珍煮丹 (已結業)

呢間茶飲店由台北市士林區攤販起家，直至《2018百大口碑之星手搖飲料排行榜》中排行第8🏆標榜所有飲品不添加化學香料、色素，原料從台灣原廠直送，主打自家製黑糖同特調奶蓋 👍🏼💗奧利珍($40)底部嘅1/3係黑糖珍珠，特別研發出最適合咀嚼嘅0.85cm大小，咬落去微暖又煙韌，唔會過份甜膩。中間加入純度 4.3 嘅明治特濃鮮奶，口感順滑，奶味幾濃郁，同黑糖味好平衡🍼綿密濃稠嘅芝士奶蓋厚度夠，令奶香份外醇厚🧀面層再舖上一塊Oreo同滿滿嘅oreo碎，微吸收鮮奶嘅Oreo依然鬆脆，令成杯飲品提升去另一層次🍪💗十份芋芋鮮奶($36)啜落啖啖都有小芋圓同地瓜圓，食落煙韌Q彈，唔會淨係一舊粉團，而且好香芋頭同蕃薯味🍡每日現煮嘅手作芋泥用上大甲芋頭製成，所以特別綿密甘甜，而且芋蓉保留咗少少芋頭粒，令口感更豐富🍠配上日本鮮奶，飲落香醇順滑，不過奶香再濃郁少少就更好。由於揀咗半糖嘅關係所以會好甜🥛

呢間真係越開越多鋪頭今次估唔到咁遠都仲可以飲到！！！我最愛啊就係佢哋嘅招牌黑糖味好濃啊～ 同埋係碎冰唔會感覺好多水融化左味道都唔會好影響不過我朋友話如果係飲奶蓋就麻麻哋，下次都係試返佢哋嘅招牌啦！

炎夏將到，消暑飲品就是少不了。葵廣好消息，手搖台飲控一定知道的珍煮丹，在葵廣開左新分店了。珍煮丹自家秘製黑糖煮珍珠以自炒黑糖蜜入珍珠芯，而且標榜飲品皆不添加化學香料色素，所以對其產品都有一定的信心保證。奧利珍$40排名屬於第二名的飲品，固定甜度以oreo為主角的珍珠奶品，表層有oreo餅乾及oreo餅碎在奶霜之上，中層是鮮奶，底層珍珠分量充足，口感creamy中有咀嚼的空間，所以第一次飲珍煮丹反而它是我的首選。宇治抺茶紅豆$32崇日的同事選了這杯，微冰七分糖少冰，抺茶味比糖份甜味濃，加上紅豆絕配，豐富口感之餘亦解渴。登陸掃街必到的三樓食街，是推介的台飲新店。👅美味: ⭐️⭐️⭐️⭐️/5💫回頭: ⭐️⭐️⭐️⭐️⭐️/5⚖️性價: ⭐️⭐️⭐️⭐️/5💆‍♂️服務: ⭐️⭐️⭐️⭐️/5

珍煮丹開咗冇耐嘅時候其實我已經有幫襯 ， 不過嗰時係飲黑糖厚鮮奶 ， 印像中都係唔錯嘅， 今日同朋友去 salon整頭髮順便就買定兩杯嘢飲，整頭慢慢嘆店舖喺三樓美食街嗰條巷好容易搵到我買緊嘅時候已經有人排緊隊啦今次想試下新嘢 ，朋友揀咗泰泰珍珠奶茶 ，我揀咗黑糖冬瓜檸檬珍珠（ 兩款名稱前面都有皇冠符號 係招牌推薦）職員都好有禮貌，同我講返 黑糖冬瓜檸檬珍珠冇得 少甜店入面都好乾淨企理， 感覺比較衛生喺度等緊嘅時候都發覺有佢嘅top ten飲品推介唔知道奧利珍係點呢？有oreo? 好似幾得意，下次可以試下其實都好快唔使等好耐就沖完2杯野飲，5分鐘都唔使泰泰珍珠鮮奶茶飲落去真係幾似泰式奶茶，但 冇泰式奶茶咁甜咁多奶，反而我覺得幾好飲重點，珍珠好Q彈，同少少甜味，我鍾意有咬口（出面有啲珍珠好淋無味既都有）黑糖冬瓜檸檬珍珠飲落有少少黑糖味 少少冬瓜味，甜甜地，又唔會好甜因為啲檸檬味偏重，酸味多過甜味，衣家夏天飲真係好適合解渴，唔錯雖然呢款飲品，佢無得少甜，但我都覺得ok，唔太甜岩哂我下次再試下奧利珍先

台式飲品店香港周街都有好多,但講到台灣真正人氣名店點少得珍煮丹！最近終於等到佢係葵芳立足啦！珍珠伯爵鮮奶茶,平時最怕奶茶奶味搶過本身茶底既香味,果然台灣名店無令人失望！入口伯爵茶底獨有既香味柑橘已經好突出,後有幼滑既奶香同黑糖微帶焦香又濃稠既甜味.黑糖珍珠自家製入口綿糯又帶Q彈既感覺.店員仲細心提示盡快飲用,太耐會影響珍珠既口感.百香雙響,百香果酸酸甜甜既口味啱晒最近又熱又濕既天氣,入口清爽開胃.雙響即係黑糖珍珠同椰果,飲落帶出2種口感,Q糯既黑糖珍珠再加上爽彈清甜既椰果,飲完一杯超飽肚.

雖然葵涌廣場有唔少嘅台式飲品店但品質相對都較為參差最近珍煮丹喺葵涌廣場新開左點都要試吓佢一嚟到舖頭前面店員就會用國語同你打招呼飲品選擇類型非常之多睇到花多眼亂如果有選擇困難症嘅人可以參考返佢嘅排行榜有啲期間限定嘅Menu亦都會display喺佢counter前面今期就做緊呢個藍妹草莓優格沙冰最後就叫咗個十分芋芋鮮奶同埋藍莓草莓優格沙冰由於呢兩杯都係屬於多料嘅飲品店員都有提返我哋記得攪勻先至呢杯藍莓草莓優格沙冰飲落偏甜但同時間因為有優格嘅關係有酸酸嘅感覺夏天飲勁開胃解渴除此之外，仲飲到少少嘅藍莓士多啤梨果肉碎十份芋芋鮮奶作為珍煮丹嘅主打飲品整體表現喺非常之好芋泥非常之綿密配上鮮奶同埋口感堅韌嘅細芋圓口感好豐富呢一個仲可以調教甜度同埋冰度如果唔鍾意咁甜嘅人就可以好似我咁揀3分甜但店員同時間亦都好貼心提醒黑糖嘅味道就會減低左我覺得作為普通嘅飲品店都可以係咁微細嘅地方做得咁細心相當唔錯

葵廣有很多小店，衫褲鞋襪、玩具精品、飲品美食等等。係一個好吸引嘅地方！呢一間來自台北嘅飲品店，飲品配搭都幾吸引，決定試吓先我哋特登嗌左兩杯唔同風格嘅飲品：奧利珍 及 十份芋芋鮮奶飲落好有口感！因為我哋都好喜歡食Oreo，特別鍾意呢一個味道。首先Oreo味道好香，杯中有細碎嘅Oreo，亦都有原塊Oreo在上。另外奶好香滿，加埋黑糖珍珠，好好味！佢哋嘅黑糖味好香，喺店舖外邊都聞到。芋頭同埋鮮奶係絕配！芋頭份量好多，有芋泥，亦有芋頭粒粒，好香甜好好味。建議可以嗌微糖，咁樣可以品嚐到芋頭嘅原味同埋牛奶嘅香濃。總括來講，雖然喺葵廣裏，依間嘅飲品價格比較其他店舖可能貴d, 但係以佢嘅材料同埋味道，都係幾值得嘅, 佢地好有台灣嘅風味！希望下次可以再試吓餐牌上嘅唔同飲品啦！愛肉都好吸引，之後再試！

珍煮丹 (葵芳).好開心呀葵廣都有珍煮丹啦(⁎⁍̴̛ᴗ⁍̴̛⁎)佢嘅珍珠真係好好咬架！.⚜️黑糖珍珠厚鮮奶⚜️.原來呢到嘅黑糖珍珠厚鮮奶可以更改冰度同甜度，好好飲又滑珍珠又香又好咬(˶‾᷄ ⁻̫ ‾᷅˵)————————————-味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️環境：⭐️⭐️⭐️⭐️⭐️.📍 珍煮丹 (葵芳)葵芳葵富路7號葵涌廣場3樓302B號舖—————————————————————-

好耐之前向台北飲過一次黑糖珍珠鮮奶，覺得好好飲。然後知道銅鑼灣開左，特登去買黎飲。然後發現葵涌廣場竟然開了！所以即刻買黎飲！去到好彩人不多，怕又要排勁耐呢。見到佢哋有個top 10板， 本來想試黑糖珍珠厚鮮奶，但最後都係揀返普通果隻黑糖珍珠奶。另外同行友人揀多杯十份芋芋鮮奶。杯黑糖珍珠奶嘅珍珠依然好食，微微暖又煙韌。我叫咗微冰3分甜，不過我覺得還是甜左少少。下次會叫無咁甜。朋友嗰杯十份芋芋奶，望落去好靚。不過佢就話味道沒想像中咁好。佢話本來以為會好多芋蓉。但飲落就係一粒粒細細粒咁。不過都ok。不過下次我都會想試下黑糖珍珠厚魯奶呢

葵涌廣場終於開左珍煮丹！路經葵涌廣場想飲黑糖珍珠鮮奶終於有明確嘅選擇！同幾個朋友一齊點左「黑糖珍珠厚鮮奶」, 我就揀左少冰, 正常糖。始終用鮮奶都係好過用奶精沖出黎嘅野飲好味好多, 健康啲, 口感又順滑啲。珍珠分量好足，咬落有嚼口之餘, 仲有淡淡黑糖味。整體質數乎合預期, 下次要試埋佢果杯「十份芋芋鮮奶」。

終於疫情稍為回落，所以出走葵涌廣場逛逛，剛巧碰到<珍煮丹>新開，決定試試，我們點了仙草伯爵鮮奶茶和檸檬綠茶2款，估唔到有驚喜😱，因為我們不太嗜甜，所以2杯都點了微冰，微糖，識真仙草伯爵鮮奶茶嘅味道真是有點特別，不是跟坊間一般只有奶味，但不知道為什麼嘗到有一些肧芽味道，而我亦是仙草愛好者，所以我真心like呢杯👍🏻👍🏻而另外一杯檸檬綠茶很清新，不太甜又解渴，都蠻不錯啊⋯⋯另外一提，員工親切有禮，當中有什麼不可以減甜的飲品亦會說得清楚，及收銀處旁亦放了消毒洗手液，十分細心👍🏻期待下一次再試試他們另外其他飲品🥤🥤🥤

今日熱辣辣行入葵廣，見到有間珍煮丹，諗住飲杯野解下暑。雖然間野係主打黑糖，之前有係銅鑼灣飲過黑糖鮮奶，都非常之唔錯，算係平均水準之上，但係今次行過終於得閒好仔細咁睇個menu，見到有泰式奶茶飲！！！因為唔係間間茶飲店都有泰式奶茶飲，咁出於我個人對泰奶既熱愛，咁就叫杯無糖試下啦。咁之前食飯有飲過其他餐廳既泰奶，相對比之下，珍煮丹都非常有水準，拍得住泰式餐廳堂食奶茶既級數，anyway 值得一試！強烈推介！PS無糖好正，泰奶個種獨特既茶味好夠！！PPS有朋友話芋圓都好正，下次再試

雖然啱啱過咗五一黃金周，但仍然都係要支持黃店！ 大家都要努力支持黃色經濟圈！葵涌廣場，集合咗好多黃店，而有一間新開嘅就係「珍煮丹」。即刻買一杯嚟飲。十分芋芋鮮奶，好奇怪嘅名，但係係好好飲嘅飲品，我叫嘅係微糖少冰， 飲品依然夠味，鮮奶好香，加上台灣嘅芋頭 已經係冇得輸，講句老實話，台灣嘅芋頭真係好味過香港嘅芋頭同大陸嘅芋頭多多聲，呢個芋頭鮮奶飲落去又香醇又好味，感覺好健康。 通常去珍煮丹都會係飲黑糖珍珠鮮奶，不過有時換下口味都唔錯。

前日同老婆落樓下買湯包番上去打邊爐，老婆話想行多陣，於是過左新都會，之後再到葵廣行轉，發現3樓擺晒花籃，原來有鋪頭新開張，係珍煮丹，係台灣度都好出名，之前同老婆係荃灣經過買左杯金柑檸檬，係幾好飲，而且員工服務態度又有禮貌，今次橫掂經過，再番check啦，買番金柑檸檬上去陪我打邊爐，依度店員都好有禮貌，行到門口會講（你好）😂，買完又（些些），未見過其他品牌會咁，而飲品同荃灣分店都差唔多，幾好飲，無水味，正！係值得推介！

今日喺葵廣行街，見到3樓開咗間新嘅嘢飲舖，原來係同荃灣一樣嘅珍煮丹，裝修真係有d奇怪，但係我都叫咗杯黑糖珍珠鮮奶，落單嘅過程我不斷被店員騷擾，唔明白點解我落單嘅時候，有店員要喺隔離一直嗌籌號，所以我根本就聽唔到落單嘅店員講咗啲乜嘢，等咗大概10分鐘，杯嘢飲終於出到嚟，就咁睇外表係真係幾靚，但係唔知係咪落單店員聽得唔清楚定係真係太嘈，原本係要微糖嘅，最後變咗少甜，所以杯嘢飲對於我來講真係唔係太好飲，而且珍珠過硬，同我喺荃灣飲過嘅唔一樣，有d失望