影片
港鐵長沙灣站 C2 出口, 步行約7分鐘
繼續閱讀
營業時間
星期一至日
07:00 - 23:00
以上資料只供參考, 請與餐廳確認詳情
好耐都冇嚟過長沙灣，今次會來都係因為過嚟探親戚，順道飲茶，估唔到呢間酒樓可以咁平，雖然唔係話好高質素，但都算係可以過下口癮同埋都算抵食嘅最平嘅點心$8.8就已經有，其餘基本上唔超過$17，依家出面飲茶小點都要$17啦，所以我都幾驚訝因為人多所以前後都叫咗好多款點心，我將我最欣賞嘅就係沙律海鮮棧，三個盞非常足料先$13.8，仲真係幾多生果仲有隻蝦添，味道好夾二另外我都覺得好好食嘅就係香芋綠茶餅，我平時就唔鍾意食香芋嘅，但係我覺得依度嘅香芋都唔錯，我都接受到。香芋好軟綿綿好結，但冇乜芋頭味（所以我先唔討厭），而綠茶外皮煎得好脆，外脆內軟口感唔錯！
繼續閱讀
想受傷氣就選呢間啦，一大早想同人吵架就黎呢間啦，啲嘢遲上，成個鐘都唔上去埋單就話你啲嘢未上齊要你等啲嘢上齊先埋單加陣唔食埋單都唔比我先落左5樣嘢都等一個鐘都未黎中間催幾次冇人理你㗎對啲老人家都幾死咁熱心幫人地帶位幫人地霸位我地去到同佢講，冇一個人帶我地，唔緊要有手有腳自己搵位點知⋯⋯搵到位就有啊姐沖埋黎跟著話有人㗎啦，然後比遲過我地嘅推住輪椅嘅入位仲大大聲喝我地「果邊有位去啦！」聲大夾惡，意思我地唔應該自己搵位？咁搵到又唔比坐真係人都癲。
繼續閱讀
好耐無食過點心啦，今日經過呢條街見到有間酒樓望入去店都幾乾淨早上大多都是老人家！店員姐姐帶了我坐在一角早茶芥都只係$6咋！咸魚肉餅飯呢個飯咸度剛好...所以可以唔使落豉油咸魚少少乾，肉餅有咬口，飯粒香口潮洲粉果三粒, 蒸粉果就皮厚！反而食落煙煙韌韌咁但是中間饀靚又夠大隻。蘿蔔糕煎得夠脆。蘿蔔好夠多一啲都唔吝嗇，好香腸粉既皮蒸得好夠米香 入面既叉燒好多，打碎哂但po得平均。鼓油甜咸度調得好好既埋單連加一，六十元有找咁又唔係貴，應該可以接受的！
繼續閱讀
朋友生日想食圍菜，找了幾間，以這間最合心水，不僅有梗房，而且提供埋卡拉ok，開飯前食飽後自娛一番，不錯哩！另外，可將12人的菜單加多2位，彈性處理。餸菜份量十足，絕對夠食，大家不用禮讓，味道也不錯，比預期中好。如果星期一至五幫襯，仲可慳番300蚊添。
繼續閱讀
上次讚賞此店的紫米脆網蝦卷（只是大點，性價比高），今日品評其餘三大天皇。紫薯煎堆仔在上文已介紹，今日再試，只是有餘溫，比上次失色。細看外皮嫌厚，個子則很大，稍細更佳，可減飽腹感。我推薦的是奶皇茘枝球。很有特色的茘枝入饌點心。外皮亦是嫌厚，熱度剛可入口。有糖心感覺。餡料呈流沙，是奶皇和茘皮蓉的結晶。稍甜，是很有創意的茶饌。墊底的薄脆則不脆，根本無讓食客進食的誠意。第四大天皇是椒鹽九肚魚。我主觀觀察，此店炸點較出色。椒鹽九肚魚是佳作，只嫌尺碼稍細，亦有好處，不會有飽滯，肥膩感覺。調味粉灑得好，咸，辛辣度適中，炸粉不厚。其他炸點如蘿蔔絲，雲吞均佳。蒸點只可說香芋鴨腳紮夠懷舊，別處少有。藥膳燉鳳爪有火喉，有中藥的香味，亦有自家的調配特色。此店能把開張不久的「舊店」「結束」，改店名，提升品質，令街坊士別三日，刮目相看。該讚！
繼續閱讀