牛気 (雅蘭中心)

營業中

休息中

其實講到明90mins,但佢d野食送黎有d慢囉，落單最多20樣，人地想叫多d都唔得！份量又少，呢d價錢出面大把好過佢，個人覺得90mins真唔係好夠，諗住成班朋友出黎聚下傾下食下咁，而家變咗不停non-stop咁要食，好唔掂！any肥～食食下就突然有職員走埋黎講，你地last order,仲有半個鐘，ok冇問題，就係之前叫既野送遲咗，就成枱都係生食物，拿拿聲整熟晒黎食啦，然後又突然職員講話你地夠鐘架啦！？出面有人等緊，我望一下手錶2012！？我入坐時間1855，大佬啊，趕客都要計下條數啊，我仲答佢阿姐，我地2025先夠鐘，憑咩你而家趕？？？服務態度完全唔掂，太趕客啦，食物都冇乜特別，所有牛肉類同三文魚，好似紙咁薄囉，係海鮮好少少，但冇下次啦，比錢買難受，催命鬼咁，食就食唔過癮，情願去食牛大人，起碼唔會死催爛催趕你走先。

最近終於感受到冬天的氣息了，迫不及待相約朋友吃火鍋‼️🔥▫️餐廳鄰近地鐵站，地點便利‼️餐廳主打日式火鍋放題，有不同的價位可選擇，豐儉由人‼️😉 當晚跟朋友一致選了極上和牛+海鮮放題，極之豐富‼️🐽▫️❥$𝟯𝟵𝟴 極上和牛+海鮮放題🥢限時：𝟵𝟬分鐘⏰～～～～～～～～～～～～～～～～自助區有著不少的蔬菜🥬丸類🍡熟食🍱飲品🧃甜品🍧調料味🫙整齊的擺放、環境乾淨，印象良好‼️❤️ 食客可自行拿取喜歡的食物，款式不少呢‼️👍🏻▫️另外可用Qʀ ᴄᴏᴅᴇ下單，任吃極上和牛、牛小排、美國極黑牛、牛肩肉、豚肉、原隻鮑魚、日本帆立貝、大海蝦、花膠、青口、挪威三文魚刺身等等‼️🥩🥓🦐🐙▫️不同部位的牛肉質素都相當不錯‼️特別是當中的極上和牛，油脂分佈均勻，非試不可‼️👍🏻👍🏻 當晚肉食獸朋友ᴏʀᴅᴇʀ了好幾盤，表示大滿足‼️💖▫️海鮮方面也很新鮮：爽口鮑魚、巨大帆立貝、鮮甜海蝦，都令人相當滿意呢‼️🫶🏻🫶🏻▫️當晚招待的店員很ɴɪᴄᴇ，期待下次再訪‼️😉

每次去遊戲我都只會點最平嘅套餐，唔係因為我窮而係佢連最平嘅餐都做得好好！啲牛肉係非常之好食出面個buffet bar亦都好多選擇。款式多之餘仲乾淨衛生放題嚟講真係不二之選。

尋晚兩個人去食 叫咗個$368和牛套餐 再加鴛鴦湯底 啤酒任飲 兩個人埋單$920 幾年冇食真係好唔掂 啲和牛切到薄到紙咁 食落又唔覺得有牛味 其他配料都唔係好掂 啲海鮮都係急凍雪到冇乜味 出面啲配料都係啲平價台灣丸 啲菜都似係大陸菜 真係冇下次不過呢啲都係日式打邊爐嘅困局 湯底選擇吾多 配料又係小 好靠啲和牛嘅質素去留客 但好明顯牛氣啲所謂和牛吾掂 冇指明產地我估應該都係美國和牛 呢個價位可能去食但馬屋好過 琴晚重陽節假期 成個場都吾滿 第日啲人去返旅行我諗佢都收得擋

由正宗日本料理師傅主理，主打提供自由選擇級數海鮮肉類涮涮鍋及壽喜燒。自助區超過 50款新鮮食材、熟食、飲品、甜品及沙律任飲任食🥳🎉重要優惠要講左先🎉由即日起至30/9逢星期一至五於午市時段(17:00 前入座計）推出「2人同行1人半價、4人同行1人免費」激筍優惠*惠顧牛気90分鐘指定放題套餐（牛小排或以上級別)即可享有此優惠！*除左午餐優惠之外，還有21:00後供應嘅60分鐘深宵套餐，由$108起有一份定量盛合再加 60分鐘自助區任飲任食! 岩哂一班夜鬼刷餐勁😋極上和牛+海鮮放題 $408推介:⭐️⭐️⭐️⭐️⭐️套餐包括以下款式任加🥳挪威三文魚刺身極上和牛、嚴選和牛特選牛小排、SRF美國極黑牛 穀飼牛肩肉、特選豚肉、精選鷄腿肉日本㠶立貝、原隻鮑魚、特選海鮮爽脆水魷、墨魚滑、大海蝦、青口、花膠等牛気日式火鍋放題有多款湯底選擇，有清淡亦有濃郁口味，小編就選左鴛鴦兩個湯底: 川椒麻辣湯&黑蒜豚骨湯中日交集麻香辣味平衡食和牛有另一番風味，黑蒜豚骨湯岩哂食海鮮涮涮鮮味飽足感🤤除左極上和牛真心有驚喜之外，牛気有粒自家芝麻流心丸一定要試😋甜品方面有豆腐花又有軟雪糕甜筒，夠哂滿足👏溫馨提示，如果訂檯慶生嘅你，

見天氣涼涼地，又同朋友去打邊爐😆😆今次黎到旺角既「牛気」食火鍋放題，可以一次過試哂多款和牛同海鮮，好豐富❤️❤️-🐮極上和牛+海鮮放題 $398/位✨我地揀左壽喜燒湯底同新出既沙嗲湯底～～沙嗲湯底味道香濃，越煮越入味！配牛肉就最夾😋😋牛肉方面🐮，包括有極上和牛、嚴選和牛、特選牛小排、SRF美國極黑牛、穀飼牛肩肉等～～當中至愛極上和牛！望落紋理好靚，油脂分布平均👍🏻👍🏻仲要入口即溶，我地忍唔住encore左幾次🤤🤤海鮮方面🦀，包括有大海蝦、青口、花膠、日本帶子、鮑魚同挪威三文魚刺身等～～整體都好新鮮！海蝦大大隻，口感爽彈！帶子味道鮮甜，好好食😋😋估唔到仲有三文魚刺身！三文魚肉質肥美，油脂香十足呢❤️❤️另外，自取區設有多款火鍋配料、熟食、小食、甜品同飲品可以任食任飲～～食飽之後店員會送每人一杯movenpick雪糕🍨，超超超滿足🥰🥰

今次揀左$318個plan牛嘅質素一般 牛味唔太濃 但口感都唔錯加$10有鴛鴦湯底 對比其他算平麻辣唔會好辣好麻 所以唔會遮哂牛嘅味最驚喜嘅係佢有一個獨立包裝 用黎打邊爐嘅麻糬口感好好 同湯圓一樣 同湯底竟然夾到 好食過佢其他甜品😂

鍾意食涮涮鍋嘅朋友可以嚟試下牛氣，佢哋採用日本同澳洲和牛🐮，非常優質，唔夠喉食完可以再叫，即使豚肉🐷雞肉🐣都是精心挑選，我最鍾意食就是鴛鴦鍋，因為可以配搭唔同人嘅口味，有兩邊選擇兩種風味✌🏼另外特別推介麻吉燒芝麻，起初以為佢係一嚿糯米糍，但見到人揼落個鍋度我又跟住揼落去，其實呢個係火鍋食材嚟㗎，外表個皮軟淋淋，裏面充滿好多汁嘅芝麻肉餡，好似食緊湯丸咁，個人嚟講我非常喜歡，店內環境一流，地方夠大，員工服務唔錯，真心正值得推薦畀大家，快啲去食啦

牛気係一間幾想去嘅地方。適逢生日咪去幫襯囉。星期三訂枱，星期日食。一行三人幫襯就叫咗 “極上(澳洲)和牛+海鮮放題“ 90 分鐘。入座前當然要做足政府要求啲嘢。入座後就先嚟兩碟牛一碟海鮮：海鮮包括：大海蝦，蠔，青口，帶子，花膠，鮑魚海蝦大大隻非常鮮甜蠔亦都好鮮味帶子咬口非常鬆軟同鮮甜鮑魚夠大隻同一早清晒內臟青口花膠就一般極上(澳洲)和牛和牛切得夠晒厚同都幾大塊和牛蛋糕，冰凍卷埋一舊，放落個鍋度睇住慢慢熔同熟都幾開心㗎我哋之後再叫咗6輪，亦即一共7碟海鮮，14碟牛。出面啲配料都有食，不過食得牛同海鮮就會覺得外面啲飲品同甜品都夠。但習慣放啲牛肉落蛋醬就一定要出外面攞日本蛋先好。食埋豆腐花同兩轉軟雪糕就乜都滿足晒。後記：1) 如果想食個 “和牛蛋糕“，記得一定一定要預早一個星期訂定，否則接待員會拒絕呢個要求。不過我係特別例子，因為我星期三訂枱時有提過佢哋係為咗慶祝生日所以想問有無和牛蛋糕食，對方職員話有但無提過個蛋糕要預訂，所以經過一番理論佢哋經理就應承送比我。(記住：和牛蛋糕一定一定要預訂)2) 呢度講明 90 分鐘，間嘢係會非常準時叫你走。所以一定要扒快啲免得好似係你霸住張枱唔走咁。食物

同朋友行街，突然間想打個邊爐。兩個人食放題形式真係不二之選👍🏻👍🏻我最鐘意胡亂叫，食身款式多之餘仲夠乾淨衛生，仲有好多款飲品選擇。再加上牛氣平得黎質素真係好好👍🏻

突然響旺角抽起條筋想食放題日式火鍋，臨出旺角站之前響openrice搵下，最近嗰間係牛氣，一上雅蘭就有得食。成晏晝四點都驚佢會落場，去到好彩都仲開緊。因為唔係好鐘意和牛咬落去一陣油，寧願食啲肉味重啲嘅，所以揀咗特選牛小排(佢日文寫係牛肋肉)同海鮮放題($328)。湯底我見牛骨湯好似好正咁。湯底好重味，不過廚師朋友食完話: 「好明顯唔係真係牛骨熬嘅。」。食完係會口渴......另外叫咗放題啤酒，食火鍋如果無啤酒飲，始終都係差啲。SRF美國極黑牛同牛肩肉兩款牛應該都夠食，一來到佢全部都出咗一份先，放題我都唔預佢比啲好正嘅肉比我，就咁睇啲材料都係不過不失，不過老實說，選擇真係少。出邊啲自助吧嘅食材都係啲普通嘢。牛肉的話，反而我鍾意佢唔太肥，肉味都唔錯。   我地追單，啲員工都好快手。即係食放題，其實都係諗住食飽，哩方面係無問題嘅, 不過選擇係少, 材料又唔係好突出。算不過不失。

宜家牛気做緊午市每人可以減$40，幾抵食，而我最鍾意呢度既就係呢度既湯底選擇超級多。今次就揀左龍蝦魚介湯同埋秘傳牛肉清湯。龍蝦湯係真係好香濃～就咁飲都好正🥰而牛肉清湯，雖然係清湯，但係都夠味。  套餐揀左特選牛小排放題（$298），野食選擇唔係好多，黎到主要都係食牛😂一坐低，店員會每款肉類比一碟你試左先，之後要加再同店員講。肉類質素唔錯，而且落完單之後都唔會要等好耐先到啲野食。所以其實90分鐘都幾夠食。值得一提既係呢度有提供日本直送既生蛋🤩記得一定要攞！打隻蛋落個碗到，之後淥好啲牛肉蘸蛋汁食，超正～  除左放題套餐本身包既牛肉、豚肉、雞肉、墨魚滑之外，其他野就要出去囉。有熟食、甜品、飲品、同埋其他火鍋料。唔算好多選擇🙈首先攞左啲熟食食住先，其實就只係得魚蛋、燒賣、咖喱牛肉、流沙包、湯、糖水、薯條。咖喱牛肉幾好食既，啲肉唔會太肥，而且煮得幾夠味。另外湯係蟹肉金菇素翅湯，幾好飲😋仲有啲沙律可以夾下，不過我就冇食到la。  之後到火鍋料，基本上要有既蔬菜、丸類都有齊，最鍾意佢地既爆漿芝士球，真係好芝士🧀️一咬落去勁多芝士流出黎🤤我起碼encore左四五粒🙈佢地仲有款幾特別既麻吉燒，有芝麻同花生

第一次試日式盆菜，牛氣盆菜選用日式甜醬油湯底，搭配鮑魚，花膠，大虎蝦，鰻魚、日本花菇、福袋等多款中日食材。6人份量，價錢888港幣。盆菜包裝密實，包咗3層錫紙，外加一個保溫袋。拎落很墜手。餐廳話係當日朝早製作，食物新鮮。盆菜擺盆望落吸引，加熱20分鐘後，香氣撲鼻，忍唔住即刻試食。第一次食有鰻魚嘅盆菜，覺得特別，味道亦都唔錯。湯底鹹中帶甜，但同啲食材都好夾。特別係蘿蔔，花膠，牛筋，冬菇等食材煲得夠腍，呢幾樣都相當入味，就算平時唔多食偏甜湯底嘅我都覺得好味！虎蝦大大隻，入味得嚟都爽口，大滿足。帆立貝都唔錯。不過，可能盆菜相對煮得耐，鮑魚食落有啲韌。另外，盆菜可愛兼好意頭嘅福袋，仲有枝竹，蓮藕等等。啱哂農曆新年，盆滿缽滿好意頭。總體嚟講，十幾種食材於一盆，食材豐富，味道唔錯，888蚊6人份，性價比都算高。綜合評分：8分 食材：1. 鮑魚2. 花膠3. 鰻魚4. 虎蝦5. 日本花菇6. 福袋7. 牛筋8. 魚蛋9. 蘿蔔10. 豬軟骨11. 蓮藕12. 豆卡13. 竹輪14. 炸豆腐15. 黑薯糕16. 帆立貝17. 枝竹餐單：元氣盆滿缽滿盆菜價錢：888港幣 （六人份量）

琴日試完另一間餐廳既外賣，味道觀感滿分💯，完全高汁便當👍🏻，想知更多詳情，可以睇翻我上一篇既食評🙈由於Openrice外賣自取有各種推廣優惠都幾抵食，比如用優惠碼：FOOD，就可以滿$5️⃣0️⃣減$1️⃣0️⃣因此，今日一樣係Openrice上叫左外賣自取，同上一間餐廳地點相同都係雅蘭中心，菜式又係日式便當🍱，但味道就有D⋯⋯差天共地⋯⋯😥我地叫左3款便當：- 燒牛肉定食（$56）- 照燒雞扒定食（$41）- 泡菜豚肉定食（$58）- 飲品另加$5在主食方面，無論係飯定餸，份量略嫌有D少😿，特別係泡菜豚肉定食，D餸肉眼可見地少🤨燒牛肉醬汁濃咸佳宜；雞扒煎略嫌煎得有D乾身，吃落有D嚡啦😢在配菜方面，相比之下係幾豐富既🍽，有齊前菜：中華沙律、甜品：紅豆和菓子，整體就不過不失最後，在價錢方面，本身餐廳都有做外賣自取推廣優惠，滿$150有8️⃣折，$38就有交易，可以叫埋同事們一齊夾單🤣不過，由於依家Openrice有優惠，原價8折後，仲可以減$10後，所以會再更加抵😌

啲牛呀啲野食係好食既，但某部份員工真係需要改善服務態度，食完啲碟唔太執，要自己攞去比佢，一夠鐘即刻走埋嚟話夠鐘喇跟手收埋一個煲走，然後有個fd啱啱攞完甜品坐低佢又即刻走返黎話夠鐘喇唔好係度食，唔係度食我攞走食呀？冇幾耐就有個執枱既行埋黎執枱，好快手收哂枱上啲野，連啱啱攞左都未食既甜品都收埋，差啲想收埋食緊既果啲，令人覺得好趕客食過咁多次邊爐，放題，未試過咁趕客，一夠鐘就唔比你食，考試咁樣，一夠鐘就要停筆，完全唔覺得係想做生意