影片
港鐵觀塘站 B2 出口, 步行約5分鐘
繼續閱讀
電話號碼
31889697
營業時間
今日營業
11:00 - 18:00
星期一至六
11:00 - 18:00
星期日
全日休息
公眾假期
全日休息
以上資料只供參考, 請與餐廳確認詳情
「食物啲美味」不在於價值，餐廳的地區和餐廳的類型！今日我在觀塘的工廈裏的「皇后冰室」品嚐到一個即點即焗，很美味的「焗豬扒飯」，雖然唔係啲咩貴價食物，但看得出餐廳無論食材和處理方法都好用心！小店仲提供好多唔同類型套餐，午市只係由 $59起，已經包括主食、餐湯和飲品，另外再加$12就可以品嚐到一款精緻嘅頭盤，例如「老香港瑞士雞翼」、「即磨薯蓉焗法國田螺」、「招牌自家製芒果布丁」，真係非常抵食👍▪️鮮茄焗豬扒配珍珠米飯 $ 68前文已經提及我有多喜歡，焗豬扒飯用上珍珠米，即點即焗，上枱熱辣辣，珍珠米飯煙靭軟熟，豬扒厚薄，適中半肥瘦，入口軟腍腍又帶一點咬口，鮮茄醬汁更配上溶化咗嘅芝士，伴上米飯真係好好食！✨羅宋湯｜餐湯亦絕不馬虎，湯頭濃郁到不得了，用上大量牛腩牛骨、蕃茄、紅蘿蔔、西芹等食材熬製，唔好飲嘅我一滴都唔會飲，這一碗我數清光🫶✨齋啡在這餐廳飲到即磨咖啡，我已經心滿意足，很多都是苦到喊的齋啡🤣▪️酥炸美國空運薯角 $ 15頭盤方面每樣都係只需要加十幾蚊就食到，我係薯仔控，就揀咗即炸薯角，外酥脆內軟腍，好食就係咁簡單！
繼續閱讀
今日tea time去左觀塘樓上搵野食，去左迅達工業大廈二樓嘅皇后冰室。大廈都乾淨企理，4點幾5點都有食客，餐牌都幾多選擇。 焗飯，扒餐都有，價錢都幾抵。我就叫左 美國費城烤西冷配野菌燒汁，配薯菜。+$4 羅宋湯羅宋湯味道適中，唔會太濃，有肉粒同菜，飲落開胃舒服。美國費城烤西冷配野菌燒汁，配薯菜。上碟都幾靚，我叫左七成熟，份量都唔細。西冷帶少少筋，切起上黎都唔會覺得太韌，咬落都有肉汁，帶筋幾有咬口，牛味都ok。 野菌燒汁煮得幾好，有粒粒菇，聞落幾香，汁唔會太重味，質地都啱啱好。薯角大大件，做到外脆內軟，炸起熱辣辣。雜菜有粟米，西蘭花，甘荀仔等，味道正常。飲品叫左杯 熱奶茶少奶。奶茶香濃幼滑，沖得唔錯。下午茶 仲有餐加配小食，我就+ $12 配芒果布甸。食得出自家製，芒果肉超多，布甸唔會太甜，好食！近近地又多野食，坐得都好舒服，係打工仔好選擇！
繼續閱讀
皇后冰室今日推介喺觀塘迅達工業大廈入面一間開咗三個月嘅人氣抵食冰室叫「皇后冰室」，下午茶時段入到去仲有好多人坐喺度食，店員同我講頭先中午係要排隊添，好利害！👍👍👍輪椅人士嚟呢棟工廈都好方便，冰室入面都算闊落，唯一唔好就係枱底太厚，差少少撞爆自己「菠蘿蓋」！🤦🏻♂️🤦🏻♂️🤦🏻♂️1.鐵板紐西蘭西冷配洋蔥圈$88+凍香滑奶茶$3+招牌自家製芒果布甸$12（9.5/10）呢個鐵板紐西蘭西冷牛扒叫咗五成熟，可能放喺鐵板又掛住影相，有少少過熟好彩唔影響口感，牛扒嫩滑，都算有牛味，仲有其他配菜包括西蘭花紅蘿蔔粒、粟米粒同洋蔥圈！香滑奶茶只係加$3，一個下午茶餐仲可以加多一個小食，我就叫咗加$12一個招牌自家製芒果布甸，呢個招牌自家製芒果布甸真係要必食，入面勁多芒果果肉，布甸就好滑，芒果味濃，店員同我講係老闆親手整，大家嚟到「皇后冰室」真係要試下啦！2.香煎自家漢堡扒配黑椒汁 跟飯$45+凍檸茶$3+老香港瑞士雞翼$18（9/10）呢個香煎自家漢堡扒肉質唔鞋，個漢堡扒一共有3舊，黑椒汁如果黑椒味再重d就更好，飯個口感似珍珠米，好好味！凍檸茶只係加$3，小食就叫咗老香港瑞士雞翼，瑞士雞翼如果濃味多少少就更好，一共有3隻瑞士雞翼！2人總共價錢$169個人口味總評分：9.25/10 地址：觀塘巧明街114號迅達工業大廈2樓B室Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#皇后冰室 #觀塘好去處 #觀塘美食 #觀塘 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
臨近年尾放假同同事一齊買食物返公司歡送下。我就揀咗呢間皇後冰室之前食過覺得食物有質素。呢到嘅午餐都好實惠，包咗餐湯同甜品。我就點左以下幾款食物：香煎自家漢堡扒呢個漢堡扒真係好味道，肉質食落夠嫩juicy，唔會鞋口，自家製比出面買嘅食到嘅更有口感，好味道！而且佢午餐份量都好多，有成三大塊又夠厚，啖啖肉好滋味。煙肉蘑菇炒意粉配芝士忌廉汁經典又好味，意粉（唔會太淋，岩岩好）掛滿creamy香濃芝士忌廉汁，加埋炒香左嘅煙肉蘑菇，香口好味道。係西餐廳嘅水平。香煎魚柳伴蘑菇忌廉汁魚柳份量好多亦好食，煎香後配搭蘑菇忌廉汁，惹味又夠香！呢度嘅午餐仲有得揀配飯，意粉，薯菜，可以選擇岩自己口味嘅組合！佢嘅餐湯都唔馬虎，羅宋湯味道非常濃郁，又多材料；南瓜湯夠creamy細滑，味道亦濃。牆身滿滿都係店主嘅介紹，食後都發現食物係用心之作，之後要多d試下！
繼續閱讀
除夕我哋都放假，我地去觀塘行街覓食去咗一個大廈嘅2樓，在呢間冰室午餐：皇后冰室😊佢哋應該開張不久，街上面有派發傳單，所以吸引咗我哋去，攞咗傳單仲有啲優惠添😊內部裝修幾靚，保留住傳統冰室嘅感覺，有港式西餐風情，燈光都暗暗地有格調，播放英文歌曲，都聽到水吧廚房整嘢食飲品嘅聲音，成個環境氣氛都好唔錯😊我哋點左$68 鮮茄焗豬扒飯 + 羅宋湯 + 熱奶茶$89 雜錦肉扒黑椒汁 + 忌廉湯 + $9 紅豆冰 + $18 薯蓉焗田螺羅宋湯配菜都幾多，酸酸甜甜，係個好好嘅餐前暖胃湯白湯都幾creamy薯蓉焗田螺係好好嘅配合，田螺都幾彈牙，薯蓉粉軟豬扒味道不錯，肉質幾好雜錦扒份量好多，雞扒煎得好香口，有肉汁，豬扒亦都唔錯，黑椒汁幾香。意粉軟硬度適中紅豆冰嘅豆好綿密熱奶茶茶底好香，好滑口凍凍地嘅天氣，嚟到冰室食一個熱熱午餐，感覺好溫暖😊開心嘅午餐
繼續閱讀