番茄18

營業中

休息中

餐廳掛左好多霓虹燈同招牌，裝潢好有舊香港特式，座位好多，環境舒服。花膠雞湯米線：花膠好厚身富咬口，滋補養顏，切雞脾新鮮嫩滑，雞湯香濃，熬成奶白色，人氣必點。麻辣牛坑腩湯米線：除左主打既番茄，麻辣都係招牌，湯底麻辣味十足，剌激味蕾，牛坑腩炆得軟腍。招牌瑞士雞脾：雞脾醃得夠入味，入口甜甜地，呢度既自家製瑞士汁，係用頭抽熬製而成，色香味俱全。口水雞：口水雞充滿花椒香味，口感微麻，加左花生同脆筒，I like it。招牌木碎花生多士：份量十足既厚多士，切到細細塊，鋪滿花生醬和煉奶，勁邪惡。華田脆脆：面層既阿華田粉，脆卜卜既華田脆脆，一次過品嚐多重阿華田既滋味。紅綠椰冰：椰汁配上軟綿綿既紅豆和綠豆蓉，令我回味無窮。總結，食物好味足料，出菜快，物超所值。

唔講咁多，好肚餓呀！嗰條街其實有好多野食，點解會揀呢間？可能比佢既設計吸引咗👀老實講，蕃茄湯冇太大興趣。但因為叫辣就要配蕃茄🤣冇辦法啦唯有試一試佢啦牛肉既份量係合理的起碼唔會覺得少米粉係我中意食物之一，因為有好既湯自然就會有好既米粉吸收🧽。吸收咗米粉就係精髓🥰一邊食米粉，一邊食到佢吸收湯既精華🤓👍正呀！但如果你抱住高心態個湯好有蕃茄味咁可能要你失望了🙍🏻‍♀️但麻辣做得好岀色的！我大約下午茶時間食但我都飽到夜晚八點先肚餓🤣

收工做完運動特別肚餓，同朋友去佐荃灣搵食😋荃灣廣場對面街堪稱為食街，成條街都係唔同風味餐廳，人流都非常旺👍🏻揀定想食港式餐廳，就一於去食蕃茄18。入到去好有時光倒流既感覺，同埋好有香港特色既環境🤣得意既係咁傳統裝潢既環境，係用電子落單，好方便！黎到蕃茄18，一定要叫佢既招牌菜：招牌藥膳雞髀米線同瑞士汁雞翼！由於好肚餓既關係，我地另外都叫佐上湯粟米餃子同埋芝士焗肉醬意粉😋招牌果然係招牌，藥膳湯底好濃味，而且唔洗怕唔真材實料，湯底真係有好多藥材😂😂！瑞士汁好濃而雞翼亦都好嫩同微暖，飯前小吃岩曬😋不得不讚芝士焗肉醬意粉，雖然唔係招牌菜，但係都好出色，芝士半融加上足料蕃茄粒同肉碎，唔講以為都係招牌菜🤣可惜今次無叫到另一招牌，木碎花生多士，下次再黎食返！😋

今日去咗蕃茄18，餐廳內系懷舊港式裝修，打卡一流，服務員都好親切，店內亦有QR CODE落單選擇，每一樣食物都系重量級😆非常足料。 佢哋嘅菜單好多元化，真系望住都流哂口水🤤樣樣都想食。雖然餐廳主打嘅系米線，但我今日想食小食，叫左啲招牌小食，黎同大家分享下啦。木碎花生多士 $28份量超大份，花生碎多到滿瀉，配上煉奶，竟然系咁好食，呢個有創意而且滿足感爆分。麻辣雙色餃 $35呢到既雙色餃有6只餃子，配上麻辣醬，令到餃子沾滿麻辣味，色香味具全！蔥油雞（例牌） $58蔥油雞好嫩滑，雞上面鋪滿蔥油，每件雞都充滿蔥油味，值得推介。焗芝士肉醬意粉 $75份量超級多，要share食先食得曬，而且重芝士，焗完出黎，好香既芝士味，肚餓時叫呢個一定夠飽！麻辣娃娃菜 $28超級大碗，而且菜既份量都好多，麻辣味唔會好辣，小朋友都岩食。瑞士雞髀 $30 瑞士雞翼 $40鹵水味好濃郁，好大只！咁既價錢絕對超值。麻辣娃娃菜 $28份量都系超級大碗，而且菜既份量都好多，麻辣味唔會好辣，小朋友都岩食。麻辣雞排 $32雞排上面鋪滿麻辣醬同蒜蓉，令到雞排更香同更惹味，而且雞排煎炸時間岩岩好，令到雞肉好滑好嫩。焗肉醬熱狗 $3

🍜麻辣手撕雞湯薯粉 $54～味道濃郁，而且份量十足。🍜特色蕃茄濃湯麻辣雞扒通粉配牛乳炒蛋（加叉燒）$67🍜蕃茄濃湯叉燒米線配牛乳炒蛋 $44 🍜蕃茄濃湯肥牛米線配牛乳炒蛋 $44 跟餐飲品半價 🥤

荃灣蕃茄18是一家非常推薦的餐廳。他們的蕃茄湯通粉配招牌瑞士雞髀非常美味。蕃茄味🍅超濃，真材實料如果你想要多一些味道，可以再加$8追加鮮牛肉，牛肉非常嫩。瑞士汁的味道也十分濃郁，雞髀都幾大隻，又入味除了這個招牌菜，他們的金牌咖哩牛腩也是一道非常受歡迎的菜品。咖哩的味道濃厚，牛腩肉質鮮嫩，愈食愈多飯，正👍🏻如果你喜歡喝奶茶，他們的紅豆奶茶是一個不錯的選擇。這杯奶茶濃郁而香甜，加上紅豆的口感，非常美味。上湯生菜🥬總的來說，荃灣蕃茄18是一家非常讓人滿意的餐廳。他們的菜色口味獨特，做工精細。如果你想要品嘗美味的蕃茄湯通粉或金牌咖哩牛腩，這是一個不容錯過的地方。而且店舖裝修幾有懷舊味道

成日行過都見到呢間餐廳門面紅噹噹，入面嘅裝修行懷舊風，一直都想試吓，不過男友成日都話要食隔離好多人排隊嗰間x茶，難得佢終於食厭，批准我揀其他餐廳，一於試吓呢間令我幾驚喜嘅係我以為餐廳主要都係提供蕃茄嘅菜式，畢竟佢都用番茄命名，但原來佢都係好似普通茶記咁，選擇多籮籮，有麻辣，咖喱，茶記常見嘅食物，當然都有蕃茄嘅食物~ 我哋一於大包圍咩都試吓，所以叫咗麻辣蕃茄湯米線，咖喱牛腩，瑞士汁雞脾，口水雞做主菜，再叫埋一個上湯浸娃娃菜同甜品，兩個人食到捧腹而回勁滿足其中我最欣賞嘅食品有兩樣，麻辣蕃茄米線調味深得我心，麻辣酸甜加埋好正，果然餐廳用番茄做招牌係有道理嘅~ 另外就係甜品叫木碎花生多士，其實就有啲似糖不甩，不過變咗烘脆咗嘅多士粒粒，成件事好襯好好味，值得encore希望下次可以試吓佢個早餐同午餐

之前喺荃灣返工一諗唔到食咩我就會行嚟呢度食😹自己好中意食番茄湯🍅見佢個招牌都有蕃茄一於試試佢！🌟番茄通粉 + 芝士奄列 + 丹麥方包 $56個茄湯係番茄蓉+茄膏+新鮮番茄整出嚟嘅～飲落去唔會太酸同時都啖啖番茄蓉，再加埋原本跟餐嘅蛋，完全係perfect match🫶🏻芝士奄列 - 呢個一啲都唔hea～佢厚到我估起碼用左3粒蛋！入邊係滿滿嘅火腿絲同埋拉絲芝士🥹丹麥多士 - 係邪惡嘅牛油+方包，再擺落去焗✨咬落去超香🥹🥹私心推介加埋白砂糖，令到成塊包味道更昇華⏫雖然更加肥，但係…食完先減啦！

無食半年，今日經過諗唔到食咩就行左入去11點幾鐘，入去叫野食果時坐滿6，7成左右叫返平時食開既蔥油雞扒蛋飯多汁多蔥油凍檸茶結果係乜都無多過，個飯仲要係白雪雪上到來第一啖已經食到蛋殼碎，撩開個蛋白見到有塊蛋殼仔，後面第二塊蛋一樣又係好多蛋殼碎，呢度都算最垃圾就係個個白飯，直頭不知所謂就咁睇都知道係難食既，有d就一pat野，有d就係擺到乾哂水咬落會痴牙既，最好笑係仲有幾粒唔知佢點煲出來，係生既，咬出來仲係粉既，一碟飯可以幾個口感，真係好野個雞扒又係垃圾，都唔知個廚房佬點整，色就有啦，但係可以無味既凍檸檬茶全部揀正常，檸檬吉到爛哂都係飲落淡茂茂收人50幾蚊一個餐，最基本煮個白飯出來都唔食得既，你話餸難食我都仲可以撈汁食左個飯，連個飯都食唔落口，不知所謂

招牌蕃茄湯 呢間茶記menu好多都好吸引叫左個蕃茄鮮牛米粉再加隻鼓油雞髀先黎碗米粉 好大碗 牛肉都好多塊 肉質又夠鮮嫩蕃茄湯濃唔會太偏甜 係鮮茄濃湯唔係得茄膏味重點係個雞髀大大隻 好入味食到好飽都唔想嘥 個人飽住都要清晒成碗米粉同雞髀

今日同朋友去抱石，抱到全身都軟晒勁攰，即刻要搵返啲好野食瘋狂補充體力！朋友介紹左我黎呢間「番茄18」，事關呢間出名性價比高，樣樣都勁大份！野食勁多款式，最出名係番茄湯米線同瑞士雞脾，雖然都好想食，但最後見到難得有好耐無食過既蛋治同叉燒滑蛋飯，又怕全部叫晒會食唔晒，唯有取捨下叉燒滑蛋飯，叉燒同蛋多到見唔到底下啲飯添呀，我特登叫左多汁，撈埋啲飯一齊食，完成停唔到口！叉燒半肥瘦唔會乾巴巴，炒蛋就真係炒到勁滑，又重蛋香，一流！朋友反而做完運動做到想嘔無乜胃口，叫左餃子食就算餃子皮夠薄，食落唔會成口粉，加上面頭落左蔥花，食落好香口咸牛肉蛋治同肉丁蛋治，入面啲蛋勁多，睇見都開心，多士落重牛油再烘底，咬落脆卜卜有聲兩杯特飲紅豆咖啡同紅豆奶茶，估唔到原來都咁match有少少似紅豆冰既味道，但又有啲咖啡甘香，好正呀

裡面都戰多元素 haha又有荃灣戲院又有飛仔髮廊 地產 士多價錢唔貴 食物選擇都多元化性價比高 有質素 會唔怕成食有樽裝冬瓜茶 冷泡茶麻辣蕃茄湯配麻辣豬扒米粉酸辣、麻辣、清爽，口感非常開胃切成小塊嘅蕃茄粒 花椒、八角、蒜、鹽喺塊豬扒上清晰見到辣椒油八角 香蒜勁大份炒蛋 勁抵食 大大碗 絕對對得住價錢麻辣手撕雞麻辣的口感也能夠刺激食慾，讓人食慾大開 手撕雞大大份啖啖肉 眼見好多香料 毫不吝嗇蔥花炒蛋治厚蛋 有厚度 有温度 食一件都飽飽地🤣好味 簡簡單單冇花巧👍🏻番茄18 荃灣大壩街39號地下

食盡荃灣之港式 — 番茄18————————————————今日係荃灣街街，突然間想食米線就諗起蕃茄18既招牌蕃茄濃湯底配米線呢個組合🤗， 鍾意食蕃茄湯底嘅人千祈唔好錯過呀🔸蕃茄湯底米線配牛乳炒蛋番茄18嘅蕃茄湯底係佢哋嘅招牌， 蕃茄非常足料，味道濃郁，睇個湯既texture就已經知道😇， 湯底甜甜地，米線滑溜， 雞蛋可以自己選擇要炒蛋定太陽蛋等🔸 瑞士雞髀撈公仔麵 配牛乳炒蛋加丹麥多士呢個set相當邪惡得黎而且食得好飽肚， 本身係撈雞翼，不過可以加多幾蚊轉雞髀， 瑞士汁好入味，推薦！ 如果唔想食咁多嘅話都可以單叫瑞士雞髀或者瑞士雞翼小食嫁🔸 炸薯角估唔到炸薯角小食分量咁多🤣 新鮮滾熱辣，炸得唔錯唔會好冧，食完勁飽🤣🔸 炸魚柳魚柳亦都好大一條， 食落脆卜卜，入面魚肉軟滑，唔錯💭Overall comment:平時夜晚呢度都幾多人食㗎， 無論係想食米線做正餐定係想單嗌小食亦都有好多款選擇🤔唔鍾意番茄湯底嘅亦都可以試佢哋嘅四川麻辣湯米線😚

荃灣大壩街整條街都是食肆，食店琳瑯滿目，經常推滿人，我和朋友在眾多食店中選了這間「番茄18」食米線，因大大的店舖門前非常光猛吸引，店內也裝修得古色古香，甚有特色。「花膠雞湯米線」 雞髀位$82米線雖然經常食，卻很少見這麽有創意，嘩！見到餐牌有花膠、藥膳雞米線，真夠養生。加$10還有雞脾呢！加上幾塊大花膠，這個價錢，簡直超值。米線浸在雞湯內，格外鮮甜。「胡椒豬肚雞肉米線」$59這碗米線有超多豬肚和雞肉，豬肚爽口，雞肉軟腍，湯底真材實料用心熬製，絕無味精，清甜好味。「上湯粟米豬肉餃」8隻$37豬肉餃粒粒飽滿，湯底同樣清甜，還有菜和超多的蔥花，正。「上湯灼生菜」$28生菜新鮮，份量多「華田脆脆」$14「紅綠豆椰汁冰」$16紅綠豆正合我心意，還可以因個人的喜好，選少冰和少甜

今日早放，約咗朋友一齊去荃灣覓食，大壩街一向喺荃灣食嘢多嘅地方，最近都開咗好多新餐廳，作為荃灣人嘅我，梗係會來覓食呀，記得同事推介，話鍾意食蕃茄湯/麻辣湯米線及瑞士汁雞髀就肯定要幫襯蕃茄18，咁今日就一於入來試一試啦！入到去，侍應俾咗個窗口位我，坐得舒服，隨即奉上暖水一杯，好貼心。瑞士汁雞髀選用頭抽瑞士汁豉油，再加八角、桂皮等多種香料調校而成，甜到適中，有陣陣香料味，層次豐富。雞髀近骨的位置略為切開，令雞肉更易吸收瑞士汁的味道。頭抽瑞士汁雞髀肉質嫩滑，肉汁豐富，絕非一般！朋友叫咗個藥膳雞湯米線，湯底濃郁，用料紮實，眼見到嘅藥材有沙參、玉竹、圓肉、淮山、杞子⋯⋯淨係睇吓都覺得好養生啦，何況仲要食埋落肚！水煮豚肉米線轉薯粉，好大碗，香香辣辣，薯粉煙靭，豚肉爽滑，最啱鍾意食辣辣辣嘅你，食完好滿足。特飲菠蘿冰，第一次見有得嗌走甜，最適合食完肥膩嘢之後飲，佢真係用新鮮菠蘿整嘅，飲完即刻消滯！大壩街咁多特色小店，唔係有返兩度散手啊，又點可能屹立於此！