甜記餃子

營業中

休息中

本身冇寫過食評，今日特登下載openrice翻嚟就為左表達一下佢呢問店真係好唔掂☹️其實平時去開呢間食都係自己落單，今日去左買外賣就收銀處落單，諗住買翻去同朋友分享介紹佢食呢間啦，點知….原本我地係諗住叫蕃茄薯仔麵同煎餃食既，點知我落單既時候唔記得左講要煎餃，睇到張單冇打就問翻收銀A(比較年輕既女店員): 我: 可唔可以加錢轉翻?(收銀A就入左去廚房問)而呢個時候，收銀B(比較老既阿姨)過嚟，然後語氣唔係咁好咁話俾翻張單我，叫我行埋一邊。然後收銀A翻嚟同收銀B喺佢耳邊講左2句，收銀B就同我講: (語氣有啲串咁講): 你買既時候冇講，而家冇得轉嫁喇咁我都認命，廢事為難人地啦，始終係自己冇講…但係冇諗到翻到屋企，打開得2碗湯同餃子，一啲麵都冇…!???????????...成張單得豆漿係啱😊

📍 街坊小店大升級 之前成日幫襯嘅甜記餃子終於搬大舖！新店闊落咗十倍，再唔使企街等位，最重要係——餃子質素冇跌watt，仲keep到即叫即煎嘅爆汁效果～ 🍅 西洋菜豬肉湯餃- 🌿 西洋菜餡多到瀉，菜肉比例3:7完美 - 🥣 湯底驚喜！番茄豬骨湯鮮甜到飲晒，完全冇味精口乾 - 每隻餃都包到漲卜卜，咬開仲有肉汁滴出 🧀 芝士雞煎餃- 🔥 即煎上枱脆底效果100分，聽到「咔嚓」聲 - 🧀 芝士拉絲！雞肉嫩滑唔柴 - 💦 小心爆汁！第一啖咬太猛會噴到成枱 🥬 白菜豬肉煎餃- 經典款最考功夫，白菜爽甜豬肉香 - 煎得金黃唔油膩，底脆皮薄 - 🌶️ 配自家辣菜脯更惹味 🏠 新店優勢 - 座位多咗好闊落，冷氣夠猛 - ⏳ 繁忙時段都要等，但流轉快 📝 爆餡總結 👍 神級保持：煎餃脆底、湯餃爆汁 💰 性價比：人均$50食到捧肚 🌟 必食組合：芝士雞煎餃+西洋菜湯餃

間餃子店既靈魂居係個麻辣菜脯😍好食到每次食都要拎兩三碟先滿足🥰大家落完單一定要出自助區舀黎試下呀！！ 湯餃湯底必揀番茄薯仔湯🍅🥔味道清甜 （可以加麵底）湯餃：西洋菜豬肉餃、韮菜豬肉餃🫶🏻西洋菜餃味道濃郁，可能菜餡太多既關係，👸就略嫌有少少乾。🫶🏻 韮菜豬肉餃，穩定發揮，必選之一😋煎餃：芫荽芹菜豬肉餃、洋蔥牛肉餃😮‍💨芫荽芹菜豬肉餃，芫荽迷表示芫荽味度略嫌不足🌿只食到芹菜味😮‍💨洋蔥牛肉餃，呢個失左水準😔味道都可以，但肉餡食落好爛冇左口感😣總結：大家一定要去試下❣️❣️

太子分店金毛女員工十分之冇禮貌，我同fd兩個人坐二人檯，朋友坐入面我坐出面。正常上菜應該唔好影響客人情況下上，金毛女員工三番四次係我身邊冇出聲提醒格硬攝位上菜，令人感覺不適。更過分有一次拎住碗湯餃諗住之前係我頭邊上，我比唔切反應佢直接啪一聲擺上檯面極度冇禮貌。食物ok但金毛女員工真的好差😄，反而另一位黑色長髮女員工好有禮貌，要拎野送野都會提醒我地小心🥹

諗起甜記第一時間就會諗到餃子，但其實佢有其他非餃子食物，本人唔太食辣，揀左醉雞麵試吓，發現味道都幾有酒香，雞都算滑，不過有時碎骨會多左小小Btw荔枝角分店入面幾靚，有種文青café feel

甜記餃子，由最初的一家，發展到現在共有四家分店，可見受歡迎程度。點了湯餃，椰菜冬菇雲耳豬肉餃拼西洋菜豬肉餃，湯頭選了蕃茄薯仔湯，加了椰菜底，另外還點了滷水牛腱和豆漿。滷水牛腱肉質柔軟，但味道頗淡，沒有滷水的香味。餃子很大隻，皮滑，內餡塞得滿滿的。椰菜冬菇雲耳豬肉餃的材料有四款，口感豐富，味道也好。西洋菜豬肉餃也好吃，但對比之下，椰菜冬菇雲耳豬肉餃更好吃。至於湯頭，這蕃茄薯仔湯頗有家的風味，算是不錯，不過和以往相比，湯頭沒有以往那麼濃了，這不知道是不是和我這次加了椰菜底有關。加椰菜底，就是在碗中加入了大量椰菜絲，這可以更均衡飲食，但可能也是這原因，使湯頭變淡。豆漿甜度適中，不會過甜。想一讚店員的服務，我們點餐後，餃子因為是現煮的關係，加上顧客多，過了十多分鐘還未送上，我們趕着看電影，請店員幫忙，她立刻幫我們跟進，並且很快把餃子送上，真的感謝她。

同男朋友每次嚟食都係嗌一份煎餃、同一份湯餃，咁就兩款都食到啦！最鍾意、每次必嗌嘅忌廉南瓜雞肉湯餃（$48）10隻忌廉南瓜饀好濃，好足南瓜味🤍芝士粟米豬肉煎餃（$52）10隻次次一到都好心急好想即刻一啖咬落去🤩不過就辣爆嘴🥵芝士同粟米係必勝配搭✨

身邊很多朋友都話甜記的餃子好好味最近終於去食了， 餃子大隻餡多，味覺唔錯。我自己中意多D湯餃, 因為煎餃感覺似炸， 覺得油了少少，我覺得餡料中的肉打到偏泥。我自己特別中意餃子有肉的咬口，中意肉碎粒的口感～ 如果你同我一樣， 就只會覺得甜記的餃子係正常水準， 唔會有驚喜。而我的朋友們重視味道，口感其次， 所以覺得甜記的餃子好好吃（證明大家口味可以好唔同）。 

之前開喺青山道果陣時都已經幫襯開。好旺場。而且價錢吸引。佢哋啲餃子都幾都菜，肉就唔多。所以喺好食在上湯菜餡。個薯仔番茄湯都幾好飲。菜脯麻辣，醋都係自助。本人最喜歡西洋菜餃。可以淨餃($44)，煎餃($48)，跟麵等。附近一帶無味精好食餃子店。

甜記真係日日食我都唔會厭😋😋白菜豬係每次都要叫真係好好食，一定要叫蕃茄薯仔湯好好飲，佢嘅辣菜脯仲可以任攞，我會加少少醋，等佢更開胃🤤炸飲子都好正！會流汁🤩芝士粟米餃都唔錯👍🏻

甜記餃子店以實惠的價格而聞名，平均每人只需大約$50，讓人可以在預算內品嚐美味。長沙灣分店經過新裝修，環境闊落舒適，給人一種愜意的用餐感受。茶水和餐具是自助供應的，而且店內人流不多，營造出一個寧靜舒適的就餐氛圍。湯餃係薯仔蕃茄湯，鮮甜清新，嗌咗豆角豬肉餃，配搭很新鮮；煎餃則選用洋蔥牛肉，口感鮮甜Juicy，每一口都充滿誘人的肉汁。整體而言，甜記餃子店的湯餃和煎餃展現了他們對食材和烹飪的用心，結合實惠的價格和舒適的環境，絕對是一個值得造訪的美食之地。

餃子全部都非常爆餡！一啲都唔孤寒✨正宗皮薄餡靚‼️湯餃 - 配蕃茄薯仔湯🍅🥔 (各$44/8隻)先講吓個湯，煲得非常入味，食落仲會有少少蕃茄同埋薯仔蓉，超足料‼️記住一啖餃子一啖湯，非常非常夾，停唔到口✨1️⃣韭黃豬肉餃🐷韭黃加豬肉嘅配搭俾人一種清甜感覺，唔會好濃味好heavy，啱晒喜歡清淡嘅你✨2️⃣西洋菜豬肉餃🐷呢款食落比較濃味，啱晒我呢啲重口味嘅人，西洋菜味突出，同豬肉配搭埋非常飽滿✨煎餃 (各$44/8隻) - 餃子煎得非常香脆惹味✨3️⃣香葉豆角豬肉餃🐷必食推介🌟首先豆角粒咬落清脆，口感十足，如果鍾意食生菜包嘅你一定好鍾意，味道十足似，因為入面有香葉，所以食落非常有泰式嗰種惹味✨4️⃣洋蔥牛肉餃🐃 呢款餃子入面塞滿晒牛肉，不過略嫌牛肉味唔算好濃，就咁食未必知佢係牛肉添，遜色咗少少，但係洋蔥係幾香嘅✨小食5️⃣辣菜脯 (免費)呢個真係一定一定要試，啱食嘅話仲可以俾錢買返屋企添🌟呢個辣菜脯食落非常辣，嗰種辣似係川辣，一般出邊辣菜脯唔同味，配埋餃子一啖過食咁惹味✨6️⃣麻辣雞腎 ($38)雞腎處理得非常好，每塊都切得薄薄地，爽口之餘而且唔韌，食落仲帶啲麻辣，餐前小食一流✨

—荔枝角唔太熟路 所以都係食返有食過嘅自助區可以拎水 餃子醋同菜脯 麻辣蝦米菜脯?!食落幾辣惹味🥟煎餃($48/8隻; $48/10隻)煎餃似半煎炸 成隻餃都香脆🍅湯餃($44/8隻; $52/10隻)湯餃就係要飲個蕃茄薯仔湯底🌿香葉豆角豬肉餃 香料味很出 啱晒鍾意濃味嘅我新出嘅🪴檸檬葉杏鮑菇雞肉餃 都有檸檬葉味 但相比下較淡🌽粟米汁($18)粟米凍湯嘅感覺 諗起以前mosburger粟米濃湯好好飲————————————————甜記餃子 長沙灣福華街593-595號麗新商業中心1樓108A號舖

有次去開長沙灣，朋友話不如食吓甜記餃子，一直經過見到呢間舖頭，但係未試過咁我哋見到啲口味都幾獨特，同埋佢好清晰咁寫曬邊款餃子嘅卡路里👍👍👍難得嚟到，梗係食啲特別口味啦，我哋就試咗啲比較唔常見嘅味道，例如，香葉豆角豬肉餃就仲有南瓜忌廉雞肉餃，粟米芝士雞肉餃等個餐就包飲品嘅，可以自己添水同埋拎啲醬料香葉真係好重香草味，口感幾特別，同埋個湯清清地都幾好，可以飲埋佢👍👍本身都幾鍾意食餃子，所以覺得幾好食 同埋佢個裝修幾新式，唔似係食餃子嘅店

27/11 夜晚7點幾，黎哩間長沙灣食，點知個湯底同平時完全唔同，極差，一粒蕃茄都無，食落係似壽桃牌茄米線果隻湯粉包開出來的水，極難飲。平時lunch 黎d 湯唔係咁，頂。再係咁，唔會再幫襯，垃。