比較真係無傷害，牛肩肉vs牛小排，後者真係嫩滑入口又肥美，好正！！不停叫牛小排就對了！！自助拎配料，雪糕，自己整棉花糖！特別推介係豆腐卜，唔係平時街市買開果d，正！環境方面，張枱真係超細，唔夠位擺野。。。望到隔離枱叫海鮮放題，不過青口同大蝦都唔吸引，佢地都只係不停叫牛，無叫海鮮90分鐘其實都唔係好夠，想慢慢嘆嘅話都係揀120分鐘好d！

食足90分鐘放題 最平價位$178起 美國牛肩肉 特選豚肉 雞肉任食平平地又相當唔錯 同大家介紹下! 時間有限,先落湯底再出去自助區夾食物因為用餐時間有限,一選好湯底就記得出去夾野食喇!牛肉就等店員送餐既其他食材就任夾任食 包括各類蔬菜 肉丸 小食熟食等等 自助甜品區供應乳酪雪糕湯底共6種 甜壽喜燒就要另加$10 今次試黑蒜豬骨湯又濃又香,本身已經非常濃味 將牛肉片同各種食材放入去煮一陣已經入味 濃香蒜味好吸引另有番茄 麻辣,泡菜湯底一共6種想鴛鴦鍋要加10蚊~牛肉份量每碟都非常多,足100克,一個人食返3-4碟已經好夠食 油花幾密,唔會太肥入口肉味濃郁加上蒜香豬骨湯,牛肉撞豬骨湯,香之餘令到肉既味道更豐富 想食飽D仲可以加個拉麵變成豬骨湯拉麵限時90分鐘高水準火鍋店,抵食既消費$220評分8/10尖沙咀彌敦道100號The ONE 4樓L404-405號舖