王家沙 (已結業)

跟女友到王家沙晚飯...叫了三道菜...分別時秘醬咕嚕肉+大排炒年糕...仲有個水餃(忘了菜名)秘醬咕嚕肉---D 咕嚕肉炆到好林...D 醬味道又剛剛好...不會太酸...大排炒年糕...年糕入口時會覺得淡口...但咬幾口..D味又出返黎...水餃...小小辣口...十分香口...Overall...都好好吃呀~~

食過王家沙不下十次, 越來越難食!!!最近一次一家四口幫襯05/01/08 晚飯1. 雲片白肉好味, 不過只得五薄片肉, 主要是粉皮, 仲要好細碟, $402. 雜錦砂窩聿白D湯好臭, 鴨腎飛水未盡, 飲咗一啖頂唔順, 要退貨!而且我冇見過這味上海名菜放了不少"丸" 和煎蛋去熬湯! 最差一味$903. 回窩肉好味, 但干豆腐和肥豬肉片數量一樣多$504. 京式烤羊肉超肥!凍了就見一大團白色肥膏全面覆蓋但很正宗, 唔"蘇" ???$905. 豆酥桂花魚球D魚好腥, 唔夠熱, 豆酥一D都唔鬆化, 只食到成口油, 好似油浸一樣!!! 完全不像樣, 這味第二差$986. 奶油聿白更換#2, 一貫水平, 有D似金寶忌廉湯浸黃芽白$487. 窩貼普通, $20 4隻服務幾好, 但食物太差, 好多油, 4人食好滯但唔真係飽不夠熱, 份量好少變相加價下次如有選擇都會不再去

今日一行5大1小去呢度食lunch, 呢度都食過幾次, 食物水準同服務都時好時壞點心:蟹粉小籠包---多汁, 熱辣, ok 蘿白絲酥餅----夠酥脆, 比想像中大件, 好食 牛肉餅---熱辣辣, Ｄ肉汁多同燙口, 正 海蜇頭----爽脆, 偏冰凍, ok 三絲粉皮---粉皮太厚同淋身, 失望 鎮江胥肉----ok熱盤:雲吞雞-----正常, 飲完唔會口渴甜品:高力豆沙----豆沙份量好, 好味5個大人食$400, 今次食物水準唔錯, 見到有小朋友, 唔使叫都即刻ＢＢ椅, 服務都幾細心, 開心的一餐

幫襯過香港仔王家沙30幾次食晏，真係好平，有張綠色嘅特價點心、小菜、粉麵及客飯紙，一碗酸辣麵只須$22，一碗雪菜肉絲麵才不過$16，不收加一，但每位茶$4。

(4/8/07)好耐無o黎喇!今日同老公、爸媽食晏,唔多人,所以服務周到、野食來得快。雞絲粉皮,雞絲、青瓜切得幼幼,一睇就想食,粉皮好正,爽爽o地的。上海鹵肉麵,麵較腍,鹵肉沒驚喜。小籠包,肉汁、餡都ok,我嫌皮頗厚。饅頭一籠,六小隻。魚湯莧菜,清清淡淡。洋酥湯圓,大大粒,不過得兩粒,真係少得過份。黑芝麻味香得有點羶味,但仍很欣賞,因為皮都唔錯架。

我上次也叫了担担麵(中辣), 但真係一點辣味都沒有.排骨菜飯的菜飯幾好吃, 有菜粒, 金華火腿粒和其他的配菜粒, 是上海風味, 有別那些只有菜碎的港式菜飯. 不過, 排骨就比較差, 薄薄的豬扒裡面還是紅紅的, 咬不下去, 我們以為是唔熟, 所以向侍應投訴,叫他再弄過一份. 部長拿上枱時, 向我們解釋這是柳梅肉, 雖然是紅色, 但仍是熟的. 但之後我地食的時候, 都係咬不下去. 肉依然是咬唔開的. 都係單吃菜飯算數

今日晏晝黎左食因為有parking優惠~ 我同家姐share一個咸姿飯同一個排骨醬油抄年糕~ 個年糕都幾好~但係d排骨就麻麻地~好似多左少少糖~同埋過咸~不過同姿飯一齊食就ok~媽媽叫左個荵爆牛肉配麻辣青瓜加$6再轉個菜飯~ 個牛肉都幾好~ 菜飯都幾好~幾香~ 有金華火腿絲~ 個青瓜就好似就甘落蒜茸辣椒醬甘~ 無乜特別~ 但係都幾開胃~爸爸叫左個王家沙擔擔面(中辣)~ 爸爸話唔夠辣~我唔係好'好'辣野既就覺得ok~ d湯都幾好~ 爸爸仲飲埋d湯tim~最後仲有個鮮肉小龍包~ 幾好喎~ 我覺得好過南翔~ 之前去過南翔試~ 但往往都係痴住chopsticks搞到穿左~但係呢到個皮厚少少但係又適中~ 咬落d湯都有成隻spoon甘多~ good!整體黎講我覺得都ok喎~ 可能係我太肚餓既關係~

3/4/2007由於媽咪唔試過唔心息,所以點都要黎試一次(唉…)是日中午,只有3,4台客..叫左:$42客飯—雪菜蝦仁豆腐,紅燒牛展,連豆漿,一碗白飯-->賣相普通,用雪藏蝦,牛展切到好薄$18雪菜肉絲麵—好大碗,但味道一般$22糖醋排骨—最差係呢樣!又un,又鞋!味道差,冇應有的醋的香同酸...服務ok 喇,不過不失,不過茶葉唔係靚茶葉,叫香片,顏色渾濁,有苦澀味>_<埋單$90

Went there on a few occations, the food quality being honest is so so. The enviroment is comfortable and service is reasonable. But the food need some improvment.The sweet and sour pork is a bit tough, sometimes served just out of the fridge. Smoked fish taste a bit burnt, can't compare with Shanghai 王家沙. Hot dishes are worth a try, expecially their stir fry shrimp. Taste good...

公司請食飯，又係尼到，食過幾次都覺得麻麻地尼間我覺得最好食就係小籠包、皮薄汁多，其它都係一般貨色好多時我都覺得佢地Ｄ野食係下多左油，好鬼油膩今次都無例外，而今次佢Ｄ高力豆沙真係整得好差，無豆沙、硬如果要我俾錢食的話,我應該唔會choose it.

好耐無去呢度食Lunch,今日同同事去食，客飯也要＄４２一客（一碟極細涼拌，一碟好多伴菜o既小菜，加一碗白飯）。另一位叫了碟上海粗炒，我就緊係最經濟o既擔擔麪啦！後兩款味道ＯＫ！坐坐O下，發現比我之前食Lunch時少了許多人，再搵埋餐牌，原來無O左個午市特價點心（即＄１８可叫兩款小食，我之前叫開小籠包+蘿蔔酥，每樣有２位，好抵食），所以，剩有咁多吉位呢？！過多一排都係咁少人，可能佢地又要推番點心優惠先可以吸引番Ｄ人O黎食囉~~~

我好鐘意蟹粉小籠包，所以去試過好多唔同嘅蟹粉小籠包，不過覺得呢度最對味。佢嘅蟹粉小籠包唔係好似東海、鴻星果d咁金黃得咁緊要，亦唔會好似南長(唔識打佢個"長"字)小籠包個蟹粉小籠包咁腥。但佢嘅鮮，香同蟹味係咁多間之最。皮薄但不易破，湯汁味鮮，蟹味濃，餡內仲見到蟹黃，好好。不過，佢地嘅水準幾不平均，試過去過2次個皮較厚身。有待改善。佢嘅菜心獅子頭真係用菜燉，湯汁清甜，獅子頭肉質有質感，口感一流。佢其他食品好似雞煨面，同蘿蔔絲餅，蟹粉生煎，古法黃魚、火瞳津白都可以一試。

今日中午到香港仔呢間食，諗住清清o地食個「菜遠魚湯麵」，唔使食炒菜咁油膩。點知，上枱的一大碗麵當中，只得兩條仔菜，就好似平時去粉麵鋪食的粉麵搭兩條菜咁，唉！如果係咁，不如就咁叫個名做「齋魚湯麵」好過啦！其次，連Ｄ服務態度又差，個侍應只係問o左我地ＤOrder黎齊未，完全無問過我地要唔要再嗌o野食，人地未叫埋單，就將枱面Ｄ碗筷全部攞走！一Ｄ禮貌都無！呢間鋪，都係無下次喇！加埋個普通「小籠包」，兩款食品，剩為＄８２。

以前看食評, 見各食家對各間王家沙的評語麻麻, 但本人去開香港仔的分店,又覺得ok!但今次真係幾失望, 基本上樣樣餸都唔得, 同以前的水準差好遠!1. 小籠包: 一向都覺得唔錯, 皮薄, 湯汁多又鮮甜. 但今次, 一上枱, 全家人都好覺得好奇怪, 掂解個皮咁厚,一點都唔透明?果然, 食的時候真係覺得厚左!2.失傳醬咕嚕肉:完全唔掂, 肉少粉漿厚不特止, 入面緊餘的肉超級乾又韌, 簡直係食唔到!3.闊佬炒飯: 以前食過幾次都唔錯, 但今次又係失望.唔夠味, 而且旦白都炒唔勻,簡直整塊旦白煎完放落去!4.雞絲火腿銀芽炒冷麵: 基本上唔錯, 冇粗炒或者雙面黃的粗麵般油膩, 但弊在又係唔夠味!5.高力豆沙:又係好失望, 咬第一啖已知唔掂, 旦白好實, 一點都唔鬆化, 入面的豆沙少得可憐, 冷冰冰. 我覺得, 普通質素的茶樓的沙翁都好食過佢!最後,埋單的時候忍唔住同個男部長投訴. 我都好寬容了, 只是投訴那碟咕嚕肉. 點知佢全冇反應, 只是一臉的唔好意思的模樣, 但沒有說過一句話, 一句簡單的回應(唔好意思/對唔住or 辯駁的說話)都欠奉. 真係激氣!

推介有:云南白肉,春卷,醉雞,砂鍋云吞雞,高力豆沙,擔擔面,湯圓合桃露....總括來講都食得過,有阿姐都唔錯,可能個別人士態度有問題,而且我次次都係食晚餐可能好啦.