百份百餐廳 (黃埔天地家居庭)

營業中

休息中

港人至愛，當然是充滿地道特色的港式餐廳吧！犀飛利銀芽肉絲炒麵香脆炒麵以手工堆砌成小山上桌，芽菜、甘筍絲、雜菌及肉絲做成的特製醬汁另上，隨顧客口味逐少或一次過自行淋上炒麵上，體貼不同喜好且玩味十足。鴛鴦焗豬扒飯白汁配蕃茄汁加上兩大塊豬扒，黃金炒飯底，即叫即焗，需等候10分鐘，不難成為本店的招牌菜

近期少外食，放寛 限聚令後，市面明顯人多了，約定老友 早餐聚，雖然住得近但真正見面時間實在不多，香港人吖嘛！今早百分百早餐，七點到 第一組客人，入店前 消毒手、檢查體温做到足。座位全部加上隔板，跟足政府要求。早餐有多款選擇我們點選～茄香肉碎通心粉 $30～野菌鮮奶炒蛋 $34包括餐飲味道方面中規中矩 大眾化口味，實而不華 價錢亦合理。時近上午八點 已經高朋滿座，我哋亦離座 趕上班去，餐廳只收現金 或 八達通付款，不接受信用卡。

最近去咗黃埔返幾日工 係黃埔天地最近都係得啲集團性嘅野 今次我揀咗平平地嘅百分百 因為有下午茶餐就抵食啲係疫情下有塊板隔住啲位 而餐具都用咗一次性膠袋裝住我今次就叫咗個番茄焗豬扒飯 配熱奶茶$41 😋個飯都夠多芝士係面 好好食 😋😋😋😋😋豬扒唔會話好硬 都唔錯😋但係最大問題就係個飯食到底 就好油 啲飯就好似比啲油包圍曬😒😒我都唔係好感食落去 因為真係太油 🤨🤨百份百嘅奶茶係我最鍾意我覺得好飲過其他集團嘅奶茶　 　

百分百 特快外賣蝦人抄燒炒蛋飯有一晚 八點幾經過嚟呢度叫外賣 見到有好多人等 叫咗之後先發現大鑊了 因為聽到其他人話等咗成半個鐘， 佢有個 餐牌叫做特快外賣， 不過都係等咗半個鐘。喺呢半個鐘入面 ，好彩我最近睇緊一個小說叫做挪威的森林，於是我喺餐廳度繼續睇住先。 最後返到屋企食呢個飯， 淋上甜豉油， 效果不錯，份量又夠味道都好味。

好耐冇食百份百，今日再度回歸，以前成日食佢嘅肉絲炒麵，今日跟風，跟同事齊齊食麻辣四寶米線，下單時唔記得叫小辣，碗麵一上台先醒起，頂硬上食勁麻辣麵，邊食邊飲野解辣，好鍾意食佢個炸腐皮魚蛋，夠晒胞口，整體辣得過癮，下次再食一定要叫小辣

早餐叫了一份芝士火腿三文治， 食落去感覺 好似食緊麵包咁， 所以打開三文治看看。 裏面有一塊很細的芝士 和一片一塊都唔夠 既火腿。 飲品都尚算大杯， 但係點解 三文治 的材料那麼少？ 30蚊一個早餐喎， 公司唔使咁慳呀 !!

今天去红磡找朋友，因为早到，所以先吃个简单早餐。因差不多每天都去大xx和麦xx，凑巧给我遇到店。看到这店是时吓了一惊，因很少连锁快餐店需要排那么长的队。我们兩人各点了个炒旦早餐。和其他茶餐厅一样，套餐也附设一條肠；通心粉和吐司。那蘑菇炒蛋真是很嫩滑，炒的过程应该加了鲜牛奶，加上蘑菇在加热后变得很香，混上炒蛋真是天作之合。吐司方面，當吃上第一口仸知道厨房是很认真做菜和非常留意细节。牛油给你涂得非常均匀。麵包也鬆脆，这一定是在烤炉很热的时候马上将麵包放下，否则没有这口感和层次。雖是一间连锁茶餐厅的标准出品，但感觉很到位

今晚大家都好懶, 飯又唔想煮, 又唔想落街食, 最後決定買外賣返屋企食算數! 早前食過"百份百" 嘅楊洲炒飯, 老公覺得幾好味, 就話今晚就食多次啦不如~ 咁我就叫咗"口水雞套餐", 外賣可以先打過去落order, 之後再過去攞! 所以實在係懶人之選~由打電話, 換好衫, 落去舖話攞埋返屋企都只係用咗15分鐘就有得食啦~ 老公嘅楊洲炒飯.... 佢話冇上次好食喎, 只係叫做OK. 而我嘅口水雞都幾辣下, 有青瓜同木耳做拌菜, 我就覺得唔錯啦, 跟餐仲有埋湯添!

▪️ 野菌鮮奶滑炒蛋 配輕量火腿絲濃湯通粉 蒜香牛油多士 💲34 (早餐)大半年前呢間連鎖茶餐廳分店啱開既時候，水準唔錯幾有驚喜嗰排成為左我既飯堂之一，但係如我所料，做耐左就越黎越退步😭之前個野菌鮮奶滑炒蛋係滑身勁多蛋汁，但係依家成日都係整到偏熟已經無咁滑了🍳蒜香牛油多士只係輕輕烘過，邊位食落會帶韌而非脆身🍞冇曬通粉嘅關係，變左輕量火腿絲濃湯米粉，不過湯底係無咁濃郁既忌廉湯了😣仲要食食下隔離檯突然大叫，原來係牆上有隻超巨型小強🤦🏻‍♀️🔎 整體評分（6.5/10）

黃埔百份百生意好，是因為同區的茶餐廳競爭不太大罷了。他們的食物質素可以，不過服務態度不佳，如果再不正視問題，長遠來說，恐怕會影響品牌。他們漏單、錯單經常發生，就算禮貌地告訴侍應，換來的不是「對唔住」三個字，而是「好小事姐」；尤其是那個好似係主任級的男仔，他的態度和辦事能力真差，唔明點解會是主任，那麼其他侍應豈不更惡劣？有個紮起馬尾的中年女人，負責收錢，也會下單，她經常黑面，仲試過擲單，什麼教養呀！

唔知食咩又費事等位首選就係佢一到已經有位個侍應仲好有禮貌咁話有位揀 鍾意坐邊都得餐牌好多選擇今次食 清新湯飯系列杞子紅棗雞湯藜麥飯勁大份!!!第一眼有少少嚇親賣相...同餐牌有出入 (啲湯見到曬雞油浮面)雖然我都冇要求架啦佢真係有紅棗 杞子同龍眼 (當然唔多 2粒咁)而且個湯有聞到少少藥材味但係可能佢同時加咗好多味精 令個湯底超級鹹... 飲咗幾啖味覺已經冇咗 用黎撈飯好少少但都少食為妙😶至於雞...多就多不過多數骨同皮...肉嘅部分得幾舊🙁唯一好可能係娃娃菜多 感覺上健康啲依個真係麻麻地👎🏻好鹹好鹹我今日肚仔餓同唔想浪費先掃曬成個餐下次一定唔食依個😭

食咗都有10次以上，每次都係食到一團火！食物茶餐廳嚟講算ok嘅，但服務真係好差！明知係茶餐廳都已經唔要有咩服務！每次點餐啲服務員都唔會應人，錯單漏單sorry都冇句！仲要追幾次都追唔到個餐！追到個餐，點知啲食物係凍嘅！埋單仲衰，想聽句唔該多謝唔好妄想！餐廳人多好嘈，我比八達通聽唔到嘟一聲，唔知比咗錢未，問吓個收銀男(疑似經理) , 睬都唔睬，答都唔答。激死！其實每次問佢嘢或者落單佢都唔應人㗎喇🙄🙄

以為星期日出黎食飯應該要等位佢都滿嘅 但好在好快就有位都好多選擇揀搞到我有啲選擇困難🙈最後揀咗米線!我個人唔係特別好米線 因為細個食過1次(唔係百份百)覺得唔好食之後就一直冇再食過今日興起想試吓個上海嫩雞煨米線依張整係見到啲餸添...不過啲餸都好豐富架有白菜仔、蕃茄、細磨菇仔同嫩滑嘅雞肉😋補返張見到米線嘅相先!米線好講求麵質佢依隻就好食又彈牙又滑👍🏻仲要都幾多吓好飽飽唯一係湯底濃味咗啲 鹹咗啲不過佢令我對米線有返好感😋其實百份百真係幾抵食4個人每人一set 都係$290(雖然得2杯飲品但係有個餐湯 仲散叫咗碟菜)

黃埔有很多茶餐廳，不過這間都算是裝修整潔的，坐得舒服～～我們2人點了羊腩煲，還加了一些配菜！羊腩煲味道不錯，係覺得煮得不夠淋，而且份量略少，比起餐牌上的圖片較少。。。我建議2人食要加2-3個配菜再加白飯，才夠食了。

今日年三十晚，同媽咪辦年貨之前首先要醫肚先。媽咪提議去家居庭入面既百份百，之前我地都食過覺得唔錯所以就ok， let’s go🥳🥳上次食過佢哋嘅海南雞飯都幾好食，但今日想食啲有汁嘅，所以就叫左佢哋嘅紅白鴛鴦焗飯-鮮茄豬扒拼白汁雞扒。媽咪就叫左豬扒番茄濃湯意粉拼腸仔。紅白鴛鴦焗飯-鮮茄豬扒拼白汁雞扒賣相幾好，值得一讚嘅係佢嘅豬扒同雞扒都已經切好，十分細心💕。個人比較喜歡白汁雞扒因為有好香濃嘅芝士味，蕃茄也不俗，但略嫌太酸。望落去份量唔大，但係其實我都低估左佢嘅份量，食唔晒啲飯😂😂豬扒番茄濃湯意粉拼腸仔- 望落去番茄湯唔係好濃，但媽咪食落覺得味道都幾好價錢比起平時嘅茶餐廳或冰室較貴但食物質素唔錯所以都好推介俾大家！