甜CC 甜品店 (已結業)

食完晚飯，以排好鐘意同囡囡食完飯就落街食甜品，今日我地照常散完步就行去聯和墟甜CC食甜品。甜CC其實係聯和墟好多年，佢有室外同室內，周圍都貼滿甜品照片，而餐牌好厚，好多款中西式甜品/糖水，你想食咩糖水以到一定會有，連朱古力火鍋都有。囡囡二話不說已經話要食朱古力火鍋，朱古力火鍋可以點兩款雪糕球。朱古力火鍋有香蕉、士多啤梨、棉花糖、朱古力雪糕、岩鹽雪糕。岩鹽雪糕比較少見，鹹鹹地既雪糕好好味，另外，朱古力火鍋味道夠苦，囡囡食得好開心

同朋友打完冷，仲未想走，大家都唔想走，所以我地去左格離甜CC糖水繼續一路食糖水一路傾計。8點到達，好多人食完晚飯黎食糖水~~~甜CC 除左糖水，甜品，仲有小食、串燒、飯類、芝士撈麵、秘製咖喱、滋味泰式，真係估你唔到有咁多選擇~~我點左芒果3重奏（$42）芒果3重奏有一球芒果雪糕，芒果布丁同半個芒果，芒果布丁好滑，好濃芒果味，而且仲係個花型，望落去好靚，另外半個芒果，好怕好酸唔好食，竟然好甜又多汁~~

星期五晚放左工，同同事黎到聯和墟食下野，本來諗住食糖水，原來呢間糖水舖唔止糖水食㗎喎，仲有飯麵同小食，yeah，可以一次過食齊晚飯同甜品。豬頸肉芝士撈丁自己點左芝士撈丁，個芝士汁好吸引呀！要左普通公仔麵唔係出前一丁，但都已經好彈牙唔會一pat pat，芝士汁好濃芝士味，夠杰身又夠多汁，每條麵都有芝士汁，超正。餸方面要左豬頸肉，呢個就一般般啦，有啲乾身，但無所謂，芝士撈丁芝士汁先係靈魂所在，其他一切都係配角，哈哈。麵身彈牙，撈滿汁係勁好味，勁好味呀～泰式青咖哩肥牛飯同事點嘅咖哩飯，嘩，好足料喎！肥牛嫩滑，個青咖哩汁超香椰味，其他香料味亦不弱，個人覺得呢度個青咖哩做得仲靚過街尾間泰國菜館55蚊仲包飲品，抵食呀！凍檸賓飲品大大杯又夠凍，正。酥炸鯪魚球同事話想食鯪魚球，好吖，又叫一份share食。大大粒凍左都無縮水，好彈牙而且炸得香口不油膩，如果有醬汁點下就更好了。椰汁芒果紫米食飽飽就入番今晚嘅主題食糖水，同事點左呢樣，賣相正喎。又係好足料㗎，杰身，紫米煲得軟綿綿，椰汁香滑，微甜很對胃。合桃糊冬天嘛，自己點左呢樣補一補，哈哈～又香又滑，真係糊狀唔係水，入口暖笠笠好正，唔好睇佢四方碗一個，個碗好

門面點睇都係一間甜品店，入到去睇menu竟然有飯同勁多小食選擇，真係估佢唔到！今晚嘅晚餐食得唔係好夠飽，所以要點個飽啲甜品去頂肚， 頂肚之選當然係窩夫喇～雪糕鮮果窩夫～ 食窩夫當然要食佢個脆度同埋牛油味喇！ 呢度都冇令我失望， 而且鮮果份量算多 ，旁邊亦有好香滑嘅忌廉， 雪糕方面，差唔多有十種口味去畀你選擇，梗有一款會鍾意。奇異果汁～ 最怕飲到啲加咗好多糖水嘅果汁， 飲得鮮果汁， 當然想真材實料啦！ 呢杯奇異果汁， 一飲就知道冇敷衍， 內裏全是果肉同果汁！讚呀！

這區的居民都知道，甜品糖水店少之又少，一隻手就數得完~這間是真的不錯的小店桂花桃膠紅棗燉雪梨這星期天氣凍❄又乾，一盅燉雪梨就剛好潤一潤~上面的點點桂花片，上枱時真的有桂花香未食就已經心曠神怡~足料不會太甜，味道剛剛好~桃膠有得咬下，很不錯！吃過後，身都暖一暖榴槤芒果涼粉同行朋友是愈凍愈食凍的，榴槤蓉雪過後似雪葩~試了一口的確與平時的榴槤蓉不一樣，加上涼粉，真的透心涼！特別的是，涼粉有幾款「湯底」供選擇，有芒汁、椰汁、忌廉汁，幾有趣~當然還可以加好多配料，自由搭~串串放工又未到晚飯時間，食幾枝串串~幾款都是水準之作，脆、香、不油雞軟骨串真心不錯~爽脆！

其實我個人覺得服務態度都還可以嘅，因為我係下午嘅時候買，店冇人得我一個客，所以拎到外賣嘅速度都幾快，外賣要加一蚊都算合理。滿心期待咁返到屋企，一攪傑到爆炸，完全唔似一般嘅紫米露糖水，唔係嗰種好濃嗰傑結法，而係加咗好多粉嗰一種。味道方面就非常一般，紫米嘅味好淡，仲要落埋粟米，完全唔match，粟米味冚住曬紫米嘅味道，而且小丸子煮得唔夠淋，佢冇考慮到凍嘅糖水會令小丸子變硬少少。呢個一啲都唔好食， 而且價錢仲要唔平，都係上水嗰間四方果嘅紫米露最好食

呢個星期日我地幾個朋友去左呢間店吃甜品,因為我第一次去,所以跟在我朋友叫榴槤味的心太軟,店員問我地叫不叫薯條雞翼,有椒鹽味同X糖味。咁我就叫左個X糖味的薯條雞翼,首來的是榴槤味的心太軟,感覺得冇咁特別同埋不值呢個價重點系人後來的X糖味的薯條雞翼,D雞翼炸到好干,我問佢有冇茄醬,佢話呢個系X糖味的薯條雞翼(意思即系冇茄醬),我吃了幾條薯條同一隻雞翼,真系冇味,只系表面少少甜,入面一D味都冇,真系吃不到下去,之後我問佢比D茄醬.佢話要加二蚊,我就話唔使了,之後冇吃就走左要D茄醬要加二蚊,我真系第一次听,以後唔會再幫親

夏天總係想食啲甜品 ，唔想咁肥就會叫啲生果類加爽口類嘅嘢，唔會咁甜， 呢個 qq果凍同menu張相比較，真係 「圖片只供參考」， 本身係應該一粒粒， 有唔同形狀公仔， 但嚟到只係一個普通嘅甜品杯倒出嚟，切開幾粒爛溶溶咁樣！ 仲要我落單之前問佢，係咪如圖有咁多粒，佢仲要答我：「係」， 件事真係錯曬。老公就食呢個紫米露，味道方面冇特別問佢，我諗應該ok的但係真係不恥佢哋嘅處理手法， 我已經好快食完我嘅甜品，我老公大概整返三至五啖， 喺呢個情況之下， 有客想入 ，佢竟然叫我哋調枱 ，我明白細舖嘅生存之道，唔想得失任何一個客， 但點可以叫食食下嘢嘅客人起身調枱，重要態度唔多禮貌。難道叫想入嚟嗰枱客等多幾分鐘都唔得咩？ 嗰晚仲要我同我老公勁多行裝，真係非常狼狽。

大約九點鐘, 未食晚飯, 又想食甜品，所以一家大細去食甜cC。媽媽叫咗豬頸肉芝士扔撈丁，芝士非常香濃，份量合適，好食到唔捨得同囝囝分享🙈 豬頸肉都燒得香口，而且厚薄適，唔會太難咬。椰果火龍果黑珍珠 - 火龍果都夠多，夠新鮮，黑珍珠同椰果應該度度都差不多，我就唔寫啦😂😂。炸鯪魚球 - 好大粒，鯪魚肉好彈牙， 胡椒粉份量ok, 唔會蓋過鯪魚味，其他地方食過得胡椒粉味，好驚。雖然好熱氣，都俾囝囝都咗好多🙈豆漿有驚喜，香濃豆味，甜度剛好，下次一定再叫。

成個舖六張枱，只有三張枱有客（一張1個客，兩張2個客），跟住要我地坐係廁所門口，但其他三張枱無客，我地揀坐舖門口，佢話：要答枱，頂佢唔順問佢：廁所門口同門口個張枱一樣，有咩分別？跟住佢黑面。坐低左，就催同黑住面問食咩⋯⋯第一：8:30 成個舖得5個客，仲要有枱唔比坐，要人坐廁所門口第二：坐低就催，仲要黑面*呢啲咁既舖，唔會再幫襯

自己一直都好鍾意食心太軟 聽聞甜cc嘅心太軟好食, 嗰日行過就去咗買外賣返嚟, 過往經驗唔係間間都有得外賣心太軟, 咁啱呢間可以 佢嘅雪糕仲有好多口味揀 例如薄荷曲奇, 奶茶同榴槤味, 我就揀咗奶茶味配心太軟, 奶茶雪糕食得出有茶味, 心太軟要等15分鐘, 有大量流心朱古力, 如果個 蛋糕再多一啲 個口感會仲好, 佢仲有配少少生果同朱古力蛋捲伴碟嘅。 另外仲 叫咗小丸子紫米露 ，紫米露就比較*杰身*， 食完相當襟飽。 外賣 心太軟 同小丸子紫米露 約八十幾蚊， 價錢屬可接受水平。

與一大班朋友出來吃夜宵，我們走到這家店，決定在這裏吃，因為甜品和熟食都有。 這也是朋友推薦的。 晚上大概9點半，人挺多的，店裏已經沒有位置，店員安排我們在外面開了幾張台就坐下了。我們每人一道甜品，然後再叫了幾份熟食分享。而我覺得西米露很不錯，特別適合在夏天吃。甜度合適，夠冰涼而熟食方面很棒，芝士撈面是朋友推薦的，我們叫了一個牛肉，一個豬頸肉芝士撈面。 牛肉有點少，豬頸肉很棒～ 不過芝士面好像有點發了。總的來說是不錯的～

呢到甜品的價格唔係特別平，但叫做選擇多，叫左個芒果西米露，芒果勁酸，芒果份糧又少，西米煲得太淋。另外，店員服務較好一般，叫落單叫左好耐，落單時店員又勁趕急，講慢少少都催。

第一，服務態度非常差，啲阿嬸個個黑住面，好似差佢幾百萬咁第二，本身價錢已經唔係特別平民，味道都完全達唔到正常水準，叫熱芝麻糊豆腐花，黎到之後芝麻糊似係用粉沖出黎既，味道極淡，豆腐花竟然係凍既，完全唔符合商品說明條例第三，阿嬸入多左單，分量多左，但要求客人為佢負責任買單，完全唔合理，我地質詢時阿嬸反而質問我地，服務態度非常差總結：非常唔建議黎食，無論係態度定味道，都有更加好既選擇，而唔係呢間咁既野，唔好浪費自己既錢黎買罪受

我叫左個杏仁茶加 一份 小丸子。食食下打單見到加左兩份，見到碗底有成堆小丸子，問下店員咩事，佢反而反問我點解見到張單打錯都照食，但係明明係碗甜品黎先，張單黎後，成碗野都係白色，我第一次又點會知你一份小丸子係幾多粒？個店員又西住面反問我咁可以點，你食左我又賠唔返俾你，間硬屈我錢，但係呢個明明係個店員落錯單既問題，然而佢走黎怪我？🙄我真係以後都唔黎，服務態度極惡劣。🤷🏻‍♀️希望大家黎之前都見到呢評論，可以避免俾人屈錢兼西面。