生生市場 (捷榮樓)

營業中

休息中

平時食韓國嘢，通常價錢都唔平，近排我發現咗一間外賣店有好多唔同款式嘅韓國料理、泡菜、飲品，而且價錢仲非常相宜，所以就趁住今日放工買嚟試吓！我哋揀咗一個二至三人套餐B ，價錢只需要$188就有四款韓國菜 同埋 兩款飲品 ，我哋就揀咗烤牛肉拌飯🐮、韓式炒粉絲🍲、泡菜煎餅🥠、魚餅串湯🥣，牛肉燴飯大大兜，而且仲有好多唔同配料，撈埋一齊食口感一流！ 泡菜煎餅到返屋企都仲係香脆嘅！ 飲品方面就有四款選擇，我哋就揀咗濟州橙汁🍊、青葡萄汁🍇，呢個套餐份量都真係幾多，三個人都好足夠，咁樣除返開嘅話人均只要$60左右就有交易，抵到爆！另外我哋仲試咗佢哋一款泡菜 —— 韓式炒魚仔🐟 $60，呢一款配菜香港比較少見，鹹鹹甜甜咁都幾好餸飯㗎！

元朗有間外賣小店「生生市場」，主打食韓式料理，由小食到主菜都有齊，款式都幾多！收工仲趕得切買下午茶，價錢抵食又大份！另外仲叫多個二至三人餐同屋企人食🔹下午茶 $49便當盒有烤牛肉紫菜飯捲、韓式炒粉絲、甜辣無骨炸雞、香脆韓國豬肉餃子、原味辣泡菜、甜酸漬蘿蔔，好多款食物，超級豐富！另外仲點咗個二人餐，$198可以揀四款食物，連2款飲品！份量都幾多🔸辣豬肉紫菜飯捲餡料飽滿，夾住好多辣豬肉，仲有紅蘿蔔 、青瓜、玉子、酸瓜等配菜，一啖放入口好滿足嘅感覺🔸人蔘雞湯有半隻雞，啖啖人蔘香味，有紅棗、糯米、蔥花等，另外仲配多碗白飯🔸甜辣無骨炸雞雞肉嫰滑，最重要係冇骨可以啖啖肉，炸粉厚薄適中，加上有甜酸醬味道更加濃厚🔸新鮮辣泡菜泡菜新鮮醃製味道食得到大白菜嘅鮮甜，而且口感特別清脆，不過個人覺得真係超級辣！！！唔食得辣嘅朋友真係要小心

好食嘅嘢真係無論食幾多次都唔會厭，今日過開元朗，又順便過嚟買啲飯卷做晚餐。呢度嘅飯卷每款都好足料💯，入面嘅蔬菜🥬份量仲多過飯，超正夠晒健康呀！真係食到韓式嘅味道。點左：🐟韓式炒魚仔紫菜飯卷🌶️辣炒豬肉紫菜飯卷🧀芝士紫菜飯卷🐂牛肉紫菜飯卷新鮮泡菜🌶️（細）每份飯卷入面都包咗大量嘅配菜，包括青瓜、紅蘿蔔、白蘿蔔、雞蛋等等。每一啖都食到好滿足😌，一盒入面都有好多舊，食完一盒已經飽飽地。細食嘅可能一盒都食唔晒就已經飽。見到佢仲有好多套餐可以點，真係啱晒一大班人開party。

韓式外賣專門店「生生市場」係2間分店係尖沙咀同元朗元朗呢間都好易揾呀～係千色嘅對面有多款韓國料理，包括紫菜飯捲、湯燉、韓式炸雞🍗、韓式便當、涼拌等等….🔸芝士紫菜飯捲  $50  個芝士🧀係溶溶的👍🏻再搭紅蘿蔔絲🥕、青瓜絲、火腿、蛋…咬落口感，好豐富🤤🤤🔸芝士無骨炸雞  $88  外脆內嫩的炸雞，搭配濃郁的芝士絕對是炸雞愛好者的最愛！我選擇了大size，份量十足，吃得過癮！🍗💕🔸炸醬麵  $68  醬汁濃郁的炸醬麵搭配肉粒、青瓜絲🥒，而且炸醬嘅醬份量足夠👍🏻🔸涼拌波菜🧅 $28  喜歡食韓式波菜，加了點芝麻同麻油 清爽可口😍

元朗區大路口韓食外賣店一經過比門口下午茶餐牌吸引49蚊咋🍚有齊炸雞/餃子/泡菜/蘿蔔/飯捲/粉絲炸雞啖啖肉有辣有唔辣飯捲好足料有烤牛肉/辣豬肉係抵食又好食比錢見到張餐單好多選擇無實際數一定過50樣🍚芝士紫菜飯捲最中意將材料切絲再咁多捲埋一齊口感好豐富薄薄芝士剛好香口又唔會蓋過新鮮蔬菜🍚辣炒公仔麵年糕真係好辣辣到好過癮自己煮唔到陣味🥃配返罐梨汁啖啖果肉 潤喉 飲完即刻唔熱氣🥃第一次飲米水原來個名叫甜米露清淡甜味好香穀物味又係解膩潤喉嘅感覺再食多幾件炸雞都唔怕畀曬錢等拎外賣先發現原來仲有醬油蟹仲要好抵比起賣韓式食品店更抵食仲有成個雪櫃賣急凍同韓式小食買返去加工煮部隊鍋都得食唔到咁多唯有下次

🐽 辣豬肉紫菜飯卷紫菜好香麻油味，入面嘅泡菜豬肉辣得嚟帶少少甜味，飯粒唔會過硬，仲有醃蘿蔔同菠菜增加口感，整體唔會太乾身。最怕啲飯卷散晒，呢度包得幾實淨🐽 甜辣無骨炸雞個醬汁調得幾平衡，甜味先出後勁帶微辣，炸皮夠脆。雞肉本身醃得入味，咬落仲有肉汁。配埋醃白蘿蔔解膩幾一流🐽 雜菜煎蛋卷蛋煎得香滑唔油，入面嘅甘筍絲、洋蔥同菠菜切得夠幼，咬落仲有爽脆感。仲有少少芝麻香吊味。🐽 泡菜煎餅邊位煎到金黃脆口，中間保持煙韌，泡菜粒份量足，酸辣味夠突出。略嫌麵粉感重咗少少，但配埋醋醬油食都算補救到。整體四樣嘢都keep到水準

今晚選擇咗外賣韓式美食，真係滿足到味蕾。呢間生生市場喺元朗已經開咗一段日子，餐牌選擇多樣，最後揀咗套餐同加咗一個韓式炒粉絲。首先，辣豬肉紫菜飯卷內含紅蘿蔔絲、青瓜、辣豬肉同雞蛋，口感層次豐富，每一口都好味 🍙🐷。蘿蔔魚糕湯熱辣辣，魚糕彈牙，湯底清甜中帶少少辛辣，暖胃又開胃 🍲。甜辣無骨炸雞外層脆口，內裏嫩滑，甜辣適中，係炸雞控嘅至愛 🍗🌶。新鮮辣泡菜帶點酸辣，開胃又清新，食韓國菜點可以少得 。韓式炒粉絲彈牙入味，配菜鮮甜，非常滿足 🍝。青葡萄汁同梨汁味道清甜解渴，令整餐更添清爽感 🥤🍇🍐。最後，外賣袋內仲發現咗一張到會傳單，下次朋友聚會可以考慮呢度，多一個選擇真係唔錯 😃。

去元朗成日經開呢間色彩繽紛嘅韓式外賣店「生生市場」，今次趁有朋友嚟我屋企玩，趁機外賣咗個2-3人套餐招呼朋友😆辣豬肉紫菜飯卷捲⭐️⭐️⭐️⭐️⭐️一向都好鍾意食kimbap，辣豬肉味道濃郁好豐富，充滿麻油味嘅飯配埋大量蔬菜，真係食吓一件食唔停🫣呢度飯捲好多口味，下次經過都要買返條過下口癮👍🏻韓式蜆肉大醬湯 ⭐️⭐️⭐️⭐️⭐️韓式大醬湯其實同日式嘅味噌湯類似，呢個湯會配埋白飯一齊食！今次喺我第一次飲大醬湯，原來加埋蜆肉係會有一陣鮮味，大醬湯顏色偏深味道濃烈，啱晒重口味嘅我😋甜辣無骨炸雞 ⭐️⭐️⭐️⭐️⭐️食韓國嘢點少得食炸雞，炸雞份量唔會好多，但係因為無骨啖啖肉嘅緣故，所以兩至三個人食剛剛好😍炸到脆卜卜嘅炸雞加埋甜辣醬，韓國風味即刻出晒嚟❣️新鮮辣泡菜 ⭐️⭐️⭐️⭐️⭐️相比原味辣泡菜，我比較鍾意食新鮮嘅泡菜，因為會有一種清爽嘅口感，新鮮嘅辣泡菜爽脆而且多汁，對於鍾意食辣嘅我嚟講，辣度啱啱好亦唔會太酸👍🏻雜菜煎蛋卷 ⭐️⭐️⭐️⭐️⭐️店長極之推介，話唔係日日都有，咁有緣當然要買一份嚟試吓🤭鬆軟嘅煎蛋卷又大又厚份量十足，配埋紫菜、蘿蔔同埋其他雜菜增加口感，果然係呢度必食小食之一！

平時成日見到好多人幫襯呢間生生市場，呢日唔想煮飯，就去咗買外賣齊齊分享！蜜糖蒜蓉無骨炸雞呢度嘅炸雞好有水準，炸漿沾滿甜甜嘅蜜糖蒜蓉醬，入口唔會太厚粉，內裡肉質juicy嫩滑，份量仲非常慷慨，必點！韓式海鮮嫩豆腐湯配飯天氣凍，飲一碗熱騰騰嘅暖豆腐湯特別暖胃。豆腐湯好足料，海鮮有蝦和魷魚、辣辣地之餘，味道都好鮮甜！吞拿魚紫菜飯卷份量一樣好足，每一件飯卷都包得紮實，餡料飽滿，一啖一件，滿足！韓式辣炒豬肉拌飯除咗辣炒豬肉之外，仲有芽菜、煎蛋、泡菜、紫菜、蘿蔔、青瓜絲，顏色豐富。味道穩陣，調味唔錯。

最近試咗間韓式外賣店「生生市場」，佢哋啲嘢食夠晒地道風味，啱晒想喺屋企輕鬆歎韓式美食嘅朋友！今次我哋叫咗幾樣嘢試吓，包括韓式炒粉絲、泡菜、烤牛肉紫菜卷同埋芽菜。首先講韓式炒粉絲，佢哋嘅粉絲炒得好入味，彈牙又唔會太油膩，配埋啲蔬菜同肉絲，口感好豐富！泡菜夠晒酸辣，味道好正宗，送飯一流！烤牛肉紫菜卷都好正，紫菜脆卜卜，烤牛肉嘅香味同埋飯嘅甜味好夾，一口接一口，好滋味！芽菜就爽脆清新，可以平衡返其他嘢食嘅油膩感。整體嚟講，生生市場嘅嘢食都好有水準，價錢又合理，而且佢哋嘅外賣包裝都好乾淨企理，送貨速度都好快，真係一個唔錯嘅韓式外賣選擇！下次一定會再試吓佢哋嘅其他嘢食，例如炸雞、辣炒年糕等等，諗起都流口水！如果你都鍾意食韓式嘢，不妨試吓生生市場，相信你都會鍾意！

一於試到成日經過的生生市場韓式外賣，種類真係好多。落單後會即整，所以要等大約15分鐘。下次屋企開party仲可以考慮埋叫到會。韓式水冷麵，麵身夠爽滑，湯底超正，第一下有Wasabi嘅感覺，然後有啲酸酸甜甜嘅味道，而且佢嘅冰都係有湯味，越食越濃郁，夏天食真係超正。蜜糖牛油無骨炸雞（S），份量好足，一打開超香蜜糖牛油味，炸粉皮薄，所以好入味，啱晒鍾意啖啖肉嘅人。勁多份卷選擇好開心，而且包裝好衛生，好夠飽肚裏面勁多餡，返到去加熱食一樣咁好味。

韓式外賣小店烤牛肉紫菜飯卷 ＄53好大份，差唔多有12件，而且每件都好多料，有齊青瓜、雞蛋、紅蘿蔔等等。我叫左牛肉，比既份量都多，每件都拳頭咁大件！香脆韓國豬肉餃子 ＄48呢個大推，入面食落既豬肉味係用炭火烤過既豬肉味，相當惹味，價錢都唔貴，$50都唔洗，推介一試！另外會有個醬汁比你點，酸酸地。芝士無骨炸雞(S)＄58蜜糖牛油無骨炸雞 (L） ＄88叫左2款炸雞 ， 都係無骨，份量都幾大，味道係唔錯的，但呢到係落粉，唔夠juicy。蜜糖牛油會好啲。

生生市場之前已經黎過，基本所有韓國食品都可以係度搵到，非常方便。而且外賣採用密封包裝，返到屋企一開就食得。烤牛肉拌飯係今日的午餐，飯餸會預先分開，非常貼心。飯上面有脆皮荷包蛋，餸的份量原來好多，牛肉碎夠入味，加埋韓式拌飯醬，是健康又飽足的一餐。今日點左2款未試過的飯卷，韓式炒魚仔紫菜飯卷魚仔帶甜，份量俾得好大方。紅蘿蔔，黃蘿蔔，青瓜，牛旁絲，材料滿瀉。芝士紫菜飯捲 芝士鋪滿一層，加上嫩蛋和餐肉，小朋友超愛。韓式炒粉絲炒粉絲一開盒已經聞到好香的麻油味，木耳、韮菜和冬菇絲等等，加上白芝麻，完全是餐廳級數。辣蘿蔔粒泡菜呢款叫了細size,但一餐都食唔曬。蘿蔔粒夠入味和辣，食落爽脆清甜，好味道。下次一定再encore。

生生市場 由韓國人主理性價比高✅韓式料理！以相宜價錢食到高質美味韓國菜🇰🇷食物款式多炸雞、泡菜鍋、手卷、小食、蛋卷都有嫁叫左兩款手卷！🍙韓式牛肉手卷🍙韓式辣豬肉手卷配料充足：甘筍、青瓜、雞蛋卷～一啖一口！口感豐富又健康！🍗韓式炸雞即叫即炸新鮮熱辣！炸雞外脆內軟非常Juicy🍚韓式牛肉飯！用上肥牛！油脂豐富～加入多款配料，撈飯一流生生市場 元朗店📍元朗教育路2-6號捷榮樓地下C號舖灣仔店📍灣仔堅拿道西15號永德大廈地下G13號

元朗有間韓式外賣店「生生市場」。開喺元朗中心位置教育路，地理位置方便！呢度嘅menu夠晒多元化，食到多款地道韓式小食，炸雞、紫菜飯捲、湯飯類、韓式前菜等一應俱全。可以單點外，又有套餐，仲做埋到會，偷懶唔想煮或者買黎做party food都好適合。落單之後等大約10分鐘啲野食就ready好，夠快捷。今次點左幾款韓式地道菜色，味道都唔錯，價錢亦親民！韓式炸雞有多款口味選擇，仲有兩個size選擇，人少少點左個細size就啱啱好。蜜糖蒜蓉無骨炸雞。調味有蜜糖嘅甜同蒜蓉嘅香，好惹味！炸雞都炸得夠脆口，雞肉肉質夠嫩，啖啖肉，無骨嘅炸雞特別滋味！作為紫菜飯捲愛好者，一次過試左兩款口味。韓式烤牛肉同埋韓式豆腐。紫菜飯捲好足料，而且包得好實淨，唔會一夾就散。一份紫菜飯捲有12件，份量比想像中多！不過烤牛肉就無咩牛肉味，韓式豆腐反而口感仲豐富，雖然全素但味道唔覺得單寡。韓式炒粉絲係冷盤，呢個幾好味！麻油香好突出，粉絲口感好彈，入面仲有唔同種類嘅蔬菜，冬菇、菠菜、蘿蔔、雲耳等等，好味。辣炒年糕都唔錯！個辣椒醬甜辣十足，辣勁十足！年糕都好煙韌唔硬，入面仲有魚糕同雞蛋，沾辣椒醬食好味！