百份百餐廳 (鯉魚門廣場)

營業中

休息中

晚上同朋友去百份百餐廳食飯，拎咗飛，好快叫入座，餐廳得六成滿，眼看仲有好幾張空既4人同2人枱，侍應係要比近門口嘅2人枱，比我地2人，問佢可否轉4人枱，就講4人枱，要比4人坐，但明明都無客入，而且都將近8點啦，仲有好多張空嘅4人枱，唔係得1張嘛😑如果唔係朋友話好肚餓，話算數，真係諗住走人，朋友叫咗個揚州炒飯，因為肚餓，諗住快食到，而我就叫咗個鐵板巨人厚切豬扒拼脆皮芝士腸($88)，因為好耐無食扒餐，個餐可以揀蒜蓉汁或者黑椒汁，配脆脆薯條、白飯或者意粉，連野飲，我揀咗蒜蓉汁，要意粉同飲熱朱古力豬扒食落唔柴口，配蒜蓉汁好惹味，好食😋，脆皮芝士腸同脆脆薯條嘅味道都👌、意粉就無嘜汁，唔夠味，朱古力夠濃，好飲😋，可惜2人枱，張枱太細，佢個扒餐同意粉又分開上，碟又唔係細，每食唔樣野都要搬來搬去先食到😖，好彩朋友沒叫扒餐， 唔係都唔知張枱點放朋友就話佢嘅揚州炒飯普普通通整體來講：食物👌，環境一般，枱與枱之有點迫，服務就有待改善，4人枱就一定4人先坐得，都唔睇吓咩時間，當我同朋友點完餐，個餐都未上，我隔離張4人空枱，居然就咁比1個人坐😡，大家前後入嘅時間相差唔夠20分鐘，而且想要杯水，舉隻手幾分鐘，都無

未試過呢處食下午茶，入嚟俾枱面廣告吸引到… 魚肉春卷同埋香脆牛奶卷，真係難以抉擇… 最終都係揀咗魚肉春卷，點知嚟到竟然圖片與實物相差好遠… 我仲以為自己篤錯咗魚肉卷。外層沒有春卷的脆口，簡直係淋😑 其實一望都知… 味道正常魚蛋味。另外點咗份星洲炒貴刁，味道一般… 唔辣，要自己另外落辣椒醬調味😑。份量不能有期望… 始終都係下午茶，預料之中。服務方面，正常冷漠… 始終係自助掃code點餐。部份員工尚算有耐心幫助老人家落單。

垃圾！執過餐都執唔切，返到屋企先發現西多士冇醬打電話問佢，佢第一下竟然係笑，然後話下次俾返我，鬼唔知下次要有呀，我傻嘅先會再信你，搞到要行返廿分鐘上去拎次次去親都冇好嘢，上次等咗40分鐘都未有餐，今次又執漏嘢，服務垃圾

這間餐廳的霸王雞顯然沒有達到預期的水平。，面用d 蔥遮住晒，一打開，有驚無喜，全都係雞皮同骨，7十幾蚊，而價格卻偏高。真係多謝晒食材的比例失衡,肉質較少,反而多了一些雞皮和骨頭,作為消費者,我們當然希望能夠得到物有所值的體驗。這間餐廳似乎在質量控制和定價上需要作出改善,才能真正令顧客滿意。希望他們能夠重視顧客的反饋,提升產品和服務質素。畢竟,良好的商業操守和顧客利益應該是並重的。購買這款菜式的人好好考慮

位於鯉魚門廣場，以前銀龍舖頭銀龍執咗之後，佢哋都係做茶餐廳，連鎖分店餐廳職員服務態度都幾長期都排隊嘅，大家可以預留時間早啲嚟？ 早餐嚟講呢就好抵食嘅，價錢都幾平，三十零蚊左右就有個餐，不過就味道一般啦，唔係話好好食，都唔係話難食，份量夠大碟，遲性價比今日過咗嚟試吓佢哋嘅午餐呢個咖喱飯都唔錯 👍🏻 微辣之餘，佢嗰個汁都幾惹味肉量正常，肉質咬口可以，唔差既，配白飯撈埋一齊，好味😋肉餅就一般般，肉餅嘅脂肪量唔夠，所以比較嚡身，同埋整嘅時間比較耐，火候掌握得唔係咁好整體都OK嘅

點解連咁基本嘅早餐都可以做到咁難食我個囡食左兩啖 都唔食 我本身食炸菜肉絲 已經想講粗口 咁就試埋阿囡個沙嗲牛麵首先沙嗲牛肉麵 麵質地係Ok 嘅 但無啦啦加啲白菜入去做咩呢？ 玩健康？味道就淡到呢 好似沙嗲牛沖過水嘅 有淡淡嘅沙嗲牛味嘅牛 個湯底真係好健康 好淡 完全無沙嗲牛味跟住炸菜肉絲米啲炸菜又係焯過水咁 又係無味嘅 連炸菜入面都無味 唔止咁 個湯底失敗到 完全無炸菜應有個陣味呢間係咪主打健康？所以咩都無味？30幾年人 第一次食到咁嘅沙嗲牛麵同炸菜米

呢個世代啲嘢咁貴，呢一間餐廳都叫做有良心，啲碟頭咁大，質素唔錯，如果我係住呢度附近，應該都會成日過嚟幫襯。我入座嘅時候係星期六嚟嘅，都見到成間餐廳滿座，但係都唔使等位嘅，因為間嘢都好多位。我個早餐好似係$38，係我圖中咁大嘅蛋治，而且佢整得好得意，係中間再夾多一層麵包，一食落去個蛋好香牛奶味，我但好好食，不過最好係飛邊，但手機落單無呢個chocie。呢個餐仲有個無糖鮮奶麥皮，好大兜，感覺上唔夠多麥皮，好浠，所以要改善嘅話應該落多啲麥皮，落少啲水，同埋加啲煉奶。同埋唔洗咁大兜，細細兜好食啲仲好。杯熱奶茶都好飲！

【134】用家自費分享！Walk in 唔使等，八成滿。7️⃣0️⃣CP值，上次試完下午茶，覺得很好，今次試下晚餐。2024/03/18/一/18:00，平日晚餐時段，二人埋單免加一共$150，平均每人$75。依舊招呼有禮，落單快上餐快，小菜味道一般。6️⃣0️⃣晚餐蝦醬時菜炒牛肉跟1碗飯$78，正常菜心炒牛内，菜有小小老，無蝦醬味，份量偏小。7️⃣0️⃣午餐酸菜魚湯飯$66，味道唔錯，有小小辣，魚量偏小。7️⃣5️⃣跟餐加$3，新鮮冷壓檸檬茶，唔太甜，有檸味，個人喜歡。

午飯時間最好就茶餐廳搵食，中餐西餐任君選擇。今日嚟呢間分店非常多，品質亦好好。今日我叫咗個鹹蛋肉餅飯$60，肉質嫩滑肥瘦比例均勻，加上鹹蛋黃嘅鹹香，送白飯一流，配埋餐飲凍奶茶，滿足😋

【126】用家自費分享！Walk in 唔使等， 九成滿。8️⃣0️⃣CP值，2023/12/28/四/15:19，平日下午茶時段，二人埋單免加一共$84，平均每人$42。店在商場內，好易揾，新開的，裝修新淨，企理乾淨，坐得都算舒服，招呼友善，落單快，但感覺唔熟手，也可QR code落單，上菜都算快，食物好味，有機會試下其他嘢。8️⃣0️⃣吉列魚柳配薯條$38，魚柳又脆又大塊，好味。8️⃣0️⃣五香雞翼3隻配金條西多$39，雞翼脆邊，好味。厚西多都好味。7️⃣0️⃣跟餐另加$3凍新鮮冷壓檸檬茶，唔錯。7️⃣5️⃣跟餐另加$ 3凍咖啡，啡味濃，唔錯。

本身有fd係到食緊未截單 9點28分入嚟 佢同我講撘半前叫 我話冇問題 坐低已經即刻叫 ， fd 都諗住再加嘢飲 個人叫我等等先 行到埋嚟已經32分叫完佢話冇啦喎邊個話可以落 （語氣都幾唔耐煩）做唔到啦 咁算啦 我自己都好抆水入嚟 我fd 加嘢飲都唔得 完全冇同佢哋講截單問有冇嘢要加 本身fd啲餸都未到齊 最後一個到齊問個吖姐可唔可以加單又話可以 問要咩 第二個行埋嚟又話唔得 黑人問號？？？

每逢六日已經人多，成日都有客嘈已經開咗咁耐，今次叫外賣等左45 分鐘。等完D食物仲要凍。如果做唔到就唔好做，越做越差。垃圾一樣，其實應該要抵制下呢間鋪。基本上負評多過正評

夜晚7點半，同朋友去咗呢間嘢食，等位好快嘅，入到去坐咗一陣就有張飛自己嗌嘢食。我嗌咗個，沙嗲金菇粉絲肥牛煲，我等咗成10分鐘心諗一個煲都唔使咁耐呀嘛，咁再等落去，等咗成20幾分鐘嗰陣就叫過一次，諗住未整嘅話我想退咗佢，個侍應講整緊啦整緊啦再等多陣，等到八點終於嚟。又話沙嗲，又話辣，到咗碗嘢變咗甜嘅，仲要成碗湯麵咁。服務態度係好嘅，但係啲嘢食唔係幾好囉同埋好貴，唔係特別好食。

在網上落單都要等成個鐘頭先可取，搵職員，冇人理。去到門市，問職員，佢哋話只可以等。等了又等，等咗足足一個鐘。份單先出。同職員了解情況問佢點可以快啲，佢話現在應該最快。

終於一試油塘新店好開心可以多個選擇枝竹牛腩煲睇個樣就知道唔係好掂啦牛腩好碎，枝竹得兩小塊有啲好唔夾嘅青紅椒🌶️冬菇配料完全係冇收汁求其打個濃芡味道唔好👎🏻質感唔好👎🏻睇個樣請問大家睇到睇得出係乜？...佢竟然係中式牛柳我仲以為係豬扒添😂汁個味道奇怪、啲肉唔使講啦睇到知唔掂啦⋯⋯一次 就夠喇又冇喇👎🏻油塘真係冇乜嘢食㗎喇😮‍💨